Nazirlər kabinetinin 80 saylı qərar.

1.1. ikinci və üçüncü abzaslar aşağıdakı redaksiyada verilsin:

””Azəriqaz” vətəndaşlara qeyri-qanuni cərimələr yazır”

Mingəçevir şəhər Təbriz küçəsi 42-də 4 binanın sakinlərinə məxsus mağarda qaz sayğacı xarab olub. Məlum olub ki, sayğacın içinə qarışqalar girib. Tərtər Regional Qaz İstismar İdarəsinin aktında da göstərilir ki, sayğacın dövlət yoxlanması zamanı içərisinə qarışqalar dolduğu, buna görə xarab olduğu təsdiqlənib.

1 ildir sakinlərlə qaz idarəsinin mübahisəsi bitmir. Sakinlərin sözlərinə görə, sayğacın xarab olmasına qarışqalar səbəb olsa da, regional qaz istismar idarəsinin Mingəçevir xidmət sahəsi itirilmiş qazlara görə onlardan ödəniş tələb edir. Artıq mağara qaz verilişi dayandırılıb.

““Azəriqaz”-dan şikayətlər var”

Son illər “Azəriqaz” İstehsalat Birliyinin sayğaca kənar müdaxilə adı ilə cərimələr tətbiq edilməsilə bağlı şikayətlər artıb. Məsələn, Nizami rayonu Keşlə qəsəbəsinin sakinləri iddia edirlər ki, yol təmiri zamanı qaz xətti zədələnib. Nəticədə 10-a yaxın sakinin sayğacı dəyişdirilib. Ötən həftə həmin sakinlərin hər birinə 200-350 manat arası cərimələr gəlib.

“Qaz xətti zədələndiyindən sayğacı dəyişdiriblər. İndi isə bizə deyirlər ki, cərimənin əsassız olduğunu sübut etmək üçün məhkəməyə müraciət edək”, – sakinlərdən Nuriyyə Hüseynova deyir.

Daha bir şikayət Binəqədi rayonu Sulutəpə qəsəbəsi, Ruslan Allahverdiyev küçəsindəndir. Küçədə bir neçə abonentin qazı kəsilib. Onlara bildiriblər ki, sayğaca müdaxilə olduğu üçün cərimə ödəməlidirlər.

“Bakıda 100-dən çox məktəbdə qaz sayğacları çıxarılıb”

Neftçilərin Hüquqlarını Müdafiə Təşkilatının (NHMT) sədri Mirvari Qəhrəmanlı deyir ki, “Azəriqaz”dan şikayətlər kütləvi hal alıb. Özü də təkcə sayğaclara görə cərimə tətbiqi ilə bağlı deyil: “Az qala hər gün respublikanın müxtəlif bölgəsindən şikayətlər gəlir. Masallı rayonunun Qəriblər kəndində abonentlərin qaz sayğacı yararsız hala salınıb, əvəzində sakinləri cərimələyiblər. Abonentlər qaz idarəsinin əməkdaşlarının səslərini yazıb idarə rəisinə göndəriblər. Təşkilatımıza edilən müraciətdə deyilir ki, Bakıda 100-dən çox məktəbdə qaz sayğacları çıxarılıb. Guya ki, sayğacların batareyası işləmir. Qaz üçün ödəniş normativlə hesablanır, bu isə itirilmiş qazın yerinin doldurulmasına xidmət edir”.

Təşkilat Azəriqaz İB-nin əhalinin qazla təminatında olan problemləri araşdırıb. Araşdırmada göstərilir ki, qaz itkisi var və bu itki cərimə kimi əhalinin hesabına ödənilir.

“Rəsmi rəqəmlər deyir ki…”

Mavi yanacaqla bağlı problem niyə yaşanır? Ölkədə qaz qıtlığımı var? Rəsmi rəqəmlərə görə, Azərbaycanda bugünə dəqiqləşdirilmiş çıxarıla bilən neft-kondensat ehtiyatı 1,5 milyard ton, qaz ehtiyatı isə 2 trilyon 550 milyard kubmetr həcmindədir. Proqnozlaşdırılan neft ehtiyatı 2 milyard ton, qaz ehtiyatı isə 3 trilyon 450 milyard kubmetrdir.

Ötən il, noyabrın 21-də SOCAR və Rusiyanın “Qazprom” şirkəti Azərbaycana təbii qazın tədarükünün bərpa edilməsi ilə bağlı razılığa gəlib. Müqaviləyə əsasən, SOCAR 1,6 mlrd. kubmetr həcmində Rusiya qazı alacaq. Ötən il Rusiyadan Azərbaycana 349 mln. kubmetr qaz tədarük edilib. Energetika Nazirliyinin məlumatına görə, 2018-ci ilin 9 ayında Azərbaycan Rusiyadan 800 mln. kubmetr təbii qaz idxal edib.

“Caspian Barrel”-in proqnozlarına görə, “Şah-dəniz” yatağından ilk 100 milyard kub metrlik qaz 2019-cu il yanvarın II yarısında hasil edilməlidir.

“Şahdəniz Mərhələ 2” çərçivəsində hasil edilən qaz 3500 kilometr məsafə qət edərək Xəzər dənizindən Avropaya nəql ediləcək. Həmçinin Azərbaycan Gürcüstanı qazla təmin edəcək. Məlumata görə, Gürcüstanın təbii qaza olan ehtiyacın 99,65 faizini Azərbaycan təmin edəcək.

Qonşu ölkə təbii qaz həcminin 1,866 milyard kub metrini “SOCAR” şirkətindən, 813 milyon kub metrini isə”Şahdəniz” yatağından əldə edəcək. Yerdə qalan 0,35 faizi isə (9,41 mln. kub metr) yerli hasilatın payına düşəcək. Azərbaycanda əhalinin qazla təminatına gəldikdə isə, istehsalat birliyi ölkənin bütün regionlarını əhatə edən 2 milyondan çox istehlakçını təbii qazla təmin edir. “Azəriqaz”ın istehsalçını nominal təzyiqdən aşağı olmamaqla keyfiyyət göstəriciləri dövlət standartlarının tələblərinə uyğun olan qazla fasiləsiz və etibarlı şəkildə təmin etmə öhdəliyi var.

NHMT-nin hesabatına əsasən…

“2 ildən artıqdır ki, Azərbaycanda əhalinin qazla təminatında çox ciddi problemlər müşahidə olunur. Birlik tərəfindən “Qaz təchizatı haqqında” qanunu, Nazirlər Kabinetinin 80 saylı qərarının bir neçə maddəsi pozulur. Bundan əlavə, 16 dekabr 2017-ci ildə SOCAR vitse-prezidenti Rəhman Qurbanovun təsdiq etdiyi “Sayğacla ölçülməyən qaz həcmlərinin hesabatının aparılmasına dair; Metodiki tövsiyələrə əsasən “Azəriqaz” tərəfindən hazırlanmış qaydaların 4-cü bəndindəki qeyri-qanuni düzəliş ( SOCAR-ın tövsiyələrinin 1.4.1 bəndində abonentə cərimə tədbiq olunarkən dəymiş ziyanın 90 gün ərzində sərf olunan qaz həcmi miqdarında nəzərdə tutulur. Ə.Hacıyev tərəfindən hazırlanan qaydalarda, bu, 180 günlə əvəz olunub) nəticəsində abonentlərə tədbiq olunan cərimə ikiqat artırılıb”,-NHMT-nın araşdırma sənədində qeyd olunub.

2017-ci ildə təbii qazın istehsalı ilə bağlı rəsmi statistikada göstərilir:

Statistika komitəsi (mln.kub.m)
Təbii qaz cəmi Səmt qazı Təbii qaz
İstehsal 28596 13905 14691
əmtəəlik 18186 4112 14074

Qeyd: SOCAR göstəriciləri : SOCAR üzrə 6089, Azərbaycan üzrə 28597,9, fərq -1,9 milyon.kub.m

2010-2017-cı illər üzrə ölkədə mövcud olan qaz itkisi (mln.kub.m):

İtkilər (milyonkub m)

2010 2011 2012 2013 2014 2015 2016 2017
1 117,0 892,5 890,0 891,0 942,0 1087,0 804,8 769,0

Təşkilatın araşdırmasında deyilir:

““Azəriqaz” qaz itkisini qaz təchizatı sisteminin böyük hissəsinin 1960-1980-ci illərdə, keçmiş Sovetlər İttifaqın standartları əsasında qurulmuş şəbəkədə, qaz təchizatı rejimlərinin tənzimlənməsində böyük texniki problemlərdə və qaz istifadəçilərində görür. “Azəriqaz” bu itkiləri əhalinin hesabına bağlayır. Tarif (qiymət) Şurasının qərarından sui-istifadə edilir. Belə ki, təbii qazın ölkədaxili tənzimlənməsi barədə Tarif (qiymət) Şurasının 22 dekabr 2016-cı il, 19 nömrəli qərarına əsasən, illik qaz sərfi üzrə limit 1700 kubmetr təsdiq olunub. Bu limit daxilində abonent bir kubmetr qaz sərfi üçün 10 qəpik, limitdən artıq sərf olunan hər kubmetr qaz sərfi üçün isə 20 qəpik ödəniş etməlidir. Hər ilin sonunda (25 dekabr-28 dekabr) abonentlərin sayğaclarının (smart tipli sayğaclara aid deyil) üzərindəki göstəricilər qanuna uyğun qaydada oxunub, bütün abonentlərə bildirişlər paylanilmalı, sıfırlama olunmalı, yeni ildən istehlakçı illik limit üzrə (1700 kubm) qazdan istifadə etməlidir. Lakin 2017-ci ilin yekunu üzrə abonentlərin sayğac göstəricilərində, dekabrın qaz sərfi yanvar ayının əvvəllərində qeyd edilmişdir. Bu faktlar abonentlər tərəfindən sosial şəbəkələrdə də öz əksini tapmışdı. Ölkədə 2 970 000 qaz abonenti var, bunun 95 faizi əhalidir. 1 milyona yaxın abonent isə mexaniki sayğacdan istifadə edir. Aldadılan abonentlər məhz mexaniki sayğacdan istifadə edənlərdir. Elektron sayğaclarda ödəniş kartla olduğundan bu saxtakarlıq siyasətləri həmin sayğaclarda tədbiq olunmadı”.

Təşkilatın araşdırmaçıları düşünür ki, belə bir üsuldan yenə istifadə olunma ehtimalı var:

“Qış aylarında qrafik üzrə hər gün bir rayonda qaz təchizatı saxlanılıb yenidən qaz istifadəyə verilərkən, boruya vurulan hava nəticəsində 15-20 dəqiqə ərzində sayğac sürətlə fırlanır və abonent həmin sərfi də ödəməli olur. Qazla təminatın saxlanılmasını isə “Azəriqaz” tərəfindən eyni cavab verilir: “325 mm qaz xəttində təmir gedir”. Amma ünvan və digər suallar cavabsız qalır. Abonentlə bağlanmış müqavilə şərtlərini pozaraq xəbərdarlıqsız qazla təminat saxlanılır. İstehlakçıya əsassız, qeyri-qanuni cərimələr tədbiq olunur. Nazirlər Kabinetinin “Qazdan istifadə Qaydaları”nın təsdiq edilməsi haqqında 80 saylı qərarı yerinə yetirilmir”.

Mirvari Qəhrəmanlı da deyir ki, sayğaclar quraşdırılarkən üzərində olan plombların yalnız biri müvafiq örtüklə örtülür. İkinci plomb (yivli birləşməyə vurulmuş plomb) isə açıqda qalıb. Açıq qalan plombun “qırılması” adı altında əhaliyə qeyri-qanunu cərimələr olunur. Sayğacların üzərində qoruyucu örtüklər quraşdırılmır. Məsələn, Lənkəran Regional Qaz İstismarı İdarəsinin (RQİİ) 7-ci Xidmət sahəsində plombu korroziyaya uğramış və korroziya nəticəsində qırılmış 3700 abonentə cərimə tətbiq olunub. Lənkəran regionuna Masallı, Lerik, Astara, Cəlilabad, Biləsuvar, Yardımlı rayonları və Lənkəran şəhəri daxildir.

“Salyan RQİİ-də isə 40-dan yuxarı abonentə cərimə tədbiq olunaraq qaz təchizatı saxlanılıb. Cərimə tədbiq olunan abonentlərə müdaxilə ilə əlaqədar dövlət rəyi verilməyib. Yəni cəriməni nəyə görə tədbiq olunduğunu abonent bilmir. Cərimənin miqdarı 500 manatdır. Bu xidmət sahəsində qaz itkisi apreldə 36 faiz, mayda isə 31faiz olub.

Ekspert araşdırmaları zamanı, eləcə də müxtəlif mənbələrdən daxil olan məlumatlarda qeyd olunur ki, 2018-ci ilin mart-aprel ayında plastik plombların (sayğacın yivli birləşməsinə vurulmuş plomb) qırılması ilə bağlı 8 Regional Qaz İstismar İdarəsində hər abonentə 4000 kubmetr qaz həcmində, 800 manat dəyərində olmaqla 12500 abonentə cərimə yazılıb. Həmin abonentlər son 4 ayda plombları təzələnmiş abonentlərdir”, – Mirvari Qəhrəmanlı deyir.

“Təbii şəraitə görə sınmış sayğaclar üçün də cərimələr edilir”

Təşkilat sədri vurğulayır ki, təbii şəraitə görə sınmış, çatlamış sayğaclar üçün də abonentə cərimə tədbiq olunur. Məsələn, Lənkaran rayonu Şağlaser kəndində əvvəl abonentə 1503 manat cərimə yazılıb, abonentin təkidindən sonra sayğacı yoxlamaya göndərilib.

Lənkəran Rayon Qaz İstismar İdarəsi rayonun Şağlaser kəndində 46 abonenti sayğaca müdaxilə halı aşkarlandığına görə məhkəməyə verib. Abonentlər iddia edirlər ki, onlar sayağaclara heç bir müdaxilə etməyiblər, sayağaclar yaşayış evlərimizdən ən azı 50-100 metr kənarda, hasarların üzərində qurlaşdırılıb. Sayğacların təhlükəsizliyini qoruyan xüsusi qoruyucu avadanlıq yoxdur. Məhkəmə prosesi davam edir.

Kənddə cərimələnənlərdən biri də 70 yaşlı Şahnaz Qurbanovadır. Övladları Rusiya və Bakıda olması səbəbindən Şahnaz Qurbanova evində tək yaşayır. İdarənin əməkdaşları onun evinin sayğacında da müdaxilə aşkarlayıblar. O isə məhkəmədən gələn çağırışdan sonra hadisədən xəbər tutduğunu deyir.

Zərdab rayon Məlikli kəndinin sakini Fərman Umudova da 2017-ci ilin 4 dekabrında evindən 100-150 m kənarda olan sayğaca yük avtomobili zərər vurduğu üçün 1944 manat cərimə tədbiq olunub. Bu barədə dərhal “Azəriqaz”ın Tərtər RQİİ-nin Zərdab şöbəsinə məlumat verib. İdarənin işçiləri sayğaca baxış keçirib və akt tərtib edilib. Üstündən 1 ilə yaxın vaxt keçəndən sonra ona Tərtər RQİİ tərəfindən əsassız cərimə yazılıb. Sayğacın yük maşını tərəfindən vurulması barədə Zərdab DYP-nin də arayışı var və həmin arayış aktla birlikdə “Azəriqaz”a göndərilib.

Lerik rayon xidmət sahəsində hər bir sayğaca 1200 manat olmaqla 8 sınıq sayğaca cərimə yazılıb. “Sayğaclara görə abonentlərin cərimələnməsi isə rayonda bu ay gözlənilən 50000 kubmetr qaz itkisi ilə əlaqədardır”, – Mirvari Qəhrəmanlı belə deyir.

NHMT-nin araşdırmalarına görə, sayğaclar dəyişdirilərkən əhalinin “borcu” olduğu haqda əsassız cərimələr tədbiq olunur:

““Azəriqaz” işçiləri tərəfindən qeyri-qanuni cərimə tətbiqinə qarşı Ağstafa, Qazax, Tovuz, Sabirabad, Ucar, Biləsuvar, Salyan, Şəmkir, Bakı və digər bölgələrdən 50-yə qədər məhkəmə prosesləri olub. Bütün iddia ərizələri təmin olunub. Hazırda Xətai Rayon Məhkəməsində 4 iddia ərizəsinə baxılacaq, 6 iddia ərizəsi isə hazırlanır. Məhkəmə prosesləri cərimə tədbiqinin qeyri- qanuni olduğunu sübut etdi”, – araşdırmada deyilir.

“Araşdırma və şikayətlər göstərir ki, “Azəriqaz” İB qaz itkisini əhalinin hesabına silməyə cəhd edir”, – Qəhrəmanlı söyləyib.

“Azəriqaz”dan isə Meydan TV-yə deyiblər ki, cərimənin əsassız olduğunu hesab edən abonentlər məhkəməyə müraciət edə bilərlər:

“Biz hansısa təşkilatın cəfəngiyyat açıqlamalarına münasibət bildirmək istəmirik”, – qurumun mətbuat xidmətindən deyiblər.

Nazirlər kabinetinin 80 saylı qərar.

№ 130 Bakı şəhəri, 12 iyun 2013-cü il

Azərbaycan Respublikası Nazirlər Kabinetinin 2011-ci il 12 may tarixli 80 nömrəli qərarı ilə təsdiq edilmiş “Qazdan istifadə Qaydaları”nda dəyişiklik edilməsi haqqında

“Azərbaycan Respublikasının Şəhərsalma və Tikinti Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında” Azərbaycan Respublikasının 2012-ci il 29 iyun tarixli 392-IVQ nömrəli Qanununun tətbiqi barədə” Azərbaycan Respublikası Prezidentinin 2012-ci il

4 sentyabr tarixli 695 nömrəli Fərmanının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2011-ci il 12 may tarixli 80 nömrəli qərarı (Azərbaycan Respublikasının Qanunvericilik Toplusu, 2011, № 5, maddə 452; 2012, № 2, maddə 184) ilə təsdiq edilmiş “Qazdan istifadə Qaydaları”nın 2.2-ci bəndində “işçi və qəbul komissiyaları” sözləri “işçi komissiyası” sözləri ilə əvəz edilsin.

Azərbaycan Respublikasının Baş naziri

Nazirlər kabinetinin 80 saylı qərar.

Azərbaycan Respublikası Nazirlər Kabinetinin 2011-ci il 12 may tarixli 80 nömrəli qərarı ilə təsdiq edilmiş “Qazdan istifadə Qaydaları”nda dəyişikliklər edilməsi barədə

RƏSMİ DƏRC EDİLDİYİ MƏNBƏ

Azərbaycan Qəzeti (Dərc olunma tarixi: 06-05-2016, Nəşr nömrəsi: 97), Azərbaycan Respublikasının Qanunvericilik Toplusu (Dərc olunma tarixi: 30-04-2016, Nəşr nömrəsi: 04, Maddə nömrəsi: 834)

QÜVVƏYƏ MİNMƏ TARİXİ
AZƏRBAYCAN RESPUBLİKASI VAHİD HÜQUQi TƏSNİFATI ÜZRƏ İNDEKS KODU
HÜQUQİ AKTLARIN DÖVLƏT REYESTRİNİN QEYDİYYAT NÖMRƏSİ
14201604290180
HÜQUQİ AKTIN HÜQUQİ AKTLARIN DÖVLƏT REYESTRİNƏ DAXİL EDİLDİYİ TARİX

AZƏRBAYCAN RESPUBLİKASI NAZİRLƏR KABİNETİNİN QƏRARI

“Qaz təchizatı haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2015-ci il 30 sentyabr tarixli 1326-IVQD nömrəli Qanununun tətbiqi haqqında” Azərbaycan Respublikası Prezidentinin 2015-ci il 12 noyabr tarixli 673 nömrəli Fərmanının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2011-ci il 12 may tarixli 80 nömrəli qərarı (Azərbaycan Respublikasının Qanunvericilik Toplusu, 2011, N 5, maddə 452; 2012, N 2, maddə 184; 2013, N 6, maddə 744; 2014, N 1, maddə 69) ilə təsdiq edilmiş “Qazdan istifadə Qaydaları”nda aşağıdakı dəyişikliklər edilsin:

1. 1.2-ci bənd üzrə:

1.1. ikinci və üçüncü abzaslar aşağıdakı redaksiyada verilsin:

“qaz paylayıcısı – alqı-satqı müqaviləsi əsasında istehlakçılara qazpaylayıcı şəbəkə vasitəsilə qazın paylanılmasını, satılmasını və bu fəaliyyətlərlə əlaqədar xidmətləri həyata keçirən hüquqi şəxs;

istehlakçı – alqı-satqı müqaviləsi əsasında qazı satın alan və qazdan yanacaq və ya xammal kimi istifadə edən hüquqi və ya fiziki şəxs;”;

1.2. dördüncü-yeddinci abzaslar aşağıdakı redaksiyada verilsin:

“qaz qurğusu – istilik enerjisinin alınması və məişət ehtiyacları üçün qazın yanacaq və müxtəlif növ məhsulların istehsalı üçün xammal kimi istehlakı prosesində istifadə olunan, dövlət standartlarının tələblərinə cavab verən və uyğunluq sertifikatı olan məişət və sənaye qaz qurğusu (qurğuları);

məişət qaz qurğusu – ümumi qaz sərfiyyatı saatda 10 kubmetrədək olan, əhalinin məişət ehtiyacları üçün qazın yanacaq kimi istehlakı prosesində istifadə olunan, dövlət standartlarının tələblərinə cavab verən və uyğunluq sertifikatı olan qaz qurğusu (qurğuları);

sənaye qaz qurğusu – ümumi qaz sərfiyyatı saatda 10 kubmetrdən artıq olan, istilik enerjisinin alınması və məişət ehtiyacları üçün qazın yanacaq və müxtəlif növ məhsulların istehsalı ilə əlaqədar xammal kimi istehlakı prosesində istifadə olunan, dövlət standartlarının tələblərinə cavab verən və uyğunluq sertifikatı olan qaz qurğusu (qurğuları);

qazpaylayıcı şəbəkə – qazın istehlakçılara paylanması üçün yaradılmış, təşkilati, texnoloji və texniki cəhətdən bir-biri ilə əlaqəli olan təsərrüfat (qoşulma nöqtəsində boru kəmərləri və xətləri, təhlükəsizlik və nəzarət-ölçü sistemləri, qaz avadanlığı) kompleksi;”.

1.3. aşağıdakı məzmunda on birinci və on ikinci abzaslar əlavə edilsin:

“tikinti obyektləri – tikinti fəaliyyəti prosesində yaradılan və ya yaradılmış bina və ya qurğular;

texniki şərtlər – tikinti obyektlərinin qaz təchizatı üçün layihələndirilməsinə əsas olan və qazın verilməsi ilə bağlı mühəndis-texniki parametrləri özündə əks etdirən texniki sənəd.”.

2. 1.3-cü bəndin dördüncü və beşinci abzaslarına “sənaye” sözündən sonra “qaz” sözü əlavə edilsin.

3. 1.4-cü bəndin ikinci abzasına “Sənaye” sözündən sonra “qaz” sözü əlavə edilsin.

4. 1.5-ci bəndə aşağıdakı məzmunda ikinci-dördüncü cümlələr əlavə edilsin:

“Dövlət standartlarının tələblərinin pozulması qanunla müəyyən edilmiş məsuliyyətə səbəb olur. Qazın keyfiyyət göstəriciləri nəzarət orqanı olan Azərbaycan Respublikasının Energetika Nazirliyi tərəfindən laboratoriya şəraitində və ya xüsusi texniki vasitələrlə yoxlanılmalı və nəticələri barədə istehlakçılara və qaz paylayıcısına məlumat verilməlidir. Yoxlama nəticəsində qazın keyfiyyət göstəriciləri dövlət standartlarının tələblərinə cavab vermədikdə, qaz paylayıcısından qazın həmin standartlara uyğunlaşdırılması üçün tədbirlərin həyata keçirilməsi tələb edilməlidir.”.

5. 2.1-ci bənd üzrə:

5.1. birinci cümlədə “texniki şərt” sözləri “texniki şərtlər” sözləri ilə əvəz edilsin;

5.2. ikinci cümlə aşağıdakı redaksiyada verilsin:

“İstehlakçıların qaz təchizatı üçün texniki şərtlərin verilməsi və qaz qurğularının qazpaylayıcı şəbəkəyə qoşulması qaydası Azərbaycan Respublikasının Nazirlər Kabineti tərəfindən müəyyən edilir.”.

6. 2.2-ci bənd üzrə:

6.1. “, məişət qaz qurğularının istismara qəbulu və qaz şəbəkəsinə qoşulması isə qaz paylayıcısı tərəfindən” sözləri çıxarılsın;

6.2. aşağıdakı məzmunda ikinci-dördüncü cümlələr əlavə edilsin:

“İstehlakçının məişət qaz qurğusu həmin qurğunun yerləşdiyi tikinti obyektində qaz ekspertləri və ya qaz paylayıcısının mütəxəssisi tərəfindən sınaqdan keçirildikdən və sertifikat verildikdən sonra qazpaylayıcı şəbəkəyə qoşulur. Sınağın keçirilməsinə və sertifikatın verilməsinə görə ödəniş tələb olunmur. Tikinti obyektlərinin (o cümlədən, yaşayış binalarının mənzillərinin) qaz qurğuları yalnız qaz xətlərinə tam həcmdə qoşulduqdan, sayğaclar və detektorlarla təchiz edildikdən sonra istismara qəbul üçün təqdim edilə bilərlər.”.

7. 2.3-cü bəndin birinci cümləsinə “Sənaye” sözündən sonra “qaz” sözü əlavə edilsin və həmin cümlədən “qəbul komissiyası tərəfindən” sözləri çıxarılsın.

8. 2.4-cü bəndin birinci cümləsinə “sənaye” sözündən sonra “qaz” sözü, “icazə” sözündən əvvəl “xüsusi” sözü əlavə edilsin, ikinci cümləsində “İcazənin” sözü “Xüsusi icazənin” sözləri ilə əvəz edilsin.

9. 2.6-cı bəndə “Sənaye” sözündən sonra “qaz” sözü əlavə edilsin.

10. 2.7-ci bənd aşağıdakı redaksiyada verilsin:

“2.7. FHN-in və EN-in səlahiyyətli nümayəndələri istehlakçını 5 iş günü əvvəl məlumatlandırmaqla qazdan səmərəli istifadəni, məişət qaz qurğularının təhlükəsiz və etibarlı istismar edilməsini təmin etmək məqsədi ilə həmin qurğulara, tüstü bacalarına və qazpaylayıcı şəbəkəyə altı ayda bir dəfədən az olmayaraq texniki baxış keçirilməsini təmin etməlidirlər.”.

11. 2.8-ci bənd aşağıdakı redaksiyada verilsin:

“2.8. Baş verən yanğının və ya qaz sızmasının qarşısının alınması və digər qəza işlərinin görülməsi halları istisna olmaqla, digər hallarda istehlakçı FHN-in və EN-in səlahiyyətli nümayəndələrini, onların təmsil etdiyi orqanın qazlaşdırılmış əraziyə və (və ya) yaşayış sahəsinə (bundan sonra – qazlaşdırılmış obyekt) daxil olmaq icazəsi və səbəbi haqqında yazılı sənədin əslini və xidməti vəsiqələrini təqdim etdikləri təqdirdə, texniki baxışın keçirilməsi üçün ona məxsus qazlaşdırılmış obyektə daxil olmasını təmin etməlidir.”.

12. Aşağıdakı məzmunda 2.9-2.12-ci bəndlər əlavə edilsin:

“2.9. Baş verən yanğının və ya qaz sızmasının qarşısının alınması və digər qəza işlərinin görülməsi üçün istehlakçı qaz paylayıcısının nümayəndələrini qazlaşdırılmış obyektə xidməti vəsiqələrini təqdim etdikləri halda buraxmalı və onlar tərəfindən müvafiq tədbirlərin görülməsinə şərait yaratmalıdır.

2.10. Sahibkarlıq subyektlərinin sənaye qaz qurğularına “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Azərbaycan Respublikasının Qanununda nəzərdə tutulmuş hallarda və qaydada texniki baxış keçirilir.

2.11. FHN-in və EN-in səlahiyyətli nümayəndələri texniki baxışın nəticələrini 2 nüsxədən ibarət aktla rəsmiləşdirməli və aktın bir nüsxəsini mütləq istehlakçıya təqdim etməlidirlər. İstehlakçı bu barədə xüsusi kitabda öz imzası ilə həmin sənədin alınmasını təsdiq etməlidir.

2.12. İstehlakçılar qaz qurğularının “Qaz təchizatı haqqında” Azərbaycan Respublikasının Qanununa müvafiq olaraq istismarına və işçi vəziyyətdə saxlanılmasına görə məsuliyyət daşıyırlar.”.

13. 3.1.7-ci yarımbənd aşağıdakı redaksiyada verilsin:

“3.1.7. qazpaylayıcı şəbəkədə qəza hallarının qarşısını almalı və nəticələrini aradan qaldırmalıdır.”.

14. 3.2.10-cu yarımbəndin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 3.2.11-3.2.13-cü yarımbəndlər əlavə edilsin:

“3.2.11. FHN-in və EN-in səlahiyyətli nümayəndələri tərəfindən bu Qaydaların 2.7-2.10-cu bəndlərinə uyğun olaraq, qaz qurğularına, tüstü bacalarına və qazpaylayıcı şəbəkəyə texniki baxış keçirilməsinə imkan yaratmalı;

3.2.12. tikinti obyektlərinin daxilində qaz sızmasını və dəm qazını müəyyən edən detektor quraşdırmalı və onu işlək vəziyyətdə saxlamalı;

3.2.13. Azərbaycan Respublikası Standartlaşdırma, Metrologiya və Patent üzrə Dövlət Komitəsinin (bundan sonra – SMPDK) müəyyən etdiyi dövlət standartlarının tələblərinə cavab verən məişət qaz qurğusundan istifadə etməli.”.

15. 3.3-cü bəndə “Sənaye” sözündən sonra “qaz” sözü əlavə edilsin.

16. 3.5.1-ci yarımbənd aşağıdakı redaksiyada verilsin:

“3.5.1. qaz avadanlıqlarını istismar edən müvafiq texniki heyət tərəfindən qaz qurğularına mütəmadi olaraq texniki baxış keçirilməsini və qazdan təhlükəsiz istifadənin təbliğatını təmin etməli, habelə zirzəmilərin, texniki anbarların və birinci mərtəbələrin ərazisində hava-qaz qatışığının yoxlanılması üçün qaz paylayıcısına şərait yaratmalı;”.

17. 3.5.5-ci yarımbəndə “sənaye” sözündən sonra “qaz” sözü əlavə edilsin.

18. 4.1-ci bənddə “Azərbaycan Respublikasının Standartlaşdırma, Metrologiya və Patent üzrə Dövlət Komitəsi (bundan sonra – SMPDK)” sözləri “SMPDK” abreviaturası ilə əvəz edilsin.

19. 4.2-ci bənd aşağıdakı redaksiyada verilsin:

“4.2. Məişət qaz qurğularının istifadəsi üçün qaz sayğacı qaz paylayıcısının vəsaiti hesabına, sənaye qaz qurğularının istifadəsi üçün isə qaz sayğacı istehlakçının vəsaiti hesabına təchiz edilir, quraşdırılır və dəyişdirilir.”.

20. 4.6-cı bəndə “paylayıcısının” sözündən sonra “sayğacın işlək vəziyyətdə olduğunu təsdiq edən” sözləri əlavə edilsin.

21. 4.9-cu bənd aşağıdakı redaksiyada verilsin:

“4.9. İstehlakçının təqsiri olmadan zədələnmiş qaz sayğacının təmir olunması, texniki baxışdan keçirilməsi, dəyişdirilməsi (yenisi ilə əvəz edilməsi) və quraşdırılması bu Qaydaların 4.2-ci bəndinə uyğun olaraq, zədələnmə istehlakçının təqsiri üzündən baş verdikdə isə istehlakçının vəsaiti hesabına qaz paylayıcısı tərəfindən həyata keçirilir. Qaz paylayıcısı tərəfindən qaz sayğacının dəyişdirilməsi, təmir olunması və ya texniki baxışdan keçirilməsi istehlakçıdan tələb edildikdə, bu halda qaz paylayıcısı tərəfindən həmin tələbin hüquqi əsası göstərilməlidir. Qaz sayğaclarının növbəti texniki baxışının keçirilməsi onların texniki pasportlarında göstərilmiş müddətdə həyata keçirilir. Qaz sayğaclarının növbəti texniki baxışdan keçirilməsinə görə istehlakçılardan vəsait tələb etmək qadağandır. İstehlakçının arzusu ilə qaz sayğacının texniki baxışdan keçirilməsinə görə istehlakçı vəsait ödəməlidir.”.

22. 4.10-cu bəndə “Sənaye” sözündən sonra “qaz” sözü və “bu Qaydaların” sözlərindən sonra “4.2-ci bəndinin” sözləri əlavə edilsin.

23. 6.1.3-cü yarımbənddə “Azərbaycan Respublikası Nazirlər Kabinetinin” sözləri “SMPDK” abreviaturası ilə əvəz edilsin.

24. Aşağıdakı məzmunda 6.1.5-1-ci və 6.1.5-2-ci yarımbəndlər əlavə edilsin:

“6.1.5-1. İstehlakçı bu Qaydaların 2.7-ci bəndinə uyğun olaraq, FHN-in və EN-in səlahiyyətli nümayəndələrini qaz qurğularına, tüstü bacalarına və qazpaylayıcı şəbəkəyə texniki baxış keçirmək üçün onun mülkiyyətində və ya istifadəsində olan tikinti obyektinə daxil olmalarına maneə törətdikdə, həmin orqanların göstərişi əsasında;

6.1.5-2. FHN-in və EN-in səlahiyyətli nümayəndələri tərəfindən tərtib edilmiş texniki baxış aktında qeyd olunmuş qəza və (və ya) bədbəxt hadisələrə səbəb ola biləcək nöqsanlar istehlakçı tərəfindən nəzərdə tutulmuş müddətdə aradan qaldırılmadıqda həmin orqanların göstərişi əsasında;”.

25. Qaydalara 2 nömrəli əlavə – “Qaz paylayıcısı ilə fiziki şəxs olan istehlakçı arasında qazın alqı-satqısı barədə Müqavilə” üzrə:

25.1. adı aşağıdakı redaksiyada verilsin:

“Qaz paylayıcısı ilə məişət qaz qurğusu istifadəçisi arasında qazın alqı-satqısı Müqaviləsi”;

25.2. 2.1.1-ci yarımbəndə “keyfiyyət göstəriciləri” sözlərindən sonra “(tərkibi, sıxlığı, rütubətliliyi, istilik yaratmaq qabiliyyəti və digər)” sözləri əlavə edilsin və həmin yarımbənddən “(DÜST-5542-87)” sözləri çıxarılsın;

25.3. 2.1.3-cü, 2.1.13-cü, 2.2.1-ci və 2.4.5-ci yarımbəndlər ləğv edilsin;

25.4. 2.1.11-ci yarımbənddə “ödənişsiz qaydada” sözləri “Qazdan istifadə Qaydaları”nın 4.9-cu bəndinə uyğun olaraq” sözləri ilə əvəz edilsin;

25.5. 2.2.6.3-cü yarımbənddə “Azərbaycan Respublikası Nazirlər Kabinetinin” sözləri “Azərbaycan Respublikası Standartlaşdırma, Metrologiya və Patent üzrə Dövlət Komitəsinin” sözləri ilə əvəz edilsin;

25.6. aşağıdakı məzmunda 2.2.6.5-1-ci və 2.2.6.5-2-ci yarımbəndlər əlavə edilsin:

“2.2.6.5-1. İstehlakçı “Qazdan istifadə Qaydaları”nın 2.7-ci bəndinə uyğun olaraq, Azərbaycan Respublikası Fövqəladə Hallar Nazirliyinin və Azərbaycan Respublikası Energetika Nazirliyinin səlahiyyətli nümayəndələrini qaz qurğularına, tüstü bacalarına və qazpaylayıcı şəbəkəyə texniki baxış keçirmək üçün onun mülkiyyətində və ya istifadəsində olan tikinti obyektinə daxil olmasına maneə törətdikdə, həmin orqanların göstərişi əsasında;

2.2.6.5-2. Azərbaycan Respublikası Fövqəladə Hallar Nazirliyinin və Azərbaycan Respublikası Energetika Nazirliyinin səlahiyyətli nümayəndələri tərəfindən tərtib edilmiş texniki baxış aktında qeyd olunmuş qəza və (və ya) bədbəxt hadisələrə səbəb ola biləcək nöqsanlar istehlakçı tərəfindən nəzərdə tutulmuş müddətdə aradan qaldırılmadıqda, həmin orqanların göstərişi əsasında;”;

25.7. 2.3.5-ci yarımbənd aşağıdakı redaksiyada verilsin:

“2.3.5. baş verən yanğının və ya qaz sızmasının qarşısının alınması və digər qəza işlərinin görülməsi üçün qaz paylayıcısının nümayəndəsini və ya nümayəndələrini xidməti vəsiqələrini təqdim etdikləri təqdirdə, qazlaşdırılmış əraziyə və (və ya) yaşayış sahəsinə buraxmaq;”;

25.8. aşağıdakı məzmunda 2.3.5-1-ci yarımbənd əlavə edilsin:

“2.3.5-1. tikinti obyektlərinin daxilində qaz sızmasını və dəm qazını müəyyən edən detektor quraşdırmaq və onu işlək vəziyyətdə saxlamaq;”;

25.9. 2.4.4-cü yarımbənd üzrə:

25.9.1. “Paylayıcıdan,” sözü çıxarılsın;

25.9.2. “tapşırıq sənədinin surətini” sözləri “obyektə daxil olmaq icazəsi və səbəbi haqqında yazılı sənədin əslini və xidməti vəsiqələrini” sözləri ilə əvəz edilsin.

26. Qaydalara 3 nömrəli əlavə – “Qaz paylayıcısı ilə sənaye qaz qurğusundan istifadə edən istehlakçı arasında qazın alqı-satqısı barədə Müqavilə” üzrə:

26.1. adı aşağıdakı redaksiyada verilsin:

“Qaz paylayıcısı ilə sənaye qaz qurğusu istifadəçisi arasında qazın alqı-satqısı Müqaviləsi”:

26.2. 2.1.1-ci yarımbənd üzrə:

26.2.1. “keyfiyyət göstəriciləri” sözlərindən sonra “(tərkibi, sıxlığı, rütubətliliyi, istilik yaratmaq qabiliyyəti və digər)” sözləri əlavə edilsin;

26.2.2. “(DÜST-5542-87)” sözləri çıxarılsın;

26.3. 2.1.4-cü, 2.1.15-ci, 2.2.1-ci və 2.4.6-cı yarımbəndlər ləğv edilsin;

26.4. 2.1.13-cü yarımbənddə “ödənişli qaydada” sözləri “Qazdan istifadə Qaydaları”nın 4.9-cu bəndinə uyğun olaraq” sözləri ilə əvəz edilsin;

26.5. 2.2.7.3-cü yarımbənddə “Azərbaycan Respublikası Nazirlər Kabinetinin” sözləri “Azərbaycan Respublikası Standartlaşdırma, Metrologiya və Patent üzrə Dövlət Komitəsinin” sözləri ilə əvəz edilsin;

26.6. aşağıdakı məzmunda 2.2.7.5-1-ci və 2.2.7.5-2-ci yarımbəndlər əlavə edilsin:

“2.2.7.5-1. İstehlakçı “Qazdan istifadə Qaydaları”nın 2.7-ci bəndinə uyğun olaraq, Azərbaycan Respublikası Fövqəladə Hallar Nazirliyinin və Azərbaycan Respublikası Energetika Nazirliyinin səlahiyyətli nümayəndələrini qaz qurğularına, tüstü bacalarına və qazpaylayıcı şəbəkəyə texniki baxış keçirmək üçün onun mülkiyyətində və ya istifadəsində olan tikinti obyektinə daxil olmasına maneə törətdikdə, həmin orqanların göstərişi əsasında;

2.2.7.5-2. Azərbaycan Respublikası Fövqəladə Hallar Nazirliyinin və Azərbaycan Respublikası Energetika Nazirliyinin səlahiyyətli nümayəndələri tərəfindən tərtib edilmiş texniki baxış aktında qeyd olunmuş qəza və (və ya) bədbəxt hadisələrə səbəb ola biləcək nöqsanlar istehlakçı tərəfindən nəzərdə tutulmuş müddətdə aradan qaldırılmadıqda, həmin orqanların göstərişi əsasında;”;

26.7. 2.3.6-cı yarımbənd aşağıdakı redaksiyada verilsin:

“2.3.6. baş verən yanğının və ya qaz sızmasının qarşısının alınması və digər qəza işlərinin görülməsi üçün qaz paylayıcısının nümayəndəsini və ya nümayəndələrini xidməti vəsiqələrini təqdim etdikləri təqdirdə, qazlaşdırılmış əraziyə və (və ya) yaşayış sahəsinə buraxmaq;”;

26.8. aşağıdakı məzmunda 2.3.6-1-ci yarımbənd əlavə edilsin:

“2.3.6-1. tikinti obyektlərinin daxilində qaz sızmasını və dəm qazını müəyyən edən detektor quraşdırmaq və onu işlək vəziyyətdə saxlamaq;”;

26.9. 2.4.5-ci yarımbənd üzrə:

26.9.1. “Paylayıcıdan,” sözü çıxarılsın;

26.9.2. “tapşırıq sənədinin surətini” sözləri “obyektə daxil olmaq icazəsi və səbəbi haqqında yazılı sənədin əslini və xidməti vəsiqələrini” sözləri ilə əvəz edilsin.

Azərbaycan Respublikasının Baş naziri Artur Rasi-zadə

Bakı şəhəri, 29 aprel 2016-cı il