N yaxşı onlayn tərcümə lüğətləri (Azərbaycan, İngilis,Rus)

Əgər marketinq sahəsinə yeni addım atırsınızsa AİDA modeli terminini tez-tez eşidəcəksiniz. Doğru hədəf kütləsinə xitab edərək satışlarınızı artırmaq istəyirsinizsə AİDA modelinin nə olduğunu bilməlisiniz. Əgər bu haqqda məlumatlı deyilsinizsə o zaman doğru yerdəsiniz. Bugünkü yazımda siz, AIDA modelinin nə olduğu ilə tanış olacaqsınız.

Şüar və ad necə yaradılır ?

Şüar və ad necə yaradılır – Məhsulların rəqib məhsullar arasında fərqliliyini təmin edəcək və diqqətə çarpan xüsusiyyətlərini əks etdirəcək uyğun ad və şüarın təyin edilməsi, markalama strategiyaları qədər əhəmiyyətlidir. Webcoder.az saytında SEM və SEO arasındaki fərqlər məqaləsinə də nəzər sala bilərsiniz.

ŞÜAR NƏDİR?

Şüar və ya motto — bir şəxsiyyət, qrup, təşkilat və ya təşkilatın məqsəd və vasitələrini ümumiyyətlə təyin edən bir deyiş və ya söz siyahısına verilən addır.Bir çox ölkə, şəhər, universitet və digər təşkilatların mottoları vardır. Motto sözü İtalyan dilindən gəlir və mənşəyi latınca muttire yəni “mırıldanmak, deyinmək”mənasını verir.

Firma əvvəlcə markasıyla sonra şüarıyla yaddaşlarda qalır . Məsələn; “Ensiklopediya” şüarını eşitdikdə yaddaşımıza dərhal “Wikipedia” markası gəlir. Şüarlar Marka tanınmışlığı baxımından da çox vacibdir.

Şüar yalnız firmalar üçün əhəmiyyətli deyil,həm də şəxsi və ictimai təşkilatlar, universitetlər, xəstəxana və otellər, hökumət təşkilatları, qeyri-hökumət təşkilatları, idman klubları,siyasi partiyalar üçün də böyük əhəmiyyət daşıyır.

Lüğətimizdə “şüar” necə başa düşülür? Qısa və təəccüblü təbliğat sözü olan şüar, markanın məqsədini və görüntüsünü təyin edir.

Şüar.

1. Bir fikri asan xatırladıb, təkrar şəkildə ifadə edən qısa, təəccüblü sözdür;

2. Şəxsiyyət, birlik və təşkilatların,məqsəd və vasitələrini köklü bir şəkildə təyin edən yaxşı bir xüsusiyyətdir.

Şüarın xüsusiyyətləri necə olmalıdır?

1. Şüar təşkilatın ya da məhsulun xüsusiyyətlərini özündə əks etdirməlidir.Hər insanın bir şəxsiyyəti olduğu kimi, təşkilatların da bir şəxsiyyəti vardır. Şüarda bunu özündə əks etdirməlidir.
2. Şüarı eşidən adamın dərhal ağlına markası gəlməlidir.Başqa şüarlardan fərqləndirici xüsusiyyətləri olmalıdır. Əgər tanınan başqa bir şüardan isdifadə edilmişsə, əksinə olaraq məhsulun reklamına mənfi təsir yaradar.
3. Marka və edilən iş bütünlük təşkil etməlidir. Loqonun yada emblemin dərhal altında yazıla bilər.
4. Çox uzun olmamalıdır və tək sözdəndə isdifadə edilməməlidir. Kifayət qədər uzunluqda və təsir edici olmalıdır.
5. Yaddaşımızda asanlıqla qalmalı və məhsulu ələ aldığımızda xatırlanmalıdır.

Şüar – markanın xatırlana bilməsi üçün çox əhəmiyyətlidir. Eyni zamanda şüar təbii və təsir edici olmalıdır. Tanınmış markalar (bu bəzən fərd də ola bilər) keyfiyyətli şüarlar ilə ön plana çıxmışdır.

Düzgün şüar yazılışı.

Təbiilik: Sıravi olmayan bir cümlə olmalıdır. Məsələn bir çox market “alverin etibarlı ünvanı” şüarını istifadə edir. Bu şüar müvəffəqiyyətlidir ancaq hər kəs tərəfindən istifadə edildiyindən müştəri üçün artıq bir məna ifadə etmir.

Davamlılıq: Şüarınız davamlılıq kəsb etməlidir. Buna görə markanı ən yaxşı təmsil edəcək cümləni tapmalı və qalıcı olmasını təmin etməlisiniz.

Yaddaşda qalan: Tələffüzü çətin cümlələrdən ibarət olmamalıdır. Bir səfərdə ağılda qalan sadə bir şüar davamlı xatırlanmanızı təmin edər.

Qısa: Bir – Dörd (1-4) sözdən ibarət şüarlar ən təsirli şüarlar. Yadda qalması cəhətdən də əhəmiyyətlidir.

İddialı: Satılması üçün iddialı olması da əhəmiyyətlidir. Rəqabətin olduğu bazarda iddialı məhsul üstünlük səbəbi ola bilər. Məsələn Audinin “Texnologiya ilə bir addım öndə” şüarı iddialı və müvəffəqiyyətli bir şüardır.

Həqiqi: Qeyri-mümkün vədlər verən şüarların heç də yaxşı nəticəsi olmaz. Firmanın etdiklərinə və edə biləcəklərinə uyğun şüar seçimi müvəffəqiyyətli şüar yaratmaq adına əhəmiyyətli bir faktordur.

Şirkət və ya marka adı yaratmaq.

Marka və ya şirkət adı yaratmaq hər keçən gün daha da çətin bir hal alır. Rəqabətin və ünsiyyətin hər keçən gün artdığı bu dövrdə fərqliləşmənin ən əhəmiyyətli elementi olan ad yaratmaq, bir növ samanlıqda iynə axtarmağa bənzəyir. Ünsiyyət və marketinqin sürətli inkişafı və dəyişməsini dövri olaraq ələ aldığımız marka adlarında görə bilərik. İlk dövrlərdəki markaları araşdırdığımızda Kiğılı, Ülker, Koçtaş və s. markaların, markanın yaradıcısının ad və ya soyadlarından faydalanıldığını görürük. Hələ adını qurucularından alan markaların etibarlılığının da qurucularına görə olduğunu görməkdəyik.

Marka adı, markanın vədlərini əks etdirən bir izahat forması olaraq təyin olunur. Bundan əlavə təsirli bir marka adı, markanın funksional və simvolik komponentləri ilə marka vədini bütünləşdirərək, marka şəxsiyyəti və marka mövqeləndirmə strategiyası ilə müştərinin tanışmasını təmin edir. Qısaca bir markanı digərlərindən ayıran ən əhəmiyyətli fərqləndirmə, marka adının doğru təyin olunmasıdır.

Marka adı prosesinə başlamazdan əvvəlki ilk mərhələ, nə cür bir adın məhsul və ya xidmətə uyğun olacağına qərar verilməsi olmalıdır. Bu qərarların alınmadan əvvəl yola çıxılması, okeanda avar çəkməyə bənzəyəcək. Araşdırmalara görə sıravi bir ada sahib bir məhsul, orta keyfiyyətli amma maraqlı bir ada sahib məhsul qədər yaxşı satışı yoxdur. Əgər sıravi ada sahib bir məhsulunuz bazarda uğursuz olarsa, məhsulda dəyişiklik edilsə də fayda almaq olduqca çətin olacaq. Bu səbəblə marka adının müəyyənləşdirilməsinə dair ilk fikirlər reklam agentliyindən və ya marketinq araşdırmaları quruluşlarından kömək alaraq əldə edilir. Marka adının araşdırılması prosesində elmi iş aparan firmalar:

*Çağırış testləri (ağla nə cür bir imic gəlir)

*Öyrənmə testləri (ad asanlıqla deyilə bilirmi?)

*Xatırlama testləri (ad necə xatırlandı)

*Seçim testləri (hansı adlar seçildi)

kimi üsulları istifadə edirlər.

*Sözün mənası olmayan, qulağa xoş gələn maraqlı adlar (Sony, Kodak)

*Məhsulun funksiyalarıyla əlaqədar olmayan (Panda, Omo)

*Məhsulun keyfiyyəti və ya funksiyasını əks etdirən (Yünsa)

*Məhsulun nə işə yaradığını və ya nə olduğunu əks etdirən (Silen, Yumoş)

*Başqa dillərdəki sözlərdən faydalanan (Lux)

*Şirkət qurucusuna aid olan (Ford, Vakko, Gillette, Hilton, Honda, Dell, Ülkər)

*Məşhur şəxslərə aid olan (Lincoln, Napoleon)

*Region adlarından (BMW, BP, Marlboro)

*Təbiətdən (heyvan, bitki) (Palmolive, Apple, Coca Cola, Shell)

*Müəssisənin ilk hərflərindən ibarət olan (IBM, BMW)

Kimi bir çox növdə ola bilər.

Bir marka adının üç əsas funksiyası.

*İstehlakçının qəbul edib etməyəcəyinə imkan verən bir mal və ya xidməti təsvir edər.

*Markanı təsvir edən xüsusiyyətlərə istiqamətli simvolik və ya funksional (ya da ikisi birdən) mesajlar çatdıraraq müştəri ilə ünsiyyət qurar.

*Hüquqi müdafiə funksiyasıyla firmanın dəyərini qoruyar.

Marka adının müəyyənləşdirilməsi prosesində diqqət edilməsi lazım olan meyarlar.

*Xatırlanması və deyilməsi asan olmalıdır. Söylənişi uzun olan marka adları çox zaman qazanclı bir potensial bazarı təhlükəyə soxa bilər.

*Məhsulun faydalarını və keyfiyyətini əks etdirməlidir. Məhsulun funksiyaları ilə uyğun bir marka adının seçilməsinə diqqət edilməlidir (Head & Shoulders)

*Fərqləndirici olmalıdır. Rəqiblərlə bənzərlik daşımamalı, məhsulu tanıdan və fərqliləşdirən xüsusiyyətlər ehtiva edən adlar seçilməlidir.

*Səs-hərf-qramatik xüsusiyyətlərə diqqət edilməlidir.

*Uyğunlaşdırılması mümkün olmalıdır. Gələcəkdə məhsul xəttinə əlavə olunacaq məhsullar üçün də uyğun olmalıdır.

*Beynəlxalq müstəvidə uyğunluğuna diqqət edilməlidir. Məhsula beynəlxalq bazarlarda mənfi təsir yaratmayacak adlar qoyulmalıdır.

Qısaca, marka strategiyasına və vədinə uyğun marka adı yaratmaq, marketinq xərclərinizi minimuma endirəcək, istehlakçıların ağılında asanca qalmanızı və rəqibləriniz arasında fərq yaratmanızı təmin edəcək.

Müəllif: Web Coder

Veb Dizayn

Web dizayn nədir sualının ən sadə cavabı, fikirləri müəyyən bir məqsəd üçün yönəltmək və təşkil etmək və onları praktikaya çevirmək prosesidir. Bu proseslər başa çatdıqdan sonra aktiv bir veb saytın dizaynı böyük həcmdə hazırlanmış olur. Veb dizaynı hazırlandıqdan sonra son istifadəçilər veb brauzerin köməyi ilə internet vasitəsilə veb saytlara daxil ola bilərlər. Bu veb dizaynın nə olduğu sualına verə biləcəyimiz ən qısa cavab ola bilər. İndi isə bu mövzuya daha ətraflı nəzər salaq.

Veb Dizayn Elementləri

Dizaynın hər sahəsində olduğu kimi, veb dizaynda da müəyyən əsas struktur parçaları yaradılaraq işlər aparılır. Aşağıdakı qısa başlıqlarda bunları sizə təqdim edirik və keyfiyyətli bir işin vacib detallarını sizinlə paylaşırıq.

1)Quruluş

İstifadə ediləcək qrafiklər və mətnlər müəyyən bir qaydada olmalıdır. Veb saytların əhəmiyyətli bir məqsədi, istifadəçilərə ilk baxışdan axtardıqları məlumatları tez bir zamanda tapmalarına kömək etməkdir. Web dizayn quruluşunun balanslı, ardıcıl olması və bütövlüyünü nizamlı olaraq qoruması son dərəcədə vacibdir

2)Rəng

Rəng seçimi müştəri tələblərinə və məqsədinə bağlıdır. Dizayn sadəcə ağ-qara rənglərlə edilə bilsə də, bir insanın və ya bir təşkilatın şəxsiyyəti və markası veb dostu rənglərdən istifadə edərək özünü ifadə edə bilər.

3)Qrafika

Web dizayn üçün qrafiklər loqotiplər, fotoşəkillər, clipart və ya nişanlar olaraq istifadə edilə bilər. İstifadə rahatlığı baxımından dizayn çox dar olmamalı, səhifənin açılma sürətinə təsir etməyəcək ölçüdə olmalı, veb səhifənin məzmunu ilə uyğun olmalı və uyğun şəkildə yerləşdirilməlidir.

4)Şriftlər

Müxtəlif şriftlərdən istifadə edərək veb saytın dizayn keyfiyyətini artıra bilərsiniz. Əksər veb brauzerlər yalnız “veb dünyasında məşhur” şriftləri aydın şəkildə göstərə bilir, buna görə də bir dizayner olaraq bu tip tanınmış şriftlərlə işləmək məsləhət görülür.

5)Məzmun

Məzmun və dizayn, şəkillər və mətn vasitəsilə saytın vermək istədiyi mesajın gücünü artırmaq üçün birlikdə işləyə bilər. Oxucularını təəccübləndirmək və həvəs oyatmaq üçün onlara istədiklərini vermək lazımdır, beləliklə istifadəçilər saytda daha çox vaxt keçirəcəklər. İstifadə etdiyiniz yazılı mətn həmişə mövzuya uyğun və faydalı olmalıdır. Web dizayn zamanı mətndə məzmuna uyğun açar sözlər olmalı, axtarış sistemləri üçün optimallaşdırılmış və uyğun uzunluqda olmalıdır.

6)İstifadəçi Dostu Veb Dizaynının Yaradılması

Bir veb saytı hazırlayarkən, bir saytın gözəl və vizual olaraq təsir edici olması üçün veb dizaynının əsas şərtləri ilə birlikdə istifadəçi davranışları haqqında da düşünmək lazımdır. Aşağıda sadalanan amillərə diqqət yetirməklə istifadəçi dostu interfeyslər asanlıqla əldə edilə bilər.

7)Naviqasiya

Veb dizaynı saytının arxitekturasını yaradarkən, istifadəçilərin veb sayta necə baxdıqlarını və axtardıqlarını nəzərə alaraq menyular və digər naviqasiya vasitələri yaradılmalıdır. İstifadəçilər üçün səmərəli, ehtiyac duyduqları məlumatı tapmağı və sayt daxilində asanlıqla hərəkət etməyə kömək edəcək bir şəkildə dizayn edilməlidir.

8)Multimedia

Dizayndakı əlaqəli video və audio bölmələri istifadəçilərə məlumatı qavramaqda asan və tez bir şəkildə kömək edə bilər. Bu, istifadəçiləri veb saytında daha çox vaxt keçirməyə təşviq edə bilər.

9)Uyğunluq

Səhifənin düzgün göstərilməsini artırmaq, hər dəfə eyni performansı əldə etmək son dərəcə vacibdir. Fərqli brauzerlərdə və əməliyyat sistemlərində problemsiz işləyə biləcək bir web dizayn hazırlamağa diqqət edin.

10)Texnologiya

Texnologiyadakı irəliləyişlərdən istifadə etmək, dizaynerlərə hər zaman təzə, dinamik və peşəkar bir veb dizaynında kömək edir və yenilik əlavə etmək azadlığı verir.

11)İnteraktiv

Web dizayn daxilində istifadəçi şərhləri əlavə edərək aktiv istifadəçi əlaqələrini artırın. E-poçt formaları və e-bülleten qeydləri təqdim edərək istifadəçinizi daimi istifadəçilərə çevirin.

Müəllif: Web Coder

AİDA modeli nədir? AİDA modeli və mərhələləri.

Əgər marketinq sahəsinə yeni addım atırsınızsa AİDA modeli terminini tez-tez eşidəcəksiniz. Doğru hədəf kütləsinə xitab edərək satışlarınızı artırmaq istəyirsinizsə AİDA modelinin nə olduğunu bilməlisiniz. Əgər bu haqqda məlumatlı deyilsinizsə o zaman doğru yerdəsiniz. Bugünkü yazımda siz, AIDA modelinin nə olduğu ilə tanış olacaqsınız.

AİDA modeli nədir?

AİDA ingilis dilində awareness, interest, desire, action sözlərinin qisaltmasından yaranmışdır. AİDA modeli marketinqdə alıcıların hər hansı bir məhsulu alarkən keçdiyi mərhələləri təsvir edir. Bir çox istifadəçi reklam və ya marketinq strategiyaları yolu ilə markaların fərqinə vardığı üçün AİDA modeli bir reklam və ya marketinq strategiyalarının marka seçimində müştərilərə necə təsir etdiyini açıqlayır. AİDA modeli 19-cu əsrdən bu yana reklam dünyası və marketinqdə ən çox istifadə edilən modellərdən biridir.

AIDA modelinin mərhələləri:

Awareness

Satış qıfının ilk mərhələsi tanınmadır. Burada siz mümkün olduqca öz markanızın adını tanıtmağa və daha çox insanın sizdən xəbərdar olmasına çalışmalısınız. Bunu tez və qısa bir zamanda etmək üçün reklamlara baş vura bilərsiniz. Tanınma bütün markalar üçün olduqca önəmli bir hissədir. Dünyada ən çox tanınan markalar belə hər zaman awarenes’i qoruyub saxlama ehtiyac duyur. Məhz bu səbəbdən bu bölməni önəmsəməli və yaddaşlarda qalmağa çalışmalısınız.

Interest

Awarenesin ilkin olaraq önəmini vurğuladıq amma unutmayın ki bu uğurlu bir marka yaratmaq üçün yetərli deyil. Sizin markanız həmçinin insanlarda maraqda oyatmalıdır. Əgər markanız insanlarda maraq yaratmırsa o zaman onlar sizdən məhsul almağa istəkli olmayacaqlar. İnsanlarda maraq yaratmaq üçün hədəf kütlənizi düzgün seçməli və bu kütlənin ehtiyaclarına uyğun məhsullar təklif etməlisiniz. Buna misal olaraq Adidas markasını göstərmək olar. Adidas reklam üzü olaraq Messini seçdiyində düzgün bir qərar vermişdi çünkü beləcə futbolsevərlərin və həmçinin digər insanların marağını markaya yönəldə bilmişdi. Adidasın istehsal etdiyi idman ayaqqabılarına maraq artdı və idmansevərlər bu ayaqqabıları sahib olduğu özəlliklərə görə almış oldu. Beləcə Adidasın istehlakçı sayı beləcə artmış oldu.

Desire

İnsanlar arasında maraq və istək yaratmaq eyni anda baş verə bilər. Bu səbəbdən insanlara niyə sizin markanızı seçməli olduğunu izah etməlisiniz. Burada siz, istifadəçilərə sizin məhsulunuzda olan lakin digərlərində olmayan xüsusiyyətləri vurğulaya bilərsiniz.

Action

Yaxşı reklam istifadəçiləri sizin məhsulunuzu almağa təşvik etməlidir. Əgər məhsulunuz insanlarda maraq, diqqət və istək yaratmağı bacardısa bu zaman onlar məhsulunuzu almaq üçün hərəkətə keçəcəklər. Burada həmçinin marka olaraq siz, alıcının xidmətdən məmnun qalmasını və məhsulu yenidən almağa istəkli olmasını təmin etməlisiniz.

Müəllif: Web Coder

SEO-dostu vebsayt

İstənilən şirkətin edə biləcəyi ən böyük rəqəmsal marketinq səhvlərindən biri yeni bir veb-saytı qurub onu optimallaşdıra bilməməkdir.

Bu cür SEO-dostu olmayan saytlar axtarış sisteminin optimallaşdırılmasını əngəlləyir, mobil istifadəçiləri məyus edir və beləliklə, satış potensialını azaldır. Bu da öz növbəsində veb-saytların yenidən dizayn olunmasına gətirib çıxarır.

Əksər vaxtlarda SEO problemlərinin yaranmasında səbəb açar sözlərin düzgün tapılmaması və açar söz strategiyasının yaradılmamasıdır. Saytın heç bir açar söz araşdırması/strategiyası olmadıqda, tərkibindəki səhifələr bütün açar söz hədəfləri üçün əl çatan olmayacaq.

Yüksək keyfiyyətli yazılmış və optimallaşdırılmış məzmun veb-saytınızı SEO dostu etmək üçün başlıca strategiyalardan biridir. Google, nüfuzlu, əlaqəli, faydalı və cəlbedici olan məzmunu müəyyənləşdirmək və sıralamaqda son dərəcə ustadır. Məzmun Google -da xüsusi açar sözlər ətrafında və xüsusi ölçüdə yazılmalıdır.

Səhifənin yüksək sürətli yükləmə sürəti həm veb-sayt istifadəçiləri, həm də axtarış sistemləri üçün yüksək böyük bir üstünlükdür. Düzgün dizayn və keyfiyyətli hostinq təminatçısı birləşərsə, bir şirkətin veb saytının ildırım kimi yüklənməsi təmin oluna bilər.

Müəllif: Web Coder

LOQO DİZAYN

Marka logosu bir şirkətin siması olaraq xarakterizə edilə bilən və çox vaxt potensial bir müştərinin işiniz və sizlə əlaqədar fərqinə varacağı ilk şeydir.

Loqo yalnız bir görüntüdən daha çox şeydir və müştərilər üçün tanınma nöqtəsidir və şirkətinizin brendə çevrilməsi və bütün marka memarlığı üçün vacib bir təməldir.

Müştərilərin bir neçə saniyə ərzində bir şirkət haqqında fikir formalaşdırdıqları və yaxşı dizayn edilmiş bir loqotip işinizi peşəkar, etibarlı və ən yaxşı səviyyədə təqdim etdiyinizi göstərərək potensial və hədəfli müştərilərə çatdırır.

Uğurlu bir loqo üçün 2 saniyə kifayətdir ki, şirkətin potensial müştərilərini məhsullarının bazarda rəqiblərlə müqayisədə hər hansı bir dəyərə sahib olduğuna inandırsın.

Marka loqosunun əhəmiyyəti mövzusunda ən kritik məqamlardan biri loqoların vizual və yaddaqalan olmasıdır. Məsələn, Gucci çantasında markanın loqotipi onun real dəyərindən qat -qat çox satmaq üçün kifayətdir. Loqotipiniz izləyicilərinizi şirkətinizə aparır. Loqotiplər markanızın tanınma nöqtəsidir və müştərilərin markanızı tanımaq üçün istifadə etdikləri simvoldur.

İdeal olaraq, insanların loqotipinizin görmə qabiliyyətini dərhal şirkətinizin etdikləri ilə əlaqələndirməsini və daha da əhəmiyyətlisi, markanız və bütövlükdə şirkət haqqında hiss etmələrini və görselleştirmelerini istəyərsiniz. Yaxşı bir logo vizual bir element və estetik baxımdan xoş bir element olduğu üçün markanız haqqında yalnız şirkətinizin adının çata bilməyəcəyi müsbət xatırlatmalara səbəb olur.

Hər hansı bir şirkət məhsul təklifləri ilə və ya bir bütün olaraq marka ilə emosional bir əlaqə qurmaq üçün logoların rəng sxemlərindən faydalana bilər. Məsələn, meyvə şirəsi satan bir şirkət tropik yerlərdəki tətillərlə bağlı xoş duyğular oyatmaq üçün narıncı, sarı, yaşıl rənglərindən istifadə edə bilər. Yaxud, yüksək keyfiyyətli saatlar, qara qalstuklar satan markalar rəsmiyyət yaratmaq qara rəngdən istifadə edə bilər.

Müəllif: Web Coder

Mobil tətbiqlərdə UI/UX dizaynının əhəmiyyəti

İnsanların əksəriyyəti rəqəmsal mediadan istər masaüstü, istərsə də mobil telefonlarda istifadə edir. Hər iki platformanın çox sayda istifadəçisi var. Mobil və onunla əlaqəli texnologiyalar dünya miqyasında populyarlıq qazandıqca insanların heç bir maneə olmadan daha rahatlıqla texnologiyalardan yararlanma gözləntiləri gündən-günə yüksəlir. Bu baxımdan mobil tətbiqiniz üçün UI/UX dizaynının rolu danılmazdır.

Mobil proqramın UI/UX dizaynı istifadəçi təcrübəsini artırır və buna görə də mobil tətbiqinizin uğurunda əsas rol oynayır. UI/UX dizaynının rolunu anlamaq üçün əvvəlcə hər iki terminin izahını bilmək gərəklidir.

“UI” abbreviaturası ingilis dilində “User Interface” olub istifadəçi interfeysi deməkdir. Bu dizayn, istifadəçilərin mobil proqramla qarşılıqlı əlaqəsidir. İstifadəçi interfeysinə tətbiqin bütün idarəetmələri, düymələri, blokları və elementləri daxildir.

İstifadəçi interfeysinin məqsədi istifadəçi ilə proqram arasında səmərəli və effektiv qarşılıqlı əlaqəni yaratmaqdır. UI-nin yaradılması dedikdə rəng və ən son dizayn prinsiplərinin seçilməsi nəzərdə tutulur.

“UX” abbreviaturası isə ingilis dilində “User Experience” olub, istifadəçi təcrübəsi deməkdir. UX-ın başlıca məqsədi isə istifadə rahatlığı və istifadəçinin sayta daxil olarkən saytda asan şəkildə axtarış etməkdir. Daha dəqiq desək, mobil tətbiqin işləmə üsulunu müəyyənləşdirməyi və istifadəçilərin tələblərinə cavab verməyi əhatə edir. UX aydın, rahat və istifadəçi dostu olmalıdır.

Proqramçı üçün mobil proqramda UI/UX-in rolunu bilmək vacibdir. Siz əla funksionallığı olan bir mobil tətbiq yarada bilərsiniz, lakin dizayn hissəsinə diqqət yetirilməzsə, bu, tətbiqi yararsız edəcək. Tətbiqin uğurlu olması üçün onun funksionallığı və UI/UX arasında düzgün balansın olması vacibdir.

UI və UX-i təkmilləşdirmək üçün nələr edə bilərsiniz ?

1. Saytın ahəngini qorumaq – tətbiqin dizaynı ikona və düymələrlə məhdudlaşmamalı, həm də rənglər və naxışlar onlarla vahidlik təşkil etməlidir.

2. Yükləmə sürəti – Sürət UX dizaynının ən vacib aspektlərindən biridir. Səhifənizin dizaynı elə olmalıdır ki, çox yükləmə vaxtı tələb etməsin, çünki istifadəçilər vaxtlarına qənaət etmək istəyirlər.

3. Ənənəvi elementlərdən istifadə – tətbiqdə hər bir istifadəçinin tanıya biləcəyi elementlərdən istifadə etmək məsləhət görülür, beləcə, o heç bir çaşqınlıq olmadan problemsiz tətbiqdən yararlanacaq.

4. İnteraktiv tətbiq – istifadəçi dostu tətbiqlər ən ideal hesab edilir. İnteraktiv proqram istifadəçilərə rahatlıqla bir pəncərədən digərinə keçmək imkanı verir.

Müəllif: Web Coder

Linkedin-də Uğur Qazanmağın 7 Asan Yolu

Son dövrlərin populyar sosial şəbəkə platforması olan Linkedinin əslində Facebook, Twitter, Snapchat və İnstagram-dan daha uzun müddət əvvəl istifadəyə verildiyini bilirdinizmi? Linkedin peşəkarların bir arada olduğu ən böyük biznes yönümlü şəbəkədir. Bu şəbəkə 200-dən çox ölkədə 500 milyondan çox istifadəçiyə malikdir. Linkedin-də istər iş sahibi, istər işsiz biri kimi yeni imkanlar əldə edə bilərsiniz. Linkedin sizə profilinizi, təcrübənizi, tövsiyələrinizi və əlaqələrinizi nümayiş etdirmək imkanı verir. İşə götürənlər namizədlər haqqında fikir formalaşdırmaq istəyərkən Linkedin profilinizə nəzər yetirə bilər. Yəni, hesabınız sizin haqqınızda ilkin peşəkar təəssürat yarada, eləcə də, iş dünyasında sizə, biznesinizə qarşı etibarlılıq yarada və nailiyyətlərinizi önə çıxara bilər. Bu günkü bloq yazımızda sizlərə Linkedin platformasında asanlıqla və zaman itirmədən inkişaf əldə etməyin 7 üsulundan bəhs edəcəyik.

1) Güclü təməl qurun – Linkedin profili sizin onlayn mövcudluğunuzu peşəkar şəkildə əks etdirir. Məsələn, potensial müştəri adınızı axtarışa verdikdə Linkedin hesabınızın həmin axtarış nəticələrində ilk sıralarda çıxması ehtimalı yüksəkdir. Dolayısıyla, yaradacığınız ilkin təəssürat çox vacibdir. İlkin təəssürat dedikdə profil məlumatlarındakı ən xırda detallar belə nəzərdə tutula bilər (öz paylaşımlarınız, başqalarının paylaşımlarına bildirdiyiniz “reaction” və şərhlər, iştirak etdiyiniz qrup müzakirələri və s.). Oxşar tələblər Linkedindəki “iş statusu”-nuza da aiddir. Peşəkar görünmək istəyirsiniz? Daim iş statusunuzu yeniləməlisiniz; öz üzərinizdə çalışıb yeni “activity”-lərinizlə hesabınızı zənginləşdirmək olar. Xülasə, profilinizi tamamlayaraq peşəkar imicə sahib olun, fikirlərinizi, peşəkarlığınızı nümayiş etdirən media faylları paylaşın və müştərilərinizin digər sosial şəbəkə hesablarınızı asanlıqla tapa bilsin deyə onların linklərini də daxil edin. Güclü təməli olan profil yaratmağa birdəfəlik iş kimi baxmayın – davamlı fəaliyyətdə olun.

2) “Networking” yaradarkən məntiq yürüdün. Əlaqələrinizi heç vaxt məhdudlaşdırmayın; fərdi dəvət göndərilərsə və şəxsin peşəkar profili (şəkil daxil olmaqla) varsa, əlaqə yaratmaqdan çəkinməyin. Şəxsi və ya peşəkar nöqteyi-nəzərdən insanlarla əlaqə saxlamağınız məntiqlidirsə, o zaman ağıllı şəbəkənizi qurun. Ola bilsin ki, bu gün bütün bu bağlantılara ehtiyacınız olmaya bilər, bəs 5 il sonra? Sonradan sağlam təməlin qoyulması üçün şəbəkənizə indidən investisiya qoyun. Müxtəlif sahədən olan insanlarla yaradılmış əlaqələr sizə nə vaxtsa hər cür qapıları aça və heç vaxt təsəvvür etmədiyiniz imkanları yarada bilər.

3) Davamlı olaraq hesabınıza zaman ayırın və dəyər verin – yeni müştəriləri biznesinizə yönləndirməyin ən dəqiq yoludur desək, yanılmarıq. Linkedin-də fərqlənmək və yaddaqalan olmaq istəyirsinizsə, davamlı olaraq aktiv olmalısınız. Dəyər vermək o deməkdir ki, siz bağlantılarınızla daim ən yaxşı və ən uyğun məzmunu paylaşırsınız. Bağlantılarınızı motivasiya edəcək, ruhlandıracaq, problemlərini həll etməyə, daha yaxşı hiss etməyə və ya həyatlarında daha çox şey əldə etməyə kömək edə biləcək məzmunlar paylaşın. Ümumi mövzularla yanaşı, zaman-zaman məhz öz sahənizlə də bağlı məzmunu paylaşmaq vacibdir. Beləliklə, özünüzü sahənizdə peşəkar kimi təqdim edə biləcəksiniz. Əgər həqiqətən bir mütəxəssis kimi görünmək istəyirsinizsə, öz fikirlərinizi dərc etməlisiniz. Çünki günün sonunda, Linkedin-də marketoloq yox, marketinq üzrə influencer kimi tanınmaq daha vacib rol oynayır. Siz daim aktiv olmaqla və keyfiyyətli məzmun paylaşmaqla bağlantılarınıza şəxsi və ya peşəkar həyatlarında növbəti səviyyəyə qalxmalarına kömək edəcəksiniz.

4) Yeri gəldikdə başqalarını önə çəkin, reklam edin. Bağlantılarınıza kömək etmək onları və bizneslərini inkişaf etdirməyin sürətli yoludur. Problem ondadır ki, insanların çoxu şəbəkələşmənin bu aspektinə diqqət yetirmirlər, çünki onlar öz məhsullarını satmağla məşğuldurlar. Kontaktlarınızı tanıtmaqla, yeni tanışlıqlar və tövsiyələr vasitəsilə müvafiq formada onları birləşdirin. Buna şəbəkənizi təhlil etməklə başlaya bilərsiniz – şəbəkənizdə qarşılıqlı fayda əldə edə biləcək insanları müəyyən edə bilərsiniz. Yaxud bağlantılarınızla görüşlər və ya kiçik qrup tədbirləri təşkil edin. İnsanları bir araya gətirmək çox əhəmiyyətli bacarıqdır və sizi “influencer” kimi mövqeləndirir. Həmçinin, əlaqələrinizi ictimaiyyət qarşısında tanıdın, yaxşı mənada qiymətləndirin və bağlantılarınızın nailiyyətlərini daim dəyərləndirin. Bu cür fəaliyyətlər başqaları üçün çox böyük önəm kəsb edir və nəticədə, siz bu prosesdə özünüz üçün də biznes uğurlarına nail olacaqsınız.

5) Linkedin üzvləriylə münasibətdən çəkinməyin. Bu, Linkedində uğurlu olmaq üçün ən vacib ipucudur. Əgər siz bu sosial şəbəkədə introvert birisi olaraq mövcud olacaqsınızsa, yuxarıda sadalanan məsləhətlərin heç biri yararlı olmayacaq. Şəbəkənizdə lazımi insanlarla daha dərin əlaqələr qursanız, təsir gücünüzün artacağına şahid olacaqsız. Uğur əldə etmək liderlik, güvən, bəyənilmə və təsir yaratmaq kimi bir çox meyarlar əsasında yaranır. Linkedində əlaqə yaratmağa çalışın. Şəbəkə üzvlərinizlə dialoqa başlaya biləcəyiniz sualları və paylaşa biləcəyiniz şərhləri düşünün. Söhbətlərə başlamaq başqalarını işə cəlb etməyə təşviq edir ki, bu da şəbəkənizi əvvəllər heç görmədiyiniz və ya görüşmədiyiniz insanlarla genişləndirmək üçün qapı açır.

6) Linkedin alqoritmindən bəhrələnin – Linkedinə daxil olduğunuz zaman bəzi yazıları dərhal görürsünüz, digərləri isə bəzən başqa məzmunların arasında gözdən qaçır. Məzmununuzun başqaları tərəfindən görülməsindən əmin olun. Bunun üçün Linkedin alqoritminin necə işlədiyini bilmək kifayətdir. Linkedin alqoritmi 3 fərqli filtrlə işləyir:

• Keyfiyyət – paylaşılan məzmun spam olmamalıdır. Əks halda, Linkedin botları, dərhal məzmununuzu siləcək!
• Qarşılıqlı təsir(interaction) – aktivliyiniz postunuzun əldə etdiyi bəyənmələr, şərhlər və paylaşımlara əsasən ölçülür. Siz hətta bir neçə sözdən ibarət mem (qısa mətn) paylaşa bilərsiniz! Vacib olan bağlantılarınızın üzündə gülüş yaratmaqdır.
• Etimad – Linkedin yaxşı məzmun yazan insanları bəyənir. Əgər yeni başlayırsınızsa, davamlı olaraq yaxşı yazılar yazmaq zaman keçdikcə etimad qazandıracaq.

Bonus: Nə qədər çox postunuz olsa, Linkedin sizi bir o qədər önə çıxaracaq. İlk başlarda kifayət qədər yüksək “engagement” əldə etməyə bilərsiniz. Ancaq daha çox paylaşımınız olarsa, məzmun daha yaxşı sıralanar və istifadəçilərin qarşısına daha çox çıxar.

7) Keyfiyyətli postlar hazırlayın – Linkedin yazıları uzun bir kitab deyil kimi deyil, qısa bir xülasə formasında olmalıdır. Linkedin-də məzmun oyununundan qalib çıxmaq istəyirsənsə:

• Qısa və pozitiv yazılar yazın.
• Diqqət çəkmək istəyirsinizsə, şəkil əvəzinə video kontentdən yararlanın.
• Video sevmirsinizsə, sırf mətn kontentlərinə üstünlük verin.
• Sual-cavablar təşkil edin.

Məzmununuza daha çox trafik əldə etmək istəyirsinizsə, hamının yatdığı gecə yarısı saatlarında paylaşım etməyin. Gecələr məzmun yazmağı xoşlayırsansa, səhərə saxlayın! İdeal olaraq, insanların işlədiyi saatları – səhər 9-dan axşam 5-ə kimi olan vaxt aralığını seçin.

Nəticə olaraq bunu demək olar ki, Linkedin hesabı yaratmaq hələ yolun başlanğıcıdır, və bu yolda uğurlu olmaq üçün sadalanmış məsləhətləri gözdən keçirməkdə fayda var. Linkedini CV-nizi yaxud işinizi virtual şəkildə nümayiş etdirmək üçün bir yer olaraq düşünə bilərsiniz, lakin bu şəbəkə bundan daha çox məna kəsb edir. Profil məlumatlarını doldurmaq təkcə sizi axtaran insanlara kömək etmir, həm də Linkedin-in profilinizi axtarış nəticələrində göstərmə ehtimalını artırır. Unutmayın ki, Linkedin hər zaman “tam və təbii” profillərə üstünlük verir.

Müəllif: Web Coder

Black Friday və Cyber Monday günlərində satışlarınızı necə artıra bilərsiniz?

Endirimli alış-veriş günləri olan Black Friday və Cyber Monday hər zaman olduğu kimi bu il də dünyada maraqla qarşılanır. Hər ilin noyabr ayının son həftələrində texnoloji alətlərdən tutmuş geyimə qədər bir çox məhsulun endirimə düşdüyü bu ərəfədə bir çox şirkətlər endirim kampaniyaları, kuponları təşkil edir. Bəs bu günlərdə satışlarınızı necə artıra bilərsiniz? Bu suala cavab vermək üçün əvvəlcə sözügedən günlərin yaranma səbəblərini, satış statistikalarını, alıcı psixologiyasını, ümumiyyətlə, bu endirim festivallarının məğzini anlamaq lazımdır.

Əvvəla, belə günlər dünyanın bütün ölkələrində iqtisadiyyatı, müxtəlif sektorları dirçəltmək məqsədiylə keçirilir. Azərbaycanca “Qara Cümə” kimi tərcümə olunan Black Friday bütün dünyada keçirilən alış-veriş festivalına verilən addır. Bu gün Şükranlıq günündən (Thanksgiving Day), yəni noyabrın 4-cü cümə axşamından sonrakı cümə gününə təsadüf edir və Milad alış-veriş mövsümünün ilk günü hesab olunu. Black Friday bu il noyabrın 26-na, cümə gününə təsadüf edir. İlin ən böyük satış dövrü olan Black Friday endirimləri normalda 24 saat davam edir. Lakin artan tələbat səbəbindən endirimlər 3-4 gün davam edə, hətta 10 gün öncədən başladıla bilər. Nə üçün bir çox insanın alış-veriş etdiyi bu günə Qara Cümə deyilir? Bu sualın dəqiq bir cavabı yoxdur, amma bir sıra iddialar var. İlk ehtimal budur ki, 1869-cu il sentyabrın 24-də Wallstreet-də işləyən iki iş adamı, Cey Qould və Cim Fisk “birja krizi” yaratmışdı. İki dost birjada dəyəri artırmaq üçün ABŞ-dan bacardıqları qədər qızıl alaraq birjada çaxnaşma dalğası yaratdılar. Bu dəyişiklik bir anda bir çox ABŞ vətəndaşına ziyan vurdu. Media ölkədəki vəziyyəti ümumiləşdirmək üçün “Black Friday” ifadəsindən istifadə etdi.

Başqa bir iddia 1800-cü illərin sonlarına doğru mağazaların Şükran günündən bir gün sonra endirimlər təklif etməsiylə bağlıdır. Zamanla bu endirimlər hər il sistemli şəkildə həyata keçirilməyə başlayıb və beləliklə, 1920-ci illərdə bu ənənəvi hal almağa başlayıb. 1961-ci ildəki Şükran günü sonrası endirim vaxtı bir çox xoşagəlməz hadisə baş verib: alış-verişin çoxluğu, yol qəzaları və insanlar arasında yaşanan zorakılıq halları və s. Bundan sonra Şükran Günü sonrası satışlara Black Friday adı verilib və polis də bu addan şəhərin mərkəzində, alış-veriş məkanlarında piyadaların və avtomobillərin hərəkətini təsvir etmək üçün istifadə edib.

1950-ci illərdə insanlar xəstə olduqlarını bəhanə edərək Şükran Günündən sonrakı gün istirahətlərini uzatmaq üçün istirahət etməyə başladılar. Mağazaların açıq olduğunu bilən insanlar artıq təlaşla alış-verişə başlamışdılar. Şirkətlər kimin həqiqətən də xəstə olduğunu müəyyən etmək əvəzinə həmin günü ödənişli məzuniyyət elan etdilər. Beləliklə, Qara Cümə tarixi adını almadan çox əvvəl məşğul alış-veriş günü idi. Geyimə, texnoloji məhsullara, avtomobillərə, xidmətlərə də tətbiq olunan Black Friday günü mağazalar çox erkən açılır və gec bağlanır. ABŞ-da başlayan və sürətlə Avropaya yayılan Black Friday günü insanlar hətta gecə yarısından etibarən böyük endirimlər üçün mağazaların qapılarında uzun növbələr yaradırlar.

Black Friday alıcılarının ümumi sayı 2017-ci ildə 174,6 milyondan ikən, 2019-cu ildə 189,6 milyona qədər artmışdı. Bununla belə, hazırkı pandemiya səbəbindən onların sayı 186,4 milyona düşüb. Lakin ilk dəfə olaraq onlayn Black Friday alıcılarının sayı 100 milyona çatıb. Bu, ötən illə müqayisədə 8% artım deməkdir.

Black Friday ilə bağlı maraqlı statistika:

• İstehlakçıların 73%-i endirimlərdən və ya mövsüm üçün əldə edə biləcəkləri ən yaxşı təkliflərdən yararlanmaq üçün Black Friday alış-verişi etməyi planlaşdırır. 23%-i isə onlayn alış-verişə nifrət etdiklərinə görə ənənəvi alış-veriş etməyi üstün tutur.

• Black Friday alış-veriş qərarlarına təsir edən amillər arasında pulsuz çatdırılma (49%), promosyonlar/məhdud müddətli satışlar (36%), istifadəsi asan vebsayt/proqram (21%) daxildir.

• Black Friday xüsusi endirimlərində pulunua orta hesabla 37% qənaət edilir.

• Black Friday alıcılarının 50,4%-i qadınlardır.

Cyber Monday (Kiber Bazarertəsi) endirimləri isə Black Friday-in onlayn alternativi olaraq başladılmışdır. Bu gün ilk dəfə 2005-ci ildə təşkil edilib və onu başladan, adlandıran təşkilat Shop.org olmuşdur. Həmin dövrdə onlayn alış-veriş yayılmağa başlamışdı. Xüsusilə bazar ertəsi günlərində artım müşahidə olunurdu və böyük mağazalar yalnız onlayn endirimlər təklif etməyə başladı.Bunu etməkdə əsas məqsədlərdən biri də Black Friday ilə rəqabət aparmaq idi. Bəs sual olunur: əgər məqsəd rəqabət aparmaqdırsa, niyə Cyber Saturday yox, Cyber Monday ? Çünki araşdırmalar nəticəsində insanların daha çox bazar ertəsi günü internetdən alış-veriş etdikləri müəyyən olunmuşdu. Digər bir tərəfdən həmin vaxtlarda heç də hər kəsin evində sürətli internet əlaqəsi yox idi – bu da insanların alışverişi bazar ertəsi etməyinin ən əsas səbəbi idi. Çünki, onlar sürətli internetlə alış-verişlərini internetdə etməyə üstünlük verirdilər.Buna görə də bazar ertəsi onlayn mağazalar üçün ən ideal gün olmağa başladı. İnternet alış-veriş statistikasını izləyən Adobe Digital Insights-a görə, 2009-cu ildə Cyber Monday-də əldə olunan qazanc 2018-ci ildə artıq 8 qatına çıxmışdı. 2010-cu ildə ilk dəfə olaraq 1 milyard dolları keçərək 1 milyard 38 milyon dollar qazanc əldə edilmişdi. 2011-ci ildə rəqəmlər artmağa davam edərək 1,3 milyard dollara çatdı. 2012-ci ildə əldə edilən 1,5 milyard dolların 12,9 faizini mobil cihazlar vasitəsilə edilən alışlar təşkil edirdi.

2013-cü ildə Cyber Monday xərcləri 20 faiz artaraq 2,29 milyard dollara çatdı və Black Friday çərçivəsində edilən alışlarda azalma müşahidə edildi. 2015-ci ildə xərclərin ümumi həcmi 3,04 milyard dollara çatıb. 2016-cı ildə 5,6 milyard, 2017-ci ildə isə 6,59 milyard dollar xərclənib. 2018-ci il ən yüksək xərcləmə rekordu qırdı. 2020-ci ildə Cyber Monday onlayn alış-veriş üçün ən əlamətdar gün oldu, çünki o, rəqəmsal gəlir üzrə bütün zamanların rekordunu qıraraq 10,8 milyard dollara çatdı. Bu, bütün zamanların ən böyük e-ticarət satış günü olaraq tarixə keçdi. Əlbəttə ki, bunda dünyanı sarsan pandemiyanın və onun gətirdiyi bir sıra məcburiyyətlərin rolu böyük oldu.

Bəs bu iki fərqli endirim günlərinin arasındakı fərqlər nələrdir? Ən böyük fərq odur ki, Black Friday pərakəndə satış məntiqini və Cyber Monday isə onlayn satış məntiqi əsasında yaranmışdır. Başqa sözlə desək, Cyber Monday başladığı illərdə insanlar cümə günləri mağazalarda, bazar ertəsi isə kompüter başında alışveriş edirdilər. İndi onlayn satışlar ən az Cyber Monday qədər Black Friday günü də edilir. Minlərlə insan mağazaların qapısında gözləməyə davam etsə də, Black Friday onlayn ticarətin ən böyük paydaşlarından birinə çevrildiyini danmamalıyıq.

Hansı günün endirimləri daha yaxşıdır ? Black Friday endirimlərini nəzərdən keçirsək, Cyber Monday ilə müqayisədə daha yüksək tariflər təklif edir. Çünki mağazalar hətta insanları qapıdan keçirtmək bahasına bəzi məhsullara zərər vurma riskini də alırlar. Bütün bunlar bir satış strategiyasıdır. Digər tərəfdən, insanların Cyber Monday endirimlərindən yararlanmaq üçün növbə gözləmək və ya insanlarla dava etmək məcburiyyətində qalmaması qiymətlərin artmasına səbəb olur. Çünki satıcılar bir neçə düyməni basmaqla mağazaya getmək arasındakı fərqi bilirlər.

Maraqlı bir nüans isə bu endirim günlərinə sosial medianın təsiridir. Sosial şəbəkə istifadəçilərin sayı hər il artır və onların üçdə biri sevimli mağazalarının Facebook, Instagram səhifələrini və endirim kampaniyalarını izləyir. İki dəfə çox istifadəçi məhsul almadan əvvəl rəylərə baxdıqlarını bildirib. Mağazalar da istehlakçıların sosial mediadan istifadə vərdişlərinə əsaslanaraq sosial mediada məhsul və kampaniyaları tanıdır. Bu mağazaların yarıdan çoxu öz internet saytlarını mobil istifadə üçün optimallaşdırır, hətta satıcıların 20%-i də planşet istifadəsi üçün veb-saytlarını optimallaşdırır. Onların bir çoxu reklam lövhələrində və jurnallarda məhsulun sosial mediadakı satış səhifələrini də vurğulayır

İndi isə keçək əsas mövzuya: Black Friday və Cyber Monday günlərində satışları təbii şəkildə necə artıra bilərik ? Əgər satışlarınızı onlayn formada edirsinizsə, izləməli olduğunuz məsləhətlər:

• Məhsullarınızı optimallaşdırın.
• Lazımi məhsullara düzgün endirimləri tətbiq edin – saytda bütün məhsulların endirimdə olması heç də inandırıcı görsənməyəcək.
• Ödəniş formanızı ən rahat formada təşkil edin – əgər ödəniş bölməsi qəliz olarsa, alıcı həvəsdən düşə, saytınızı tərk edə bilər.
• Saytınıza trafik çəkmək üçün sosial medianın gücündən istifadə edin – əvvəlcədən endirim kampaniyaları barədə elan verin. Yaxud sosial şəbəkələrdən gələn izləyicilərə xüsusi endirim tətbiq edin.
• Yüksək keyfiyyətli e-poçt marketinq kampaniyaları yaradın– vizual cəhətdən diqqət cəlb edən e-poçt məktubları daha uğurlu qəbul edilir.
• Veb-saytınızdakı şəkilləri çeşidləyin.
• Çatdırılma xərclərini düzgün planlayın.
• Müştəri xidməti ən üst səviyyədə təmin edin – endirim günlərindən sonra belə bu sizin üçün avantaja çevriləcək.
• Veb saytınızı müxtəlif brauzerlərdə sınayın – işlək vəziyyətdə olmasına, həmçinin istifadəçi rahatlığına diqqət yetirin.

İstər onlayn, istər ənənəvi satışlarınızı artırmaq üçün etməli olduğunuz ilk şey düzgün planlamadır. Məhsullarınızı və büdcənizi planlı şəkildə satış strategiyanıza uyğunlaşdırmalısınız. Edəcəyiniz kampaniyalar və endirimlər üçün nə cür büdcəniz olduğunu və bu büdcə ilə məhsullarınızı necə qiymətləndirə biləcəyinizi strateji olaraq planlaşdırmaq bu endirim günlərindən faydalanmağınızı təmin edəcək. Black Friday və Cyber Monday satışlarınıza hazırlaşarkən strateji addımlar atmalısınız; hansı mövsümdə olduğunuzu və hansı məhsulların hansı bölgədə daha çox sevildiyini müəyyən etməli və əlinizdə olan məhsul/xidməti buna uyğun təşkil etməlisiniz. Xüsusilə sosial media məzmunu vasitəsilə reklamlarınızı “engagement”-ə uyğun gün və saatlarda yerləşdirərək daha təsirli etməlisiniz. Əsasən onlayn alış-verişdə aktual olduğu bu dövrdə internet saytınızın təhlükəsiz olması sizin üçün böyük əhəmiyyət kəsb edir. Veb saytınızın trafikinin artacağı bu günlərdə hər hansı problemlə qarşılaşmamağınız və satışlarınızın kəsilməməsi üçün endirim günlərindən əvvəl texniki tədbirləri görməlisiniz. Satışlarınızda rol oynayan hər bir komanda üzvü bu gərgin prosesə hazır olmalıdır.

Black Friday və Cyber Monday çərçivəsində edəcəyiniz endirim və kampaniyalarla bağlı diqqət yetirilməli olan digər bir məsələ də endirimlərinizin etibarlılığıdır. Bir araşdırmaya görə, məhsulların 85%-i Black Friday günündən əvvəl eyni və ya daha ucuz, Black Friday-dən sonra məhsulların yalnız 1%-i ucuz qiymətə olur. Ona görə də təklif etdiyiniz endirimlər və kampaniyalar real və etibarlı olmalıdır. Bu gərgin dövrdə satışlarınızı artırmaq vacib olsa da, uzun müddətdə müştəri məmnuniyyətini qorumaq sizin üçün daha vacibdir. İnsanlar alış-veriş etməyə istəklidirlər, lakin əmin olun ki, onlar saxta vəd və təkliflərin də fərqindədirlər.

Marketinq və reklam prosesinizə başlamazdan əvvəl istehlakçı auditoriyanızı kateqoriyalara ayırmalısınız. Qeydiyyatdan keçmiş müştərilərinizə göndərdiyiniz elektron məktublarla özünüzə daha yaxın auditoriya yarada bilərsiniz. Keçmiş müştərilərinizə gəldikdə isə, onların əvvəlki seçimlərinə, yaş qruplarına və bölgələrinə uyğun plan qurmalı və kontentinizi buna uyğun formalaşdırmalısınız. Beləliklə, müştərilərinizi tam olaraq axtardıqları məhsullarla qarşılaya, fərdiləşdirilmiş kampaniyalar təklif edərək onların alış-veriş ehtimalını artıra bilərsiniz. E-poçt məktubu göndərərkən diqqət cəlb edən bir başlıq alıcıya endirim və ya kampaniyanın qısamüddətli olduğunu və bunun qaçırılmamalı bir fürsət olduğunu hiss etdirmək üçün təsirli bir üsul olacaq. Statistikaya görə, e-poçt marketinqinə xərclədiyiniz hər 1 dolları 42 dollar olaraq geri qaytara bilərsiniz. Bu o deməkdir ki, mövcud müştərilərinizi əldə saxlamaq yeni müştərilər əldə etmək qədər vacibdir.

Black Friday və Cyber Monday münasibətilə endirim edənlərdən biri də bizik:

Webcoder olaraq BÜTÜN xidmətlərimizə 20% endirim tətbiq edirik. Xidmətlərimizə daxildir:

• Saytların hazırlanması (Unikal dizayn, Front-end proqramlaşdırma, Back-End proqramlaşdırma, Kontentin yazılması)

• SEO Xidməti (SEO aylıq hesabatı, Açar sözlər, SEO kopiraytinq, Texniki optimallaşdırma, Mobil sayt optimallaşdırılması)

• Mobil Tətbiq (iOS, Android, Windows, Blackberry)

• Brendinq (Loqo dizaynı, Dizayn işləri, Korporativ stil)

• SMM Xidmətləri (Qurulması və optimallaşdırılması, Orijinal sosial şəbəkə postları

• Neyminq (Ad vermə, Sloqanın təyini)

Ən yaxşı onlayn tərcümə lüğətləri (Azərbaycan, İngilis,Rus)

Zaman keçdikcə və elm, texnologiya inkişaf etdikcə dillər də inkişaf edir. İstər öz dilimizdə, istər öyrəndiyimiz başqa dildə yeni sözlər öyrənmək, mənalarına baxmaq, düzgün yazılış və ya deyilişini yoxlamaq üçün lüğətlərdən istifadə edirik. Dil öyrənmə marafonunun əsas hissəsi olan lüğətlərin bir neçə növü var. Bildiyimiz kimi? texnologiyanın inkişafı ilə lüğətlər artıq kitab formasından çıxaraq, hər kəsin telefon və ya kompüterlə rahat şəkildə əldə edə biləcəyi bir vasitə oldu. Artıq ən faydalı hesab edilən bütün lüğətlərin, demək olar ki, onlayn versiyası mövcuddur. Bu səbəbdən aşağıdakı siyahıda lüğətlərin saytları qeyd olunacaq.

Birdilli lugetlər

Birdilli lüğətlərdə sözlərin mənası həmin dildə izah edilir. Bu cür lüğətlərdən sadəcə dili öyrənənlər deyil, dil daşıyıcıları da istifadə edir.

İngilis dili:

1. https://dictionary.cambridge.org/tr/
2. https://www.oxfordlearnersdictionaries.com/
3. https://www.collinsdictionary.com/

Azərbaycan dili:

1. https://www.azleks.az/
2. https://obastan.com/azerbaycan-dilinin-izahli-lugeti/a/

Alman dili tercume lugeti:

Türk dili:

1. https://sozluk.gov.tr/
2. http://www.dildernegi.org.tr/TR,274/turkce-sozluk-ara-bul.html

İkidilli lüğətlər

Yeni dil öyrənənlər daha çox bu tərz lüğətlərə üstünlük verir. İkidilli lüğətlərdə sözlərin başqa dildə qarşılığı əks olunur və aşağıda tiplərlə tanış ola bilərsiniz.

alman azeri tercume lugeti

azeri alman tercume lugeti

azeri ingilis tercume lugeti

ingilis azeri tercume lugeti

rus azeri termuce lugeti

azeri rus tercume lugeti

İngilis dili – Azərbaycan dili (ingilis azeri)

1. https://azerdict.com/
2. http://dilmanc.az/az/tercume?desktop=1&id=895801&code=28082dd2e45a3125d8a108d582cdcde4

İngilis dili – Türk dili

Aşağıda qeyd olunan lüğət saytlarında isə müxtəlif iki dili seçib sözlərin tərcüməsinə baxa bilərsiniz. İngilis, türk, Azərbaycan dilləri ilə yanaşı rus, alman, ispan və s. dillər üçün bu lüğətlərdən istifadə edə bilərsiniz.

1. https://tureng.com/en/turkish-english/%C3%A7apk%C4%B1n
2. https://www.seslisozluk.net/
3. https://en.bab.la/dictionary/english-german/dictionary
4. https://glosbe.com/
5. https://dictionary.cambridge.org/tr/ (Cambridge lüğəti birdilli olmaqla yanaşı müxətlif dilləri əks etdirən ikidilli lüğətdir)

Rus dili tərcümə lüğəti

Lüğətlərdən danışarkən rus dilində olan onlayn lüğətləri unutmaq olmaz. Bunlar içərisində ən məşhuru Multitran (https://www.multitran.com/) lüğətidir ki, burada siz 30-dan artıq dil üzrə seçim görə bilərsiniz. Burada bir terminin ayrı-ayrı sahələrdə necə işlədildiyini də görə bilərsiniz.

İndiyə kimi qeyd edilən lüğətlər ümumişlək sözlərin əks olunduğu lüğətlər idi. Ancaq terminləri, sözlərin etimoloji mənşəyini, sözlərin sinonimlərini əks etdirən lüğətlər də mövcuddur. Adətən bu cür lüğətlər daha peşəkar məqsədlər üçün istifadə edilir.

Bu sayt vasitəsi ilə ingilis dilində olan sözlərin izahını və sinonimlərini tapa bilərsiniz.

Bu saytda ingilis dilində axtardığınız sözlərin etimologiyası ilə tanış olacaqsınız.

Bu saytda türk dilində müxtəlif sahələrə aid terminlərin izahını tapa bilərsiniz.

Bu bir reallıqdır ki, heç də hər lüğət kitabının saytı və onlayn versiyası olmur. Kitabın dövrü heç zaman bitməz. Nəticə etibarı ilə insanoğlunun bütün öyrəndikləri, bildikləri kitablarda yatır.

Əgər mətndə orfoqrafik səhv aşkar etmisinizsə, o zaman Ctrl+Enter düymələrini sıxaraq bizə göndərin.

Onlayn tərcümə Word faylları Ərəb dən Fransız dili

Word fayllarını hər hansı bir cihazda pulsuz olaraq Ərəb -dən Fransız dili -ə tərcümə edin. Proqram quraşdırılması tələb olunmur.

50 translation/word translation/word/translationdocument

Digər tərcümə proqramları

Biz artıq ümumi ölçüsü 264816944 Kilobayt olan 920032 faylları emal etdik

Microsoft Word dünyanın ən məşhur zəngin mətn sənəd redaktorudur. Word sənədləri (DOC, DOCX, RTF) hüquqi sənədləri, müqavilələri, məqalələri və digər məzmunu redaktə etmək və bölüşmək üçün istifadə olunur. Güclü redaktə imkanları ilə sənədlər bir çox layout elementləri, üslub, masalar, tikinti blokları və digər zəngin formatlardan ibarətdir. Bu elementlərin hamısı tərcümədə diqqətlə qorunmalıdır ki, sənədin strukturu və düzeni dəyişməz qalsın.

GroupDocs Translation qlobal dünya üçün real vaxt maşın tərcümə təklif edir. Güclü maşın təlimi alqoritmləri və inkişaf etmiş neyron şəbəkələr peşəkar insan tərcüməçiyə yaxın, lakin daha asan, daha sürətli və daha səmərəli keyfiyyəti təmin edir. GroupDocs tərəfindən yerləşdirilən yüksək performanslı bulud serverində çalışan 78 dil cütlüyündə mətnləri və bütün məşhur sənəd formatlarını tərcümə edə bilər. API yalnız mətni tərcümə edir, həm də metadata, struktur, üslub və sənədlərin yerləşdirilməsini dəqiq şəkildə qoruyur.

GroupDocs Translation API powered by Bu pulsuz online app Ərəb Fransız dili Ərəb demək olar ki, hər hansı bir formatda mətnləri və sənədləri tərcümə edə bilər. Tərcümə birdən çox formata çevrilə bilər, e-poçt və ya URL vasitəsilə paylaşılır və cihazınıza saxlanılır. O, həmçinin kompüterinizə yükləmədən veb saytlarda yerləşdirilən faylları tərcümə edə bilər. Proqram smartfonlar da daxil olmaqla hər hansı bir cihazda işləyir.

Word sənədini Ərəb -dən Fransız dili -ə necə tərcümə etmək olar?

Fayl təqdim edin

Word sənədini yüklə və ya sadəcə veb ünvanını daxil edin.

Dil cütlüyünü göstərin

Ərəb -dən Fransız dili və ya Fransız dili -dən Ərəb -ə tərcümə etmək istəməyinizi göstərin.

Tərcüməyə başla

Basın Tərcümə düyməsini basın. Əlavə vasitələr olmadan uyğun sənədlər və veb səhifələr yaratmaq üçün çıxış formatını optimal şəkildə təyin edə bilərsiniz.

Nəticə alın

Tərcümənin tamamlanmasını gözləyirik. Tərcümə sənəd Download e-poçt və URL vasitəsilə bölüşmək, keçirmək və tərcümə content düzeltmek.

Hansı layout elementləri dəstəklənir?

Bu app paraqraflar, masalar, dipnotlar, sonnotlar, başlıqlar, altbilgilər və şəkil başlıqları dəstəkləyir.

Proqram OpenOffice sənədlərini dəstəkləyirmi?

RTF sənədlərini tərcümə edə bilərsiniz. OpenOffice Writer sənədlərini (ODT) tərcümə etmək üçün OpenOffice Translator istifadə edin.

Hər hansı bir məhdudiyyət varmı?

Bu proqram yalnız 10,000 simvoldan artıq olmayan Word sənədləri ilə işləyir. Daha böyük fayllar işlənmir. Həmçinin, DOCM faylları başqa bir formata çevrilə bilməz.

Fərdi səhifələri tərcümə edə bilərəmmi?
Xeyr. Hal-hazırda bütün sənəd tərcümə olunur.
Sistem tələbləri hansılardır?

Emal yüksək performanslı GroupDocs Cloud tərəfindən həyata keçirilir. Tətbiq minimum hardware və ya əməliyyat sistemi tələblərinə malikdir – hətta giriş səviyyəli netbuklar və mobil qurğularda eyni sürət və keyfiyyətdə istifadə edə bilərsiniz.

Mobil cihazlardan tətbiqdən istifadə edə bilərəmmi?

Bəli, ərizə smartfonlar da daxil olmaqla hər hansı bir cihaz və platformada bütün populyar veb brauzerlərdə işləyir.