İlham Əliyev: Azərbaycanıma inanıram adlı kitabının təqdimat mərasimi keçirilib

Prezidentin çox böyük rəğbətlə qarşılanan təşəbbüslərindən biri də mərkəzi icra hakimiyyəti orqanlarının rəhbərlərinin bölgələrdə keçirdikləri qəbullardır. Nazirlər, komitə sədləri və digər dövlət strukturlarının rəhbərləri yerlərdə əhali ilə görüşür, sakinlərin müraciət və təkliflərini dinləyirlər.

İlham Əliyev. Azərbaycanı inamla irəli aparan Prezident

Xalqları dünyada məşhurlaşdıran təkcə onların zəngin təbii sərvətləri və maddi mədəniyyət inciləri deyil, həm də dünya siyasətində mühüm rol oynayan fenomen şəxsiyyətləridir. Məhz belə fenomen şəxsiyyətlərin müəyyənləşdirdiyi yol hər bir millətin strateji inkişaf konsepsiyasına çevrilməklə onun dünya arenasında özünə layiqli yer tutmasını təmin edir.

Belə nadir şəxsiyyətlərdən biri, müasir müstəqil Azərbaycan dövlətinin banisi ulu öndər Heydər Əliyev güclü dövlət yaratmaqla yanaşı, özündən sonra çoxşaxəli islahatların varisliyini uğurla təmin edə biləcək peşəkar lider də yetişdirib. “Mən ona özüm qədər inanıram və gələcəyinə böyük ümidlər bəsləyirəm” deyən Heydər Əliyevin xalqımıza özünün layiqli davamçısı kimi təqdim etdiyi İlham Əliyevin 15 illik prezidentlik fəaliyyətinin qısa təhlili belə bu fikrin təxmin deyil, qəti qənaət olduğunu sübut edir. Ümummilli Liderin müəyyən etdiyi strategiyanı ötən müddətdə uğurla həyata keçirən və yeni dövrün ruhuna uyğun zənginləşdirən Prezident İlham Əliyevin ölkəyə rəhbərlik fəaliyyətini diqqətlə nəzərdən keçirdikdə onun dövrün çağırışlarına çevik reaksiya verən, yüksək erudisiyaya və idarəetmə bacarığına malik, xalqına və dövlətinə qəlbən bağlı lider olduğu bir daha təsdiqini tapır. Prezident İlham Əliyevin rəhbərlik etdiyi Azərbaycan bu gün dünyanın siyasi sistemində özünəməxsus yeri ilə seçilir. Onunla hesablaşırlar, ona hörmət və ehtiramla yanaşırlar.

Prezident İlham Əliyev yeni əsrin yeni lideri olaraq Azərbaycanı inamla irəli aparır. Onun hakimiyyət illəri ölkənin dinamik inkişafı, sürətlə modernləşməsi, dünyada nüfuz və söz sahibinə çevrilməsi ilə səciyyəvidir. Prezidentimiz mötəbər beynəlxalq təşkilatların – BMT-nin, NATO-nun, ATƏT-in kürsülərində inamlı, cəsarətli, məntiqi çıxışları ilə diqqəti cəlb edir, milli mənafeləri bütün səviyyələrdə qətiyyətlə qoruyur, müstəqil xarici siyasət yürüdür. Qlobal böhranlardan çıxış yolları axtarışında onun fikrinə, rəyinə hörmətlə yanaşılır.

Prezident İlham Əliyev düşünülmüş islahatları və müdrik qərarları ilə həyatımıza yeni nəfəs gətirib, Azərbaycanı dünyanın inkişaf edən ölkələri sırasına çıxarıb. Onun siyasətinin mərkəzində insan amili dayanır, amalı qurub-yaratmaq, xalqını daha xoş günə, daha firavan həyata qovuşdurmaqdır. Xalqa xidmət etmək, hər bir azərbaycanlının Prezidenti olmaq onun həyat fəlsəfəsidir.

AZƏRTAC Prezident İlham Əliyevin həyat və fəaliyyətinin ən mühüm məqamlarını, Azərbaycanın inkişafı naminə gördüyü misilsiz işləri əks etdirən xronikanı təqdim edir. Bu zəngin və möhtəşəm fəaliyyət Azərbaycan tarixinin ən yeni səhifələri kimi yaddaşlara yazılıb.

Son illərdə iqtisadi cəhətdən Azərbaycan qədər inkişaf edən ikinci ölkə olmayıb

Prezident İlham Əliyevin düşünülmüş və uzaqgörən siyasəti nəticəsində ölkə iqtisadiyyatı sürətli və dinamik inkişaf dövrünə qədəm qoydu.

Dünyada ən sürətli templərlə inkişaf edən Azərbaycanın iqtisadiyyatı 3,2 dəfə, qeyri-neft sektoru 2,8 dəfə, sənaye istehsalı 2,6 dəfə, kənd təsərrüfatı 1,7 dəfə artdı, qeyri-neft ixracı 4,1 dəfə çoxaldı. Azərbaycanın valyuta ehtiyatları 1,8 milyard dollardan 46 milyard dollara çatdırıldı. 2003-2018-ci illərdə ölkə iqtisadiyyatına 250 milyard dollar investisiya qoyuldu. Azərbaycan iqtisadiyyatı rəqabətqabiliyyətliliyinə görə dünya miqyasında 35-ci, ümumi infrastrukturun inkişafına görə isə 26-cı yerdə qərarlaşdı. Forumun “İnklüziv inkişaf indeksi” adlı illik hesabatında Azərbaycan inkişaf etməkdə olan 80 ölkə arasında 3-cü yerə yüksəldi. Dünya Bankı tərəfindən yayılan “Doing Business 2019” hesabatında Azərbaycan 10 ən islahatçı dövlət siyahısına daxil edilərək ən çox islahat aparan ölkə elan olundu.

Ötən müddətdə aqrar-sənaye kompleksində islahatlar genişləndi, ölkədə güclü sahibkarlar sinfi formalaşdı. Bu gün ölkə iqtisadiyyatının şaxələndirilməsi uğurla davam edir. Dövlət xətti ilə sahibkarlıq subyektlərinin investisiya layihələrinin maliyyələşdirilməsinə milyonlarla manat güzəştli kreditlər ayrılır. Aqrar sektor geniş inkişaf yoluna çıxıb və Azərbaycan indi özünün ərzaq təhlükəsizliyini təmin edən nadir ölkələrdən biridir.

İlham Əliyevin islahatları sosial həyatımıza şəffaflıq gətirdi, bürokratik maneələri aradan qaldırdı

“Şəffaflıq hər bir ölkənin gələcəyini müəyyən edən məsələdir. Çünki şəffaflıq olmadan biz heç bir islahatı apara bilmərik və nə iqtisadi, nə siyasi cəhətdən ölkə sürətlə inkişaf edə bilməz”, – deyən Prezident İlham Əliyev dövlət strukturlarının fəaliyyətinin təkmilləşdirilməsi və şəffaflığın artırılması, vətəndaşlarla dövlət strukturları arasında bürokratik maneələrin aradan qaldırılması üçün aparılan islahatlar çərçivəsində innovativ addım atdı – Prezident yanında Vətəndaşlara Xidmət və Sosial İnnovasiyalar üzrə Dövlət Agentliyini yaratdı.

Prezidentin təşəbbüsü ilə “ASAN xidmət” mərkəzləri yaradıldı, bununla da dövlət orqanlarının fəaliyyətində şəffaflığın artırılması, vətəndaşlara göstərilən xidmətlərin təkmilləşdirilməsi, daha keyfiyyətli, rahat, yeni üslubda və müasir innovasiyaları tətbiq etməklə həyata keçirilən elektron xidmətlərə keçidin sürətləndirilməsi təmin olundu. Bu mərkəzlərə 2013–2018-ci illər ərzində 24 milyona yaxın müraciət daxil olub, xidmətlərin əhali arasında bəyənilmə əmsalı 100 faizə yaxınlaşıb. Təsadüfi deyil ki, Azərbaycan brendi olan “ASAN xidmət” dünyada böyük maraq doğurub və bu təcrübə bir sıra ölkələr tərəfindən öyrənilir.

Azərbaycan dünyada müstəqil xarici siyasət yürüdən ölkə kimi tanınır

Prezident İlham Əliyevin ölkəmizin müstəqillik dayaqlarını möhkəmləndirməklə bağlı fəaliyyəti daha çox xarici siyasətdə özünü göstərdi. Xarici siyasət kursunda tarazlaşdırılmış konsepsiyaya üstünlük verən İlham Əliyevin rəhbərliyi ilə Azərbaycanın beynəlxalq nüfuzu daha da artdı. Ölkəmizin dostlarının sayı çoxaldı, bizimlə müttəfiqlik etmək istəyən ölkələrin sırasına yeniləri əlavə olundu. Azərbaycan dünyada etibarlı tərəfdaş kimi tanındı və qəbul edildi. Bunu sübut edən ən böyük amillərdən biri Azərbaycanın BMT Təhlükəsizlik Şurasının üzvü seçilməsi oldu. Müstəqillik tariximizin ən böyük nailiyyəti olan bu hadisə Azərbaycanda yürüdülən siyasətə və beynəlxalq birliyin Prezident İlham Əliyevin fəaliyyətinə verdiyi önəmin, Azərbaycana olan inam və etimadın təzahürüdür. Ölkəmiz, nəticə etibarilə, bütün regional məsələlərdə əsas oyunçuya çevrildi.

İlham Əliyevin müəyyənləşdirdiyi hücum diplomatiyası nəticəsində erməni təbliğatı və erməni lobbisinin yaratdığı mif darmadağın edildi. Beynəlxalq təşkilatların diqqəti bu problemə yönəldi, Dağlıq Qarabağ probleminin mahiyyəti, Azərbaycan haqqında həqiqətlər bütün dünyaya yayıldı və beynəlxalq ictimai rəy Azərbaycanın xeyrinə dəyişdi. Dünya birliyi Xocalı soyqırımını tanımağa və pisləməyə başladı.

Azərbaycanın iştirakçısı olduğu qlobal layihələr Avropanın enerji xəritəsini dəyişib

Prezident İlham Əliyevin əsası ulu öndər Heydər Əliyev tərəfindən qoyulmuş enerji siyasətini uğurla davam etdirməsi nəticəsində Azərbaycan bu sahədə əsas oyunçulardan birinə çevrilib. Dövlətimizin başçısının enerji siyasəti ilə bağlı təşəbbüsləri və reallaşan layihələr regional çərçivələrdən çıxaraq qlobal miqyas alıb. Bir qədər geri qayıdıb tarixə nəzər salmaq lazım gəlir. 2006-cı ildə Xəzər və Aralıq dənizlərini birləşdirən Bakı–Tbilisi–Ceyhan əsas ixrac neft kəməri, 2007-ci ildə Bakı–Tbilisi–Ərzurum qaz kəməri istifadəyə verildi. 2014-cü il sentyabrın 20-də Avropanın enerji təhlükəsizliyinin, həmçinin Azərbaycanın perspektiv inkişafının və iqtisadi maraqlarının təmin edilməsində böyük rol oynayacaq Cənub Qaz Dəhlizinin təməli qoyuldu. 2018-ci il mayın 29-da Bakıda Cənub Qaz Dəhlizinin, iyunun 12-də isə onun tərkib hissəsi olan TANAP boru kəmərinin rəsmi açılış mərasimi keçirildi. TAP layihəsinin icrası isə qrafik üzrə davam etdirilir. 1994-cü il sentyabrın 20-də Bakıda imzalanmış “Xəzər dənizinin Azərbaycan sektorunda yerləşən “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və hasilatın pay bölgüsü haqqında Saziş”in (“Əsrin müqaviləsi”) müddəti 2017-ci il sentyabrın 14-də 2050-ci ilə qədər uzadıldı. Bu hadisə Azərbaycanda uzun illər bundan sonra da neftin hasilat səviyyəsinin sabit qalmasına, neft sektoruna xarici investisiya qoyuluşunun təmin olunmasına imkan yaradıb.

Avropa və Asiyanı birləşdirən Şərq-Qərb və Şimal-Cənub beynəlxalq nəqliyyat dəhlizlərinin yaradılması istiqamətində böyük işlər görüldü. Təməli 2007-ci ildə qoyulmuş Bakı–Tbilisi–Qars dəmir yolunun 2017-ci il oktyabrın 30-da Bakıda rəsmi açılışı oldu. Azərbaycanın Rusiya, İran və Gürcüstanla sərhədinə qədər yeni magistral avtomobil yolları tikildi. 2018-ci il sentyabrın 18-də yeni Ələt-Astara-İran İslam Respublikası ilə dövlət sərhədi magistral avtomobil yolunun istifadəyə verilməsi ilə Azərbaycan ərazisində “Şimal-Cənub” nəqliyyat dəhlizi layihəsinin reallaşması üçün bütün işlər başa çatdırıldı. Azərbaycan siyasi, iqtisadi və strateji baxımdan böyük əhəmiyyətə malik həmin beynəlxalq nəqliyyat dəhlizlərində fəal iştirak etməklə Avrasiyada mühüm tranzit və logistika mərkəzlərindən birinə çevrildi.

İlham Əliyevin hərtərəfli inkişaf strategiyası regionların gündən-günə dəyişən simasında da özünü göstərir

Prezident İlham Əliyevin rəhbərliyi altında regionların sosial-iqtisadi inkişafı ilə bağlı qəbul olunan dövlət proqramları şəhərlə kənd arasında fərqi aradan qaldırdı. Bu gün Azərbaycanın regionları bütün zəruri infrastrukturla təmin olunub və Avropanın şəhər və kəndlərindən heç də geri qalmır. Vaxtilə bölgələrimizdə olan bir çox problemlər öz həllini tapdı. Prezidentin tapşırığına əsasən Azərbaycan başdan-başa qazlaşdırılır. Artıq ölkə əhalisinin təxminən 90 faizə yaxını təbii qazdan istifadə edir. Kəndlərə içməli su xətləri çəkilir, yeni yollar salınır və ya əsaslı təmir olunur. Dövlətimizin başçısının regionlara səfərləri, ictimaiyyətlə görüşləri ənənəvi xarakter alıb. İlham Əliyev yerlərdə inşa olunan müasir ictimai-sosial obyektlərin, istehsal müəssisələrinin açılışında şəxsən iştirak edir.

Prezidentin çox böyük rəğbətlə qarşılanan təşəbbüslərindən biri də mərkəzi icra hakimiyyəti orqanlarının rəhbərlərinin bölgələrdə keçirdikləri qəbullardır. Nazirlər, komitə sədləri və digər dövlət strukturlarının rəhbərləri yerlərdə əhali ilə görüşür, sakinlərin müraciət və təkliflərini dinləyirlər.

Azərbaycanın Silahlı Qüvvələri dünyanın ən güclü 50 ordusu sırasında yer alıb

Müharibə şəraitində yaşayan, torpaqları işğal altında olan ölkə üçün ordu quruculuğu həyati əhəmiyyətə malik məsələlərdən biridir. Bunu nəzərə alan Prezident, Ali Baş Komandan İlham Əliyev hakimiyyətinin ilk illərindən müasir silahlarla təchiz olunan, yüksək döyüş qabiliyyətinə malik ordu yaradılması istiqamətində davamlı və qətiyyətli iş aparır.

Bu gün Azərbaycanda dünya miqyasında ən güclü ordulardan biri formalaşıb və bu ordu işğal altındakı torpaqlarımızı düşməndən azad etməyə qadirdir.

Vaxtilə bütün silahları xaricdən alırdıqsa, indi Azərbaycan özü müasir silah və texnika istehsal edir. Azərbaycan Müdafiə Sənayesi Nazirliyinin yaradılması bu istiqamətdə atılmış ən önəmli addımlardan biridir. 2005-ci ildə yaradılmış Azərbaycan Respublikası Müdafiə Sənayesi Nazirliyinin müəssisələrində 1200 adda hərbi təyinatlı məhsul istehsal edilir. Beynəlxalq reytinqlərə görə, Azərbaycanın Silahlı Qüvvələri hazırda dünyada ən güclü 50 ordu sırasında yer tutur.

Azərbaycan Ordusu öz gücünü və döyüş qabiliyyətini 2016-cı ilin aprelində həm düşmənə, həm də dünyaya nümayiş etdirdi. Azərbaycan tarixinə zəfər səhifələrindən biri kimi daxil olmuş Aprel döyüşlərində qəhrəman ordumuz Ermənistanın təxribatına cavab olaraq keçirdiyi əks-hücum əməliyyatı nəticəsində Füzuli, Cəbrayıl və Ağdərə rayonlarının ərazilərinin bir qismini, ümumilikdə 2 min hektardan çox torpağı işğalçılardan təmizləyərək böyük bir əraziyə nəzarəti ələ aldı. Bu döyüşlərin ən mühüm yekunu Lələtəpə yüksəkliyinin azad olunması və bununla da Cocuq Mərcanlının təhlükəsizliyinin təmin edilməsi oldu. Cocuq Mərcanlı kəndi qısa müddətdə bərpa edildi, orada 150 evdən ibarət qəsəbə tikildi və köçkünlər öz doğma yurdlarına qayıtdılar.

2018-ci ilin may ayında isə Naxçıvan Muxtar Respublikasının 11 min hektardan çox ərazisi, o cümlədən Şərur rayonunun Günnüt kəndi düşməndən azad edildi, dövlət sərhədi boyunca əlverişli yüksəkliklər ələ keçirildi, Yerevan–Gorus–Laçın yolu nəzarətə götürüldü.

Prezident İlham Əliyevin sosial siyasətinin mərkəzində Azərbaycan vətəndaşı dayanır

Prezident İlham Əliyev hakimiyyətə gəldiyi gündən onun siyasətinin mərkəzində Azərbaycan vətəndaşı dayanır. Yaxşı xatırlayırıq ki, İlham Əliyev ilk dəfə prezident seçiləndə ölkədə 600 min yeni iş yerinin yaradılacağını vəd etmişdi. Onda bu rəqəm bəzilərinə xəyal kimi görünürdü. İllər keçdi xəyal hesab edilənlər reallığa çevrildi. Ötən 15 ildə Azərbaycanda 1 milyon 900 min yeni iş yeri yaradıldı. Bu və digər addımların nəticəsi olaraq yoxsulluq 50 faizdən 5 faizə düşdü. Maaşlar 5 dəfədən, pensiyalar isə 8 dəfədən çox artırıldı.

Əhalinin rifahının yaxşılaşdırılması, sosial problemlərin həlli, insanların müasir səhiyyə xidmətləri ilə təmin olunması istiqamətində ardıcıl addımlar atılır. Son 15 ildə ölkədə minlərə məktəb binası tikildi və ya yenidən quruldu, geniş bazaya malik təhsil infrastrukturu yaradıldı, dörd mindən çox məktəb kompüter avadanlığı ilə təmin edildi.

Ölkədə səhiyyə islahatları da uğurla reallaşır. Bu gün təkcə paytaxtda deyil, bölgələrdə də müasir və ən qabaqcıl tibb avadanlığı ilə təchiz olunmuş müalicə-diaqnostika mərkəzləri, xəstəxanalar tikildi, mövcud səhiyyə ocaqları əsaslı şəkildə yenidən quruldu, bölgə sakinləri birbaşa yerlərdə müalicə olunmaq imkanı qazandı.

Prezident İlham Əliyev şəhid ailələri, müharibə veteranları və əlillərinə daim xüsusi qayğı ilə yanaşır. Son 15 il ərzində şəhid ailələrinə və müharibə əlillərinə dövlət hesabına 5500-dən çox fərdi ev və mənzil, 6 mindən çox minik maşını verildi. Azərbaycan Prezidenti bu məqsədlə Prezidentin ehtiyat fondundan 20 milyon manat vəsait ayırıb. Bundan başqa, şəhidlərin vərəsələrinin maddi vəziyyətinin yaxşılaşdırılması məqsədilə onlara dövlət tərəfindən 11 min manat vəsait verilməsi nəzərdə tutulub. Artıq bu vəsaitin verilməsi prosesi başlayıb. Təqribən, 10 minə yaxın ailə dövlət tərəfindən bu pul təminatını alacaq.

2003-2018-ci illərdə məcburi köçkünlərin problemlərinin həlli sahəsində genişmiqyaslı işlər görüldü, ölkədəki bütün çadır düşərgələri, fin tipli qəsəbələr ləğv edildi, yeni salınmış 100-dən artıq qəsəbə və şəhərcikdə 265 min nəfər məskunlaşdırıldı.

Azərbaycan dünyada idman ölkəsi kimi tanınır

Ulu öndər Heydər Əliyev deyirdi ki, heç bir fəaliyyət ölkəni dünyada idman qədər tanıda bilməz. Bu ideyanı rəhbər tutan Prezident İlham Əliyev ötən müddətdə Azərbaycanı idman ölkəsinə çevirdi.

Bu məqsədə çatmaq üçün bütün ölkə ərazisində Olimpiya mərkəzləri, müasir idman infrastrukturu yaradıldı, idmançılara diqqət və qayğı artırıldı. Azərbaycanda Olimpiya hərəkatı görünməmiş vüsət aldı. Nəticələr göz qabağındadır. İlk Avropa Oyunlarının keçirilməsi Azərbaycana həvalə olundu. Azərbaycan 42-ci Dünya Şahmat Olimpiadasına, qadınlar arasında voleybol üzrə Avropa çempionatına, IV İslam Həmrəyliyi Oyunlarına ev sahibliyi etdi. Bakıda üç ildir keçirilən dünyanın ən nüfuzlu idman yarışlarından biri – Formula-1 Avropa Qran-Prisi ilə Azərbaycan bütün dünyanın diqqət mərkəzində oldu.

Azərbaycan Rio Yay Olimpiya Oyunlarında böyük zəfərə imza atdı. Tarixdə ilk dəfə hesabına 18 medal yazan milli komandamız medal sayına görə dünyada 14-cü, Avropa ölkələri arasında 7-ci, MDB respublikaları arasında 2-ci, müsəlman ölkələri arasında isə 1-ci yeri tutdu.

Multikulturalizm və tolerantlıq Azərbaycanda dövlət siyasəti səviyyəsinə qaldırılıb

Prezident İlham Əliyevin milli mənəvi dəyərlərimizə, müxtəlif dinlərə və sivilizasiyalara hörmətlə yanaşması, ölkədə güclü tolerantlıq ənənələrinin daha da möhkəmləndirilməsi Azərbaycanı nəinki regionda, bütövlükdə dünyada multikulturalizmin, dinlərarası və mədəniyyətlərarası dialoqun əsas mərkəzlərindən birinə çevirdi.

Bu gün multikulturalizm Azərbaycanın dövlət siyasəti və həyat tərzidir. Bu, artıq bütün dünyada qəbul edilir. Azərbaycan mədəniyyətlərin dialoqunun inkişafına, mədəni müxtəlifliyin qorunub saxlanmasına və sivilizasiyalar arasındakı qarşılıqlı münasibətlərin tənzimlənməsinə yönələn mühüm layihələrin reallaşdırılması, mötəbər forumların keçirilməsi sahəsində zəngin təcrübəyə malikdir. Tolerantlığın Azərbaycan modeli dünyada ən mükəmməl nümunədir və BMT-nin Sivilizasiyalar Alyansının VII Qlobal Forumunun Bakıda keçirilməsi bunu təsdiqləyir.

Prezident İlham Əliyevin mədəniyyət konsepsiyası Heydər Əliyev Fondunun layihələri ilə daha da dolğunlaşıb, ölkəmizin dünyada təbliğinə geniş imkanlar açıb. Bu siyasətin həyata keçirilməsinə Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva dəyərli töhfələr verir. Fondun həyata keçirdiyi layihələr sayəsində indi Azərbaycanı dünyada daha yaxşı tanıyırlar. Azərbaycan mədəniyyətinin sorağı hazırda böyük səhnələrdən gəlir.

İlham Əliyev Azərbaycanı gələcəyə inamla aparır

İlham Əliyevin prezidentlik dövrünün 15 ilinin yekunları göstərir ki, Azərbaycanı qarşıda daha parlaq gələcək gözləyir.

Uğurlu fəaliyyət modeli bütün dünya tərəfindən qəbul olunan görkəmli dövlət xadimi kimi beynəlxalq miqyasda böyük nüfuz qazanan Prezident İlham Əliyev Azərbaycana siyasi mədəniyyət, milli mənəviyyatımıza uyğun siyasi əxlaq standartı, milli siyasi etika nümunəsi gətirdi. Prezident İlham Əliyevin rəhbərliyi ilə dünyada nümunə göstəriləcək bir inkişaf modeli formalaşdı. Bu, modern Azərbaycan dövləti modelidir. Bütün bunlar ölkəmizin gələcək inkişafının qarantı sayıla bilər.

Azərbaycan xalqı İlham Əliyevə inanır, onun daha xoşbəxt gələcək vəd edən daxili və xarici siyasətini hamılıqla dəstəkləyir. Bu il aprelin 11-də Azərbaycanda keçirilən növbəti prezident seçkilərində xalqımızın böyük etimad göstərərək İlham Əliyevi yenidən dövlət başçısı seçməsi bunun əyani təsdiqidir.

Günümüzün bu reallığı beynəlxalq siyasətçilər, ekspertlər tərəfindən də təsdiqlənir: Azərbaycanda həyata keçirilən siyasətin alternativi yoxdur. Xalq-iqtidar birliyi uzunmüddətli inkişaf strategiyasının müəyyənləşdirilməsinə geniş imkanlar açır.

Bu günümüzün daha bir reallığı isə ondan ibarətdir ki, Azərbaycan sürətli inkişaf yolunda inamla irəliləyir, onu qarşıda daha möhtəşəm uğurlar gözləyir.

“İlham Əliyev:Azərbaycanıma inanıram” adlı kitabının təqdimat mərasimi keçirilib

Azərbaycan Trend müxbir S.İlhamqızı/ Rusiyalı yazıçı-publisist Mixail Ozerovun çərşənbə axşamı Azərbaycanın dövlət başçısı İlham Əliyev və onun atası eks-prezident Heydər Əliyevə həsr olunmuş “İlham Əliyev:Azərbaycanıma inanıram” adlı kitabının təqdimat mərasimi keçirilib. Kitabın müəllifi çıxışında bildirib ki, bu nəşr xarici oxuculara Heydər Əlyev haqqında məlumat almağa imkan yaradır.

“Məndən daha çox İlham Əliyev bu kitabın müəllifidir. Çünki kitabda İlham Əliyevin atası haqqında söhbəti, düşüncələri, hissləri çap edilib” Ozerov deyib.

Təqdimat mərasimində iştirak üçün Rusiyadan gəlmiş qonaqlar- Rusiya jurnalistlər ittiffaqının prezidenti Vsevolod Boqdanov, İlham Əliyevin tələbə yoldaşı, “Obozrevatel” jurnalının baş redaktoru Vladimir Ştolğ, tanınmış telejurnalist Andrey Karaulov və digərləri çıxışlarında Heydər Əliyevin hələ SSRİ rəhbərliyində işlədiyi dövründə Azərbaycanla olan bağlılığı, vətəninə və xalqına olan sevgisi, müdrik addımları barədə danışıblar.

“İlham Əliyev Heydər Əliyevin həyatında Ən böyük hadisədir” Karaulov bildirib.

Ilham əliyev mən azərbaycanıma inanıram

Bu gün Azərbaycan prezidenti İlham Əliyevin 55 yaşı tamam olur.

Ölkə başçısı İlham Əliyev Bakının Səbail rayonundakı 6 saylı orta məktəbdə təhsil alıb.

Modern.az saytı Prezidentin sinif yoldaşı olmuş, tanınmış tərcüməçi, jurnalist və xarici əlaqələr üzrə mütəxəssis Rauf Həsənlidən müsahibə alıb.

Rauf Həsənli 1960-cı ildə Bakı şəhərində anadan olub. Onunla söhbəti təqdim edirik:

-Sizin haqqınızda müəyyən məlumatlara nəzər yetirmişik. İstərdik daha geniş məlumatlar verəsiniz. Hazırda nə işlə məşğulsunuz?

-Mən Azərbaycan Dövlət İqtisad Universitetini bitirmişəm. Sonra Moskvada Xarici Ticarət Akademiyasının Ali Kommersiya Məktəbində təhsil aldım. Daha sonra isə Amerikada MBA proqramı üzrə oxudum. Oradan isə bizi Avropa üzrə bisnes kursları almaq üçün 3 aylıq Londona göndərmişdilər.

Hazırda mən Mədəniyyət və Turizm Nazirliyinin nəzdində olan Konqreslər Bürosunda çalışıram. Həmin büro Azərbaycanda beynəlxalq, iri və orta miqyaslı konfrans, konqres və digər tədbirləri təşkil etməklə məşğuldur.

Bununla yanaşı, Hepatitə Qarşı “Stop Hepatit” Pasient Cəmiyyətinin sədriyəm. Bu, QHT-dir. Amma Ədliyyə Nazirliyi və Səhiyyə Nazirliyi bizi bu günə kimi qeydiyyatdan keçirməyiblər. Rəsmi qeydiyyatımız olmasa da, iş görürük. Əlimizdə olan imkanları istifadə edərək əhali arasında maarifləndirmə işini aparırıq. Risk qrupları, xüsusi pəhriz saxlanması haqqında və digər məlumatları insanlara çatdırırıq. Mən müxtəlif beynəlxalq konfranslarda iştirak edirəm. Lakin təəssüflər olsun ki, bizə rəsmi dəstək yoxdur. Bizim işimiz sırf maarifləndirməkdən ibarətdir. Düzdür, mənim ixtisasım həkimlik olmasa da, mən həkimlər ailəsində böyüdüyüm üçün hepatit və digər xəstəliklərin dinamikası haqqında müəyyən biliklərim var.

-Səhv etmirəmsə, Rusiyada da ictimai-siyasi fəaliyyətlə məşğul olmusunuz. Yanılmıram ki?

–Mən Bakıda ola-ola Rusiya “Toçka Oporı” biznes jurnalında müxtəlif məqalələrlə çıxış etmişəm. Məndən xahiş edirdilər ki, Azərbaycan haqqında ətraflı məlumatlar verim. Mən müstəqillik qazandıqdan sonra milli bayramlarımız, sosial-iqtisadı durum, mədəniyyətimiz və digər məsələlər üzrə çoxlu sayda informasiyalar vermişəm. Bu nəşr biznes jurnalı olmasına baxmayaraq, mən orada sosial istiqamətli məqalələr yazırdım. Bəzi mürəkkəb və kəskin sosial məsələlər haqqında öz fikirlərimi bildirmişdim. Onlar biləndə ki, mən İlham Əliyevlə bir sinifdə oxumuşam, xahiş etdilər ki, 28 may Azərbaycanın müstəqillik günündə Prezident haqqında da xatirələrimi yazım. Məktəb illəri haqqında yazdım.

-Siz o yazınızda ilk zəngdən son zəngə qədər olan günləri əhatə etmisiniz.

–Bəli. 1967-ci ilin 1 sentyabrında ilk zəng oldu. 15 iyun 1977-ci ildə olan son zəngə qədər biz İlham Əliyevlə bir yerdə oxuduq, yoldaş olduq. Bizim sinif ən böyük sinif idi. 45 şagird var idi.

-Mən istərdim ki, o məqalədə yazmadıqlarınız məqamları danışasınız. Hər halda ola bilməz ki, hər şeyi o yazıda qeyd edəsiniz.

-Bir dəfə İlham Əliyev 10-cu sinifdə oxuyanda bizi, yaxın sinif yoldaşlarını ad gününə dəvət etmişdi. Yadımdadır ki, bizi İlham Əliyevin anası, rəhmətlik Zərifə xanım Əliyeva qarşıladı. O, çox mehriban, istiqanlı qadın idi. Bizi yaxşı qarşıladı, cox sevindi ki, İlhamın sinif yoldaşları onun evinə qonaq gəliblər. Mən bu gün də onunla fəxr edirəm ki, həmin ad gününə Heydər Əliyev özü də gəlmişdi. O, hər birimizlə ayrı-ayrlıqda tanış oldu, danışdı. Sonra bizi tək qoydu. “İşlərim var” deyib getdi, yəni sərbəstlik verdi. Biz çox yaxşı vaxt keçirdik. Ora ancaq oğlanlar gəlmişdilər. Şahmat, bilyard, tennis oynadıq. Gəzməyə də çıxmışdıq. Dedik, güldük, rəqs etdik, musiqilərə qulaq asdıq.

-Siz Avropa Şurası Parlament Assambleyasında (AŞPA) da müəyyən müddət iştirak etmisiniz. Necə olmuşdu ki, bu beynəlxalq təşkilatda təmsil olunmuşdunuz?

-Sizin sualınıza bəzi düzəliş etmək istərdim. Mən Avropa Şurası Parlament Assambleyasında çalışmamışam. Sadəcə olaraq Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) bir nümayəndəsi olaraq AŞPA-nın bəzi toplantılarında və iclaslarında iştirak etmişəm. Azərbaycan haqqında müxtəlif məlumatlar vermişik. 2005-ci ildən 2011-ci ilə qədər AŞPA-nın bəzi toplantılarında iştirak etdim.

-AŞPA-da işiniz konkret olaraq nədən ibarət idi?

–Azərbaycanın nümayəndə heyəti ilə görüşürdük. İşimiz isə kitablar, broşürlər paylamaq, xarici deputatlarla görüşüb, Azərbaycan haqqında geniş məlumatlar verməkdən ibarət idi. Məqsədimiz Azərbaycana müxtəlif ölkələrdən dost qazandırmaq idi.

-Tərcüməçilik, jurnalist fəaliyyətiniz də olub. İndi hər hansı bir kitab üzərində işləyirsinizmi?

–Mən xarici əlaqələr üzrə koordinator kimi işləmişəm. İngilis dilini bildiyim üçün də tərcüməçi kimi də fəaliyyət göstərmişəm. Lakin indi tərcüməçilikə məşğul deyiləm. Sadəcə olaraq AVCİYA-da işləyəndə bu təşkilatın ingilis dilində çıxan nəşrlərinin baş redaktoru olmuşam. Mənim sərəncamımda bir neçə tərcüməçi var idi. Rusiyanın tanınmış yazıçısı Mixail Ozerovun “İlham Əliyev: mən Azərbaycanıma inanıram” kitabının ingilis dilinə tərcüməsinə redaktorluq etmişəm.

-Sizin sinifdən İlham Əliyev kimi məşhur bir şəxs çıxdı və bu gün ölkə rəhbəridir. Sinfinizdən başqa hansı tanınmış adamlar çıxıb?

-Məşhur adamlardan Azərbaycan Daxili İşlər Nazirliyinin Baş Cinayət-Axtarış İdarəsinin rəisi, general-mayor Emin Şəkinskini qeyd edə bilərdim. Bundan başqa, bir neçə il ədliyyə nazirinin müavini işləmiş Nazim Ələkbərov da bizimlə eyni sinifdə oxuyub. Daha bir sinif yoldaşımız isə hazırda Amerikada yaşayır və orada tanınmış hüquqşünasdır. Ümumiyyətlə, hər birimiz indi müxtəlif sahələrdə çalışırıq və hər kəs öz sahəsində tanınmış, peşəkar bir insandır.

-İndi Azərbaycan rəhbəri İlham Əliyevlə əlaqələriniz varmı?

-Cənab İlham Əliyev respublikanın prezidentidir. Əlbəttə ki, onun bizimlə yaxın əlaqə saxlamağa vaxtı olmur. Lakin müəyyən əlaqəmiz də var.

-Maraqlıdır, bəs yoldaşlıq əlaqələriniz nə zamana qədər davam etdi?

-Dostluq əlaqələrimiz məktəbin birinci sinfindən məktəbi bitirənə kimi, onuncu sinfə qədər davam etdi. Ondan sonra cənab İlham Əliyev Moskvadakı Beynəlxalq Münasibətlər İnstitutuna daxil oldu və Moskvaya yollandı. Ona görə də məktəbi bitirəndən sonra görüşməyimizə o qədər də imkan olmayıb. Məktəbi bitirəndən sonra sinif yoldaşlarımız ilə hər il 2 fevralda məktəb gününə yığışırdıq. İlham Əliyev Moskvada oxuduğu illərdə gəlib tədbirimizdə iştirak etdi. Amma ondan sonra isə onunla görüşmədik.

-Siz yazdığınız xatirədə İlham Əliyevin obrazını yaratmısınız. Hazırda dövlət başçısının dünya siyasətindəki yerini necə qiymətləndirirsiniz?

-Xatirələrimdə qeyd etdiyim kimi, İlham Əliyev çox savadlı, geniş düşüncəli və uzaqgörən siyasətçidir. Çünki bu mürəkkəb zamanda, böyük və güclü dövlətlərin əhatəsində balaca bir ölkənin başçısı olmaq, balanslaşdırılmış siyasət aparmaq heç də asan iş deyil. Bunu hər kəs bacara bilməz. Lakin İlham Əliyev bu siyasəti yürütməyi bacarır. Bu da dünya siyasətində yeni bir modeldir.

Eyni zamanda o, Azərbaycanı, öz xalqını sevir, onun gələcəyinə inanır. Azərbaycan xalqının firavan yaşamağını istəyir və bu istiqamətdə çoxlu addım atır. Sizin sualınıza cavab olaraq deyə bilərəm ki, şəxsən mən onun beynəlxalq aləmdəki siyasətini çox yüksək qiymətləndirirəm.

-Heç olurdumu ki, İlham Əliyev dərslərdə müəllimlərlə polemikaya girsin?

–İlham Əliyev bütün dərslərdə özünü çox aktiv aparırdı. Müxtəlif suallar ətrafında müəllimlərlə sağlam polemikanı aparmaq imkanından qaçmırdı.

-Bilik yarışlarında, fənn olimpiadalarında iştirak edirdinizmi?

–Bizim vaxtımızda belə şeylər yox idi. Təhsil aldığımız yer idman məktəbi idi. Bizim həndbol üzrə yaxşı komandamız var idi, biz digər komandalarla görüşüb oynayırdıq.

–Mən prezidentin videosuna baxmışam. Bu yaşında turnikdə çəkinməsi onu göstərir ki, ölkə rəhbəri lap əvvəldən idmanla məşğul olub.

–Bizdə idmana çox böyük diqqət yetirirdilər. Qaçmaq, gimnastika, stolüstü tennis, idman hərəkətləri və s. Bizim göstəricilərimiz, hazırlığımız çox yaxşı idi. İndiyə qədər hiss edirəm ki, məndən qat-qat cavan adamlar çox tez yorulurlar. Mən onda görürəm ki, bizim o dövrdə aldığımız fiziki hazırlıqlar çox güclü olub. Bu, indiyə qədər bizi saxlayıb. İlham Əliyev stolüstü tennisə, həndbola çox maraq göstərirdi.

Görürsünüz ki, İlham Əliyev həmişə şux, gümrah görünür və çox yaxşı fiziki formadadır.

Mən özüm də üzgüçülüklə, stolüstü tennis, atıcılıqla məşğul olmuşam.

–İnsan yaşa dolur və onun vizual görünüşündə, xarakterində müəyyən dəyişikliklər baş verir. Amma bununla belə, ortaq nöqtələr də olur. Sizin uşaqlıq xatirələrinizdəki İlham Əliyevlə indiki arasında hansı oxşarlıqlar görürsünüz?

–Dövlət başçısı yeniyetmə, həm də cavanlıq illərindəki kimi indi də dostpərvər, ürəyiaçıq və qayğıkeş insan olaraq qalıb, həm də çox təvazökar insandır. Eyni zamanda o, geniş dünyagörüşü olan və böyük yumor hissinə malik insandır. İlham Əliyev yeniyetməliyindəki, cavanlığındakı, müsbət cəhətləri bu günə qədər saxlaya bilib. O, siyasətçi olandan sonra başqa müsbət keyfiyyətləri də üzə çıxdı. Müdriklik, uzaqgörənlik, liderlik və digər siyasətçiyə məxsus olan xasiyyət keyfiyyətləri.

–Tanınmışların, rəhbər şəxslərin övladlarından başqa kimlər sizinlə bir yerdə oxuyub?

–Bizim məktəbdə müxtəlif şəxslərin övladları oxuyurdu. Həm vəzifəli, həm də sadə insanların uşaqları təhsil alırdı. Amma heç kəs özünü o birilərdən ayırmırdı və biz hamımız bir ailə kimi davranırdıq.

-10 illik məktəb illəri İlham Əliyevin zövqləri haqqında da sizə müəyyən informasiyalar verib. Prezidentin musiqi zövqü necə idi?

–Onun musiqi zövqü əla idi. Həm klassik, həm də estrada musiqisinə qulaq asırdı. Cənab prezidentin ad günündə onun pianosunu da gördük. O pianoda da ifa edə bilirdi. Bir sözlə, İlham Əliyev hərtərəfli bir insandır. Hesab edirəm ki, bizim bəxtimiz gətirib ki, onun kimi prezidentimiz var.

-Onun təbii ki, mütaliəsi də var idi. Bu olmasaydı, siz dediyiniz kimi, müəllimlərlə polemikaya girməzdi. Ancaq mənə maraqlıdır: mütaliə dairəsini hansı kateqoriyaya bölmək olardı? Siyasət, tarix, yoxsa ədəbiyyat?

–Tarix və ədəbiyyat, biologiya, ümumiyyətlə humanitar sahələrlə maraqlanırdı. Coğrafiyanı da çox sevərdi.

Aqşin KƏRİMOV