7-sinf Biologiya olimpiada №2

В школе проверке знаний учеников уделяется большое внимание, но проводят ее педагоги. Для многих школьников остается непонятным принцип ее прохождения, а также оценивание. Они часто не осознают своих ошибок и поэтому не могут их достаточно быстро исправить.

Azərbaycan Biologiya Olimpiadası

YouTube-da MinutePhysics kanalının istehsalı, subtitrlərini tərcümə edib dərsdə göstərdiyim video. Azərbaycan dilində subtitrləri aktivləşdirmək üçün Settings->Subtitles->Azerbaijani.

Posted on October 5, 2016 October 7, 2016 by azebioolymp

Hüceyrə Biologiyası Dərs Planı

Qarşıdakı dərslərin mövzularını və müvafiq Campbell fəsillərini qeyd edərək müvəqqəti bir dərs planı hazırladım. Dərslərin ardıcıllaqlarında ola bilsin ki, bir-iki xırda dəyişiklər baş verdi və dərs tarixləri ola bilsin ki, dəyişdi, amma hansı istiqamətdə getdiyimizlə bağlı ümumi bir fikirə sahib olmaq istəyirsinizsə, dərs planına nəzər sala bilərsiz.

Bundan əlavə, rəsmi proqramdan tərcümə etdiyim BBO mövzularını da Drive-dakı qovluqdan tapmaq mümkündür.

Posted on October 2, 2016 October 2, 2016 by azebioolymp · 1 Comment

Resurslar haqda

Yoldaşlar, bildiyimiz kimi Azərbaycan dilində olimpiada məqsədilə istifadə edə biləcəyimiz kitab və başqa resurslar tapmaq bir az çətin məsələdir. Ümidvaram ki, bu məsələ gələcəkdə daha yaxşı həllini tapacaq. İndilik isə, 9-cu və yuxarı siniflərin Biologiya fənni üzrə dərs kitablarından, Süratın kitablarından və internetdə tapa biləcəyiniz resurslardan istifadə etməyinizi tövsiyyə edirəm. İnternetdə istifadə edə biləcəyiniz bəzi resurslardan aşağıdakıları göstərə bilərəm:

Elmi Spektr Jurnalı: ilk dərsdə haqqında danışdığım elmi-kütləvi jurnal.

Yaşıl Elm: elmi məqalələrin və tərcümələrin yazıldığı veb sayt.

Əlavə tövsiyyələri olanlar aşağıda rəy şəklində istifadə etdikləri resursları paylaşa bilərlər.

Google Drive qovluğunda yerləşdirdiyim iki kitab ingilis dilində olsa da, haqlarında qısa məlumat verim. Campbell Biology kitabını biologiya olimpiadasının və universitetlərdə birinci il ümumi biologiya kurslarının klassiki adlandırmaq olar. 1500 səhifəlik bu kitab, bir çox ölkədə (o cümlədən Azərbaycanda) olimpiadaya hazırlıq üçün istifadə edilir və demək olar ki, bütün olimpiada proqramını əhatə edir. Campbell ümumi biologiya kitabı kimi faydalı olsa da, bir mövzu haqda daha dərin məlumat üçün məhz həmin mövzunu əhatə edən kitablardan da istifadə edirik. Mənim keçməkdə olduğum hüceyrə biologiyası sahəsində klassik sayılan və bir çox bioloqun kitab şkafında yer alan kitab Alberts və başq. tərəfindən yazılmış Molecular Biology of the Cell (Hüceyrənin Molekulyar Bİologiyası) kitabıdır. Bu kitabda haqqında danışacağımız mövzular çox detallı şəkildə ələ alındığından, kitabın səviyyəsi ümumilikdə olimpiada səviyyəsindən bir az yuxarıdır, lakin dərslərdə bu kitabdan da geniş istifadə edəcəyəm.

Ümidvaram ki, ən azında Campbell və ya ona bənzər başqa bir ümumi biologiya kitabı yaxınlarda Azərbaycan dilinə tərcümə olunacaq, indilik isə, Süratı oxuyub, arada isə Campbell-i ingiliscə oxuyub ingilis dilimizi inkişaf elətdirməliyik.

Posted on October 2, 2016 October 2, 2016 by azebioolymp · 1 Comment

Google Drive qovluğu

Google Drive-da dərslərimdə istifadə etdiyim slaydları və başqa resursları yerləşdirdiyim bir qovluq açdım. Qovluğa daxil olmaq üçün mənimlə əlaqə saxlayın, çünki müəllif hüquqları ilə qorunan materialları onlayn paylaşmaq o qədər də yaxşı fikir deyil. Məndə e-mailləri olan yoldaşlarla bu qovluğu paylaşdım, dəvətnamə almayan yoldaşların isə ya e-mail adresləri düzgün yazılmayıb, ya da mənim bilmədiyim bir problem var. Hələlik qovluqda ancaq slaydlar və iki kitabın pdf versiyaları yerləşdirilib, gələcəkdə resurslar tapdıqca/yüklədikcə ora yükləyib, buradan paylaşacağam.