Saglamliq imkanlari mhdud usaqlar

Komitənin mətbuat xidmətindən Azvision.az -a verilən məlumata görə, “Loqos” Psixoloji və Nitq İnkişaf Mərkəzi və Psixoloji Xidmət və Tədqiqatlar Mərkəzi tərəfindən birgə keçirilən tədbirdə sağlamlıq imkanları məhdud 30-a yaxın uşağın təmənnasız müayinəsi və onların valideynləri üçün məlumat-tematik toplantı təşkil edilib.

Xankəndi

“Uşaqlıq dövrünə xas olan əlilliyin erkən profilaktikası və müalicəsi üzrə 2018–2020-ci illər üçün Milli Fəaliyyət Planı”nına uyğun olaraq, Ailə, Qadın və Uşaq Problemləri üzrə Dövlət Komitəsinin təşəbbüsü ilə dekabrın 3-də Beynəlxalq Əlilliyi olan Şəxslər Günü münasibətilə tədbir keçirilib.

Komitənin mətbuat xidmətindən Azvision.az -a verilən məlumata görə, “Loqos” Psixoloji və Nitq İnkişaf Mərkəzi və Psixoloji Xidmət və Tədqiqatlar Mərkəzi tərəfindən birgə keçirilən tədbirdə sağlamlıq imkanları məhdud 30-a yaxın uşağın təmənnasız müayinəsi və onların valideynləri üçün məlumat-tematik toplantı təşkil edilib.

Tədbirdə Dövlət Komitəsinin nümayəndələri, səhiyyə üzrə mütəxəssislər, həkimlər, Mərkəzin psixoloqları təqdimatlarla çıxış ediblər.

İştirakçılara maarifləndirici materiallar paylanılıb.

Psixoloji Xidmət və Tədqiqatlar Mərkəzinin icraçı direktoru Leyla Rəhimova əvvəlcə qurumun fəaliyyəti haqqında məlumat verib. Bildirib ki, sağlamlıq imkanları məhdud uşaqların cəmiyyətə inteqrasiyası, ictimai həyatın bütün sahələrində iştirak etmələri üçün onlara digər vətəndaşlarla bərabər imkanların yaradılması hər zaman olduğu kimi, bu gün də mühüm əhəmiyyət kəsb edən məsələlərdəndir.

AQUPDK-nin Uşaq problemləri şöbəsinin müdiri Cəmilə Bağırova Komitənin nəzdində fəaliyyət göstərən Uşaq və Ailələrə Dəstək mərkəzlərinin fəaliyyəti və təklif etdiyi xidmətlər haqqında məlumat verib. O, ölkəmizdə uşaqlara göstərilən diqqət və qayğıdan danışıb, xüsusilə sağlamlıq imkanları məhdud uşaqların cəmiyyətə inteqrasiyasının, yaradıcılıq potensialının üzə çıxarılmasının vacibliyini vurğulayıb.

Sonra çıxış edənlər sağlamlıq imkanları məhdud uşaqlarla göstərilən psixoloji və digər xidmətlərin əhəmiyyətini bildiriblər.

Tədbir çərçivəsində “Loqos” Psixoloji və Nitq İnkişaf Mərkəzinin uşaq psixoloqu Anara Quliyeva tərəfindən sağlamlıq imkanları məhdud uşaqların təmənnasız diaqnostik terapiyası aparılıb.

Sonda sağlamlıq imkanları məhdud olan uşaqlara Dövlət Komitəsi tərəfindən hədiyyələr paylanıb.

Saglamliq imkanlari mhdud usaqlar

Sağlamlıq imkanları məhdud uşaqların təkrar müayinəsi ilə bağlı açıqlama verildi

Mətn ölçüsü

Sağlamlıq imkanları məhdud uşaqlar (SİMU) 18 yaşına çatdıqda onların bu statusu başa çatır.

News24.azxəbər verir ki, bu barədə Dövlət Tibbi-Sosial Ekspertiza və Reabilitasiya Agentliyinin açıqlamasında bildirilib.

Qeyd olunur ki, qanunvericiliyin tələbi və beynəlxalq təcrübəyə uyğun olaraq, zəruri prosedur kimi 18 yaşdan həmin uşaqlara müvafiq əlillik dərəcəsi təyin edilməlidir.

Bir çox hallarda valideynlər bu barədə məlumatsız olduqlarından, sağlamlıq imkanları məhdud uşaqları 18 yaşına çatdıqda sosial ödənişlərin dayanmasını uşaqlarının əlilliyinin ləğvi kimi başa düşürlər. Ona görə valideynlər uşaq 18 yaşına çatdıqda qanunvericiliyə müvafiq olaraq ərazi səhiyyə müəssisəsinə müraciət etməli və uşağa əlillik dərəcəsi verilməsi üçün göndəriş (Forma-88) səhiyyə müəssisəsi tərəfindən Dövlət Tibbi-Sosial Ekspertiza və Reabilitasiya Agentliyinin e-sisteminə daxil edilməlidir.

E-sistemə daxil edilən göndərişdə onu daxil edən səhiyyə müəssisəsini, şəxsləri, eyni zamanda göndərişin aid olduğu şəxsi müəyyən etməyə imkan verən bütün məlumatlar adsızlaşdırılaraq kodlaşdırılır. Beləliklə, yalnız göndərişdəki xəstəlik məlumatları əsasında obyektiv və şəffaf şəkildə əlillik dərəcəsinin təyin olunub-olunmamasına dair qərar qəbul edilir.