Neft emalı texnologiyası

Mədəndən gələn neft mexaniki tәmizlәnmәdәn sonra xüsusi sobada 300—325°C-dәk qızdırılır. Neft һәmin temperaturda qaynayır vә onun çox һissәsi buxar halına keçir. Qaynayan neft vә onun buxarı rektifikasiya kolonuna daxil olur.

Neft emalı texnologiyası

Neft-Qaz Emalı Texnologiyası kursu zamanı əməkdaşlar neft-qazın quyudan çıxdıqdan sonra ilkin fazalara ayrılaraq eksport spesifikasiyalarına nə cür çatdırılması, emal texnologiyasından, müasir neft və qaz sektorunda istifadə olunan ən yeni qurğulardan, onların işləmə prinsipləri və işlənməsinin əsas konsepsiyaları haqqında nəzəri və təcrübi biliklər mənimsəmək imkanı əldə edəcəklər.

Kurs kİmlər üçün nəzərdə tutulub:

Neft – qaz sənayesində Neft-Qaz Qurğuları Mühəndisliyi sahəsində və ya bu sahə ilə əlaqəli işlərdə dərəcə artırmaq, ixtisaslaşmaq və yaxud bu sahə üzrə fəaliyyət göstərən yerli və xarici şirkətlərdə karyera qurmaq istəyən şəxslər və mühəndislik sahəsi üzrə təhsil alan tələbələr biliklərini inkişaf etdirmək üçün kursda iştirak edə bilərlər.

Kursun müddətİ:

Kursun tədrİs dİlİ:

Azərbaycan dili, İngilis dili və Rus dili

Sertİfİkat:

Kursu müvəffəqiyyətlə bitirmiş iştirakçıya seçimindən asılı olaraq Yerli (TEC) və Beynəlxalq (TÜV Austria) sertifikat təqdim edilir.

Neft emalı texnologiyası

Hәr bir mayenin müәyyәn qaynama temperaturu vardır. Mәsәlәn, adi şәraitdә tәmiz su 100°C, etil spirti (şәrab spirti) isә 78,4°C-dә qaynayır. Bu iki mayeni qarışdırıb, tәzәdәn spirt vә suya ayırmaq üçün һәmin qatışığı qızdırmaq lazımdır. Bu zaman qatışıq әvvәlcә buxarlanacaq vә temperatur 78,4°S-yә çatdıqda etil spirti qaynamağa başlayacaqdır. Qatışıqdan çıxan buxar әsas etibarilə etil spirti buxarından ibarәt olacaqdır. Bu buxarı soyutduqda az miqdarda su vә çoxlu miqdarda etil spirti alınacaqdır. Bu prosesә maye qatışığının distillә edilmәsi deyilir. Bu proses daһa tәkmillәşmiş һalda neftin ayrı-ayrı һissәlәrә ayrılmasında tәtbiq olunur.

Neft külli miqdarda müxtәlif karbohidrogenlәrin qarışığından ibarәtdir. Tәbiәtin qarışdırdığı bu maddәlәri bir-birindәn ayırmağa onların müxtәlif temperaturda qaynamaları kömәk edir. Bu әsasda neftayırma zavodlarında xam nefti müxtәlif fraksiyalara ayırırlar. Hәr fraksiya müәyyәn temperatur intervalında alınır. Mәsәlәn, benzin fraksiyasının temperatur intervalı 40—170°C arasındadır. Bu temperatur intervalı onu göstərir ki, benzinin tәrkibinә daxil olan maddәlәr 40°C-dә qaynamağa başlayır, 170°C-yә çatdıqda isә benzin qaynayıb tamamilә buxar һalına keçir. Liqroin fraksiyasının temperatur intervalı 170— 230°C, kerosininki isә 230—300°C-dir.

Hazırda neftayırma prosesi aşağıdakı qayda ilә aparılır.

Mədəndən gələn neft mexaniki tәmizlәnmәdәn sonra xüsusi sobada 300—325°C-dәk qızdırılır. Neft һәmin temperaturda qaynayır vә onun çox һissәsi buxar halına keçir. Qaynayan neft vә onun buxarı rektifikasiya kolonuna daxil olur.

Rektifikasiya kolonu böyük metal silindrdәn ibarәtdir: һündürlüyü 40, diametri isә bir neçә metrә çatır.

Kolonun daxilindә, bütüm һündürlüyü üzrә üfüqi arakәsmәlәr—lövһәlәr yerlәşdirilmişdir. Qaynamaqda olan neftlә birlikdә onun buxarı kolonun aşağısında qalır. 360°C-dәn yüksәk temperaturda qaynayan bu qara, qatı vә yağabәnzәr neft qalığına mazut deyilir.

Neft buxarı kolon ilә yuxarı qalxdıqda daxildәki lövһәlәrdә soyuyub maye һalına keçir. Әvvәlcә qaynama temperaturu yüksәk olan vә 300—360°C-dә qaynayan fraksiya ayrılır ki, ona qazoyl deyilir. Sonra isә qaynama temperaturuna görə kerosin (230—300°C) vә liqroin (170—230°C) fraksiyaları ayrılır.

Rektifikasiya kolonunun әn yüksәk һissәsindәn isә buxar һalında ayrılmış benzin keçir. Benzin buxarının tәrkibindә xam neftdә һәll olmuş cüzi miqdarda neft qazı vardır. Bu qaz benzin buxarı ilə birlikdә kolondan çıxıb soyuducu ciһaza (kondensatora) daxil olur. Burada benzin fraksiyası maye һalına keçәrәk neft qazından ayrılır.

Hazırda neft emalı sәnayesinin әsas mәһsulu benzindir. Qazoyl dizel müһәrriklәrinin yanacağıdır. Odur ki bu yanacaq dizel yük avtomobillәrindә, ağır traktorlarda, teplovoz vә teploxodlarda, dizel elektrik vә elektrik stansiyalarında vә s. obyektlәrdә işlәdilir. Kerosin vә liqroindәn isә әsas etibarilə traktor yanacağı kimi istifadә olunur.

Mazutdan isə kimyәvi parçalamaq yolu ilə kerosin vә benzin, neft yağı zavodlarında isә qiymәtli sürtkü yağları alınır. İlk emal prosesindә neftin kimyәvi tәrkibi dәyişmir, ondan yalnız benzin, kerosin vә s. fraksiyalar ayrılır. Bu zaman xam neftdәn ancaq onun tәrkibindә olan benzini ayırmaq olar. Neftin tәrkibindә isә orta һesabla 5%-әdәk benzin olur.

Bәs neftdәn onun tәrkibindә olduğundan daһa artıq benzin almaq mümkündürmü?

Mazut—qatı vә ağır mayedir. Əgər mazutdakı uzun vә ağır karbohidrogen molekullarını yüngül molekullara parçalamaq mümkün olsa idi, onda mazutdan benzin almaq olardı.

Bu çәtin və mürәkkәb mәsәlәni 1891-ci ildә mәşһur rus müһәndisi V. Q. Şuxov müvәffәqiyyәtlә һәll etdi. Şuxov göstәrdi ki, mazutdan benzin almaq üçün onu müәyyәn tәzyiq altında 450—500°C-yәdәk qızdırmaq lazımdır. Belәliklә, müәyyәn zaman müddәtindә mazutda olan ağır vә iri karboһidrogen molekulları parçalanır. Mәsәlәn, 16 karbon vә 32 hidrogen atomundan qurulmuş mürәkkәb karboһidrogen (setan) krekinq (neftin kimyәvi parçalanması) nәticәsindә oktan vә oktilen adlanan iki karboһidrogenә parçalanır. Lakin yüksәk temperaturda mazut molekulları һәmişә tam ortadan parçalanmır: onlar kәnarlardan da parçalana bilәr. Bu zaman molekullarında bir, iki, üç vә ya dörd karbon atomu olan qaz һalında karbohidrogenlәr әmәlә gəlir. Bu qazların alınması benzinin çıxış miqdarını azaldır. Amma yüksәk temperaturla birlikdә tәzyiqi dә artırdıqda iri molekullar әsas etibarilə ortadan parçalanaraq benzini törәdәn karbohidrogenlәr әmәlә gәtirir.

Şuxovun bu müһüm kәşfi nәticәsindә neft qalığı olan mazutdan һazırda 40%-dәk benzin vә kerosin, һabelә çoxlu miqdarda krekinq qazı alınır. Mazutun krekinqindәn sonra krekinq mazut qalır ki, bu da son vaxtlara qәdәr bir yanacaq kimi işlədilmәkdәdir. Krekinq qazının tәrkibinә әsasәn metan, etan, butan və doymamış karbohidrogenlәrdәn: propilen, butilen daxildir. Krekinq qazı xalq tәsәrrüfatı üçün çox qiymәtli xammaldır.

“Neft-qaz hasilatı texnologiyası və neft emalı məhsullarının standartlaşdırılması” üzrə Texniki Komitə yaradılıb

Standartlaşdırma, Metrologiya və Patent üzrə Dövlət Komitəsi tərəfindən “Neft-qaz hasilatı texnologiyası və neft emalı məhsullarının standartlaşdırılması” üzrə Texniki Komitə yaradılıb.

Dövlət Komitəsindən AZƏRTAC-a bildirilib ki, “Neft-qaz hasilatı texnologiyası və neft emalı məhsullarının standartlaşdırılması” üzrə Texniki Komitənin yaradılmasında əsas məqsəd milli standartlaşdırma proqramına uyğun olaraq aparılan işləri beynəlxalq təcrübəyə uyğunlaşdırmaq və neft-kimya sahəsində mövcud standartların təkmilləşdirilməsi, yeni standartların hazırlanmasıdır.

Texniki Komitəyə ümumilikdə 17 dövlət müəssisəsi və onların struktur bölmələrinin əməkdaşları üzv seçilib. Bu siyahıda Energetika Nazirliyi, Ekologiya və Təbii Sərvətlər Nazirliyinin Dövlət Ekspertiza İdarəsi, Səhiyyə Nazirliyinin Respublika Gigiyena və Epidemiologiya Mərkəzi və Azərbaycan Milli Elmlər Akademiyası yer alıb.

Məlumatda qeyd olunub ki, Texniki Komitə – müvafiq fəaliyyət sahələri üzrə standartlaşdırma sahəsində normativ sənədlərin hazırlanması, milli, regional və beynəlxalq standartlaşdırma tədbirlərinin təşkili və həyata keçirilməsi məqsədilə könüllü əsaslarla yaradılmış maraqlı müəssisələrin, təşkilatların, icra hakimiyyəti orqanlarının nümayəndələrinin birliyidir.

Texniki Komitənin tərkibinə, bərabərlik və könüllülük əsasında müvafiq icra hakimiyyəti orqanlarının nümayəndələri, elmi təşkilatlar, sahibkarlar və istehsalçılar ictimai birlikləri, kommersiya və qeyri-kommersiya təşkilatları daxil ola bilərlər.