Məlumat bülleteni

11. Paşayev, A. Cümhuriyyət parlamentinə gedən yol. – Bakı, Adiloğlu, 2005.- 88 s.

Ataxan Pasayev – Wikipedia

Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz.

Ataxan Əvəz oğlu Paşayev ( 1 may 1938 , Disər , Ordubad rayonu – 4 avqust 2022 ) — Azərbaycan tarixçisi, əməkdar mədəniyyət işçisi, tarix elmləri doktoru, professor, Azərbaycan Respublikası Milli Arxiv İdarəsinin rəisi.

Azərbaycan Respublikası Nazirlər Kabineti yanında Baş Arxiv İdarəsinin rəisi
Azərbaycan SSR Nazirlər Soveti yanında Baş Arxiv İdarəsinin rəisi
Azərbaycan SSR Mərkəzi Dövlət Ədəbiyyat və İncəsənət Arxivinin direktoru

Mündəricat

Ataxan Paşayev 1938-ci ildə Naxçıvan Muxtar Sovet Sosialist Respublikasının Culfa rayonunun Başkənd kəndində anadan olub. 1963-cü ildə Azərbaycan Dövlət Universitetinin Tarix fakültəsini fərqlənmə diplomu ilə bitirib. Əmək fəaliyyətinə 1962-ci ildə Oktyabr İnqilabı və Sosialist Quruculuğu arxivində böyük elmi işçi kimi başlayıb. 1963–1965-ci illərdə Arxiv İdarəsinin baş metodisti, 1966–1982-ci illərdə Respublika Mərkəzi Dövlət Ədəbiyyat və İncəsənət Arxivinin direktoru, 1982–1984-cü illərdə Azərbaycan Dövlət Politexnik İnstitutunun baş müəllimi işləyib. 1984-cü ildən 2018-ci ilə qədər Milli Arxiv İdarəsinin rəisi olmuşdur [1] .

Fəaliyyəti

1981-ci ildə Tarix İnstitutunun İxtisaslaşdırılmış Müdafiə Şurasında dissertasiya müdafiə edərək tarix elmləri namizədi, 2008-ci ildə isə AMEA-nın A.A. Bakıxanov adına Tarix İnstitutunun Müdafiə Şurasında “XIX-XX əsrlərdə ermənilərin azərbaycanlılara qarşı törətdikləri soyqırımları və deportasiyalar” mövzusunda doktorluq dissertasiyası müdafiə edərək tarix elmləri doktoru elmi dərəcəsi alıb.

1984-cü ildən “Azərbaycan arxivi” jurnalının baş redaktorudur. 1968-ci ildə Azərbaycan Respublikası Ali Soveti Rəyasət Heyətinin fəxri fərmanı ilə təltif edilıb. Azərbaycan Respublikasının əməkdar mədəniyyət işçisidir (1981).

Beynəlxalq Arxivlər Şurasının 7-ci (1972, Moskva), 13-cü (1996, Pekin) və 14-cü (2000, Sevilya), 2004 Vyana konqreslərinin nümayəndəsi olub və bu konqreslərdə Beynəlxalq Arxivlər Şurası Baş assambleyasının üzvü seçilib.

Keçmiş SSRİ, Müstəqil Dövlətlər Birliyi habelə Türkiyə Cümhuriyyəti arxiv orqanlarının, tarix qurumlarının keçirdiyi elmi konfranslarda və simpoziumlarda Azərbaycan Respublikasını təmsil edərək, dəfələrlə elmi məruzələrlə çıxış edib. [2]

2013-cü ildə “Şöhrət” ordeni ilə təltif edilmişdir [3] .

Elmi əsərləri

• Molla Nəsrədddin. Bakı: Gənclik, 1982. 148 s.
• Köçürülmə. Bakı, “Azərnəşr”, 1995. 40 s.
• Açılmamış səhifələrin izi ilə. Bakı, “Azərbaycan”, 2001. 536 s.
• Cümhuriyyət parlamentinə gedən yol. Bakı, “Adiloğlu”, 2005. 88 s.
• “Molla Nəsrəddin” jurnalının nəşri tarixindən. Bakı, “Çaşıoğlu”, 2009. 356 s.
• Ermenilerin Azərbaycan halkına qarşı torpak iddiaları, soyqırımı və təhcirləri (XIX –XX yüzyıl). Ankara, ATİB 2011.138 s.
• Ermənilərin Azərbaycan xalqına qarşı torpaq iddiaları, soyqırımı və deportasiyalar (XIX–XX əsrlər). Bakı, “Çaşıoğlu”, 2011. 136 s.
• XIX–XX əsrlərdə ermənilərin Azərbaycan xalqına qarşı ərazi iddiaları, soyqırımları və deportasiyalar. Bakı, “Çaşıoğlu”, 2011. 328 s.
• Геноцид, депортации и территориальные претензии армян к азербайджанскому народу (XIX–XX век). Баку, “Эльм ве техсил”, 2013. 152 s.
• Ötən günlərdən. Bakı, “Elm və təhsil”, 2015. 101 s.
• Tarixi yaddaşımızın etibarlı saxlanc yeri. Bakı, “Elm və təhsil”, 2016. 380 s.

İstinadlar

1. ↑”A. Ə. Paşayevin Azərbaycan Respublikasının Milli Arxiv İdarəsinin rəisi təyin edilməsi haqqında Azərbaycan Respublikasi Prezidentinin fərmani”. 2022-01-30 tarixində arxivləşdirilib . İstifadə tarixi: 2022-01-30 .
2. ↑Azərbaycan arxivşünaslığının atlantı – 525-ci qəzet. Əsgər Rəsul. 03.05.2013
3. ↑”A.Ə.Paşayevin “Şöhrət” ordeni ilə təltif edilməsi haqqında Azərbaycan Respublikası Prezidentinin Sərəncamı”. 2022-01-30 tarixində arxivləşdirilib . İstifadə tarixi: 2022-01-30 .

Məlumat bülleteni

Azərbaycan Xalq Cümhuriyyəti haqqında məlumat verən bir çox nəşrlər vardır ki, onlar geniş oxucu kütləsinə yaxşı tanışdır. İlk müstəqil respublikamız haqqında kitablara Səbail rayon Mərkəzləşdirilmiş Kitabxana Sisteminin Mərkəzi Kitabxanasının fondunda da rast gəlmək olar. Azərbaycan Xalqının 1918-1920-ci illərdə istiqlal mübarizəsini əks etdirən məlumatlar hazırladığımız ədəbiyyat bülletenində öz ifadəsini tapmışdır.

Bülletendə hər nəşrin biblioqrafik təsviri və haqqında ətraflı məlumat verilmişdir. Bu məlumatlardan istifadə etməklə həmin kitabları kitabxanadan götürmək mümkündür.

1. Azərbaycan Milli Ensiklopediyası / Baş redaktor M.Kərimov.-Bakı, Azərbaycan Millli Ensiklopediyası Elmi Mərkəzi, 2007.-882 s.

Azərbaycan Milli Ensiklopediyasının “Azərbaycan” cildi bütövlükdə Azərbaycan Respublikasına həsr olunmuşdur. Burada Azərbaycanın dünəni ilə yanaşı, bu günü, müasir tarixi ilə bağlı müxtəlif məqalələr toplanmışdır. Ölkəmizin XX əsr taqrixinə işıq salmış Azərbaycan Xalq cümhuriyyətinin tarixi haqqında da məlumat verilir, dövlət quruculuğunun bütün mərhələlərinə nəzər salınır.

2. Azərbaycan Xalq Cümhuriyyəti Ensiklopediyası. II cilddə. C.I / Baş redaktor Y.Mahmudov.-Bakı, Lider, 2004.-440 s.

Azərbaycan Xalq Cümhuriyyəti Ensiklopediyasının I cildi Azərbaycan Xalq Cümhuriyyəti tarixinin bütün mərhələlərini əhatə edir. Azərbaycan xalqının istiqlal mübarizəsi və ictimai-fikir tarixinin ən mühüm məqamlarını işıqlandırır, XX əsrin ilk rübündə Azərbaycan azadlıq hərəkatının ən görkəmli nümayəndələrinin həyatı və fəaliyyəti haqqında məlumat verir.

3. Azərbaycan Xalq Cümhuriyyəti Ensiklopediyası. II cilddə. C.II / Baş redaktor Y.Mahmudov.-Bakı, Lider, 2005.-472 s.

Azərbaycan Xalq Cümhuriyyəti Ensiklopediyasının II cildində Cümhuriyyət tarixinin ayrı-ayrı məsələləri haqqında məlumat verilir, müstəqil dövlət yaratmaq uğrunda Azərbaycan Xalq Cümhuriyyətinin apardığı mübarizə və yürütdüyü siyasət öz əksini tapır və təhlil olunur.

4. Azərbaycan tarixi. 7 cilddə. C.5.-Bakı, Elm, 2008.-693 s.

“Azərbaycan tarixi”nin 5-ci cildinə XX yüzilliyin son dərəcə mühüm olan hadisələrin daxil olduğu tarixi proseslər işıqlandırılmışdır. Bu nəşr 1900-1920-ci illəri əhatə edir. Azərbaycan Xalq Cümhuriyyətinin qurulması ilə nəticələnən milli-azadlıq hərəkatından geniş bəhs edilir. Kitabın “VI-Azərbaycan Xalq Cümhuriyyətinin elan edilməsi”, “VII-Azərbaycanda milli dövlətçiliyin bərqərar olması”, “VIII-Azərbaycan Xalq Cümhuriyyətinin xarici siyasəti”, “XI-Azərbaycan Xalq Cümhuriyyətinin iqtisadi siyasəti”,”X-Azərbaycan Xalq Cümhuriyyətində mədəni quruculuq”, “XI-Azərbaycan Xalq Cümhuriyyətinin süqutu” fəsilləri oxucunu Şərqin ən mükəmməl müstəqil dövlət quruculuğu ilə tanış edir.

5. Aərbaycanda Demokratik Respublikası: Məqalələr toplusu.-Bakı, Azərnəşr, 1992.-191 s.

Kitaba Azərbaycan Xalq Cümhuriyyətinə dair Azərbaycan Respublikası Elmlər Akademiyasında çalışan alimlərin müxtəlif məqalələri toplanmış və bunların əsasında da həmin dövrün dolğun mənzərəsi yaranmışdır. Burada Y.Qarayev, Ə.Məirəhmədov, A.Balayev, V.Quliyev, N.Nəsibzadə, A.Rüstəmov, S.Vəliyev kimi görkəmli elm xadimlərinin adlarına rast gəlinir.

6. Azərbaycan Demokratik Respublikası: Azərbaycan hökuməti (1918-1920).-Bakı, Gənclik, 1990.-96 s.

Kitab Azərbaycan Xalq Cümhuriyyətinin yarandığı və mövcud olduğu tarixi şəraitin şahidi olmuş və həmin dövrdə yaşamış tanınmış şəxsiyyətlərin haqqında yazılmış məqalələrin əsasında hazırlanmışdır. İlk müstəqil dövlətimizin rəhbəri M.Ə.Rəsulzadə və bu hökumətin nazirləri sırasına daxil olmuş nümayəndələri-Fətəli Xan Xoyski, Nəsibbəy Yusifbəyli, Əliağa Şıxlinski, Səmədbəy Mehmandarov, Əlimərdan bəy Topçubaşov və digərləri haqqında məlumat verilir. Bu nəşrə toplanmış məqalələr 1988-1990-cı illərdə “Ədəbiyyat və incəsənət”, “Odlar yurdu” qəzetlərinin səhifələrində nəşr olunmuşdur.

7. Azərbaycan Xalq Cümhuriyyəti-90: (1918-1920): Biblioqrafiya.-Bakı, 2008.-266s.

AXC haqqında tərtib olunmuş bu biblioqrafik göstərici ADR-in yaranmasını, fəaliyyətini, süqutunu, onun ictimai-siyasi xadimlərinin həyat və fəaliyyətini əhatə edir. Göstərici 1918-2008-ci ilə qədər olan dövrü əhatə edir. Burada kitablar, dövri mətbuatda və məcmuələrdə çıxan məqalələr, avtoreferatlar toplanmışdır.

8. Aşırlı, A. Cümhuriyyət dövrü mətbuatında Qafqaz İslam Ordusu.-Bakı, Nurlan, 2007.-185 səh.

Kitab 1918-1920-ci illərdə xalqımızın istiqlal tarixində mühüm rol oynamış, Azərbaycanı dövlət müstəqilliyinə qovuşdurmuş Qafqaz İslam Ordusundan, onun hərb meydanında göstərdiyi fədakar xidmətdən söhbət açır. Qafqaz İslam Ordusu haqqında ideoloji-siyasi yanaşmalar həmin dövrün mətbuat səhifələrində öz əksini tapmış məqalələrin bir qismi bu nəşrdə toplanmış və onların ətraflı izahı verilmişdir.

9. Baykara, H. Azərbaycan istiqlal mübarizəsi tarixi. – Bakı, Azərnəşr, 1992.-276 s.

Kitab müstəqil Azərbaycan Xalq Cümhuriyyəti dövründən bəhs edir. Burada Cümhuriyyətin yarandığı ərəfədəki ictimai-siyasi şərait təhlil edilir, Azərbaycan oxucusuna qaranlıq qalan bəzi məsələlərə aydınlıq gətirilir.

10. Nəzirli, Ş. 1920-ci ildə Qarabağ döyüşləri.-Bakı, 2009.-480 səh.

Yazıçı-publisist Şəmistan Nəzirlinin bu kitabında general Murad Gəray bəy Tlexas, general Həbib bəy Səlimov, general-leytenant Məmməd bəy Sulkeviç, general Hüseyn xan Naxçıvanski və digərlərindən söhbət açılıb, o cümlədən Azərbaycan sərkərdələrinin Port-Artur, Birinci dünya müharibəsi və 1920-ci illərin mart ayında daşnaq ermənilərinə qarşı aparılan ölüm-dirim döyüşləri, həmin dövrün bir sıra tarixi faktları haqqında məlumat verilib.

11. Paşayev, A. Cümhuriyyət parlamentinə gedən yol. – Bakı, Adiloğlu, 2005.- 88 s.

Milli Arxiv İdarəsinin fondunda olan Zaqafqaziya Seyminin Müsəlman Fraksiyası və Azərbaycan Milli Şurasının tarixinə dair sənədklər əsasındac”Zaqafqaziya Seymində müsəlman fraksiyası”, “Azərbaycan Cümhuriyyətinin Milli Şurasının Tiflis və Gəncə dövrü fəaliyyəti” “Azərbaycan Milli Şurasının Bakı dövrü” adlı fəsillərində Azərbaycan Tarixinin Xalq cümhuriyyəti və onun parlamentinin yaranması ərəfəsində mövcud siyasi şərait haqqında olan məlumatlar nəşrdə öz əksini tapmışdır.

12. Rəsulzadə, M. Ə. Əsərləri (1909-1914). C.2.- Bakı, Şirvannəşr, 2004.- 528 s.

Bu cildə türk dünyasıının tanınmış şəxsiyyətlərindən biri olan M.Ə.Rəsulzadənin 1909-1914-cü illərdə Tehran, İstanbul və Bakıda qələmə aldığı, dövrü mətbuatda və ayrıca kitabça halında dərc olunmuş 140-a yaxın əsəri daxil edilmişdir.

13. Həsənov, C. Azərbaycan beynəlxalq münasibətlər sistemində (1918-1920).-Bakı, Azərnəşr, 1993.-362 s.

Kitab Azərbaycan Xalq Cümhuriyyətinin 1918-1920-ci illərdə mövcud beynəlxalq münasibətlər sistemin ədaxil olması uğrunda apardığı mübarizəyə həsr olunmuşdur. Burada Türkiyə, Almaniya, İngiltərə, ABŞ, Fransa, İtaliya və İran kimi dövlətlərin Azərbaycana münasibətləri dərindən araşdırılmışdır. Birinci dünya müharibəsi, Fevral və Oktyabr inqilabları dövründə baş verən tarixi hadisələr təhlil edilmişdir.

14. Yaqublu,N. Məmməd Əmin Rəsulzadə.-Bakı, Gənclik, 1991.-306 s.

Bu kitabda Azərbaycan Xalq Cümhuriyyətinin yaradıcısı M.Ə.Rəsulzadənin həyat və fəaliyyətindən, Azərbaycanın müstəqilliyi uğrunda mübarizəsindən bəhs edilir. Burada eyni zamanda M.Ə.Rəsulzadənin müxtəlif illərdə İ.Stalinlə, S.Şaumyanla, A.Hitlerlə münasibətini əks etdirən yazılarda öz əksini tapmışdır.

Dostları ilə paylaş:

Verilənlər bazası müəlliflik hüququ ilə müdafiə olunur ©genderi.org 2023
rəhbərliyinə müraciət

Ataxan Əvəz oğlu Paşayev

Ataxan müəllimin tarixşünaslıq anlayışı ümummilli liderimiz Heydər Əliyevin tarixə və tarixçiliyə dair düşüncəsindən qidalanır: “Tarixi olduğu kimi qəbul etmək, dərk etmək və olduğu kimi qiymətləndirmək lazımdır. Tarixi təhrif etmək də olmaz, tariximizdəki qara ləkələri, qara səhifələri unutmaq da olmaz”

1 May 1938-ci ildə Culfa rayonunun Başkənd torpağında doğulmuşdur. Naxçıvan şəhər 1 №li orta məktəbini qurtardıqdan sonra Kənd Təsərrüfatı Texnikumunda təhsil almışdır. 1958-ci ildə daxil olduğu Azərbaycan Dövlət Universitetinin tarix fakültəsini 1963-cü ildə bitirmişdir.

Əmək fəaliyyətinə 1962-ci ildə hələ tələbə ikən Oktyabr İnqilabı və Sosializm quruculuğu arxivində böyük elmi işçi kimi başlayıb. 1963-1965-ci illərdə Arxiv İdarəsinin baş metodisti olub. 1966-1982-ci illərdə Respublika Mərkəzi Dövlət Ədəbiyyat və İncəsənət Arxivinin direktoru işləyib. Arxiv işi sahəsindəki mühüm xidmətlərinə görə Azərbaycan Respublikasının “Əməkdar mədəniyyət işçisi” fəxri adına layiq görülüb (1981). Tarix elmləri namizədi (1981) və tarix elmləri doktoru (2008) elmi dərəcələri alıb. Beynəlxalq Arxivlər Şurasının 7-ci (1972, Moskva), 13-cü (1996, Pekin) və 14-cü (2000, Sevilya), 2004 Vyana konqreslərinin nümayəndəsi olmuş, bu konqreslərdə Beynəlxalq Arxivlər Şurası Baş assambleyasının üzvü seçilmiş, beynəlxalq konfrans və simpoziumlarda elmi məruzələrlə çıxış etmişdir.

A.Paşayevin 31 ildir rəhbərlik etdiyi Milli Arxiv İdarəsinə bu gün bilavasitə tabe olan respublika əhəmiyyətli 6 dövlət arxivi (Azərbaycan Respublikası Dövlət Arxivi, Dövlət Tarix Arxivi, Dövlət Ədəbiyyat və İncəsənət Arxivi, Dövlət Elm və Texnika Sənədləri Arxivi, Dövlət Kino-foto Sənədləri Arxivi, Dövlət Səs Yazıları Arxivi), Dövlət arxivinin 15 filialı, Naxçıvan Muxtar Respublikasının Dövlət Arxivi, habelə 57 rayon və şəhər dövlət arxivləri fəaliyyət göstərir.

A.Paşayev Azərbaycan, rus və türk dillərində nışr edilən “Ermənilərin Azərbaycan xalqına qarşı ərazi iddiaları, soyqırımları və deportasiyalar (XIX–XX əsrlər)”,“Köçürülmə”, Açılmamış səhifələrin izi ilə”, “Tarixi həqiqətlər və erməni soyqırımları”, “Deportasiya”, “Bakıda 1918-ci il mart faciəsi”, “Şamaxı faciələri”, “Zəngəzur faciələri”, “Quba qırğınları”, “Qarabağ bölgəsində erməni vəhşilikləri”, “Erməni xisləti”, “Erməni məkri” kimi 10 monoqrafiya və kitabın, 300-ə yaxın elmi və publisistik məqalənin müəllifidir.

Elmi-pedaqoji fəaliyyətlə də məşğul olan A.Paşayev uzun illər Bakı Dövlət Universiteti və Azərbaycan Politexnik İnstitutu tələbələrinə arxivşünaslığa dair yüksək nəzəri səviyyəli mühazirələr oxumuşdur. Hal-hazırda Bakı Slavyan Universitetinin professoru olaraq gənc nəslə “Azərbaycanda arxiv işinin tarixi və təşkili” fənnindən dərs deyir. AMEA-nın A.Bakıxanov adına Tarix İnstitutu Elmi şurasının və bu İnstitut nəzdindəki Dissertasiya şurasının üzvüdür.

Azərbaycan Respublikası Milli Arxiv İdarəsi ilə Türkiyə Respublikası Dövlət Arxivləri Baş İdarəsi arasındakı sıx əməkdaşlığın və işgüzar görüşmələrin bəhrəsi olan “Azərbaycan sənədlərində erməni məsələsi (1918-1920)” irihəcmli (700 səhifəlik) sənədlər toplusunun ərsəyə gəlməsində çox mühüm xidmətləri olan A.Paşayev kitabın son dərəcə əhatəli və türk tarixçilərinin minnətdarlıq və qədirşünaslıqla qiymətləndirdikləri giriş hissəsinin də müəllifidir.

A.Paşayevin iştirakı, müqəddimə müəllifliyi və məsul redaktorluğu ilə işıq üzü görən “Azərbaycan Respublikası dövlət arxivləri: məlumat kitabı” respublikamızda arxiv işinin təşkili və onların qarşısında qoyulmuş vəzifələrin peşəkar şərhi, dövlət arxivlərinin yaranmasının yığcam tarixidir.

A.Paşayevin rəhbərlik etdiyi Milli Arxiv İdarəsi və tabeçiliyindəki Dövlət arxivləri əməkdaşlarının gerçək tariximizi, ermənilərin törətdiyi vəhşilikləri özündə əks etdirən və uzun illər onun həqiqi sahibi olan xalqdan gizli saxlanılan arxiv sənədləri və materialları əsasında hazırlayaraq nəşr etdirdikləri çoxcildli sənəd topluları respublika ictimaiyyəti tərəfindən böyük rəğbət və minnətdarlıqla qarşılanmışdır. Azərbaycan Xalq Cümhuriyyətinin 23 aylıq fəaliyyəti dövrünə aid əvəzsiz mənbə olan və böyük əksəriyyəti ilk dəfə işıq üzü görən 7 cildlik arxiv sənədləri və materialları toplusu “Azərbaycan Xalq Cümhuriyyətinin 80 illiyinin keçirilməsi haqqında “Azərbaycan Respublikasının Prezidenti Heydər Əliyevin 1998-ci il 30 yanvar tarixli Sərəncamı ilə yaradılmış Dövlət Komissiyasının qərarı ilə çap olunmuşdur. Topluda müsəlman Şərqində ilk dəfə olaraq demokratik respublika qurmaq prinsipini qarşısına məqsəd qoymuş Azərbaycan Xalq Cümhuriyyətinin (1918-1920) dövlət quruculuğu, xarici siyasət, ordu quruculuğu və başqa sahələrdə gördüyü işlər, qanunvericilik fəaliyyəti öz geniş əksini tapmışdır. Məcmuələrdə dərc olunan sənədlərin arxeoqrafik qaydalarla işlənilməsi, ona elmi-məlumat aparatının hazırlanması kimi çətin və məsuliyyətli işi A.Paşayevin özü yerinə yetirmiş, sanballı müqəddimələr yazmışdır.

A.Paşayevin “Cümhuriyyət parlamentinə gedən yol” kitabı Azərbaycan Xalq Cümhuriyyəti və onun Parlamentinin meydana gəlməsinə qədər xalqın iradəsini ifadə etmiş Zaqafqaziya Seyminin Müsəlman Fraksiyası və Azərbaycan Milli Şurasının tariximizdəki fəaliyyətini əks etdirir.

“Milli arxiv fondu haqqında” Azərbaycan Respublikası Qanununun tətbiqi və ümummilli lider Heydər Əliyevin 2002-ci il 2 dekabr tarixli 816 nömrəli “Azərbaycan Respublikasında arxiv işinin təkmillədirilməsi haqqında” Fərmanının icrası ilə əlaqədar “Milli arxiv fondunun komplektləşdirilməsi, mühafizəsi və ondan istifadə qaydaları haqqında Əsasnamə”, “Azərbaycan Respublikası dövlət arxivlərinin əsas iş qaydaları” və digər normativ-hüquqi sənədlər bilavasitə A.Paşayevin rəhbərliyi ilə işlənib hazırlanmışdır.

A.Paşayevin elmi və publisistik fəaliyyətinin önəmli bir hissəsini Azərbaycan mətbuat tarixində əvəzsiz rol oynamış, XX əsr ictimai fikir və ədəbiyyat tariximizdə yeni bir dövr açmış, klassik irsimizin dəyərli abidələrindən biri, təkcə Azərbaycanda deyil, bütün Yaxın və Orta Şərq ölkələrində siyasi satiranın ilk qaranquşu “Molla Nəsrəddin” jurnalı və onun nəşri tarixi təşkil edir. Onun arxiv sənədləri, o dövrün rəsmi və dövri mətbuat materialları əsasında qələmə aldığı “Molla Nəsrəddin”: dostları, düşmənləri” və nəşrə hazırlayıb redaktorluq etdiyi “Molla Nəsrəddin jurnalının nəşri tarixindən” adlı iki dəyərli kitabı işıq üzü görmüşdür.

Azərbaycan Respublikasının Prezidenti cənab İlham Əliyevin Ataxan Paşayevi arxiv işinin təkmilləşdirilməsində xidmətlərinə görə Şöhrət ordeni ilə təltif etməsi görkəmli tarixçi-alimin əməyinə verilmiş böyük qiymətin təzahürüdür.

More from my site

• İşıq, İtmir…
• Өзүмүзү таныйаг, милли кимлийимизи, дәйәрләримизи унутмайаг!
• Tarixi Ərəfələr, bir də, Bürclər…
• “Həqiqət” və Həqiqətlər…
• Древний Баку – один из первых очагов звездных наблюдений.
• Qəhrəman olmurlar, qəhrəman doğulurlar