Lüm özündən əvvəl bu əlamətləri göndərir

Ölümə 1-2 həftə qalmış

Hamiləlik pozan dərmanlar

Hamiləlik əksər qadınlar üçün arzuolunan haldır. Lakin bəzən müəyyən səbəblərdən onun sonlandırılması qaçılmaz olur. Qadınların bir çoxu hamiləlik pozan dərmanlar qəbul etməyə meyllidir. Bu üsul tibbdə medikamentoz abort adlanır.

Hamiləlik pozan dərmanlar nə kimi üstünlüklərə malikdir?

Bu preparatların üstün cəhəti ondan ibarətdir ki, həmin dərmanları aptekdən asanlıqla əldə etmək mümkündür. Belə hallarda çox zaman cərrahi müdaxilə və ya vakum-aspirasiyaya ehtiyac yaranmır. Həm də hamiləlik pozan dərmanlar qiymət baxımından qadınlar üçün daha sərfəlidir.

Medikamentoz abort üçün əsas qayda

Medikamentoz abort yalnız çox erkən hamiləlik həftəsi üçün keçərlidir. Dərmanla hamiləlik pozmaq istəyən qadın axırıncı menstruasiya vaxtını dəqiq bilməlidir. Hamiləlik testi pozitiv çıxdıqdan sonra həkimə gedərək qanda XQ (xorionik qonadotropin) analizi verməli, həmçinin uşaqlığın ultrasəs müayinəsindən keçməlidir.

Hamiləlik pozan dərmanlar aşağıdakılardır:

Progesteronun antoqonistləri (antiprogestinlər)

Bu qrupa Mifepriston, Mifolian və Mifeqin aiddir. Preparatların təsir mexanizmi bir-birindən fərqlənir. Belə ki, Mifeqin qadın cinsi hormonu – progesteronun sintezini dayandırır. Nəticədə döl yumurtası inkişaf edə bilmədiyindən tələf olur.

Mifepriston isə uşaqlığın tonusunu və yığılmalarını gücləndirməklə, hamiləlik pozulmasını stimulə edir.

Sintetik prostaqlandinlər

Mizoprostol və ya Mirolyut hamiləliyin erkən dövrlərində düşüyə səbəb olan preparatlardır. Onlar tablet şəklində buraxılır.

Sintetik prostaqlandinlər uşaqlığın yığılmasını təmin edərək, uşaqlıq boynunu genişləndirir. Bu tip dərmanları qəbul etdikdə döl yumurtası uşaqlıqdan xaric olur – düşük baş verir. Mirolyut və Mizoprostol təbii doğuşlarda tətbiq olunan Oksitosin kimi təsir edir.

Hamiləlik pozan dərmanlar nə vaxt qəbul edilə bilər?

Belə dərmanlar axırinci aybaşıdan sonra 49 gün ərzində istifadə oluna bilər.

Hamiləlik pozan dərmanlar: istifadəsinə əks-göstərişlər

Uşaqlıqdan kənar hamiləlik;
Xroniki böyrək çatışmazlığı;
Qadının yaşının 18-dən az olması;
Hormonal pozğunluqlar;
Cinsiyyət orqanlarının xəstəlikləri;
Preparatın tərkibindəki komponentlərə qarşı fərdi həssaslıq.

Hamiləliyi pozan dərmanların fəsadları

Ümumiyyətlə, abort təbii proses olmadığından orqanizm üçün zərərli hesab edilir. Bu müdaxilə aşağıdakı fəsadlarla nəticələnə bilər:

Qeyri-müntəzəm və ağrılı aybaşılar;
Uşaqlıq qanaxamaları;
Qalxanvari vəzin disfunksiyası;
Piylənmə;
İkincili sonsuzluq ;
Xoş və bədxassəli şişlər.

Əlbəttə ki, bütün abort halları yuxarıdakı fəsadlarla nəticələnmir. Sadəcə belə qadınlarda ağırlaşma riski mövcud olur.

DİQQƏT : Həbləri qəbul etdikdən sonra qanlı ifrazatın miqdarına diqqət yetirin. Əgər 1 saat ərzində dəyişilən bezlərin sayı, ifrazatın həcmi artarsa, o zaman həkimə müraciət edin. Normada axıntı tədricən azalmaqla 7-10 gün davam edir.

Medikamentoz abortdan sonra əlavə təsirlər

Onlara ürəkbulanma, ishal, qusma, baş gicəllənmə və zəiflik aiddir. Belə hallarda əlamətləri aradan qaldıran vasitələrdən istifadə edilməlidir.

Hamiləliyin dərmanla pozulması niyə təhlükəli sayılır?

Hamiləlik pozan dərmanlar qəbul etdikdə düşük natamam ola bilər. Natamam abort – uşaqlıqda döl yumurtası və dölyanı kisənin qalıqlarının ləngiməsi ilə xarakterizə edilir. Bu da öz növbəsində qanaxmalara səbəb olur. Qalıqlar iltihablaşdıqda vəziyyət daha da ağırlaşır. Abortun qalıqlarını təmizləmək üçün küretaj edilir, uşaqlığın divarları qaşınır.
Bundan əlavə preparatların qəbulundan sonra qarnın aşağı hissəsində kəskin ağrı və qanaxma baş verə bilər. Uşaqlıqdan kənar hamiləliklərdə qadın özbaşına hamiləlik pozan dərmanlar qəbul edərsə, belə hallar daxili qanaxma, borunun cırılması, hətta ölümlə nəticələnə bilər.

Belə fəsadlara yol verməmək üçün hamiləliyi dayandıqmaq istəyən qadın ilk növbədə həkim-ginekoloqla məsləhətləşməli və yalnız onun tövsiyə etdiyi üsuldan istifadə etməlidir.

Ölüm özündən əvvəl bu əlamətləri göndərir

Ölüm dünya yaranandan insanları ən çox qorxudan məsələdir. Nə qədər qorxulu olsa da, bu reallıqdır. Bəs ölüm haqqında nə bilirik? Məsələn, ölümün bir anda deyil, 3 ay əvvəldən başladığını bilirsinizmi?

Publika.az Türkiyə mətbuatına istinadən ölümə addım-addım yaxınlaşmağınızı göstərən məlumatları təqdim edir.

Əvvəlcə insanlar ölümü qavrayıb və öz ölümünə inanır. Daha sonra bu barədə düşünməyə başlayır, sanki kəşf etməyə hazırlaşır.

Ölümə 1-3 ay qalmış

Bir insan ölümə yaxınlaşdığını hiss edib və onu qəbul etməyə başlayanda ətrafından uzaqlaşır. Dünyadan sanki uzaqlaşma mərhələsinə başlayır. Dostları, qonşuları və hətta ailə üzvləri ilə belə görüşmək istəmir. Qonaq getməyi istəmədiyi kimi, qonaq qəbul etməyi də istəmir. Daim keçmişi və yaşadıqları barədə düşünür.

Ölmək üzrə olan insanların iştahı azalır və arıqlayırlar. Əvvəllər olduğu kimi artıq yediyi yeməklərdən ləzzət almır. Bir vaxtlar ona əyləncəli görünən hadisələr, işlər artıq maraqsız görünməyə başlayır. Ancaq yatmaq istəyir. Bu zaman insan yemək yeməsə belə özlərini ac hiss etmir. Bu ölümə gedən yolun başlanğıcıdır.

Ölümə 1-2 həftə qalmış

Bu dövrdə insan günlərini yatmaqla keçirir. Onun ətrafdakıları dərk etmək qabiliyyəti dəyişir. Gizli düşmənlərinin olduğunu düşünür və daim məğlub olacağı kimi düşüncələrə qapılır. Bəzən yanında olmayan insanlarla danışır. Adətən danışdığı adam ölmüş biri olur. Hərəkətlərində isə heç bir məqsəd olmur. Çünki onlar getdikcə dünyadan uzaqlaşırlar.

Ruhi dəyişikliklərlə yanaşı bəzi fikizi dəyişikliklər də olur. Bədən temperaturu, qan təzyiqi azalır, nəbz bəzən yavaş, bəzən isə çox sürətli vurur. Tez-tez tərləyir. Dərisinin rəngi dəyişir. Solğun, maviyəçalan bir rəng alır. Xüsusən də, bu dəyişiklik dodaqlarda və dırnaqlarda olur.

Nəfəs alma da dəyişir. Nəbz kimi o da bəzən çox sürətli, bəzən isə zəif olur. Danışmaq qabiliyyəti azalır, sonda tamamilə dayanır.

Ölümə bir neçə gün və ya saat qalanda

Bu zaman sanki aylardır olmadığı qədər insan özünü güclü hiss edir. Yataqdan qalxır, yaxınları ilə daim danışmaq və ac qaldığı günlərin əvəzinə daha çox yemək istəyir. Bu enerji ölən adamın son fiziki ifadələridir.

Nəfəs alma tədricən daha nizamsız və yavaş olur. Tez-tez nəfər almadan sonra birdən tamamilə nəfəs kəsilir.

Əllər və ayaqlar bənövşəyi rəng olur, ləkələr yaranır, bu ləkələr yavaş-yavaş digər üzvlərdə də hiss olunur. İnsan yavaş-yavaş ərtafdakılara reaksiya vermir. Gözləri açıq olsa da, ətrafı görə bilmir. İnanclara görə, bu zaman sevdiyi şəxslərin yanında oturub onunla danışması tövsiyə edilir.

Sonunda nəfəs tamamilə kəsilir, ürək dayanır, artıq ölüm baş verib.

Milli.Az

Babasil şamı

Babasil şamı hemorroyun müalicəsində istifadə olunan əvəzedilməz vasitələrdən biridir. Onlar tərkib və təsir mexanizmlərinə görə fərqlənirlər. Aşağıdaki nümunələrdə bu məsələyə aydınlıq gətirək.

Natalsid
Şamın tərkibinə qəhvəyi dəniz yosunlarından alınan natrium alginat daxildir. Natalsid hətta hamiləlikdə babasil xəstəliyi zamanı təyin edilən təhlükəsiz vasitələrdəndir. İltihabəleyhinə, hemostatik (qanaxmanı dayandıran), bərpaedici təsirlərə malikdir.

Propolis DN
Şamın tərkibinə kakao yağı, lanolin, propolis daxildir. Babasilin kompleks müalicəsində istifadə edilir. İltihabəleyhinə təsirə malikdir. Qaşınmanı, göynəməni götürür. Hamilə qadınlara da təyin oluna bilər. Lakin bu şamın bir sıra əks-göstərişləri mövcuddur. Məsələn, Propolis DN-dən arıçılıq məhsullarına allergiyası olan şəxslər istifadə edə bilməz. Məlumat üçün qeyd edək ki, arıçılıq məhsullarına-bal, mum, bərəmum, arı südü, arı zəhəri daxildir.

İxtiol şamı
Bu şamlar antiseptik təsirə malikdir. Həmçinin ağrıkəsici effekti də mövcuddur. Anus ətrafındakı iltihabi prosesi aradan götürmək üçün babasil müalicəsində qeyri-steroid iltihabəleyhinə dərmanlarla birlikdə təyin edilir.

Çaytikanı şamı
Dərman preparatının tərkibinə çaytikanı özəyi (ekstraktı) daxildir. Təbii preparat olduğundan bu şamı hamilələr və uşaqlar istifadə edə bilər. Anal çat hallarında bərpaeedici təsirə malikdir. Babasil qaşınması, qıcıqlanma kimi şikayətləri aradan götürür.

Anuzol
Münasib qiymətinə və kompleks təsirinə görə babasil üçün ən yaxşı şam kimi qabaqcıl sıralarda dayanır. Əsas komponentləri xanımotu özəyi ekstraktı, bismut, sink oksid hesab olunur. Qanaxmanı dayandırır, ağrını kəsir, düz bağırsağın selikli qişasını qoruyur.

Posterizan
Tərkibinə bağırsaq çöpünün antigeni və metabolitləri (maddələr mübadiləsi məhsulları) daxildir. Bu maddələr düz bağırsağın selikli qişasına nüfuz etməklə, toxumaların zərərli mikroorqanizmlərə qarşı müqavimətini artırır. Kəskinləşmə mərhələsində babasil əlamətləri – anal nahiyədən ifrazat, qaşınma, göynəmə hissi zamanı təyin edilir. Uşaqlara əks göstərişdir.

Prokto-qlivenol
Xarici və daxili babasilin müalicəsində tətbiq edilən kompleks təsirə malik vasitələrdən biridir. Prokto-qlivenol kapilyar keçiriciliyini azaldır, qan və limfa dövranını yaxşılaşdırır, venotonik təsirə malikdir. İltihabəleyhinə, ağrı kəsici, ödemi (şişkinliyi) azaldan təsirlərinə görə babasil üçün ən yaxşı şam sırasına daxil etmək olar. Lakin əksər dərmanlar kimi bu vasitənin də əlavə təsirləri mövcuddur və istifadə etməzdən öncə proktoloq həkimlə məsləhətləşmək lazımdır.

Proktozan şamı
İltihabəleyhinə, yara sağaldıcı, ağrıkəsici təsirə malik kompleks vasitədir. Bir neçə əks göstərişi və əlavə təsiri olduğuna görə istifadədən öncə mütləq həkiminizdən soruşun.

Hepatrombin H şamı
Şamın tərkibinə: heparin, lauromakroqol, prednizolon daxildir. Venasklerozlaşdırıcı, antibakterial, iltihabəleyhinə, antiallergik təsirləri mövcuddur. Babasil düyünündə tromb əmələgəlmənin qarşısını alır. Ağrını azaldır. Müalicə kursu maksimum 7 gündür. Bu müddət ərzində müsbət nəticə müşahidə edilməzsə, həkim digər preparat təyin etməlidir.

Relif şamı
Babasil düyünlərindən və şikayətlərdən azad olmaq məqsədilə bu tip şamlardan istifadə edilir. Relif adı altında bir neçə seriya buraxılır. Şamın əsas aktiv maddəsi akula qaraciyəri yağıdır. Yara sağaldıcı, immunstimulyator (yerli immun sistemi gücləndirən), iltihabəleyhinə təsirlərə malikdir. Şamın aşağıdakı buraxılış seriyaları var:

Relif – qaşınmanı və şişkinliyi azaldır;
Relif Advans – ağrı kəsici təsirlidir;
Relif ultra – antiallergik və iltihabəleyhinə təsir göstərir.

Nigepan şamı
Hepatrombin H-ın analoqudur. Tərkibindəki aktiv maddə – heparindir. Ağrı və qaşınma ilə mübarizə aparır, göynəmə və qıcıqlanmanı azaldır. Mövcud trombların böyüməsinin qarşısını alır.

Proktosedil M şamı
Ağrını azaldır, qaşınmanı götürür. Tərkibində geniş spektrli antibiotik mövcuddur, kapilyar kövrəkliyini azaldır. Kompleks dərman preparatı olmasına baxmayaraq, kifayət qədər əks göstərişi və əlavə təsirləri mövcuddur. Həkim məsləhəti olmadan ondan istifadə etmək olmaz. Hamilələr və uşaqlara əks göstərişdir.

Neo – Anuzol
Bir neçə təsirə malik qarışıq tərkibli şam dərin anal çatlarda tətbiq edilir. Düz bağırsaqda qalaraq tədricən təsir edir. Patogen mikrofloranın çoxalmasının qarşısını alır. Dozalanma qaydası mütləq həkim tərəfindən təyin edilməlidir. Bu şamdan yalnız müalicə deyil, profilaktik məqsədilə də istifadə oluna bilər.

Ultraprokt
Ağrı sindromu və qaşınmanı aradan qaldırır. Əsas təsir maddəsi fluokortolon və sinkoxaindir. Əlavə olaraq tərkibinə gənəgərçək yağı daxildir. Hormonal preparat olduğundan həkimlər tərəfindən çox ehtiyatla, yalnız vacib göstərişlər əsasında təyin edilir.