Məktəbəqədər hazırlıq qrupları üçün dərs vəsaitləri artıq Təhsil Nazirliyi tərəfindən təmin edilib

Məktəbəqədər təhsil məktəbəqədər yaşlı uşaqların intellektual, fiziki, mənəvi inkişafına xidmət edən ilkin bilik, bacarıq və vərdişlərin mənimsənilməsi prosesidir. Məktəbəqədər hazırlıq 5 – 6 yaşlı uşaqlar üçün nəzərdə tutulmuşdur. Bu qruplarda həftəlik məşğələlərin sayı öncədən hazırlanmış plan əsasında həyata keçirilir. Sağlamlıq imkanları məhdud məktəbəqədər yaşlı uşaqların təhsil alması üçün isə məktəbəqədər xüsusi təhsil müəssisələri yaradılmışdır. 1 il müddətinə icbari formada tədris edilir.

Məktəbəqədər təhsil müəssisələrində nitq inkişafı metoik vəsait

Müxtəlif peşə sahələri üzrə zəruri bilik və bacarıqlara malik mütəxəssislərin hazırlanmasında maarifləndirici tədbirlər xüsusi yer tutur

Texnologiyanın inkişafı ilə birlikdə peşə növlərinin sürətlə artması və ixtisaslaşmanın inkişafı peşəyönümü işinə xüsusi diqqət ayrılmasını müasir dövrdə zərurət kimi qarşıya qoyur. Bu inkişaf peşə seçməli olan gənclərin seçim imkanlarının artmasına səbəb olub. Gənclərə peşə imkanlarını tanıtmaq üçün ümumi təhsil müəssisələrində ibtidai təhsil səviyyəsindən başlayaraq peşəyönümü işinin sistemli təşkili son dərəcə vacibdir.

Peşəyönümü anlayışı “gənclərin müxtəlif peşələri tanımasına və öz xüsusiyyətlərinə uyğun peşələr seçməsinə, onları seçdiyi peşələrə hazırlamasına və peşəkarcasına inkişaf etməsinə yardım xidmətləri” kimi ifadə edilə bilər. Peşə seçimi uzunmüddətli prosesdir. Təəssüflər olsun ki, gənclərin əksəriyyəti orta məktəbi bitirdikdən sonra peşə seçimi ilə bağlı qərar verməli olduqda nə edəcəklərini bilmirlər. Əksər hallarda bəzi gənclər çoxu bu çaşqınlıqla peşələrini seçir və nəticədə özlərini və ailələrini yanlış seçim ucbatından məyusluğa uğradırlar. Peşə seçiminin mürəkkəb və dinamikliyi bu prosesdə şagirdlərə köməyi zəruri edir.

Fərdlərin öz maraq və qabiliyyətlərinə uyğun peşələr seçməsinin təmin edilməsində ən mühüm rol məktəblərdə peşəyönümü xidmətinin üzərinə düşür. Şagirdlər özlərinə ən uyğun peşəni seçə bilmələri üçün ilk növbədə, öz maraq və qabiliyyətlərini tanımalıdırlar. Bu səbəbdən məktəb psixoloqunun şagirdlərin maraq və qabiliyyətləri haqqında dəqiq məlumat verəcək və etibarlılığı olan ölçmə vasitələrini bilməsi və istifadə etməsi vacibdir.

Orta məktəb şagirdlərinin yeniyetməlik dövründə verdikləri qərarları daim dəyişmək meyli onların hansı peşəni seçəcəkləri ilə bağlı qərarlarına da təsir edir. Peşə seçimi ilə bağlı verəcəkləri səhv qərarların həyatlarına necə təsir edəcəyi ilə bağlı real proqnozlar formalaşdırmaqda problem yaşayırlar. Bu səbəbdən də gənclərin peşə yönümlülüyünə uyğun maarifləndirici bələdçilik xidmətlərinə ehtiyacının artdığı görünür. Bu məqsədlə ibtidai sinifdən başlayaraq uşaqların inkişaf xüsusiyyətlərinə uyğun peşə yönümlü fəaliyyətlərin həyata keçirilməsi və şagirdlərin maarifləndirilməsi vacib hesab edilir.

Ölkəmizdə ümumtəhsil müəssisələrində peşəyönümü xidmətinin təşkilində əsas məqsəd ibtidai təhsil səviyyəsindən başlayaraq tam orta təhsil səviyyəsinin sonuna qədər şagirdin bütün aspektlərdə (bacarıq, maraq, istək, qabiliyyət və s.) özünü tanımasıdır.

Peşəyönümü xidmətinin məqsədləri:

• * Təhsilalanların peşə və ixtisaslar üzrə tələb olunan bilik, bacarıq və səriştələr barədə məlumatlandırılması;
• * Təhsilalanlarda ixtisas və peşə seçimi prosesində bilik, bacarıq və səriştələrdən istifadəetmə qabiliyyətinin formalaşdırılması;
• * Maraqlarına, bacarıqlarına, qabiliyyətlərinə və şəxsi keyfiyyətlərinə uyğun olaraq, təhsilalanların müvafiq ixtisas və peşə seçiminə yönəldilməsi və onlara peşə məsləhətlərinin verilməsi;
• * İnsan kapitalının inkişaf etdirilməsi üçün təhsil və əmək bazarı arasında əlaqənin və təhsildən əmək bazarına keçidin təmin olunmasına dair məlumatlandırmanın həyata keçirilməsi;
• * Əmək fəaliyyətinin başlanılması üçün tələb olunan minimal bacarıqların formalaşdırılmasına köməkliyin göstərilməsi;
• * Təhsilalanların karyera planlaşdırılması və ömürboyu təhsil imkanları barədə məlumatlandırılması;
• * Təhsilalanlara ilkin sahibkarlıq bacarıqlarının aşılanması və onların gələcəkdə öz iş yerlərini yaratmalarına həvəsləndirilməsi;
• * Karyera planlaşdırılmasında sərbəst seçim imkanı verilməklə təhsilalanlarda peşə təhsili ilə bağlı ilkin bilik və bacarıqların ümumi təhsil pilləsində formalaşdırılması.

Qeyd olunan məqsədlərin reallaşdırılması üçün ölkəmizdə peşəyönümü işi üzrə davamlı tədbirlər həyata keçirilir. Belə ki, Azərbaycanda müxtəlif peşə sahələri üzrə zəruri bilik və bacarıqlara malik mütəxəssislərin hazırlanması istiqamətində görülən işlər sırasında maarifləndirici tədbirlər xüsusi yer tutur. Bu məqsədlə Azərbaycan Respublikasının Təhsil İnstitutu (ARTİ) “Ümumi təhsil müəssisələrində peşəyönümü xidmətinin təşkili” adlı metodik vəsait hazırlayıb. Vəsait şagirdlərin peşə seçimi məsələsinə həsr olunub. Şagirdlərlə peşəyönümü işinin aparılmasına dəstək məqsədi daşıyan vəsait məktəb rəhbərləri, metodistlər, peşəyönümü rəhbəri və müəllimlər üçün nəzərdə tutulub. Sözügedən vəsait ümumi təhsil müəssisələrində peşəyönümünün mahiyyəti, məzmunu və vəzifələri, peşəyönümü fəaliyyətinin təşkili, peşə maraqlarının və motivlərinin diaqnostikası kimi mövzuları əhatə edir.

Həmçinin ARTİ tərəfindən “Ümumi təhsil müəssisələrində peşəyönümü xidmətinin təşkili” mövzusunda mütəmadi olaraq təlimlər keçirilir. Ümumtəhsil məktəblərinin peşəyönümü koordinatorlarının iştirak etdiyi təlimlər çərçivəsində iştirakçılar peşəyönümü xidmətinin təşkilinin hüquqi əsasları, peşəyönümü işinin prinsipləri, həmçinin ibtidai, ümumi orta və tam orta təhsil səviyyələri üzrə şagirdlər ilə aparılan peşəyönümü üzrə işlərin məqsədi və s. kimi mövzularda öz bilik və bacarıqlarını artırırlar. ARTİ-nin Metodik dəstək və peşəkar inkişaf mərkəzi tərəfindən həyata keçirilən təlimlərin əsas məqsədi şagirdlərin qabiliyyət, meyil, maraq və ehtiyaclarını nəzərə almaqla ümumi təhsil müəssisələrində peşəyönümü işini təşkil etmək, eyni zamanda, müxtəlif peşələrlə bağlı maarifləndirici tədbirlər keçirməklə və valideynlərlə iş aparmaqla təhsilalanların peşə seçimində düzgün qərar vermələrinə dəstək olmaqdır. Təlim müddətində iştirakçılar peşə təhsili müəssisələri və müasir peşə təhsilinin əsas istiqamətləri ilə tanış olurlar. Eyni zamanda, onlara peşəyönümü işinin təşkili üsulları, peşəyönümü fəaliyyətinin planlaşdırılmasına dair tövsiyələr verilir.

Nəticə olaraq demək olar ki, müasir dövrdə ixtisaslı kadr anlayışı insanların müəyyən iş və ya peşədə həm bilik, həm də bacarıqlarla təmin olunmasını tələb edir. Fərd malik olduğu bilik və bacarıqlarla yanaşı, özünə ən uyğun peşəni seçmək üçün təhsil prosesi zamanı peşə yönümünə ehtiyac duyur. Bu vəziyyət, xüsusilə, gənc və inkişaf etməkdə olan cəmiyyətlər üçün peşəyönümü xidmətini vacib edir. Peşəyönümü xidmətinin səmərəli olması üçün hər bir ümumtəhsil məktəbində peşəyönümü işinə rəhbərlik edən koordinatorun təyin olunması xüsusi əhəmiyyət daşıyır. Həmçinin bu işdə məktəbin bütün pedaqoji heyəti əməkdaşlıq edərsə, effektiv nəticələr əldə oluna bilər.

Aynur HƏŞİMOVA,

ARTİ Metodik dəstək və peşəkar inkişaf mərkəzinin əməkdaşı

Məktəbəqədər hazırlıq qrupları üçün dərs vəsaitləri artıq Təhsil Nazirliyi tərəfindən təmin edilib

Ümumi təhsil məktəblərində oktyabrın 1-dən fəaliyyətə başlayan məktəbəqədər hazırlıq qruplarında tədris aparan müəllim və şagirdlər üçün dekabrın 5-də Azərbaycan Respublikası Təhsil Nazirliyinin Təsərrüfathesablı Əsaslı Tikinti və Təchizat İdarəsi tərəfindən dərsliklər digər rayonlarla yanaşı Samux rayon ümumi təhsil məktəbləri üçün də göndərilib.

Qeyd edək ki, dərsliklər tədris olunan 4 fənn (savad təliminə hazırlıq və nitq inkişafı, ətraf aləmlə tanışlıq, təsviri fəaliyyət, məntiqi və riyazi təfəkkürün inkişafı) üzrə hər fənn üçün 524 ədəd olmaqla göndərilib. Həmçinin qruplarda tədris aparan müəllimlər üçün də 28 ədəd Məktəbəhazırlıq Üzrə Təlimin Təşkili Metodikası ( disklə birlikdə) adlı metodiki vasitə də göndərilib. Dərsliklər sabahdan etibarən məktəbəhazırlıq qrupları açılmış məktəblərə Samux RTŞ-nin məsul şəxsləri tərəfindən paylanılacaq.

Nurəddin Babayev. Samux.

Məktəbəqədər təhsil müəssisələrində nitq inkişafı metoik vəsait

Məktəbəqədər təhsil məktəbəqədər yaşlı uşaqların intellektual, fiziki, mənəvi inkişafına xidmət edən ilkin bilik, bacarıq və vərdişlərin mənimsənilməsi prosesidir. Məktəbəqədər hazırlıq 5 – 6 yaşlı uşaqlar üçün nəzərdə tutulmuşdur. Bu qruplarda həftəlik məşğələlərin sayı öncədən hazırlanmış plan əsasında həyata keçirilir. Sağlamlıq imkanları məhdud məktəbəqədər yaşlı uşaqların təhsil alması üçün isə məktəbəqədər xüsusi təhsil müəssisələri yaradılmışdır. 1 il müddətinə icbari formada tədris edilir.

Bu yaş dövrlərinin xüsusiyyətlərini bilmək və təhsil zamanı uyğun tədris və tərbiyə metodlarından istifadə etmək burada çox vacib amillərdəndir. Əsas məsələ, müxtəlif didaktik oyunlar və s. vasitəsi uşaq bunu fərq etmədən ona yeni bilik və bacarıqlara qazandırmaqdır. Burada uşaqlara çox böyük məhəbbət, fərdiliyi görmək və hiss etmək, onun inkişafına töhfə vermək tələb edilir.

İxtisasın tarixi

1992-ci ildə bu ixtisas Pedoqogikanın tərkibində tədris edilmişdir. 2015-ci ildən isə məktəbəqədər təhsil adlanır. AR Nazirlər Kabinetinin 11 iyul 2016-cı il qərarı ilə 2016-2017-ci dərs ilindən başlayaraq məktəbəqədər yaşlı uşaqlara tədris edilir.

Bu ixtisas sahibi nə işlə məşğul olur?(iş öhdəlikləri)

• ➝ Uşaqların oxumaq həvəsinin, onların məktəbə müsbət emosiyalı münasibətinin inkişaf etdirilməsi;
• ➝ Uşaqların məktəbə adaptasiyasını təmin etmək ;
• ➝ Uşaqların şəxsi – sosial xüsusiyyətlərinin formalaşdırılması;
• ➝ Obrazlı təfəkkürün, təxəyyülün, məntiqi təfəkkürün inkişafı;
• ➝ Yüksək əxlaqi dəyərlərin və vətəndaşlıq hislərinin inkişaf;
• ➝ Uşaqların müəyyən edilmiş qaydalara riayət etmək bacarığının inkişafı;
• ➝ Qruplarla işləmə bacarığının formalaşması;
• ➝ Özünüqiymətləndirmənin formalaşması;
• ➝ Ünsiyyət bacarığının formalaşdırılması;
• ➝ Fiziki qabiliyyətlərin inkişaf etdirilməsi;
• ➝ Valideynlər ilə davamlı əlaqədə olmaq;
• ➝ Şagirdlərin yaradıcı potensialının, qabiliyyətlərinin və imkanlarının aşkara çıxarılmasına yardım;
• ➝ Şagirdlərin şəxsi inkişafını dəstəkləmək, güclü və zəif tərəflərini, maraqlarını, meyllərini müəyyənləşdirmək;
• ➝ Pedaqoji prinsiplərə riayət etmək.

Harada bu ixtisasa sahiblənmək olar?

• ➝ Azərbaycan Dillər Universiteti
• ➝ Azərbaycan Dövlət Pedaqoji Universiteti (Bakı, Ağcabədi, Quba,Şamaxı, Cəlilabad filialları)
• ➝ Bakı Dövlət Universiteti (Qazax filialı)
• ➝ Bakı Qızlar Universiteti
• ➝ Bakı Slavyan Universiteti
• ➝ Gəncə Dövlət Universiteti
• ➝ Mingəçevir Dövlət Universiteti
• ➝ Naxçıvan Müəllimlər İnstitutu
• ➝ Lənkəran Dövlət Universiteti
• ➝ Odlar Yurdu Universiteti
• ➝ Sumqayıt Dövlət Universiteti

Bu ixtisas üzrə harada çalışmaq olar?

• ➝ Dövlət bağçaları;
• Özəl müəssisələr:
• ➝ Profi Group;
• ➝ Balaca Alim Uşaq Bağçası;
• ➝ Nağıllar Aləmi Uşaq Bağçası;
• ➝ Elli’s Academy;
• ➝ Melissa Group;
• ➝ Kaspi Kids;
• ➝ Creative Education and Training Academy və s.

Bu ixtisas üzrə lazım olan bilik və bacarıqlar (kompetensiyalar)

• ➝ Yüksək motivasiya ilə yanaşma;
• ➝ Fərdi və komanda ilə işləmə bacarığı;
• ➝ Sinif idarəedilməsi bacarığı;
• ➝ Öyrətmək həvəsi;
• ➝ Azyaşlı uşaqlarla çalışma bacarığı;
• ➝ Müasir təlim və tədris metodlarını tətbiq etmək bacarığı;
• ➝ Pedaqoji ve psixoloji biliklərin olması;
• ➝ Fikrini rahat ve qısa zamanda çatdırmaq üçün səlis və lakonik nitq qabilliyəti;
• ➝ Səbrli və təmkinli xarakterə sahib olmaq;
• ➝ İşə məsuliyyətli yanaşmağı bacarmaq ;
• ➝ Şagirdlərin nə istədiyini anlamaq;
• ➝ Bildiklərinin tətbiqini bacarmaq;
• ➝ Öyrənməyi və öyrətməyi bacarmaq;
• ➝ Daim yenilikçi olmaq;
• ➝ Sosial yönümlü olmaq;
• ➝ Empatiya bacarığı.

İxtisasın gələcəyi

Təməl bacarıqlar uşaqlıq dövrünün ilk illərini əhatə etdiyinə görə erkən yaş dövründən inkişaf etdirilməsi vacibdir. Buna görə də bu ixtisas istənilən dövr üçün aktualdır.

Əmək haqqı

Bu sahə üzrə əmək haqqı 300 – 700 AZN aralığında dəyişir.