Kişi cinsiyyət orqanından masturbasiya etmək üçün necə istifadə edə bilər

Bəs masturbasiya hormonların miqdarına təsir edir?

Kişi cinsiyyət sisteminin qüsurları, xəstəlikləri və sonsuzluq

Genetik patologiyalar – kişi sonsuzluğunun çox nadir səbəblərindən olub cinsi xromosom patologiyaları ilə əlaqədar olur. Bildiyimiz kimi, kişi xromosom dəsti – 46, XY olur.

Bəzi hallarda doğulan oğlan uşaqlarında “artıq” cinsi xromosom olmaqla 47, XXY xromosom dəsti olur.

Belə oğlan uşaqları cinsi inkişafdan geridə qalmaları, qadınabənzər bədən quruluşları və süd vəzilərinin böyüməsi ilə fərqlənirlər. Bu patologiyası olan kişilər sonsuz olurlar və onların müalicəsi isə indiyə qədər hələ ki, mümkün hesab edilmir.

Kişi cinsiyyət sisteminin müxtəlif anadangəlmə pozğunluqları onlarda sonsuzluğun baş verməsinə səbəb ola bilər. Belə pozğunluqlardan biri uretranın (sidik kanalının) qüsurlarıdır. Bu zaman sidik kanalının xaricə açılan dəliyi normadan fərqli olaraq, yerini dəyişdirməklə, cinsiyyət üzvünün ön və ya arxa səthində, bəzən isə hətta xayalığa yaxın bir yerdə yerləşmiş olur. Cinsiyyət üzvü bu zaman bir qədər əyilmiş olur və cinsi əlaqə zamanı spermanın uşaqlığın dərinliyinə düşməsi mümkün olmur. Sonsuzluğun bu formasında çıxış yolu süni mayalanma üsulundan istifadə edilməsindən ibarətdir.

Kişi sonsuzluğuna səbəb olan digər nadir anadangəlmə pozğunluqlardan biri də xayaların olmamasıdır. Bu halda kişi sonsuzluğunun müalicə edilməsi mümkün olmur və çıxış yolu kimi, donor spermasından istifadə olunması təklif oluna bilər.

Bəzi hallarda kişilərdə xaya artımı və ya toxumçıxarıcı axarın olmaması kimi anadangəlmə qüsura da rast gəlmək olur. Bu halda da həkimlər süni mayalanmanın müxtəlif üsullarına müraciət etməli olurlar.

Normada hamiləlik müddəti tam şəkildə sona çatmaqla doğulan uşaqlarda xayalar xayalıqda yerləşmiş olurlar. Nadir hallarda (əksərən hamiləlik müddəti tam şəkildə sona çatmamaqla yarımçıq doğulan oğlan uşaqlarında) xayalar, normada olduğu kimi, öz-özünə xayalığa enmirlər ki, bunun da nəticəsində kriptorxizm (bir və ya hər iki xayanın xayalığa enməməsi) xəstəliyi baş verir. Nadir hallarda təsadüf edilən bu xəstəliyin müalicəsi, erkən uşaq yaşlarında olmaqla, ancaq cərrahi yolla həyata keçirilir. Xayaların “qanuni yerinə” qaytarılması əməliyyatının gecikdirildiyi hallarda, onların funksiyaları xeyli dərəcədə pozularaq, son nəticədə sonsuzluğa da səbəb ola bilər.

Cinsi orqanlarda olan iltihabi xəstəliklər – kişilərdə sonsuzluğun əmələ gəlməsinin ən çox təsadüf edilən səbəblərindən biri hesab olunur. Kişi reproduktiv sisteminə çox böyük ziyan vuran xəstəliklər – ilk növbədə cinsi yolla keçən infeksiyalardır (sifilis, qonoreya, xlamidioz, trixomoniaz, mikoplazmoz, ureaplazmoz və digərləri. Onlar spermanın tərkibini dəyişərək onu mayalanma üçün yararsız vəziyyətə gətirirlər.

Cinsi orqanların iltihabi xəstəlikləri cinsiyyət yollarının keçməməzliyinə də səbəb ola bilərlər. Əksər hallarda keçməməzliyin səbəbi vaxtında aşkar edilərək müalicə olunmayan epididimit (xaya artımının iltihabı) olur. İltihabi proses xaya artımının toxum daşıyıcı kanallarının yapışmasına və ya tutulmasına səbəb olur. Nəticədə yalnız bir xayada toxumçıxarıcı kanallar tutulmuş olduqda, spermada spermatozoidlərin sayı xeyli azalmış olur. Hər iki xaya artımının toxumçıxarıcı kanalları tutulduqda isə spermatozoidlər xayaların heç birindən toxum kisələrinə daxil ola bilmədiyi üçün geriyədönməz proses olan sonsuzluq baş verir. Sonsuzluğun bu formasının müalicəsi mümkün olmur və bu halda da süni mayalanma üsulundan istifadə etmək lazım gəlir.

Sidik-cinsiyyət sisteminin orxit (xayaların iltihabı), prostatit (prostat vəzinin iltihabı), vezikulit (toxumçıxarıcı axarların iltihabı) kimi xəstəlikləri də spermanın tərkibinin dəyişilməsinə təsir göstərə bilərlər. Xroniki prostatit 50%-dən çox xəstələrdə toxum mayesinin patoloji dəyişikliklərinə səbəb olur. Xroniki prostatitin tipindən asılı olaraq həkim tərəfindən onun müalicə taktikası müəyyən edilir. İltihabi prosesin müalicəsindən sonra isə spermatogenezin dərmanlarla stimullaşdırılmasına başlanılır.

İstənilən ciddi xəstəlik, infeksiyalar və hətta güclü soyuqdəymə də spermanın hazırlanmasının prosesini pozur. 3 aydan sonra isə spermanın miqdarı, adətən, bərpa olunur. Antibiotiklərlə müalicə vaxtında başlanmış olduqda, spermanın keyfiyyətinin bərpa edilməsi mümkün olur. İltihabi proses reproduktiv orqanlarda ciddi dəyişikliklərə səbəb olduqda (məsələn, toxumçıxarıcı axarların tutulması) isə xəstəliyin proqnozu heç də yaxşı olmaya bilər.

Xayaların müxtəlif növ şişləri və kistaları toxumçıxarıcı axarı sıxaraq onun mənfəzinin tutulması nəticəsində sonsuzluğa səbəb ola bilər.

Kişi cinsi sonsuzluğunun əsas səbəblərindən biri də – varikoseledir. Onun müalicəsi isə – cərrahi yolla varikoselenin aradan götürülməsindən ibarətdir.

Xaya hidropsu da kişi sonsuzluğunun səbəbi ola bilər. Onun da müalicəsi cərrahi yolladır.

Varikosele, xaya hidropsu və qasıq yırtığı kimi xəstəliklər uşaq və yeniyetmə yaşları dövründə aşkar edilərək müalicə olunmadıqları təqdirdə daha təhlükəli hesab olunurlar. Bu halda xayalarda olan dəyişikliklər geriyədönməz xarakter alaraq sonsuzluğa səbəb olurlar. Kişi sonsuzluğunun bu formasının müalicəsi isə yalnız süni mayalanma aparılması yolu ilə (əksər hallarda hətta donor spermasından istifadə olunmaqla) mümkün olur.

Kişi sonsuzluğunun səbəblərindən biri də uşaq yaşlarında keçirilmiş olan epidemik parotit (“svinka”) xəstəliyi ola bilər. Məsələ burasındadır ki, bu xəstəlik zamanı oğlan uşaqlarında xayalar da zədələnə bilər. Əgər xəstəlik zamanı uşaqda baş verən xayanın iltihabı (orxit) kifayət qədər güclü olarsa və bu zaman tələb olunan müalicə kursu aparılmazsa, bu, son nəticədə xayaların funksiyasının xeyli dərəcədə pozulmasına və sonsuzluğa səbəb ola bilər. Məhz buna görə uşaqlara epidemik parotitə (“svinka”) qarşı vaxtında peyvənd edilməsi tövsiyə olunur (bu peyvənd bütün uşaqlar üçün məcburi olan peyvəndlər siyahısına daxildir).

Sadalanan xəstəliklərdən savayı, uşaq yaşlarında cinsi üzvlər sahəsinin güclü travmaları da (yıxılarkən, güclü zərbə və s. nəticəsində) gələcəkdə kişi sonsuzluğunun formalaşmasına səbəb ola bilər.

Beləliklə, oğlan uşağının reproduktiv sağlamlığının qayğısına onun valideynləri uşaq doğulan gündən etibarən başlamalıdırlar!

Saglamolun.Az

Kişi cinsiyyət orqanından masturbasiya etmək üçün necə istifadə edə bilər

Masturbasiya (onanizm, əllə boşalmaq) – öz cinci orqanlarının stimullaşdırılması yolu ilə, seksual təmin olunmanın əldə edilməsidir. Müasir baxışlara görə, masturbasiya – cinsi fəaliyyətin qoruyucu klapanı kimi hesab olunur – müxtəlif yaşlardan olan insanlar cinsi həvəs olduqda, lakin onun təmin edilmə imkanları olmadıqda, masturbasiydadan istifadə edir. Masturbasiyanın səbəbləri

Masturbasiyanın(əllə boşalma) əsas səbəbi cinsi yetkinliyə çatma dövrü ilə nigaha daxil olmaq hazırlığı və imkanları arasında mövcud olan uyğunsuzluqdur. İbtidai icma quruluşu dövründə belə problemlər mövcud olmayıb, o dövrdə cinsi və fiziki yetkinliyin baş verməsi (16-17 yaş) ailə qurmaq və müvafiq olaraq cinsi əlaqəyə girmək imkanları ilə eyni vaxta təsadüf edirdi. Belə erkən nigahlar zamanı masturbasiyaya ehtiyac qalmırdı. Müasir inkişaf etmiş cəmiyyətdə ailə qurmaq müddətləri əhəmiyyətli dərəcədə artmışdır – hazırda Azərbaycanda kişilər nigaha, adətən, 27-30 yaşından tez daxil olmurlar. Belə olan halda seksual boşalma ilə onun reallaşdırılması arasında uyğunsuzluq yaranır – yəni evliliyə qədər olan zaman ərzində, cinsi həyat ya olmur və ya qeyri –müntəzəm olur. Bundan əlavə, həmçinin stress, cinsi partnyora marağın azalması, seksdən həzz ala bilmək qabiliyyətinin olmaması, başqa qadına sahib olmaq istəyi, lakin eyni zamanda da fiziki xəyanət istəyinin olmaması (mümkünsüzlüyü) masturbasiyanın səbəblərindəndirlər.

Masturbasiyanın nəticələri

Əgər masturbasiya intensiv (gündə bir neçə dəfə), maniakal xarakter daşıyırsa və uzun müddət davam edirsə, bu halda müxtəlif psixi pozuntular mümkündür və həkim məsləhəti tələb edilir. Bundan əlavə, uzun müddət masturbasiya ilə məşğul olduqda, kişi masturbasiya ilə təbii cinsi əlaqədə olduğundan daha güclü həzz alır, və bu da ailə həyatına disqarmoniya gətirir. Belə kişidə cinsi problemlər ola bilər, belə ki, adi seks onun üçün masturbasiya zamanı yer alan rəngarəng fantazliyalar və orqazmın intensivliyi ilə olduqca maraqsız görünəcəkdir. Beləliklə, masturbasiya həm vərdiş, həm də zəhlə tökən tələbata çevrilir. Nəticədə autoerotizm – qadına olan libidonun sönməsi ilə seksual həvəsin özünə doğru yönlənməsi – inkişaf edir. Həmin vəziyyətin əlamətlərindən biri odur ki, masturbasiya zamanı kişi tez və problemsiz boşalır, qadınla olan cinsi əlaqə isə uzadılmış, eyakulyasiya isə çətinləşmiş olur.

Masturbasiyanın yayılmaqlığı

Klassik məlumatlara əsasən kişilərin 93% və qadınların 62% nə vaxtsa masturbasiya etmişdir. Onanizm başlıca olaraq cinsi yetkinliyə yetişmə yaşında geniş yayılmış olur və normal cinsi həyata başladıqda, adətən yekunlaşır. Bəzilərində onanizm nigah dövründə, normal cinsi həyat zamanı da davam edir və ya həyatın ayrı-ayrı mərhələlərində bərpa olunur.

Masturbasiyaya münasibət

Cəmiyyətdə masturbasiyaya qarşı münasibət həmişə birmənalı olmayıb və belə də qalmaqdadır. Dinin etiqadlara əsasən masturbasiya günah sayılır. Dini qadağalardan əlavə geniş yayılmış, lakin əsasında heç bir faktiki əsası olmayan, masturbasiyanın orqanizmdə dərin patoloji dəyişikliklərə səbəb olması barədə səhf fikirlər də mövcuddur. Lakin başa düşmək lazımdır ki, masturbasiya heç bir psixoloji və ya fiziki pozuntulara, sonsuzluğa, impotensiyaya, qapalılığa, korluğa, ağıl qabiliyyətlərinin azalmasına, cinsiyyət orqanlarının kiçilməsi və ya inkişafdan qalmasına və s. gətirib çıxarmır. Lakin eyni zamanda masturbasiya cinsi orqanın ölçülərini də böyütmür və tamlıqla cinsi aktı əvəz edə bilməz, belə ki, seksual həyat – bu heç də sadəcə hərəkətlər deyil, həm də qarşılıqlı münasibətlər, romantika, emosiyalardır.

Masturbasiyanın profilaktikası

Masturbaiya mədəniyyətlərin hər birində vardır və tarixin bütün mərhələlərində mövcud olmuşdur. Lakin bu artıq zəhlə tökən ideyaya çevrilməklə sizin normal həyat yaşamanıza mane olursa, deməli onun qarşısını almaq lazımdır. Bax beləcə, bütün iradənizi yumruğa toplamaq və özünüzün bütün ehtiraslarınızı nəzarətə götürmək lazımdır.

Masturbasiya istəyinin yaranmasına səbəb olan hər şeydən yaxa qurtarın. Ümumqəbul edilən həvəs oyatmalar:

• Pornoqrafiya: əgər sizin artıq belə kolleksiyanız varsa, siz isə ciddi şəkildə masturbasiyadan imtina etmək qərarı qəbul etmisinizsə, siz o kolleksiyanı məhv etməlisiniz. Jurnalları yandırın, diskləri təmizləyin və pornosaytlara daxil olmayın.

• Günün müəyyən saatlarında: əgər sizdə yatmamışdan qabaq və ya duşda olan zaman masturbasiya həvəsi yaranırsa, bundan özünüzü saxlayın. Misal üçün, əgər siz bunsuz yata bilmirsinizsə, jim etməyə başlayın və o vaxta qədər davam edin ki, artıq yuxudan başqa heç nə ağlınıza girməmiş olsun. Əgər bu istək siz duşda olan zaman yaranırsa, dərhal suyu buz kimi edin və siz yaranmış istək haqqında dərhal unudacaqsınız.

• Darıxmaq: əgər sizin fikirləriniz darıxmaq səbəbindən daimə seksual əyləncələr istiqamətinə doğru yönəlirsə, özünüzə məşğuliyyət tapın. Siz həddən artıq məşğul olsanız və ya yorğun olsanız, masturbasiyadan uzaq qaçmaq bir o qədər asan olacaqdır.

• Tənhalıq: siz masturbasiya ilə özünüzü tənha hiss etdiyinizdən məşğul olursunuzsa, tənhalınığızı məhdudlaşdırın. Əgər bütün boş vaxtlarınızı dostlarınızla keçirsəniz, masturbasiya üçün vaxtınız da qalmayacaq.

Öz enerji və vaxtınızı sərf etmək üçün digər istifadə sahəsi tapın. Öz həyatınızı fəaliyyətlə doldurun. Tapdığınız yeni bir məşğuliyyət sizi masturbasiyadan uzaq tuta bilər. Aşağıdakıları sınaqdan çıxarın:

• Musiqi alətlərində ifanı öyrənin, foto, dizayn və məhsuldarlıq hissi yaradacaq fəaliyyətlə məşğul olun.

• İdmanla məşğul olun. Trenajor zalına yazılın və ya üzgücülüklə məşğul olun.

• Özünüzə yeni hobbi tapın və ya öz bacarılarınızı inkişaf etdirin. Nəyəsə öyrənmə sizin düşüncələrinizi məşğul edəcək və diqqətinizi masturbasiyadan yayındıracaqdır.

Bəzi hallarda yardım üçün müraciət etmək də zəruridir. Əgər siz hər şeyi sınaqdan çıxarmısınız və özünüzün asılılığınızı nəzarətə götürə bilməmisinizsə, həkimin qəbuluna yazılın və düzgün seçilmiş strategiya nəticəsində siz bütün problemlərdən qurturulacaq və tam mənalı bir cinsi həyata başlayacaqsınız. Və inanın ki, hər şey super olacaq!

Masturbasiya etmək dərimizdə nələrə səbəb olur?

Masturbasiya ilə bağlı çoxlu mif və yanlış fikirlər olduğu kimi prosesin dəriyə təsiri ilə əlaqədar da səhv inanclar mövcuddur. Bəzi insanlar masturbasiyanın sızanaq yaranmasına səbəb ola biləcəyini düşünürlər, lakin bu, həqiqətdən uzaqdır. Masturbasiyanın ümumiyyətlə sızanaq ilə əlaqəsi yoxdur. Onun hormon səviyyəsinə müəyyən təsiri olsa da, bu, sızanaq yaradacaq nisbətdə olmur.

Bu mifin haradan başladığını, məsələnin əslinin nə olduğunu bilmək üçün oxumağa davam edin.

Masturbasiya sızanağa səbəb olur mifi necə yarandı?

Yeniyetməlik dövrü, adətən həm sızanaqların başlanğıcıdır, həm də masturbasiya ilə bağlı ilk təcrübələrin yarandığı dönəmdir. Yeniyetməlikdə orqanizm daha çox testosteron və digər androgenlər sintez edir. Hormonların artması həm də dərinin daha çox sebum – piy vəzilərindən yağlı maddə ifraz etməsi deməkdir. Sebum normal miqdarda olduqda dərini qoruyur, lakin çox olarsa, məsamələriniz tıxanır və sızanaq yaranmasına səbəb olur. Bir sözlə, masturbasiya sebum ifrazına təsir etmir, dolayısı ilə də sızanağa gətirib çıxarmır. Nəzərə alın ki, yaşınızdan, masturbasiya edib-etməməyinizdən və ya cinsi əlaqədə olmağınızdan asılı olmayaraq üzünüzdə sızanaqlar yarana bilər.

Bəs masturbasiya hormonların miqdarına təsir edir?

Masturbasiya zamanı homon səviyyəsində dəyişiklik baş verir, lakin bu, dəri sağlamlığına təsir etmək üçün kifayət deyil. Tədqiqatlar nəticəsində məlum olub ki, orqazm həm kişilərdə, həm də qadınlarda testosteronun çox cüzi artımına səbəb ola bilər. Ancaq bu dəyişiklik bir neçə dəqiqə ərzində normala qayıdır. Masturbasiya nəticəsində yaranan müvəqqəti hormon axını o qədər əhəmiyyətsizdir ki, sızanaqların çıxması üçün tibbi səbəb kimi göstərilə bilməz.

Mündəricat göstər

Masturbasiya nədir?

Masturbasiya bir insanın cinsiyyət orqanını cinsi həzz almaq üçün stimullaşdırmasıdır. Hər yaşdan, cinsdən və cinsi oriyentasiyadan olan insanlar masturbasiya edir. İnsanların təkbaşına və ya razılıq verən partnyor iştirakı ilə masturbasiya etməyi normal haldır.

Masturbasiya bəzi din və ya mədəniyyətlər üçün ziddiyyət təşkil etsə də, nadir hallarda mənfi nəticələrə səbəb olur. O, cinsi gərginliyi aradan qaldırır və stresin azalmasına kömək edir. Bəzən partnyoru tərəfindən edilən masturbasiya vaginizmi olan qadınlara bu problemin həllində faydalı təsir göstərir.

Masturbasiya haqqında faktlar

Masturbasiya haqqında heç vaxt eşitmədiyiniz bir neçə fakta nəzər salaq.

1) Kişilərdə prostat xərçəngi riskini azaldır.

Harvardda edilən son araşdırmalardan birində ayda 21 dəfə və ya daha çox boşalmış kişilərin prostat xərçəngi riski ayda 4-7 dəfə boşalmış kişilərə nisbətən 19-22 faiz daha az olması ortaya çıxıb. Amerika Xərçəng Cəmiyyətinə görə, ildə təxminən 220800 prostat xərçəngi diaqnozu qoyulduğunu nəzərə alsaq, cinsi həyatı daha aktiv hala gətirərək bu riski azaltmaq üçün cəhd etməyə dəyər. Partnyoru olmayan və ya bu qədər aktivlik istəməyən partnyora sahib olanlar üçün masturbasiya alternativ seçim ola bilər.

2) Hər kişi masturbasiya etmir.

2016-cı ildə aparılan bir araşdırma masturbasiya ilə bağlı kifayət qədər əsaslı bir statistika aşkar etdi: kişilərin yalnız 57 faizi müntəzəm olaraq masturbasiya edir. Tədqiqat müəllifi Debby Herbenick-ə görə, bunun səbəbi fərqli ola bilər. Bəzi kişilər partnyorları ilə çoxsaylı cinsi əlaqədə olur deyə buna ehtiyac duymur. Digərləri üçün proses sadəcə maraqlı olmaya bilər. 14-17 faiz kişilərdə isə cinsi istəyin az olmağı ilə əlaqədardır.

3) May Amerikada masturbasiya ayıdır.

1995-ci ildə San Fransiskoda yerləşən Good Vibrations seks mağazası 14 mayı Masturbasiya günü elan etdi. Bu, tezliklə may ayının bir günündən bütün aya keçdi. Dünyanın bəzi digər ölkələrində yeniyetmələr masturbasiya haqqında maarifləndirilir. The Daily Mail xəbər verir ki, 2009-cu ildə Böyük Britaniyanın Milli Səhiyyə Xidməti yeniyetmələrə və onların valideynlərinə masturbasiyanın faydaları, cinsi əlaqə əvəzinə bunun seçilməsinin arzuolunmaz hamiləlik və cinsi yol ilə keçən infeksiyaların qarşısını alacağı haqqında məlumatlandırıcı flayerlər paylayıb.

4) Masturbasiya xəsarətləri.

Yəqin ki, cinsi xəsarətlər haqqında eşitmisiniz, bəs masturbasiya xəsarətləri haqqında nə demək olar? “Trauma and Acute Care Surgery” jurnalında dərc edilən araşdırma nəticəsində məlum olub ki, penis sınıqlarının 60 faizi masturbasiya zamanı baş verir. Digər ağır xəsarətlərə həddindən artıq sürtünmə ilə əlaqədar açılan yaraların infeksiyalaşması nəticəsində yaranan qanqrena daxildir.

4) Masturbasiya zamanı ereksiyanın itməsi narahatlıq siqnalı ola bilər.

İtaliyalı bir qrup tədqiqatçıya görə, kişilərin 45 faizi masturbasiya zamanı ereksiyanı davam etdirə bilmir və həmin şəxslərdə ürək-damar xəstəliyi riski daha yüksəkdir.

5) Masturbasiya və cinsi əlaqə zamanı sperma fərqi.

1990-cı illərdə, yapon tədqiqatçıların da daxil olduğu çoxsaylı tədqiqatlar göstərdi ki, cinsi əlaqə zamanı yaranan sperma miqdarı masturbasiyadakına nəzərən daha çoxdur. Təəccüblü olsa da, düşünülür ki, səbəbi cinsi əlaqə zamanı prostat vəzin daha aktivliyi ilə bağlıdır.

Masturbasiya ziyanları

Masturbasiyanı norma daxilində etməyin heç bir zərəri yoxdur. Həddindən artıq etdikdə nə kimi yan təsirləri ola bilər, baxaq:

• Xroniki yorğunluq
• Bel ağrısı
• Saç tökülməsi
• Ereksiyanın zəifləməsi
• Erkən boşalma
• Testis ağrıları
• Qasıq nahiyəsində spazmşəkilli sancı
• Unutqanlıq

Bu sadalananlar hər kəs üçün olacaq anlamına gəlmir, lakin nəzərdə saxlanılmalı ehtimallardır. Masturbasiyanın riskləri ilə bağlı bir çox mif də var, lakin bunların heç birinin elmi təsdiqi yoxdur. Belə ki, masturbasiya aşağıdakı problemlərə səbəb olmayacaq:

• Korluq
• Sonrakı cinsi əlaqələrdə libido əskikliyi
• Erektil disfunksiya
• Penis daralması
• Penis əyriliyi
• Aşağı sperma sayı
• Sonsuzluq
• Ruhi xəstəlik
• Fiziki zəiflik

Bəzi cütlüklər narahat olurlar ki, onlardan biri masturbasiya edirsə, münasibətləri qənaətbəxş olmayacaq. Bu da sadəcə mifdir. Hətta bir araşdırmaya görə, masturbasiya edən qadınlar etməyənlərə nisbətən daha xoşbəxt evliliyə sahibdir.

Masturbasiya zamanı dərimizdə nə baş verir?

Masturbasiya zamanı çox kobud hərəkətlər dərimizdə həssaslıq, zədələnmə yarada bilər. Lakin bu, adətən bir neçə gün ərzində sağalır. Kişilər qısa müddət ərzində tez-tez masturbasiya etsələr, penisdə yüngül bir şişkinlik – ödem müşahidə edə bilərlər. Bir neçə gündən sonra orqan əvvəlki vəziyyətə geri qayıdır.

Masturbasiyanın nə kimi faydaları ola bilər?

• Stress və gərginliyi azaldır
• Yuxunun keyfiyyətini artırır
• Əhvali-ruhiyyəni yüksəldir
• Menstrual spazmları azaldır
• Cinsi əlaqə zamanı ağrıları yüngülləşdirir

Masturbasiyadan necə qurtulmaq olar?

Masturbasiya cinsi sağlamlığın normal bir hissəsidir. Bu, seksuallıq və özündən həzz almaq üçün təhlükəsiz bir prosesdir. Yanaşı olaraq aşağıdakı hallarda masturbasiyanı normal həddə gətirmək lazımdır:

Masturbasiya etmək istəyini idarə edə bilmirsinizsə,

Gündəlik iş və ya öhdəliklərinizi yerinə yetirməyə mane olursa,

Masturbasiya edə bilmək üçün işi, məktəbi və ya sosial fəaliyyətinizi təxirə salırsınızsa.

Bunu necə dayandırmaq olar?

Masturbasiyanı azaltmağı öyrənmək bir prosesdir. Bu, xeyli zaman ala bilər, amma mümkündür.

Bir mütəxəssis köməyindən istifadə edin. Masturbasiyanı daha sağlam hala gətirməyə və ya tamamilə dayandırmağa hazır olduğunuzda, həkiminizlə danışın. O, sizi cinsi sağlamlıq üzrə ixtisaslaşmış məsləhətçiyə, psixoloq və ya psixiatra yönləndirə bilər.

Sizin üçün çox maraqlı, həzz aldığınız yeni fəaliyyətlərə başlayın. Buraya fiziki məşqlər, yoqa, yeni hobbi kəşf etmək, axşam yeməyi üçün dostlarla görüşmək yaxud yeni muzey və ya eksponatları araşdırmaq daxil ola bilər. Müxtəlif fəaliyyətlər ilə məşğul olduqda, masturbasiya imkanlarını azaldırsınız.

Tək qaldığınız vaxtı məhdudlaşdırın. Normalda təkbaşına həyata keçirəcəyiniz fəaliyyətləri daha ictimai məkana köçürməyə çalışın. Həmçinin pornoqrafiyaya baxmağı dayandırmaq da faydalı olacaqdır.