Hər gün yeni bir kitab

15 9 Mart

On bir dəqiqə

“Qafqazinfo” son vaxtlar Paulo Koelyonun Azərbaycan gəncliyi arasında çox məşhurlaşan “On bir dəqiqə” əsərindən bir parçanı təqdim edir.

Bu peşəylə məşğul olan gündən onun qarşısından keçən kişilər var gücləriylə özlərinə inanan ömür sahibləri kimi görünməyə çalışırdılar,amma Mariya onların gözlərində həmişə qorxu – arvad qarşısında qorxu, həlledici anda biabır olmaq qorxusu, hətta fahişəylə – pul verdikləri qadınla da lazımi səviyyədə ola bilməmək qorxusu görürdü. Bax, əgər mağazadan bir cüt başmaq alsaydılar, o başmaq xoşlarına gəlməsəydi, doğurdanmı əllərində çek qayıdıb pullarını geri almağa cəsarətləri çatmazdı? Onlar burda da hər hansı firmaya pul ödəyirlər, amma uğursuzluğa düçar olanda heç bir vəchlə “Kopakabana”ya gəlməzlər, çünki bundan hamının xəbər tutacağına əmindilər. Bundan da utanırlar.

Buna görə də onları əzablardan qurtarmaq istəyib, Mariya özlərini rahat saymaları üçün hər şey eləməyə çalışırdı, əgər görürdüsə, müştəri formada deyil, yaxud həddən artıq içib, nəvazişlərlə kifayətlənib tamam-kamal intimsiz keçinməyə çalışırdı – bu da onların çox xoşuna gəlirdi. Bununla belə, əgər dərindən fikirləşsək, yersiz görünürdü , çünki bu da ondan ötrü lazım deyildi.

Bütün vasitələrlə çalışmaq lazımıydı ki, müştəri heç nədən utanmasın. Öz kabinetlərində bu qədər qüdrətli, yenilməz olan, qarşılarından tabeliklərində olanların, tərəf-müqabillərin, təminatçıların sonsuz sırasının gəlib keçdiyi, hər şeyin gizli, riyakar, qorxulu olduğu kişilər axşamlar “Kopanakabana”ya gəlir, bir gecəliyə özlərindən imtina etmək üçün üç yüz əlli franklarına heyifsilənmirdilər.

Bir gecəliyə? Şişirtmək lazım deyil, Mariya. Əslində, seans qırx beş dəqiqə çəkir, əgər soyunub-geyinməyə, saxta nəvazişlərə, bayağı söhbətlərə sərf olunan vaxtı çıxsaq, onda sırf intimə on bir dəqiqə qalır:

On bir dəqiqə. Dünyanın üzərində fırlanan şey cəmi on bir dəqiqə sürür.

Uzun iyirmi dörd saatlıq sutkanın azacıq bir hissəsini tutan bu on bir dəqiqələr naminə onlar nikaha girirlər, ailə qururlar, körpələrin ağlamasına dözürlər, əgər evə həmişəkindən gec gəlirlərsə, təhqir olunmuş halda özlərini təmizə çıxarırlar, Cenevrə gölünün qırağında gəzmək istədikləri onlarla, yüzlərlə qadını gözdən keçirirlər, özlərinə bahalı və arvadlarına daha bahalı paltarlar alırlar, fahişələr, kosmetikanın, pəhrizlərin, bütün bu fitnes ve şeypinqlərin, hakimiyyətin nəhəng sənayesinə yardım göstərirlər, özləri kimilərinə rast gələndəsə fərqli fikirlərə rəğmən heç vaxt qadınlar barədə danışmırlar. Amma iş, pul, idman barədə söhbət açırlar.

Sivilizasiyamız lazım olan yerə getmir, burda qəzetlərin elan elədikləri kimi, məsələ ozon dəliyində, Amazonka meşələrinin məhv olunmasında, panda ayılarının məhv olunmasında, siqaret çəkilməsində, kanserogen məhsullarda, həbsxana sisteminin böhranında deyil. Məhz Mariyanın çalışdığı məişət sahəsində – intimdəydi.

Yeri gəlmişkən, o, bəşəriyyəti xilas eləməyə yox, öz bank hesablarını doldurmağa, yarım il də tənhalığa, elədiyi seçimə dözməyə, müntəzəm olaraq, anasına pul göndərməyə, əvvəl ağlına gəlməyənləri almağa çalışırdı. O özünə başqa, daha rahat mənzil tutdu, mənzilin pəncərəsindən kilsə, yapon restoranı, böyük mağaza, qəzetləri vərəqləməyi sevdiyi yaraşıqlı kafe görünürdü.

Öz-özünə qoyduğu müddətə əməl eləmək qalırdı. Qalan şeylərsə hələlik həmişəki kimi gedirdi: “Kopakabana”, “İcazə verirsiniz, sizi qonaq eləyim?”, rəqs, “ Siz Braziliyadansınız?”, otel, pul əvvəlcədən, söhbət, bədənin və ruhun – əsasən ruhun lazımi yerlərinə toxunmaq bacarığı, intim problemlərə kömək, on bir dəqiqəlik ehtiras və otuz dəqiqəliyə rəfiqə olmaq. Sağ olun, ümidvaram, bir həftədən sonra görüşərik, sən – heyrətamiz kişisən, qalan şeyləri gələn dəfə danışarsan, ah, sağ olun, hətta özümü səninlə necə yaxşı hiss elədiyimi deməyə utanıram.

Ən başlıcası – vurulmamaq. Bu “Kopakabana”dan yox olmamışdan braziliyalı qızın ona verdiyi ən əsas, ən həyəcanlı məsləhətiydi – o, vurulduğuna görəmi yox oldu? İşlədiyi iki ay müddətində ona bir neçə dəfə, həm də bir dəfə tamamilə ciddi təklif elədilər: birinci yüksək vəzifəli bank xidmətçisiydi, ikincisi, debüt elədiyi həmin təyyarəçi, üçüncü, silah mağazasının sahibiydi. Hər üçü “onu bu həyatdan qoparmağa” söz verir, onun öz evi, layiqli gələcəyi, uşaqları, ola bilsin, nəvəsi olacağını vəd eləyirdi. Bütün bunlar gündə on bir dəqiqə xətrinəmi? Ola bilməz. İndi “Kopakabana”da işləyib bilirdi ki, tənhalıq təkcə onun qisməti deyil. Bəşər nəslinin övladısa bir həftə su içməyə, iki həftə yemək yeməyə, illərlə evsiz keçinə bilər – amma tənhalığa tab gətirmir. Tənhalıq – ən sərt cəza, ən ağır əzabdı. Onun yanında olmaq istəyən çox-çox başqaları kimi, üç iddaçı Mariyanin özü kimi, bu dağıdıcı hissi – bütün dünyada kimsəyə lazım olmadığını duyurdular.

Günahlardan qaçmaq naminə qəlbini gündəliklərə vermişdi. “Kopakabana”ya o, yalnız özünün gündəngünə daha incə, daha həris bədənini və ağlını gətirirdi. Özünü inandıra bildi ki, Cenevrəyə gəlib, axırda “Kopakabana”ya ali mülahizələr üzündən düşüb, hər dəfə də kitabxanadan növbəti kitabı götürəndə görürdü: heç kəs sutkadakı bu ən vacib on bir dəqiqəni lazım olduğu kimi təsvir eləməyib. Ola bilsin, onun bu dünyadakı vəzifəsi, indi nə qədər qəddar olsa da, işi kitab yazmaq, öz tarixçəsini danışmaq, öz macəraları barədə söz açmaqdı. .

Məhz belə – Macəra! Ola bilsin, o, elə həyatda macəra axtarırdı, bununla belə, adamlar bu qadağa sözü hətta söyləməyə də cəsarət eləmirdilər, amma televizor və kino ekranlarında başqalarının macəralarına ləzzətlə baxırdılar. Bu söz səhralarla, buzlaqlarla, vəhşi, insan ayağı dəyməyən diyarlara səyahətlərlə, çayın ortasındakı gəmidə söhbətləşən sirli adamlarla, kinostudiyalarla, təyyarələrlə, hindu qəbilələriylə, Afrikayla necə gözəl uzlaşırdı!

Kitab yazmaq fikri onun ürəyinə yatdı, hətta kitaba ad da tapdı – “On bir dəqiqə” .

O öz müştərilərini üç qrupa böldü. Birinci tip – “terminatorlar”: onlar “Kopakabana”ya artıq yüngülcə hallı gəlirdilər, özlərini elə göstərirdilər, guya heç kəsə baxmırlar, elə hesab eləyirdilər, guya hamının gözləri onlara dikilib, rəqs eləməyi xoşlamırdılar, sorğu-sualsız onunla otelə yollanırdılar. İkinci tipi o, “milaşkalar” adlandırmışdı: onlar yaraşıqlı, o qədər diqqətli, hörmətkardılar ki, elə bil, bunsuz Yer kürəsi öz oxundan çıxardı.Onlar ozlərini elə göstərirdilər, guya küçəylə gedirdilər, “Kopakabana” barını görüblər, niyə baş çəkməsinlər axı? Onlar əvvəlcə mehriban, otel nömrəsindəsə bir o qədər özlərinə inamsız, amma məhz bu səbəbdən axırda “terminatorlardan” min dəfə tələbkar olurdular. Üçüncu tip “ Böyük Boss” adı almışdı. Onlar qadına mala yanaşan kimi münasibət bəsləyirdilər . Onlar utanmırdılar, riyakarlıq eləmirdilər, necə vardılarsa, eləydilər – rəqs eləyirdilər, danışırdılar, düz deyildiyi qədər pul verirdilər, bir frank da artıq vermirdilər, heç vaxt ona ürəklərini açmırdılar. Elə onlar da, deyəsən, “macəra” sözünün mənasını bilən yeganə adamdılar.

Mariyanın işləyə bilmədiyi müddətdə gündəliyində apardığı qeyd:

Əgər bu gün kiməsə öz həyatım haqqında danışmalı olsaydım, bunu elə eləyə bilərdim ki, məni müstəqil, fədakar, xoşbəxt qadın sayardılar. Amma bu belə deyil axı: mənə on bir dəqiqədən daha vacib olan bir yeganə sözü söyləmək qadağan edilib – bu söz – “sevgi”di.

Bütün həyatım boyu sevgini dərk olunmuş, könüllü köləlik kimi qəbul eləmişəm. Amma yanılmışam – azadlıq yalnız aşkara çıxarıldığı, nümayiş etdirildiyi zaman mövcuddur. Hissə kor-koranə tabe olan kəs, özünü azad hiss eləyən kəsdi, o da qəlbinin bütün gücüylə sevir.

Qəlbinin bütün qüvvəsiylə sevənsə özünü azad hiss eləyir.
Elə bu səbəbdən də nə eləsəm, necə yaşasam, özüm üçün nə kəşf eləsəm – hamısı mənasızdır. Ümid eləyirəm ki , bu müddət tez ötüb-keçəcək – mən də məni başa düşəcək , əzab çəkməyə məcbur eləməyəcək kişi tapıb özümə qayıdacağam.

Nə boş-boş danışıram? Sevən sevdiyinə heç vaxt əzab verməz; hər birimiz keçirdiyimiz hisslərə görə məsuliyyət daşıyırıq, bu məsələdə başqasını günahlandırmağa haqqımız yoxdur.

Vurulduğum adamların itkisi əvvəl qəlbimi yaralayırdı. İndi əminəm: kimsə kimsəni itirə bilməz, çünki kimsə kimsəyə məxsus deyil.

Bax , əsl azadlıq budu – sənə hər şeydən əziz bir kəsin olsun , amma ona sahib olmayasan…

On bir dəqiqə

Dünyanın ən çox oxunan müəlliflərindən biri, Braziliya yazıçısı Paulo Koelyonun insan qəlbinin gizlinlərindən bəhs edən “On bir dəqiqə” adlı bestselleri həyata orijinal münasibətilə diqqəti çəkir. Roman, Braziliyadan Avropanı fəth etməyə gələn, bir il öz xoşuyla fahişəliklə məşğul olan gənc qızın romantik xəyalları və acı gerçəklik haqqında ürəktərpədən elegiyadır.

Oxşar kitablar

Səssiz pasiyent

Alex Michaelides

Cild : Yumşaq

Məftun ( II Hərcayi )

Sümeyye Koç

Cild : Yumşaq

Zolaqlı pijamalı oğlan

John Boyne

Cild : Yumşaq

Yolatayın

Güntay Gəncalp

Cild : Yumşaq

Kremlin arvadları – Larisa Vasilyeva

Larisa Vasilyeva

Cild : Yumşaq

Hərflərin vahiməsi

Aqşin Yenisey

Cild : Yumşaq

Batmanqılınc – Aqil Abbas

Aqil Abbas

Cild : Qalın

Qızılgülün adı

Umberto Eco

Cild : Qalın

Stokda yoxdur

4321

Pol Oster

Cild : Yumşaq

Alma

J.M.Q. Lö Klezio

Cild : Yumşaq

Böyük evin kiçik xanımı

Cek London

Cild : Yumşaq

QUŞ VƏ BALIQ – Aslan Quliyev

Aslan Quliyev

Cild : Yumşaq

Исповедь одного извращенца

Qaraqan

Cild : Yumşaq

KRAL ZİBLİNİN DÜNYA SƏYAHƏTİ – Jean- Christophe Rufin

Jean-Christophe Rufin

Cild : Yumşaq

Rio-Pyedranın sahilində oturdum və ağladım

Paulo Coelho

Cild : Yumşaq

Daş evlər

Seyran Səxavət

Cild : Yumşaq

London saatı

Nəzakət Cavadova

Cild : Yumşaq

Qürur və qərəz

Ceyn Ostin

Cild : Yumşaq

Mən necə idiot oldum

Martin Paj

Cild : Yumşaq

Züleyxa gözlərini açır

Güzəl Yaxina

Cild : Yumşaq

Kolleksiyaçı

John Fowles

Cild : Yumşaq

Gün var əsrə bərabər

Çingiz Aytmatov

Cild : Yumşaq

Arxalardakılar

Vüqar Babazadə

Cild : Yumşaq

Boleyn nəslindən daha bir qiz – Filippa Qreqori

Filippa Qreqori

Cild : Yumşaq

Rəylər

Samil saaaaaa 12 July 2020

Mal kitabdi oxumuyun hec maragli deyl

Paulo Coelho “On bir dəqiqə”

Yeni kimidir, Zədəsi,yazı pozu və s. yoxdur.
Endirim ❌
Çatdırılma ödənişsizdir 28 may mst çıxışı üçün

Bakı 22 Noyabr 2021 369 dəfə
N

Nazanin Zamanova

Elanın vaxtı bitmişdir
Seçilmişlərə əlavə et

Oxşar Elanlar

On Store

15 9 Mart

Clopos Restoran Sistemi

Clopos Reklam

Bir rəng adyal

16 26 Fevral

1-otaqlı mənzil, Yasamal r., 165 m²

48 000 10 Mart

Bir kameralı polikarbonat

140 10 Mart

On Store

37 9 Mart

Bir kameralı polikarbonat

135 6 Mart

Bir kameralı polikarbonat

140 22 Yanvar

Bir kameralı polikarbonat.

140 12 Fevral

“Hyundai Azera” işığı

450 12 Mart

On Store

49 9 Mart

OSHO “Yeni bir yaşamın anahtarı”

15 12 Mart

“BMW 5 Series (E39)” ön farası

60 15 Mart

Biləkliklər – bir dəfəlik istifadə

5 6 Mart

Termometr əmzik

12 7 Fevral

“Chevrolet” buferi

150 10 Mart

Ayaq masajı üçün ayaqqabı

20 22 Fevral

Təsbeh

200 14 Mart

Xiaomi Mi A2 Gold 64GB/4GB

155 10 Mart

Mercedes-Benz Bir Çox Modelinə Vakumlar

Razılaşma ilə 9 Mart

“Hyundai Accent 2011” ön buferi

115 15 Mart

“Hyundai Elantra 2014” ön duman farası

Razılaşma ilə 28 Fevral

“Hyundai Matrix 2005 ” farası

120 14 Mart

“Hyundai Sonata 2011 ” ön duman farası

35 11 Mart

Ödənişli xidmətlər

Elanınızı Premium edin, ana səhifədə hərkəs görsün!

Ödənişli xidmətlər

Elanınızı irəli çəkin, ana səhifədə hərkəs görsün!

Elanı sil

Azərbaycanda yeni və işlənmiş məhsul elanları, onlayn alış veriş. Əmlak Telefon Aksesuar Maşın Mebel Geyim

Telefon: (012) 566-74-58

Haqqımızda

Yardımçı linklər

Saytın rəhbərliyi yerləşdirilmiş elanların məzmununa görə məsuliyyət daşımır

© UcuzTap bir şirkət məhsuludur