Rəna qədirova i radə məmmədli ünsiyyet psixologiyası

Psixologiya elminin əsas sahələri. Psixologiya çoxsahəli bir elmdir. Müasir dövrdə psixologiya elminin nisbətən müstəqil şəkildə inkişaf edən müxtəlif sahələri vardır. Məhz buna görə də «psixologiya elmi» deyil «psixologiya elmləri» termininin işlədilməsi daha çox yerinə düşərdi. Belə ki, hər 4-5 ildən bir psixologiya elminin yeni bir sahəsinin yaranmasının şahidi oluruq.

Rəna qədirova i radə məmmədli ünsiyyet psixologiyası

Qədirova Rəna Həmid qızı

Psixologiya üzrə elmlər doktoru, professor
İş telefonu: 4390112
e-mail: [email protected]

QISA BİOQRAFİK MƏLUMAT

R.H.Qədirova 26 avqust 1953-ci ildə Bakı şəhərində anadan olub. 1974 -ci ildə APİ-nin biologiya fakültəsini fərglənmə diplomu ilə bitirib. 1980-ci ildə BDU-nun psixologiya kafedrasının müəllimidir. 1999-ci ildə BDU-nun psixologiya kafedrasının dosenti seçilib. O, 1994-cü ildə “Bədii mətnlərin mütaliəsi psixoloji təhlilin predmeti kimi” mövzusunda namizədlik dissertasiyası, 2009-cu ildə “Azərbaycanlı uşaq və yeniyetmələrin milli identikliyinin inkişafının sosial-psixoloji problemləri” mövzusunda doktorluq dissertasiyası müdafiə edib. 2013-cü ildən psixologiya kafedrasında professor vəzifəsində çalışır. Bir sıra beynəlxalq seminar və konfranslarda iştirak edib. 3 beynəlxalq elmi tədqiqat layihəsinin iştirakçısı olub. 2 monoqrafiyanın, 90 elmi məqalə və tezisin, 2 dərsliyin, 1 dərs vəsaitinin, 5 metodik vəsaitin, tədris etdiyi fənlərə uyğun 15 proqramın müəllifidir. “Psixologiya” jurnalının redaksiya heyətinin üzvüdür. 2021-ci il yanvar ayından etibarən “Psixologiya” kafedrasının müdiri vəzifəsini icra edir.

ELMİ DƏRƏCƏSİ VƏ ELMİ ADLARI

• 1994 –ci ildən psixologiya elmləri namizədi
• 1999 – ci ildə dosent elmi adı
• 2009-cu ildən psixologiya üzrə elmlər doktoru
• 2017 – ci ildə professor elmi adı

ƏMƏK FƏALİYYƏTİ

• 1980-ci ildə BDU psixologiya kafedrasının müəllimi
• 1999-ci ildən BDU psixologiya kafedrasının dosenti
• 2013-çü ildən BDU psixologiya kafedrasının professoru
• BDU Sosial elmlər və psixologiya fakültəsinin Elmi Şirasının üzvü
• BDU nəzdində FD2.43. Dissertasiya Şurasının həmsədri
• “Psixologiya” jurnalının redaksiya heyətinin üzvü
• «XXI век человек и окружающий мир» jurnalının redaksiya heyətinin üzvü (RF,Penza ş.)
• “Sosiologiya. Sosial psixologiya. Siyasət”elmi araşdırmalar jurnalının redaksiya heyətinin üzvü

TƏDRİS ETDİYİ FƏNLƏR

“Ümumi psixologiya”, “Dinin psixologiyası”, “Koqnitiv psixologiya”, “Ünsiyyət psixologiyası”, “Müqayisəli və zoopsixologiya”, “Psixologiyada idrakin səviyyələri və formaları”, “Psixoloji eksperiment: nəzəriyyə və praktika”, “Deprivasiya problemi: nəzəriyyə və təcrübə”

TƏDQİQAT SAHƏSİ

• Ümumi psixologiya sahəsində mətnlərin mütaliə prosesinin psixoloji xüsusiyyətləri, “xronotopik mütaliə” modelinin tətbiqi imkaları kimi məsələlər elmi maraqlara daxildir.
• Sosial psixologiya sahəsində olan maraqları milli və dini identikliyinin inkişafının problemləri ilə əlaqəlidir.

İŞTİRAK ETDİYİ KONFRANSLAR, KURSLAR, TRENİNQLƏR

• “Klassik və müasir yanaşmalar” Gənc tədqiqatçiların Respublika elmi-praktik konfransı, 19 aprel 2019-cu il
• Respublika elmi-praktik konfrans 7 aprel 2017, Bakı.
• Mədəni müxtəliflik: dünya və Azərbaycan. Beynəlxalq elmi-praktik konfrans. 9 aprel 2016, Bakı.
• Ümumrespublika elmi-praktik konfrans , 19 dekabr 2016, Bakı.
• The 34 annual scientific meeting of the international society of political psychology. Cooperation and Human Societies: Towards a multidisciplinary Political Psychology, 9-12 july, 2011, Istanbul, Turkey.
• Müasir fəlsəfə, elm və mədəniyyət: postqeyri-klassik epistemologiya. Respublika konfransı, 18 may 2011

• 2018-2019 Enhancing peacebuilding through narrative intervention in the Karabakh conflict, supported by the EU (GrantIcSP 2016/376-683).
• “2005 NGO Sustainability Index Assessment”, USAID START (Strategic Technical Assistance for Results with Training) Participant Training Project, World Learning/Azerbaijan, 2005, Facilitator;
• 1998 – 2001 The Development of National, Ethnolinguistic and Religious Identity among Children and Adolescents Living in the NIS, supported by INTAS (INTAS-OPEN-97-1363).
• UNICEF – AZERBAIJAN

1999-2000 Coping with Stress and Trauma training program

1995-1997. Psychological help to distressed children;

1. Psychosocial rehabilitation of children with stress & trauma.

• UNICEF – AZERBAIJAN

1992-1994 Communicative skills and Personality development training program for teachers;

1. Зависимость импли­цит­­ных измерений установ­ки от нарративного вмешательства в ситуации Карабахского конфликта/ «Психолоэийа» журналы. Б., №1, 2013. (R.Qaragözov)
2. Влияние разных ти­­­пов нарративов на имплицитные установки/ Вектор науки, Тольяттинский государственный университет, серия Педагогика, психология., №2(17), 2014, с.99-102. (R.Qaragözov)
3. Ümumi psixologiyadan ixtisas praktikumu (dərslik) / Bakı, 2014. 18,5ç.v. (T.Babayeva)
4. Практикум по общей психологии (proqram) / Bakı, 2014. 20 s. (T.Babayeva)
5. Ümumi psixologiyadan ixtisas praktikumu (proqram) / Bakı, 2014. 22 s. (T.Babayeva)
6. Şəxsiyyətin formalaşmasında dini identikliyin rolu/ BDU,2015.Dil və ədəbiyyat jurnalı №3 (95), 375-378 s. (T.Babayeva)
7. Болевая коллективная память и негативный аффект Карабахского конфликта / Strateji təhlil, №2 (13), Bakı. 2015, 37-50 s. (R.Qaragözov)
8. К вопросу о связи этнической и национальной идентичности/ Bakı Universitetinin xəbərləri. Bakı, 2016, Sosial elmlər seriyası. S.109-120. (Ə.Bayramov, T.Babayeva)
9. Национальная идентичность и особенности национальной инкультурации/ Mədəni müxtəliflik: dünya və Azərbaycan. Beynəlxalq elmi-praktik konfrans. 9 aprel 2016, Bakı, s.282-285
10. Şəxsiyyətin formalaşmasında dini identikliyin rolu və tədqiqi istiqamətləri/ “Çağdaş dövr və sosial elmlərin aktual problemləri” mövzusunda Ümumrespublika elmi konfransın materialları. Bakı-2016, 21-24. (T.Babayeva)
11. Psixologiyada dövlət və vətəndaşlıq identikliyi anlayışları./ Respublika elmi-praktik konfrans materialları, 7 aprel 2017, s 39-42. (T.Babayeva)
12. Şəxsiyyətin formalaşmasında dini identikliyin rolu və tədqiqi istiqamətləri/ Ümumrespublika elmi-praktik konfrans materialları, 19 dekabr 2016, Bakı, s.21-24. (T.Babayeva)
13. Ünsiyyət psixologiyası / Dərs vəsaiti, « Ecoprint» ,Bakı, 2016 (İ.M.Məmmədli)
14. «Хронотопическое чтение» как метод нарративного анализа/ XXI век,Человек и окружающий мир. Пенза, 2018, выпуск 1, стр.60-72
15. Political Psychology.doi 10.1111/pops.12531
16. Öyrənmə fəaliyyətinin funksiyaları, strukturu və səmərəli təşkili/Dil və ədəbiyyat. Bakı 2019, s 352-355 (T.Babayeva)
17. The Interplay of Narratives, Memory, Identity and Politicsin Peace and Conflictin the Southern Caucasus Recent researchin narrative psychology. The 6th Annual CRRC ConferenceCOMING TOGETHER AND GROWING APART: A DECADE OF TRANSFORMATION IN THE SOUTH CAUCASUSJUNE 26-27, 2020 ABSTRACT BOOK p.16-17
18. Психологический подход к проблеме чтения художественной литературы. Psixologiya jurnalı №1. 2020
19. Characteristics of motivation- the sphere of women with gynecological problems, MESTER-2020.Vol.49, İssue 3. European Journal of Web of Science

Psixologiya elmi

Müasir elmlər sistemi və psixologiya. Müasir dövrdə psixologiya insan haqqında ən mühüm elmlərdən biri kimi diqqəti cəlb edir. Təsadüfü deyildir ki, hazırda insan həyatı və fəaliyyətinin elə bir sahəsi yoxdur ki, psixologiya elmi oraya nüfuz etməsin. Mübaliğəsiz demək olar ki, hazırki dövrdə bütün dünyada hər cür fəaliyyətin və insan munasibətlərinin səmərəliliyini psixoloji biliklərin tətbiqində görürlər. Lakin nəzərə almaq lazımdır ki, mühüm elm sahəsi olan psixologiya başqa elmlərdən təcrid olunmuş şəkildə deyil, onlarla vəhdətdə mövcuddur və fəaliyyət göstərir. Bəs elmlər sistemində psixologiya elmi hansı yeri tutur, onun başqa elmlərlə qarşılıqlı əlaqəsi nədən ibarətdir?
Elmlər sisteminin təsnifatını verən B.M.Kedrov bu sistemdə psixologiyanın roluna xüsusi diqqət yetirmişdir. Onun «elmlər üçbucağı»nda bunu aydın görürük. B.M.Ked­rova görə psixologiya bir tərəfdən fəlsəfə elmləri, digər tərəfdən təbiət elmləri, üçüncü tərəfdən humanitar elmlər içərisində aralıq mövqe tutur (bax şəkil 2).

Psixologiya bu elmlərin məlumatlarını özündə birləşdirir və eyni zaman­da onlara təsir etməklə insan haqqında elmlərin modelinə çevrilir. Psixologiyanın başqa elmlərlə əlaqəsinə qısa nəzər yetirək.
İnsan psixikası və davranışını onun təbii və sosial möv­cudluğu haqqında biliklər olmadan başa düşmək müm­kün deyildir. Ona görə də psixologiyanın öyrənilməsi insan biologiyası, onun ali sinir sisteminin quruluşu və fəaliyyəti haqqında biliklərə yiyələnməyi tələb edir. Psixi hadisələr və mərkəzi sinir sisteminin fəaliyyəti arasındakı əlaqə haqqında biliklər ali sinir fəaliyyətinin fiziologiyasında öz konkret ək­sini tapmışdır. Təsadüfü deyildir ki, psixologiyanın təbii elmi əsaslarından danışarkən məhz ali sinir fəaliyyətinin qanunularına istinad edilir.
Psixologiya cəmiyyətin tarixi və mədəniyyəti ilə sıx bağlıdır. Belə ki, insanda ali psixi funksiyaların inkişafında sivilizasiyanın əsas tarixi nailiyyəti olan əmək alətləri və işarə sistemi həlledici rol oynamışdır.
İnsan psixikasının dərindən öyrənilməsinə, onun başa düşülməsinə sosiologiyanın əsasları haqqında biliklər də imkan yaradır. Bunu sosial psixologiyanın sürətlə inkişafı bir daha təsdiq edir. Müasir dövrdə sosial psixologiya insan münasibətlərinin bütün sahələrinə nüfuz etməklə insanın sosial-bələdləşmə davranışının psixi xassələrə necə yiyələnməsini aydınlaşdırmağa imkan verir.
Psixologiya fəlsəfə elmi ilə ciddi qohumluq əlaqəsinə malikdir. Bu təsadüfü deyildir. Məlum olduğu kimi psixologiya müstəqil bir elm kimi fəaliyyət göstərənə kimi fəlsəfənin daxilində formalaşmağa başlamışdır. Şübhəsiz şəxsiyyətin psixoloji «ölçülərini» insan, onun spesifik həyat şəraiti, gerçəkliyi dərk etməsi və fəa­liyyət haqqında fəlsəfi biliklərə istinad etmədən müəy­yənləşdirmək və öyrənmək mümkün olmazdı.
Şüur, təfəkkür və digər psixi hadisələr insanlara anadangəlmə, hazır şəkildə verilmir. Bunlar ontogenezdə (fərdi inkişaf prosesində) insanın təlim və tərbiyəsi prosesində əldə edilir. Buradan isə psixologiyanın pedaqogika elmi ilə əlaqəyə malik olduğu özünü göstərir. Psixologiya və pedaqogika elmləri arasında başlıca əlaqə həmin elmlərin predmetlərinin yaxınlığı ilə bağlıdır. Əvvala həmin elmlərin obyekti inkişaf etməkdə olan insandır (uşaq və yaşlı). Digər tərəfdən, psixologiya insan psixikasının inkişaf qanunlarını öyrənir. Pedaqogika isə şəxsiyyətin inkişafının idarə olunması qanunlarını işləyib hazırlayır. İnsanın tərbiyəsi, təhsili təlimi onun psixikasının, təfəkkürünün, fəaliyyətinin məqsədəyönəlmiş şəkildə inkişaf etdirilməsi deməkdir. Psixologiya və pedaqogika elmlərinin mühüm qarşılıqlı əlaqəsini göstərən amillərdən biri də onların tədqiqat üsullarındakı eyniyyətdir. Bir çox elmi psixoloji axtarışlar pedaqoji problemlərin həlli üçün vasitə rolunu oynaya bilir. Bir elmi fənn kimi pedaqogikada pedaqoji faktların izahı, şərhi, sistemləşdirilməsi üçün psixoloji biliklərdən istifadə olunur. Pedaqoji fəaliyyətin nəticələri psixoloji diaqnostikanın köməyi ilə aşkara çıxarılır.
Bunlarla yanaşı olaraq müasir psixologiya elmi öz qarşısında duran ümumi və xüsusi vəzifələri həyata keçirərkən pedaqogika ilə yaxın təmasda fəaliyyət göstərir, pedaqogika elminin əldə etdiyi nəticələrə istinad edir.
Müasir dövrdə psixologiya və dilçilik arasında da sıx əlaqə özünə geniş yer tutmağa başlamışdır. Bunun aydın təzahürünü psixolinqvistikanın meydana gəlməsində görürük.
Psixolinqvistika nitq davranışını psixoloq və linqvistlərin kompleks şəkildə öyrənmələrini nəzərdə tutan elm sahəsidir. Linqvistika və nitqin psixologiyası ilə müqayisədə psixolinqvistika özünün müstəqil tədqiqat predmetinə malikdir. Psixolinqvistikanı daha çox psixologiya «özününkü» hesab edir. Doğrudur, psixologiyada hələ çoxdan mövcud olan sahə – nitqin psixologiyası sahəsi vardır. Nitq psixologiyasınıın predmeti psixolinqvistikanın obyekti və predmeti ilə üst-üstə düşür. Ona görə də çox vaxt bu iki fənni bir-biri ilə qarışdırırlar. Bu cür eyniləşdirməyə əsas olsa da, hər-halda bu iki termini bir-birindən fərqləndirən cəhətlər də mövcuddur. Onların fərqi başlıca olaraq öyrənmə predmetində özünü göstərir. Psixologiya nitqin yaranması, anlaşılması və formalaşmasının gedişi zamanı öz diqqətini daha çox şüurun psixi funksiyalarının xüsusiyyətlərinə yönəldirsə, psixolinqvistika bunlarla yanaşı bu funksiyaların insanların nitq fəaliyyətində və nitq davranışında ifadə vasitələrini (verbal və qeyri-verbal) də nəzərə almağa çalışır.
Psixolinqvistika olduqca gənc elmdir. O, təxminən XX əsr 50-ci illərin sonu, 60-cı illərin əvvəllərində meydana gəl­mişdir. Sovet psixolinqvistika məktəbinin «atası» A.A.Le­ontyev olmuşdur.
Elm sahəsinin genişlənməsi sayəsində psixolin­qvis­ti­kanın müxtəlif sahələri meydana gəlmişdir. Bunlardan ümumi psixolinqvistika, xüsusi psixolinqvistika, sosial psixolinqvistika, yaş psixolinqvistikasını (ontolinqvistika) göstərmək olar.

Psixologiya elminin əsas sahələri. Psixologiya çoxsahəli bir elmdir. Müasir dövrdə psixologiya elminin nisbətən müstəqil şəkildə inkişaf edən müxtəlif sahələri vardır. Məhz buna görə də «psixologiya elmi» deyil «psixologiya elmləri» termininin işlədilməsi daha çox yerinə düşərdi. Belə ki, hər 4-5 ildən bir psixologiya elminin yeni bir sahəsinin yaranmasının şahidi oluruq.

Psixologiyanın çoxsaylı sahələrini təsnif etmək üçün müxtəlif prinsiplərdən istifadə olunur. Hər şeydən əvvəl psixoloji fənnləri fundamental və tətbiqi, ümumi və xüsusi olmaqla təsnif etmək mümkündür.
Psixologiya elminin fundamental və ya baza sahələri psixologiyanı və insanların davranışını kimliyindən və hansı fəaliyyət sahəsində çalışmasından asılı olmayaraq hamının başa düşəcəyi şəkildə şərh etməyə yönəldilmiş sahələrdir. Psixologiyanın bu sahələri psixologiya və insan davranışı ilə maraqlanan adamların hamısı üçün eyni zəruri məlumatları çatdırır. Bu cür universallığından asılı olaraq psixologiyanın həmin sahəsi «ümumi psixologiya» adı altında işlədilir.
Psixologiyanın tətbiqi sahələrinə gəldikdə buraya onun bilavasitə təcrübəyə tətbiq olunan sahələrini aid edirlər.
Psixologiyanın ümumi sahələri istisnasız olaraq bütün elmi istiqamətlər üçün eyni dərəcədə əhəmiyyətli inkişaf problemlərini qarşısına qoyur və həll edir. Psixologiyanın xü­susi sahələrinə gəldikdə o, öz qarşısına hər hansı bir və ya bir neçə qrup hadisələri öyrənmək məqsədini qoyur.
Müasir psixoloji fənnləri təsnif etmək üçün mövcud ədəbiyyatda aşağıdakı üç prinsipdən də istifadə olunur:

• Konkret fəaliyyət sahələrinə görə;
• İnkişafın psixoloji aspektlərinə görə;
• İnsanın cəmiyyətə münasibətinə görə.

Həmin sahələrin hamısını əhatə etmək mümkün olmadığına görə burada onlardan bilavasitə təhsillə bağlı olanların bəzilərini qısaca nəzərdən keçirək.
Psixologiya elminin ən fundamental sahəsini ümumi psixologiya təşkil edir. Ümumi psixologiya fundamental psixoloji bilikləri özündə cəmləşdirir. Ümumi psixolo­giyanın maraqlandığı və həll etməli olduğu qlobal məsələlər, cavab verməli olduğu suallar aşağıdakılardan ibarətdir: Psixika nədir? Onun strukturu və funksiyaları nədən ibarətdir? Psixika filogenezdə və ontogenezdə hansı qanunauyğunluqlara malikdir? Psixikanın hansı inkişaf səviyyələri vardır və onları hansı kriteriyalara əsasən müəyyənləşdirmək olar? Psixika və beyin arasında hansı əlaqə vardır? Psixi inkişafda anadangəlmə və həyatda qazanılan bioloji və sosial amillərin rolu nədən ibarətdir? Psixikanın normal və anomal inkişafını fərqləndirən kriteriyalar hansılardır?
Bütövlükdə psixikaya aid problemləri öyrənməklə yanaşı ümumi psixologiya psixi proseslər, psixi hallar və xassələrlə bağlı konkret məsələlərin öyrənilməsi ilə də məşgul olur. Psixologiyanın maraqlandığı əsas obyekt insan olduğuna görə ümumi psixologiya birinci növbədə onun (insanın) şəxsiyyəti, fəaliyyəti, ünsiyyəti idrak prosesləri ilə, münasibətlər sistemi (hissləri) və iradi fəaliyyəti, iradi tənzimi ilə baglı məsələlərin araşdırılmasına diqqət yetirir, onları həm nəzəri, nəm də eksperimental planda öyrənir. Deyilənlərdən aydın olur ki, ümumi psixologiya psixi hadisələr haqqında hamı üçün eyni dərəcədə maraq doguran ümumiləşmiş bilikləri özündə əks etdirir. Həmin biliklərlə tanış olmaqla hər bir insan psixologiyanın ümumi sirlərinə yiyələnə bilər.
Psixologiyanın təhsil, təlim və tərbiyə ilə sıx baglı olan xüsusi sahələrindən bəzilərinə nəzər yetirək.
Psixologiyanın konkret fəaliyyətlə baglı olan və yük­sək praktik əhəmiyyət daşıyan mühüm xüsusi sahələrindən biri pedoqoji psixologiyadır. Pedaqoji psixologiya təlim, tərbiyə və pedaqoji fəaliyyətin psixoloji problemlərini araşdırır.
Pedaqoji psixologiyanın həll etməli olduğu ən mühüm problemlər uşaqların həyatının hər bir senzitiv dövrünü aşkara çıxarmaq və həmin dövrdə onların inkişafı üçün lazım olan bütün imkanları müəyyənləşdirməkdən, təlim və inkişafın qarşılıqlı əlaqəsini aşkara çıxarmaqdan, təlim və tərbiyənin ümumi və yaşla bağlı olan cəhətlərini, əlaqəsini aşkara çıxarmaqdan, təlim və tərbiyənin səmərəliliyini təmin edən psixoloji qanunauyğunluqları araşdırmaqdan və s. ibarətdir.
Psixologiya elminin pedaqoji psixologiya ilə sıx baglı olan digər mühüm bir sahəsi yaş psixologiyasıdır. Yaş psixologiyası insanda anadan olandan ömrünün axırına qədər psixi inkişafın dinamikasını, qanunauyğunluqlarını, şəxsiy­yətin psi­­­xi prosesləri və xassələrinin ontogenezdə inkişaf xüsusiyyətlərini öyrənir. Yaş psixologiyasının uşaq psixologiyası, yeniyetmələrin psixologiyası, gənclərin psixologiyası, yet- gin yaşın psixologiyası, qocalıq yaşının psixologiyası, uzun- ömürlülük psixologiyası (herontopsixologiya) kimi bölmələri vardır.
Psixologiyanın xüsusi sahələrindən birini də differensial psixologiya təşkil edir. Diferensial psixologiya – psixologiya elminin insanların fərdi – psixoloji və davranış fərqlərini öyrənən, şərh və izah edən sahəsidir. «Diferensial psixologiya» termini ilk dəfə 1900-cü ildə V.Ştern tərəfindən irəli sürülmüşdür. Diferensial psixologiyanın əsas metodu testlər olmuşdur. İlk dövrlər bu testlər fərdi testlər olmuş, sonra qrup testləri meydana gəlmiş daha sonra isə proyektiv testlər yaranmış və onlardan istifadə olunmuşdur.
Psixologiyanın xüsusi sahələrinə genetik psixologiyanı da aid etmək olar. Genetik psixologiya psixika və davranışın irsən keçən mexanizmini, onların genotipdən asılılığını öyrənir. Yaş psixologiyası, differensial və genetik psixolo­giya birlikdə uşağın psixi inkişafının qanunlarını başa düşmək üçün elmi əsas təşkil edir.
Müasir dövrdə psixologiyanın diqqəti daha çox cəlb edən sahələrindən biri sosial psixologiyadır. Sosial psixolo­giya birgə fəaliyyət və ünsiyyət prosesində müəyyən sosial qrupda şəxsiyyətlərarası münasibətlər sistemini, həmin mü­nasibətlər sisteminin bütün­lüklə qrupun, eləcə də ayrı-ayrı fərdin psixologiyasındakı inikasını öyrənən elm sahəsidir. Bu cür biliklər tərbiyənin psixoloji cəhətdən düzgün təşkili üçün zəruridir.
Pixologiyanın mühüm sahələrindən biri olan hüquq psixologiyası insan tərəfindən hüquq normaları və davranış qaydalarının öyrənilməsini nəzərdən keçirir, hüquq sistemi­nin reallaşması ilə bağlı olan psixoloji məsələləri aydınlaşdırır. Onun məhkəmə psixologiyası, kriminal psixologiya, islah-əmək psixologiyası və s. bölmələri vardır.
Müasir psixologiyanın özünə xüsusi yer tutmuş sahələrindən biri kimi tibb psixologiyasını qeyd etmək olar.
Tibb psixologiyası həkimin fəaliyyətinin və xəstənin davranışının, onun gigiyena, profilaktika, diaqnostika, müalicə, ekspertiza və reablitasiyasının psixoloji aspektlərini öyrənir. Tibb psixologiyası özünə klinik psixologiya, patopsixologiya, neyropsixologiya, somatopsixologiya, ümumi tibb psixologiyası, psixiatriya, psixoprofilaktika və psixogigiyena, psixokorreksiya və s. bölmələrini daxil edir.
Patopsixologiya, eləcə də psixoterapiya, psixikasında və davranışında qüsurlar olan adamlarla işin aparılmasına xidmət edir. Psixologiyanın bu sahələrinin başlıca vəzifəsi mövcud psixi pozğunluğun səbəblərini və onu aradan qaldırmaq yollarını öyrənir.
Müasir psixologiya elminin yeni sahələrindən biri olan psixodiaqnostikaya gəldikdə, o, insanların psixi xassə , prosesi və hələtlərinin inkişaf xüsusiyyətləri haqqında elmi cəhətdən yoxlanmış və onlar haqqında əsaslı məlumat əldə etməyə imkan verən metodların köməyi ilə qiymətlən­dirilməsinin nəzəriyyəsi və praktikası ilə məşğul olur.
Yekunda qeyd etmək lazımdır ki, biz burada müasir psixologiya elminin yalnız bir qismi ilə qısaca tanış olduq. Psixologiya elminin idman psixologiyası, əmək psixologiyası, incəsənət psixologiyası, kosmik psixologiya, menecment psixologiyası, eksperimental psixologiya, etnik psixologiya və s. sahələrinin də özünəməxsus predmeti və vəzifələri vardır. Şübhəsiz onların hamısı barədə burada geniş məlumat vermək vəsaitin imkanlarından kənardır.

Psixologiyanın sahələri

• Klinik psixologiya (ing. Clinical psychology)
• Sosial psixologiya (ing. Social psychology)
• Təcrübi psixologiya (ing. Experimental psychology)
• Fizioloji psixologiya (ing. Physiological psychology)
• İnkişaf psixologiyası (ing. developmental psychology)
• Sənaye və Təşkilat psixologiyası (ing. Industrial & Organizational psychology, aka IO psychology)
• Təhsil psixologiyası (ing. Educational psychology)