Mühazirə 3 Əməlyyat sistemləri

Переименовать- Мой компьютер elementinin adını istifadəçi dəyişərək istənilən adla əvəz edir;

Windows əməliyyat sistemi

Windows əməliyyat sistemi istifadəçilər üçün rahat işləmə mühiti yaratmaq məqsədilə meydana gəlmişdir. Bu ƏS yaranmamışdan əvvəl istifadə edilən istənilən ƏS istifadəçidən kompyuteri idarə edən əmrləri bilməsini tələb edirdi. Windows əməliyyat sisteminin yaranması sistem mühiti və burada işləmə qaydasını dəyişməyə imkan verdi. İstifadəçi üçün çox sadə işləmə qaydalarına malik olan qrafik interfeysin meydana gəlməsi istifadəçini əmrlər strukturunu öyrənməkdən azad etdi. Maraqlıdır ki, bu ƏS-nin ilk versiyalarının yaranması istifadəçilər tərəfindən çox soyuq qarşılandı. 1985 – 1990-cı illər ərzində bu ƏS çox da istifadə olunmadı. Yalnız 1990-cı ildən sonrakı beşillikdə Windows əməliyyat sistemi kompyuter dünyasının ona qarşı olan münasibətini tamam dəyişdirdi. İlk versiyalarında MS-DOS sisteminin örtüyü kimi meydana çıxan bu yeni ƏS Windows-95, Windows-98 və Windows-2000 kimi versiyalarında tam hüquqlu ƏS kimi öz təsdiqini tapdı.

IBM PC kompyuterlərində 1981-ci ildən 1995-ci ilə qədər əsas ƏS kimi MS-DOS istifadə edilmişdir. Bütün bu illər ərzində MS-DOS əməliyyat sistemi MS-DOS 1.0-dan MS-DOS 6.22-yə qədər inkişaf yolu keçmiş və hər dəfə yeni versiyanın buraxılması ilə daha çox qurğularla işləmək mümkün olmuş və sistem yeni proqramlarla gücləndirilmişdir. Bu ƏS-nin ən zəif yeri əməli yaddaşla iş prosesinə aid idi. Belə ki, o dövrdəki əksər kompyuterlərdə ƏY-nin həcmi 250 Kbaytı aşmırdı, MS-DOS isə 640 Kbayt əməli yaddaşla işləyə bilirdi.

MS-DOS-un ikinci çatışmazlığı isə ondan ibarət idi ki, bu sistem qrafik ƏS olmadığından, qrafik rejimdə işləmək mümkün

deyildi.
Nəhayət, MS-DOS-un təkməsələli ƏS olması onun növbəti çatışmazlığı idi.

Microsoft şirkətində IBM PC tipli fərdi kompyuterlər üçün qrafik əməliyyat sistemlərinin yaradılması istiqamətində aparılan

işlərə başlanılmış və belə bir sistemin ilk versiyası 1985-ci ildə Windows 1.0 adı ilə buraxılmışdı. Bu sistem IBM PC AT 286 mikroprosessorlu kompyuterlər üçün nəzərdə tutulmuşdu və diskdə 2 Mbaytdan bir az artıq yaddaş sahəsi tuturdu. Windows 1.0 ilə eyni vaxtda bu sistemdə işləyən kalkulyator, saat, təqvim kimi bəzi utilitlər, Microsoft Paint qrafik redaktoru, Notepad – sadə mətn redaktoru və buna nisbətən daha mükəmməl olan Microsoft Write mətn redaktoru da yaradılmışdı. Bu sistem müstəqil ƏS deyildi, sadəcə MS- DOS üzərində qurulmuş örtük idi.

Microsoft firması 1987-ci ilin oktyabrında sistemin Windows 2.0 versiyasını buraxdı. Bu sistem əslində Windows 1.0-ın təkmilləşdirilmiş versiyası idi. Bu versiyada qurğularla bağlı (məsələn, yeni yaradılmış VGA standartlarına uyğun videokart, böyük həcmli sərt disklər, modemlər) proqram təminatı gücləndirilmişdi. Sistem IBM PC AT 386 kompyuterləri üçün nəzərdə tutulmuşdu, bununla yanaşı əvvəlki maşınlarda da normal işləyirdi. Windows 2.0 ƏS üçün Microsoft Excel cədvəl prosessoru və Word 1.0 mətn prosessoru işlənib hazırlanır. 80286 mikroprosessorlu kompyuterlər üçün hazırlanan Windows versiyası istifadəçilərə genişləndirilmiş yaddaşdan istifadə etməyə, 80386 mikroprosessorlu kompyuterlər üçün hazırlanmış Windows versiyası isə çoxməsələliyə imkan vermişdir.

1990-cı ilin may ayında MS-DOS ƏS-nin qrafik örtüyü olan Windows 3.0 versiyası meydana gəlir. Bu versiya istifadəçilər arasında ilk mükəmməl 16 mərtəbəli sistem kimi öz təsdiqini tapır. Windows 3.0 nəinki qrafik interfeysə, həmçinin çoxməsələlik rejiminə də malik olmuşdur. Bu sistem IBM 386 kompyuterləri üçün nəzərdə tutulmuş və əvvəlki sistemlərdən Windows 3.1-ə keçid variantı kimi qəbul edilmişdi. Windows 3.0 sistemində işləyə biləcək proqramların sayı xeyli çoxaldı. Belə ki, Notepad və WordPad mətn redaktorları, Paintbrush qrafiki redaktoru, şəbəkədə məsafədən (uzaqdan) idarəetmə vasitələri və başqa bir çox utilitlərlə yanaşı bir sıra müəyyən oyun proqramları da Windows 3.0 sisteminə daxil edildi.

Bu müsbət keyfiyyətlərinə baxmayaraq Windows 3.0 ƏS-nin işləmə etibarlılığı çox da böyük deyildi. Bu mənfi cəhət 1992-ci ilin aprel ayında buraxılan Windows 3.1 versiyasında aradan qaldırılmışdır. Bu versiyadan başlayaraq Microsoft şirkəti 80386 və ondan sonra gələn prosessorlara xas olan virtual yaddaşın təşkil edilməsi imkanına malik ƏS-nin istehsalı ilə məşğul olur. O cümlədən, bu sistemdə klaviaturanı müxtəlif dillərə yükləməklə çoxdilli rejimdə işləmək, həmçinin xarici mikrofondan və universal səsgücləndiricidən, eləcə də geniş spektrli səs kartlarından istifadə etmək mümkün idi.

Windows sisteminin növbəti versiyası 1993-cü ildə Windows 3.11 Workgroups adı altında buraxıldı. Sistemin bu versiyası əvvəlkilərdən fərqli olaraq lokal şəbəkə və geniş multimedia imkanlarına malik idi. Belə ki, sistem lokal şəbəkə yaratmağa, internetlə əlaqə yaratmağa, şəbəkə printerlərindən, lokal şəbəkədə mətni informasiya mübadiləsi üçün alətlərdən və eləcə də faksların göndərilməsi və qəbulu üçün proqramlardan istifadə etməyə imkan verirdi.

Windows 3.11 sistemi lokal şəbəkədə eləcə də internetdə işləmək üçün istifadəçilərə geniş imkanlar verdiyindən, kompyuterin aparat təminatı ilə bağlı çox yüksək tələblər qoyurdu. O cümlədən IBM PC 386 kompyuterləri və ən azı 1 Mb əməli yaddaş tələb olunurdu. Sistemin tətbiqi proqramlar paketinə bir sıra yeni proqramlar əlavə edilmişdi: Microsoft Mail poçt proqramı, Microsoft Internet Explorer brauzeri, şəbəkə ilə işləmək üçün xüsusi Microsoft Chat utiliti və s.

Korporativ istifadəçilərin tələbatını ödəmək üçün 1993-cü ildə Windows NT (New Technology) adlı tamamilə yeni bir ƏS buraxdı. Bu sistem tamamilə yeni nüvə əsasında qurulmuş və əsasən korporativ istifadəçilərin lokal kompyuter şəbəkələrində işləməsi üçün nəzərdə tutulurdu.

Windows NT sisteminin ilk variantı iki versiyada yaradılmışdı: Windows NT Server və Windows NT Workstation. Əslinə qalsa bunlar eyni ƏS-ləri idi, fərq isə ondan ibarət idi ki, Windows NT Serverin tərkibinə elə proqramlar daxil edilmişdi ki, həmin proqramlar bu sistemlə işləyən kompyuterləri həm lokal şəbəkələrin serveri, həm də Internet şəbəkəsində HTTP serveri kimi istifadə etməyə imkan verirdi. Windows NT Workstation sistemində isə istifadəçilərin tətbiqi proqramlarına daha çox üstünlük verilirdi. Windows NT sisteminin interfeysi zahirən Windows 3.11 sistemindən heç nə ilə fərqlənməsə də, Windows NT sistemi 32 mərtəbəli çoxistifadəçili ƏS idi. Windows NT sistemi buna qədərki Windows sistemləri ilə müqayisədə istifadəçilər tərəfindən ən stabil və ən etibarlı ƏS kimi qəbul edilmişdir.

1995-ci ilin sentyabrında buraxılmış Windows 95 ƏS IBM PC kompyuterləri üçün ilk qrafiki ƏS olmuşdur. Bu ƏS böyük üstün cəhətlərə malik olduğu üçün o, bütün kompyuter dünyasında geniş tətbiq olunmağa başlayır. Beləliklə Windows sistemi ilk dəfə olaraq MS-DOS üzərində qurulmuş örtükdən 32 mərtəbəli mükəmməl qrafik ƏS-nə çevrildi.

Əvvəlki versiyalardan fərqli olaraq Windows 95 sisteminin iş stoluna My Computer və Recycle Bin – sistem qovluqlarının işarələri və üzərində saat, səs tənzimləyicisi, müxtəlif dillərə keçidləri tənzimləmək üçün göstərici əks olunan tapşırıqlar paneli daxil edilmişdir.

Lakin bu ƏS-nin praktiki istifadə olunması zamanı aydın olur ki, onun bir sıra mənfi cəhətləri, o cümlədən çox da böyük olmayan işləmə etibarlılığı vardır.

1998-ci ildə istehsal edilən Windows 98 ƏS əsasən gələcəkdə istifadə olunmaq üçün buraxılır. Burada əvvəllər ayrıca satılan bir sıra proqram məhsullarının daxil olduğu standart proqramlar komplekti, həmçinin kommunikasiya imkanı da genişləndirilmişdir. Eyni konsepsiyaya malik olduqları üçün Windows 95 və Windows 98 ƏS-ləri yerinə yetirdikləri funksiyalara görə bir-birinə daha yaxın olub, istifadəçiyə eyni interfeyslər xidməti göstərirlər.

Beləliklə, Microsoft şirkətində bir-birinin ardınca MS-DOS üzərində qurulmuş bir neçə qrafiki örtük – Windows 1.0, Windows 2.0, Windows 3.0, Windows 3.1, Windows 3.11 sistemləri buraxılmışdı. Bu qrafik örtüklər MS-DOS üzərində qurulduğundan və deməli, MS-DOS-un idarəsi altında işlədiyindən, müstəqil ƏS-ləri deyildilər. Buna baxmayaraq Windows-un meydana gəlməsi ilə kompyuter istifadəçiləri üçün bir sıra yeni imkanlar yaradıldığından, onun örtük yox, mühit (Windows mühiti) adlandırılması qəbul edildi.

Microsoft şirkəti 2000-ci ilin əvvəllərində Windows NT sisteminin arxitekturası əsasında Windows sisteminin yeni versiyasını

– Windows 2000 sistemini yaratdı. Windows 2000 sisteminin yaradılmasında Windows NT-nin təkmilləşdirilmiş texnologiyasından istifadə edilməklə yanaşı Windows 98 sisteminin mühüm xüsusiyyətləri də nəzərə alınmışdır. Odur ki, bu ƏS rahat istifadə olunan, stabil və təhlükəsizlik baxımından etibarlı olmaqla çox asan tənzimlənən sistemdir.

Windows 95-98 sinfindən olan ƏS-lərinin sonuncu inkişaf etdirilmiş variantı 2000-ci ildə geniş istehsala buraxılmış Microsoft Windows ME (Millennium Edition) sistemi idi. Bu sistem özündən əvvəlki Windows sistemləri ailəsindən hər şeydən əvvəl onunla fərqlənir ki, bu sistem MS-DOS-dan tamamilə imtina edir.

NT texnologiyasının bazası əsasında Microsoft şirkətinin yaratdığı Windows ailəsindən olan daha bir yeni ƏS-nin yeni versiyası artıq 2000-ci ilin sonlarında geniş ictimaiyyətə məlum idi. Bu yeni ƏS əvvəlcə Codename Whistler adı altında buraxılsa da, 2001-ci ilin yayında Windows XP (ing. eXPerience – təcrübə, sınaq) adı altında istifadəçilərə təqdim edildi.

Windows XP sistemində gözlənilən ən mühüm və səbirsizliklə gözlənilən yeniliklərdən biri ondan ibarətdir ki, artıq bu sistem təmiz kompakt diskləri adi disketlər kimi işlətməyə imkan verir. Yəni sistemdə CD-R və CD-RW diskləri ilə işləmək mümkündür.

Nəhayət, istifadəçilər gözəl interfeyslə yanaşı rahat iş şəraiti ilə təmin ediliblər.

Windows XP sisteminin yeni imkanlarının qısa xülasəsi

“Plug And Play” texnologiyası əsasında yeni periferiya qurğularının qoşulması. MS-DOS ƏS mühitində yeni periferiya qurğularının kompyuterə qoşulması üçün istifadəçi professional biliklərə malik olmalıdır: məsələn, konfiqurasiya faylını yazmağı bacarmalı, lazımi drayverin qoşulması əmrinin strukturunu bilməlidir. Windows mühitində isə bu məsələ çox asanlıqla həll olunur. Sistem özü konfiqurasiya fayllarını dəyişdirir, konkret texniki qurğunu aydınlaşdırır və onun avtomatik sazlanmasını təmin edir. Başqa sözlə, bu prinsiplə işləyən ƏS kompyuterə birləşdirilmiş yeni qurğunun işləməsi üçün lazım olan drayveri avtomatik olaraq özü seçərək yükləyir Bu sür texnologiya Plug and Play (Qoş və istifadə et) adlanır.

Virtual yaddaşdan istifadə. Bildiyimiz kimi, kompyuterdə əsas problem kimi əməli yaddaş tutumunun çatışmazlığıdır ki, Windows 95 mühitində virtual (həqiqətdə olmayan) yaddaş vasitəsilə bu problem həll edilmişdir. Əgər cari (aktiv) proqramın işləməsi üçün əməli yaddaş kifayət etmirsə, bu zaman həmin proqramlar diskdə yüklənmə faylı (файл подкачки) adlanan fayl şəklində saxlanılır. Faylların bu cür yüklənmə həcmi əməli yaddaşın tutumundan bir neçə dəfə çox ola bilər. Virtual yaddaşın sazlanması avtomatik və əl ilə yerinə yetirilir. Windows ƏS sərbəst olaraq, cari məsələnin real tərkibindən asılı olaraq, virtual yaddaşın ölçüsünü seçir.

Fayl və qovluqlar

Bir qayda olaraq kompyuterin yaddaşında saxlanılan istənilən informasiya tipindən asılı olmadan konkret bir ad altında qeydiyyata alınır. Yaddaşın müəyyən hissəsində bir ad altında qeyd olunaraq saxlanılan bu cür verilənlər yığımına fayl deyilir. Kompyuterdə saxlanılan bütün informasiyalar – mətnlər, sənədlər, proqramlar, qrafiki təsvirlər və s. fayllarda saxlanılır.

Fayllar müxtəlif tipli olurlar:

• icra olunan fayllar – sadəcə olaraq müəyyən bir əməliyyat yerinə yetirən proqramlar;
• sənədlər – istifadəçilər tərəfindən kompyuterdə müəyyən proqramın köməyi ilə yaradılan hər hansı informasiya toplusu, mətn və s.
• konfiqurasiya faylları – proqramların işi üçün zəruri olan xüsusi parametrləri saxlayır və s.

PRN – printer

LPT1 – LPT9 – 1-9 paralel portlar

COM1 – COM9 – 1-9 ardıcıl portlar

AUX – ardıcıl porta birləşdirilən qurğu

CON – giriş üçün – klaviatura, çıxış üçün – ekran

NUL – “boş” qurğu

Fayllar üzərində yerinə yetirilən əsas əməliyyatlar aşağıdakılardır:

• Faylların icrası – bu əməliyyat proqramlar üçün nəzərdə tutulur;
• Faylın açılması – bu əməliyyat əsasən sənədlərə (mətn, şəkil, cədvəl və s.) baxmaq üçündür. Bu əməliyyatı kontekst menyudan Open (Открыть) əmrini seçməklə, faylın üzərində mausun sol düyməsini 1 dəfə vurub, Enter düyməsini vurmaqla və ya mausun düyməsini iki dəfə basmaqla yerinə yetirmək olar.
• Faylın adının dəyişdirilməsi – bu əməliyyat faylın adının dəyişdirilməsi üçündür. Bunun üçün kontekst menyudan Rename (Переименовать) əmrini yerinə yetirib yeni adı klaviaturadan daxil etməliyik. Faylın adını dəyişdirmək üçün onun adını üzərində fasilə ilə iki dəfə mausla vurmaq, ya da həmin faylı seçib, klaviaturadan F2 düyməsini vurmaq lazımdır.
• Faylın yerinin dəyişdirilməsi – Əgər biz faylın surətini əvvəlki qovluqda saxlamadan başqa bir yerdə saxlamaq istəyiriksə, onu həmin yerdən “kəsib” götürə bilərik: kontekst menyudan Cut (Вырезать) (Ctrl+X) əmrini yerinə yetirdikdən sonra lazım olan yeri seçib, Paste (Bставить) (Ctrl+V) əmrini yerinə yetiririk.
• Faylın surətinin çıxarılması – bu əməliyyat faylın surətini yaradıb onu başqa yerdə yadda saxlamaq üçündür. Bunun üçün həmin faylı qeyd edib kontekst menyudan Copy (Копировать) (Ctrl+C) əmrini yerinə yetirmək, sonra surətin yerləşəcəyi qovluğu və ya diski açıb kontekst menyudan Paste (Bставить) (Ctrl+V) əmrini yerinə yetirmək lazımdır.
• Faylın ləğv edilməsi – bu əməliyyat lazımsız faylları silmək üçündür. Bunun üçün faylı qeyd edib, kontekst menyudan Delete (Удалить) (Del) əmrini seçmək, və ya klaviaturanın Delete düyməsini sıxmaq lazımdır. Ləğv edilmiş fayllar səbətə (Recycle Bin, Корзина) düşür. Əgər faylları səbət göndərilmədən ləğv etmək lazımdırsa, Shift+Del kombinasiyasından istifadə edilməlidir.
• Faylı digər bir yerə göndərmək – faylı qeyd etdikdən sonra kontekst menyunun Send To (Отправить) bölməsinin əmrlərindən birini yerinə yetirməklə faylı elektron poçtla bir ünvana, “My documents” qovluğuna, Flash-diskə və s. göndərmək olar.
• Faylı arxivləşdirmək və ya arxivdən çıxarmaq və s.Arxivləşdirmə – bir və ya bir neçə faylın sıxılmasıdır. Arxivləşdirmədən faylların ehtiyat nüsxəsinin diskdə saxlanması üçün istifadə edilir. Bunun üçün xüsusi xidməti proqramlardan – arxivatorlardan istifadə edilir, bu proqram bir və ya bir neçə faylın yerinə bir arxiv faylı yaradır. Arxiv proqramının əsas xüsusiyyətləri aşağıdakılardır:
  • Faylın sıxılma dərəcəsi (faylın ölçüsünün arxivləşmiş faylın ölüsünə nisbəti)
  • İşin sürəti;
  • Proqramın funksiyaları.

  WinRar proqramı aşağıdakı imkanlara malikdir:

  • rar-arxivləri yaradır və onlardan faylları çıxarmaq mümkündür;
  • özüaçılan sfx – arxiv faylı yaradır (bu zaman arxiv faylı .exe genişlənməsinə malik olur və adi proqram kimi yüklənir);
  • çoxcildli arxivlər yaradır, bu isə bir necə kiçik həcmli yaddaş vasitəsinə böyük ölçülü arxivin yerləşdirilməsinə imkan verir;
  • arxivə parol vermək olar;
  • faylı e-mail-lə göndərmək üçün onun ölçüsünü 95%-ə qədər azaltmaq mümkündür.
  • Faylın yaradılması və onda edilmiş dəyişikliklərin tarixi, tipi, ölçüsü, atributları haqqında məlumat əldə etmək üçün onu qeyd edib kontekst menyudan Properties (Свойства) əmrini yerinə yetirmək kifayətdir.

  Hər hansı bir obyekti daha asan və qısa yolla açmaq üçün onun yarlıkını yaratmaq olar, yarlıkı istənilən qovluqda, o cümlədən iş masasının üzərində yarada bilərik. Obyektlə yarlıkın fərqi ondadır ki, yarlıkın işarəsinin sol aşağı küncündə ox işarəsi olur:

  Qovluğun (faylın) işçi stolda yarlıkını yaratmaq istəyiriksə, onu qeyd edib siçanın sağ düyməsini sıxıb açılmış kontekst menyunun Send to (Отправить)  Desktop (Create Shortcut) (Рабочий стол (Создать ярлык)) əmrini yerinə yetirməliyik (və ya, ctrl+shift+mausla obyekti çəkməklə yaratmaq olar). Yeni yarlık yaratmaq üçün aşağıdakı ardıcıllığı da yerinə yetirmək olar:

  1. Mouse-un sağ düyməsini vurmaqla açılan kontekst menyudan New (Создать)Shortcut (Ярлык) əmrini seçirik, bu zaman Create Shortcut (Создание ярлыка) başlıqlı pəncərə açılacaq.
  2. Type the location of the item (Укажите размещение объекта) yerinə obyektin (qovluğun, faylın, proqramın) adını yazmaq da olar, ya da browse…(обзор. ) düyməsini vurmaqla açılan pəncərədə bələdçinin köməyilə yarlıkını yaratmaq istədiyimiz obyekti seçib, ok düyməsini vurmaq lazımdır.
  3. Next (Далее) düyməsini vurub, açılan pəncərədə yarlıkın adını qeyd edib, Finish(Готово) əmrini veririk.

  Kompyuterin diskinin, qovluğunun və ya fayllarının lokal şəbəkədə ümumi istifadəsini təmin etmək üçün onları qeyd edib kontekst menyudan Sharing and security (Общий доступ и безопасность) əmrini yerinə yetirmək lazımdır.

  Fayl sistemi

  Bildiyimiz kimi, yaddaşda tipindən asılı olmayaraq istənilən informasiya fayllarda saxlanılır. Bir qayda olaraq fayl diskə ayrı- ayrı fraqmentlər şəklində yazılır. Başqa sözlə desək, yaddaşda saxlanılan fayllar yaddaşda saxlanılan fayllar və eləcə də sistemdə quraşdırılmış proqramlar verilənlərin klaster strukturu ilə saxlanma qaydasından istifadə etməklə diskə yazılır. Bu qayda isə ondan ibarətdir ki, istifadə olunan disk oblastı hər biri yalnız müəyyən olunmuş həcmdə informasiya saxlaya bilən nömrələnmiş kiçik hissələrə bölünür. Bu kiçik yaddaş sahələri klasterlər adlanır. Başqa sözlə desək diskə yazılan informasiyanın tutduğu ən kiçik yaddaş oblastı bir klaster əmələ gətirir. Klaster bir və ya bir neçə sektordan ibarət ola bilər. Buna müvafiq olaraq hər bir fayl yaddaşa yazılma prosesində hərəsi bir klasterdə yerləşən çoxlu sayda hissələrə bölünür. Hər bir klasterdə həm də faylın davamının harada yerləşdiyini bildirən xüsusi
  köməkçi məlumat saxlanılır. Buna baxmayaraq hər hansı proqramın yüklənməsi və eləcə də faylın oxunması prosesində onlara aid olan həmin yaddaş hissələri birləşirlər.

  Faylların ünvanı diskin xüsusi bir hissəsində – diskin başlanğıc (sıfırıncı) cığırında yazılıb saxlanılan FAT (File Allocation Table) adlı faylların yerləşmə cədvəlində saxlanılır. Faylın bu ünvanı bu cədvələ iki baytlıq ədəd şəklində yazılır, yəni bu ünvanın yazılışı üçün cəmi 16 bit yaddaş sahəsi ayrılır. Ona görə də faylların yerləşmə cədvəli FAT16 şəklində yazılır və buna 16 mərtəbəli fayl sistemi də deyilir. FAT32-də isə ünvan üçün 4 baytlıq – yəni 32 bitlik yaddaş sahəsi ayrılır, bu isə diskdəki sahələrdən daha əlverişli istifadəyə imkan verir, belə ki, bitlərin sayı artdıqca ünvanların da sayı çox olur, bu halda klasterlərin həcmi də xeyli azalır. Doğrudan da, on altı mərtəbəli FAT16 sisteminə uyğun formatlaşdırılmış diskdə ən çoxu 2 16 sayda müxtəlif ünvan, yəni yalnız 2 16 sayda klaster ola bilər. Bundan fərqli olaraq 32 mərtəbəli FAT32 sisteminə uyğun formatlaşdırılmış diskdə isə maksimum 2 32 sayda ünvan və deməli, 2 32 sayda klaster ola bilir. Ona görə də eyni diskdə birinci hal üçün hesablanan klasterlərin həcmi böyük, ikinci halda isə əksinə, kiçik olur və təbiidir ki, kiçik həcmli klasterlərdə istifadə olunmayan boş yerlərin həcmi də buna müvafiq olaraq xeyli dərəcədə azalır. Beləliklə, FAT32 fayl sistemi həcmi 32 Qb olan sərt disklərlə işləməyə imkan verir və həmçinin klasterlərin həcminin kiçik olması hesabına informasiyanın disklərdə daha kompakt yerləşməsi mümkün olur.

  Faylların yerləşmə cədvəlinin strukturu aşağıda təsvir olunub. Burada hər bir fayla 32 bayt uzunluqlu bir yazı uyğundur. Səkkiz sahədən ibarət olan bu yazının strukturu belədir:

  Sahə	Ölçü (bayt)	Sahənin təsviri
  1.	8	Fayl, kataloq və ya tomun (məntiqi diskin) adı
  2.	3	Fayl genişlənməsinin adı
  3.	1	Atributlar
  4.	10	Ehtiyat sahə
  5.	2	Faylın dəyişmə vaxtı
  6.	2	Faylın dəyişmə tarixi
  7.	2	Faylın birinci klasterinin nömrəsi
  8.	4	Faylın ölçüsü

  Faylın adı 8 simvoldan az olarsa, onda sağdan boşluqlarla tamamlanır, çox olarsa, 6 simvol götürülür, ~ (tilda) işarəsi qoyulur və fayl nömrələnir. Məsələn, “informatica.doc” adı burada “inform~1.doc” kimi təsvir olunur.

  Adətən yeni ƏS yaradılarkən onun daha mükəmməl olması, daha asan idarə edilə bilməsi və bu kimi digər məsələlər diqqət mərkəzində olur. Bu baxımdan Windows XP əməliyyat sistemini elə sazlamaq olar ki, mühafizəsi nəzərdə tutulan bir sıra mühüm elementlərin başqaları tərəfindən təhlükəsiz istifadə olunması, o cümlədən kənar şəxslərin kompyuterdə fayl və qovluqları necə oxuması, yaratması, diskə yazıb saxlaması, ləğv etməsi və s. əməliyyatlara nəzarət etməyə imkan yaranar. Bu kimi vacib əməliyyatlar NTFS fayl sistemindən istifadə edildiyi zaman mümkün olur. NTFS fayl cədvəli xüsusi olaraq Windows NT ailəsindən olan ƏS-ləri üçün yaradılmışdır. Sərt diski NTFS sisteminə uyğun formatlaşdırmaq üçün kompyuterdə yalnız Windows 2000 və ya Windows XP ƏS-dən biri istifadə edilməlidir.

  • bu sistem fayllarla bağlı əməliyyatların daha yüksək sürətlə aparılmasını təmin edir;
  • sərt disklə bağlı yaranan problemlər yaranan hallarda informasiyanın daha yaxşı bərpasını təmin edir;
  • NTFS fayl sistemi çox böyük həcmli sərt disklərdə informasiyanı daha effektli və daha qənaətlə yerləşdirir;
  • bu fayl sistemi təhlükəsizliklə əlaqədar olaraq fayllara giriş əməliyyatını məhdudlaşdırmağa imkan verir;
  • NTFS fayl sistemi verilənlərin sıxlaşdırılmasına imkan verir. Bu əməliyyat bir qayda olaraq yaddaş sahəsindən daha optimal istifadə etmək məqsədi daşıyır.

  Verilənlərin mübadiləsi

  Verilənlərin mübadiləsi dedikdə, verilənlərin bir obyektdən digər obyektə ötürülməsi başa düşülür. Windows mühitində verilənlərin mübadiləsi ya mübadilə buferi vasitəsilə, ya da qeyd edilmiş obyekti maus vasitəsilə çəkməklə həyata keçirilir. Bufer vasitəsilə verilənlərin mübadiləsi standart əmrlərin – Cut (Вырезать), Copy (Копировать) və Paste (Вставить) köməyi ilə həyata keçirilir. Xüsusi yerləşdirmə – Paste Special (Специальная вставка) əmri verilənlərin ötürüldüyü formatı seçməyə imkan verir.

  Mürəkkəb sənəd anlayışı. Sənədi təşkil edən zaman, digər proqram mühitlərində yaradılmış sənədlərdən müəyyən fraqmenti həmin sənədə daxil etmək lazım gəlir. Məsələn, Word – mətn redaktorunda yaradılmış mətnə Paint – qrafiki redaktorunda çəkilmiş hər hansı bir şəkli, ya da Excel – cədvəl prosessorunda yaradılmış hər hansı bir cədvəli daxil etmək olar. Be cür sənədə mürəkkəb sənəd və ya inteqrasiya olunmuş sənəd deyilir.

  Windows ƏS verilənlərin elə bir mübadiləsi mexanizmini təmin edir ki, bunun vasitəsilə istənilən tətbiqi proqram öz sənədi daxilinə praktiki olaraq istənilən verilənləri, hətta işləyə bilməyəcəyi verilənləri də daxil edə bilər. Bu universal mexanizm OLE (Object Linking and Embedding – Obyektlərin əlaqələndirilməsi və yerləşdirilməsi) texnologiyası əsasında təmin olunur. Bu zaman sənədə daxil edilən obyekt OLE-server, sənədin özü isə OLE-klient adlanır. OLE-serverlərin siyahısına baxmaq üçün Insert (Вставка) menyusunun Object (Объект) əmrini yerinə yetirmək kifayətdir.

  • obyektin yerləşdirilməsi – bu halda obyekt qəbuledici – sənəddə yerləşdirilir.
  • obyektin əlaqələndirilməsi – bu halda qəbuledici – sənədə obyektin özü yox, mənbə – sənədə olan istinad daxil edilir.
  • obyektin daxil edilməsi – obyekt daxil edilən zaman qəbuledici – sənədə obyekt özü daxil edilir. Bu halda obyektlə onun surəti arasında heç bir əlaqə yaradılmır. Bu əməliyyatı Paste (Вставить) ilə bərabər, Paste Special

  (Специальная вставка) əmrinin vasitəsilə də yerinə yetirmək mümkündür.

  • açıq sənəddən (Paste (Вставить) və ya Paste Special (Специальная вставка) əmrləri vasitəsilə);
  • fayldan (faylın daxil edilməsi və faylın xaric edilməsi xüsusi əmrləri vasitəsilə);
  • bilavasitə OLE-serveri çağırmaqla (Insert (Вставка) – Object (Объект)).

  Windows Əməliyyat Sistemi ilə iş

  Sistemi yükləmək üçün sistem blokdan Power düyməsini sıxmaq lazımdır. Adından da göründüyü kimi, Windows sistemində işləyən bütün proqramlar, qovluqlar, sənədlər və s. pəncərə şəklində açılır. Hər bir pəncərənin yuxarı sağ küncündə aşağıdakı işarələr vardır:

  Pəncərəni ekranın aşağı hissəsinə qoyur. Pəncərəni ekran boyunca böyüdür.

  Pəncərəni bağlamaq üçün istifadə olunur (Alt+F4).

  1. Qovluq pəncərəsi – bu pəncərədə qovluqlar və fayllar əks olunur.
  2. Proqram pəncərəsi – bu pəncərə də öz görünüşünə görə qovluq pəncərəsindən az fərqlənir. Hər iki pəncərə sərlövhə sətrinə, standart menyu sətrinə, alətlər panelinə və cari vəziyyətlər sətrinə malikdir. Pəncərənin ümumi görünüşü Görünüş (View) menyusu ilə tənzimlənir.
  3. Dialoq pəncərəsi – əməliyyat sisteminin bu və ya digər parametrlərinin dəyişdirilməsini və ya əlavə edilməsini, istifadəçi ilə dialoqu xəbərdarlıq funksiyalarını yerinə yetirir.
  4. Məlumat pəncərəsi – yardımçı məlumatlar almağa xidmət edir.
  • Sistemin Baş menyusunu açmaq üçün nəzərdə tutulmuş Start (Пуск) düyməsi
  • Hal-hazırda iş üçün açılmış sənədlərin, qovluqların, və s. nişanları
  • Əlavə informasiya (saat, dil, səs və s. göstəriciləri).
  • İş masası (Desktop, Рабочий стол)
  • Mənim kompyuterim (My computer, Мой компьютер)
  • Məntiqi disklər (3.5 Floppy A:, Local Disk C:, Local Disk D:, . ; Bu disklərlə işləmək üçün My computer qovluğunu açmaq lazımdır)
  1. Mənim kompyuterim (My computer, Мой компьютер)
  2. Zibil qutusu (Recycle Bin, Корзина)
  3. Şəbəkə göstəricisi (My Network Places, Сетевое окружение)
  4. Mənim sənədlərim (My documents, Мои документы)
  5. İnternet Explorer

  Yerinə yetirmək (Run, Выполнить)	Adı ilə proqramı yükləmək, sənədi və ya qovluğu açmağa imkan verir
  İşi bitirmək (Shut Down, Выключить компьютер)	Kompyuteri söndürmək və ya yenidən yükləməyə imkan verir

  Proqram disklə, qovluqlarla və fayllarla işi təmin edir. Qovluq yaratmaq üçün onun yerləşəcəyi diski və ya qovluğu acırıq. Sonra mausun sağ düyməsini basırıq. Bu zaman açılan menyuya kontekst menyu deyilir. Açılan menyudan New (Создать)  Folder (Папку) əmrini yerinə yetirib, sonra qovluğa ad verib ENTER düyməsini basırıq.

  Əgər hər hansı bir sənədi və ya qovluğu kompyuterdə axtarmaq istəyiriksə, aşağıdakı əmrləri yerinə yetirməliyik: Start (Пуск)

   Search (Найти)  For Files And Folders (Файлы и папки). Açılan pəncərədə axtardığımız faylın adını və axtarış üçün lazım olan parametrləri qeyd edib, Search (Найти) əmrini veririk.

  Kompyuterin işinin sazlanması

  Kompyuterin işinin sazlanması Baş menyunun (Start, Пуск) Sazlama (Settings, Настройки) bölməsinin əmrləri vasitəsilə həyata keçirilir. Sazlama bölməsinin İdarəetmə paneli (Control panel, Панель управления) qovluğunu açdıqda qovluğun işçi sahəsində kompyuterin qurğularının və əməliyyat sisteminin bir sıra parametrlərini öz zövqümüzə və tələbatımıza uyğun sazlamağa imkan verən nişanların yerləşdiyini görərik. Bu nişanların sayı kompyuterin konfiqurasiyasından, ona qoşulmuş qurğuların sayından və proqram təminatından asılıdır. Onlardan bir neçəsi ilə tanış olaq:

  Tarix və vaxt (Date and time, Дата и время). Bu bölmə cari tarixi və vaxtı göstərir. Müəyyən dəyişikliklər aparmaq tələb olunursa, müvafiq ay və il siyahıdan seçilir, gün isə kursoru təqvim çərçivəsində müvafiq ədədi seçməklə müəyyən edilir. Vaxtı isə, kursoru vaxt göstəricisi sətrinin üzərinə qoyub, cari vaxtı klaviaturadan müəyyən olunmuş formata uyğun daxil etməklə dəyişmək olar.

  Klaviatura (Keyboard, Клавиатура) vasitəsilə klaviatura dəyişdiricisinə mənimsədilən düymələri tənzimləmək, yeni dil əlavə etmək və s. mümkündür.

  Siçan (Mouse, Мышь) – bir neçə bölmədən ibarət dialoq pəncərəsi açır və siçan qurğusunun (manipulyator) müxtəlif iş rejimini tənzimləməyə imkan verir.

  Sistem (System, Система) nişanının dialoq pəncərəsi kompyuterin aparat təminatı, ƏS-nin versiyası haqqında məlumat, qurğuların drayverləri, sistem ehtiyatlarının və virtual yaddaşın ölçüsünü dəyişməyə imkan verir.

  Proqramların yüklənməsi və silinməsi (Add/Remove Programs, Добавить/Удалить Программы) nişanının dialoq pəncərəsi yeni proqramların yüklənməsi və yüklənmiş olan proqramların silinməsini mümkün edir.

  Yeni qurğuların qoşulması (Add New Hardware, Установка оборудования) nişanının dialoq pəncərəsindəki təlimat əsasında kompyuterə qoşulmuş əlavə qurğuların proqram təminatını yükləmək olar.

  Monitor (Display, Экран) nişanının dialoq pəncərəsi aşağıdakı funksiyaları tənzimləyən bölmələrdən ibarətdir: Fon (Background, Фон). Bu bölmədə işçi stolun üzərindəki şəkli zövqümüzə görə dəyişə bilərik. Ekran qoruyucusu (Screensaver, Заставка). Bu bölmədə siyahıda ekran qoruyucusunun adını, işləməsi üçün Vaxt intervalını (Wait, Интервал), monitorun enerjiyə qənaət funksiyalarını və s. müəyyən etməyə imkan verir. Baxış (Preview, Просмотр) düyməsi seçilmiş ekran qoruyucusuna tanışlıq məqsədilə baxışı təmin edir. Parametrlər (Settings, Параметры) düyməsini sıxmaqla ekran qoruyucu kimi istifadə olunan şəkli və ya mətnin hərəkət sürətini, rəngini tənzimləmək olar.

  Kompyuterdə yüklənmiş şriftlərə baxmaq üçün Şriftlər (Fonts, Шрифты) qovluğunu açmaq lazımdır. Açılmış pəncərədə istədiyimiz şriftin üzərində iki dəfə mausun sol düyməsini vurmaqla onun formasına baxa bilərik. Yeni şrift yükləmək üçün Fayl (File, Файл) menyusuna girib, Yeni şrift yükləmək (Install New Font, Установить Новый Шрифт) yerinə yetirmək kifayətdir. Açılmış növbəti pəncərədə şriftin yerləşdiyi diski və ya qovluğu göstərib OK düyməsini sıxmaq lazımdır.

  Xidməti proqramlar

  Kompüter qurğularının və əməliyyat sisteminin optimal iş rejimini təmin etmək üçün aşağıdakı xidməti proqramlardan istifadə

  Diskin yoxlanılması (Проверка диска, Scandisk)

  Bu proqram diskin fayl strukturunu yoxlayaraq, bu və ya digər səbəbdən baş verən pozuntuları aradan qaldırır. Bunun üçün

  proqramı yükləyib (My computer pəncərəsini açıb, yoxlanılacaq diski seçirik və üzərində sağ düyməni vurub, açılan menyudan Scan. əmrini veririk), açılmış pəncərədə yoxlanılacaq diskin adını seçib Start düyməsini sıxmaq lazımdır.

  Diskin defraqmentləşməsi (Дефрагментация диска, Disk Defragmenter)

  Proqram diskin müxtəlif klasterlərində ayrı-ayrı fraqmentlər şəklində yazılmış faylları tam şəklə gətirir. Bunun nəticəsində faylın diskdən oxunması sürətlənir. Proqram yükləndikdən sonra Defragment düyməsi sıxılır.

  Verilənlərin arxivləşdirilməsi (Архивация данных, Backup)

  Diskdəki informasiyanın ehtiyat nüsxəsinin saxlanması məqsədilə sıxılması üçün istifadə edilir.

  Diskin təmizlənməsi (Очистка диска, Disk Cleanup)

  Lazımsız faylların pozulmasına xidmət edir.

  Sistem haqqında məlumat (System Information)

  Sistem fayllarının vəziyyətini təhlil edir və yeri gəldikdə onları bərpa edir.

  Təyin olunmuş tapşırıqlar (Назначенные задания, Sheduled Tasks)

  Avtomatik yerinə yetirilən xidməti proqramların siyahısına baxmağa, yerinə yetirilmə vaxtını dəyişməyə və yeni tapşırıq müəyyənləşdirməyə xidmət edir.

  Mühazirə 3 Əməlyyat sistemləri

  Əs kompüterin qoşulması ilə yükləmir və istifadəçiyə hesablama sistemi ilə rahat və əlverişli ünsiyyət üsulu (interfeys) təqdim edir. Funksiyalarına görə interfeysin aşağıdakı növləri var.

  Proqram interfeysi – hesablama sistemi çərçivəsində qurğu və proqramların qarşılıqlı əlaqəsinin təmin edən vasitələr məcmusudur.

  İstifadəçi interfeysi – istifadəçinin kompüterlə qarşılıqlı əlaqəsi üçün proqram və aparat vasitəsidir. Öz növbəsində istifadəçi interfeysi əmrlər və obyekt yönlü ola bilər.

  Əmrli interfeys istifadəçiyə kompüter resurslarının idarə olunması üçün əmrləri klaviaturadan daxil etməyə imkan verir.

  Obyektyönlü interfeys –obyektlər, yəni fayl, kataloq, disk aparıcısı, proqram, sənədə və s. üzərində əməliyyatları bilavasitə həyata keçirən hesablama sisteminin resurslarını idarə edir.

  Hal –hazırda geniş yayılan ƏS –lərindən DOS, OS/2, UNİX, Windows NT, Windows 95/98/2000 və s. qeyd etmək olar.

  DOS ailəsinin əməliyyatlar sisteminin birinci üzvü MS DOS sistemidir. Bu sistem İBM PC kompüterləri üçün 1981-ci ildə yaradılmışdır.

  DOS ailəsinin ƏS –i birməsələlidir və aşağıdakı xarakterik xüsusiyyətlərə malikdir:

  – istifadəçi tərəfindən daxil edilən əmrlərin köməyilə interfeys həyata keçirilir;

  – sistemin İBM tipli müxtəlif kompüterlərdə işləməsini təmin etmək üçün struktur modulluluğu;

  Sistemin işləməsi üçün nisbətən kiçik ölçülü əməli yaddaş ( 640 kbayt)

  DOS ailəsindən olan ƏS-nin mühüm çatışmamazlığı FK resurslarına və ƏS –nə icazə olmadan müraciətdən mühafizə vasitələrinin olmamasıdır.

  OS/2 ailəsinin ƏS – 1987 –ci ildə FK –lərin yeni ailəsinin yaradılması ilə əlaqədar İBM firması tərəfindən OS/2 ƏS hazırlanmışdır. OS/2 çoxməsələli ƏS-dir, bir neçə tətbiqi proqramın paralel işini təmin edir və bu zaman işləyən proqramları bir-birindən, ƏS –ni isə proqramlardan mühafizə edir. OS/2 ƏS DOS-un fayl sistemi ilə uyuşan rahat qrafiki istifadəçi interfeysinə malikdir. Bu da verilənlərdə heç bir çevirmə aparmadan onlardan həm DOS –da həm də OS/2 –də istifadə etməyə imkan verir. OS/2-nin əsas çatışmamazlığı onun az sayda tətbiqi proqramlara malik olmasıdır ki, bu da onun MS DOS və Windows Əs nisbətən az yayılmasına səbəb olub.

  UNUX ailəsinin ƏS -32 mərtəbəli çoxmərtəbəli, çoxməsələli, çoxistifadəçili ƏS –ləri ailəsidir. UNİX-in üstün cəhəti onun müxtəlif kompüterlərdə istifadəsinin mümkünlüyüdür.

  UNUX aşağıdakıları özündə birləşdirir:

  -paylanmış verilənlər bazasına müraciət;

  – uzaq məsafədə əlaqə və adi modemlərdən istifadə etməklə qlobal şəbəkəyə çıxış imkanı. BU UNİX –in ən vacib komponentlərindən biridir.

  Hazırda UNİX üçün çoxlu sayda tətbiqi proqramlar mövcuddur. MS DOS və Windows üçün geniş yayılan bir çox tətbiqi proqramlar UNİX –də istifadə oluna bilər.

  UNİX ailəsindən olan bir necə ƏS. Bu ailədən olan müxtəlif versiyaların öz adı var. UNİX ƏS –nin fayl sistemi faylları icazəsiz müraciətdən mühafizəni təmin edir. Hal –hazırda UNİX ailəsindən olan şəbəkə ƏS –dən geniş yayılanı 32 mərtəbəli çox istifadəçili çoxməsələləli UNİX Ware 2ş0 sistemidir.

  Real vaxt miqyaslı ƏS-ləri ailəsi –Real vaxt termini geniş mənada, informasiya emal sistemlərində cavabın verilmə vaxtını açmadıqda tətbiq etmək olar.

  Real vaxt əməliyyat sistemlərində (RVƏS) müəyyən olunmuş vaxt ərzində sistemin reaksiyasına zəmanət verilir.

  RVƏS neft və qazın çıxarılması və nəqlinin avtomatlaşdırılmasında, metalurqiyada, maşınqayırmada, neft emalında, neft kimya sənayesyndə və s. texnoloji proseslərin idarə olunmasının avtomatlaşdırılmasına tətbiq olunur. RVƏS bank işində də tətbiq olunur.

  Windows ailəsinin əməliyytlar sistemləri- Windows rahat qrafiki interfeysli 1 çox məsələli ƏS-dir.Bu ailənin əsas üzvləri Windows 95/98/2000, Windows NT-dir. Sistem proqramları istənilən kompüterin işləməsi üçün vacib olub, adətən aşağıdakılardan ibarətdir: əməliyyat sistemi, drayverlər, utilitlər, sistem örtükləri, müxtəlif xidmətedici proqramlar. Əməliyyatlar sistemi kompüterin işini təmin etməklə bərabər onun ayrı – ayrı qurğularının və proqramlarının işini idarə edir. Məhz əməliyyatlar sistemi kompüter resurslarının, yəni yaddaşın, məsələlərin sinxron yerinə yetirməsini həyata keçirir.

  Əməliyyat sistemi kompüter işə düşən anda icrası başlayan qurğuların testləşdirilməsi, işə hazır vəziyyətə gətirilməsi, informasiyanın saxlanması, mübadiləsi və emalını təmin edən proqramlar toplusudur. Buraya ilkin yükləmə proqramı, giriş-çıxış baza sistemi, əmrlər prosessoru, drayverlər aiddir. Əməliyyatlar sistemi sistem modullarından ibarətdir. Hal hazırda müxtəlif əməliyyatlar sistemindən istifadə olunur. MS DOS, Unix,Windows 95/98/2000/XP və s. Sistem modulları, onların təyinatı aşağıdakı kimidir. Giriş-çıxış baza sistemi (BİOS) daimi yaddaş qurğusunda yerləşir və computer işə başladığı anda avtomatik yüklənir. Onun yüklənməsi ilə giriş-çıxış qurğuları testləşdirilir, əgər səhv olarsa proses dayanır və ektana bu haqda məlumat verilir. əks halda system diskinin sıfırıncı zolağında yerləşən ilkin yükləmə proqramı çağırılır ( BOOT Record). Bu modul isə öz növbəsində sonrakı modul olan giriş-çıxış bazasını genişləndirən MSDOS. SYS və İO. SYS proqramlarını çağırır. İdarəetmə normal icradan sonra COMMAND. COM faylının çağırılması ilə yerinə yetirilir. Bu prosesdən sonra sistemin işə hazırlıq işarəsi verilir. Növbəti addımda istifadəçinin müraciətindən asılı olaraq qurğulara uyğun drayverlər yerinə yetirilir.

  Drayverlər – kompüter qurğularının idarəedici proqramlarıdır. Hər bir qurğu özünə uyğun drayverin köməyilə işləyir.

  Utilitlər – istifadəçi işini asanlaşdırmaq üçün istifadə olunan köməkçi proqramlardır.

  Hazırda əməliyyat sistemləri ilə bərabər sistem örtüklərindən də istifadə olunur. Sistem və proqram örtükləri istifadəçinin sistemlə və müxtəlif əməliyyatlarla işləmə imkanlarını sadələşdirən proqramlardır. Qeyd edək ki, Windows əməliyyatlar sisteminin ilkin variantları da sistem örtüyü kimi yaradılmışdır. Bəzən müxtəlif əməliyyatların yerinə yetirilməsi, qurğu və fayllarla işləmənin asanlaşdırılması məqsədilə xüsusi vasitələrdən proqram örtüklərindən istifadə olunur.

  Bundan əlavə sistem proqramlarına antivirus proqramları, arxivləşdiricilər, kommunikasiya proqramları da aiddir.

  Bir çox problem məsələlərin həlli üçün xüsusi proqramlar hazırlanır ki, bunlar da tətbiqi proqramlar adlanır.

  Windows əməliyyatlar sistemi hal – hazırda geniş yayılmış sistemlərdən biridir, digər sistemlərdən üstün cəhəti aşağıdakılardır:

  • Əməliyyatlar sistemi geniş interfeysə malikdir;
  • Əməliyyatlar sistemində eyni zamanda bir neçə proqramla işləmək və bir neçə əməliyyatı yerinə yetirmək mümkündür;
  • Əməliyyatlar sistemi müxtəlif sahələrin məsələlərini həll edə biləcək proqramlara malikdir və proqramlar şəbəkəsi ildən ilə genişlənir;
  • Əməliyyatlar sisteminin bütün proqramları arasında dinamik əlaqələrin mövcud olması müxtəlif redaktorların elementlərindən əlaqəli istifadəyə şərait yaradır;
  • Əməliyyatlar sistemində kompüterə yeni proqramların əlavəsi və kompüterə yeni qurğuların qoşularaq nizamlanması çox sadədir;
  • Əməliyyatlar sistemi müasir kommunikasiya şəbəkələrindən istifadədə yüksək imkanlara malikdir.

  Kompüter işə düşən kimi avtomatik olaraq Windows sistemi yüklənmiş ekranda sistemin işçi stolu görünür. Standart vəziyyətdə işçi stol aşağıdakı elementlərdən ibarətdir.

  Ekranın aşağı sol küncündə START düyməsi yerləşir. Bu düymə vasitəsilə sistemə aid olan müxtəlif proqramları, sənədləri yükləmək, proqramların icrasını həyata keçirmək, sənədləri yükləmək, tapşırıqları müəyyənləşdirmək mümkündür. İşçi stolun sağ aşağı küncündə cari vaxtı göstərən panel və dilin müəyyən edilməsi paneli yerləşir. Qeyd edək ki, göstəricini müəyyən qısa müddət üzərində vaxtın üzərində saxlamaqla, cari tarix əks olunur.

  Sistemin işçi stolunun əsas elementləri “Мой компьютер”, “Корзина”, “ İnternet Explorer” və digərləridir. Bu elementlərin siyahısı istifadəçı istəyindən asılı olaraq artırıla da bilər. Əsas elementlərin təyinatları aşağıdakılardır:

  “Мой компьютер”- elementinin əsas vəzifəsi kompüterə daxil olan qurğuların xarakteristikalarının verilməsi, onların məzmununa baxılması, fayllar və qovluqlarla işin təşkili. Faylların müxtəlif əlamətlərinə görə axtarılıb, tapılması, idarəetmə panelinin elementləri ilə işin təşkili, şəbəkə diskinin işə qoşulması və onun işdən xaric edilməsi və ş.

  Мой компьютер elementinin əmrləri aşağıdakılardır:

  Открыть – kompüterə daxil olan qurğuların, daha doğrusu yaddaş qurğularının siyahısı verilir;

  Проводник- kompüter qurğuları, onların məzmunu ilə işləməni asanlaşdıran bələdçidən istifadəyə şərait yaradır;

  Найти- hər hansı əlamətə görə fayl və fayllar qrupunun axtarılıb, tapılması;

  Управление- idarəetmə ilə əlaqədar əməliyyatların yerinə yetirilməsini təmin edir. Bir sıra müxtəlif yaddaş qurğuları, xidmət və əlavələrlə eləcə də xidməti jurnaldakı məlumatlarla işləməni təmin edir.

  Подключить(отключить) системный диск – şəbəkə diskinin işə qoşulması və işdən xaric edilməsini təmin edir;

  Создат ярлык – Мой компьютер elementinə uyğun yeni yarlığı yaratmaq ekrana verilir;

  Переименовать- Мой компьютер elementinin adını istifadəçi dəyişərək istənilən adla əvəz edir;

  Удалить- elementi ekrandan silir;

  Свойство- elementə aid olan xarakteristik xüsusiyyətlər haqqında məlumatları ekrana verir.

  İşçi stolun əsas elementlərindən biri də корзина elementidir. Onun əsas vəzifəsi istifadədən müvəqqəti uzaqlaşdırılmış fayl və qovluqları saxlamaqdır. Aşağıdakı əmrləri vardır:

  Открыть- bu əmrin verilməsilə ekrana elementin məzmunu, yəni fayl və qovluqların adlarının siyahısı verilir;

  Проводник- elementə daxil olan fayl və qovluqlar onların məzmunu ilə işləməni asanlaşdıran bələdçidən istifadəçiyə şərait yaradır.

  Очистить корзину – elementdə olan bütün faylları silərək ləğv edir;

  Создать ярлык – корзина elementinə uyğun yeni yarlığı silərək ekrana verir;

  Свойство –elementə aid olan xarakterik xüsusiyyətlər haqqında məlumatı ekrana verir. Burada корзина- nın istifadəçi tərəfindən həcmi müəyyən edilə bilər. Qeyd edək ki, həcm kompüterin yaddaş imkanlarına uyğun olaraq, istənilən qaydada verilə bilər. Lakin həcmin ümumi yaddaşın 10 faizindən çox olması məsləhət görülmür.

  Востоновить – корзина-da olan fayl və qovluqlar seçildikdə bu əmr ekrana gəlir və onun vəzifəsi həmin seçilmiş fayl və qovluqları silinərək корзина – ya göndərilən ilkin yerinə bərpa etməkdir.

  “ İnternet Explorer” –in əsas vəzifəsi internetdə bələdçilik funksiyasının yerinə yetirilməsi və onunla əlaqədar meydana çıxan məsələlərin həllidir.

  Komputerdə WINDOWS sistemini tərtib etdikdən sonra bu sistemdən istifadə etməyi, yəni komputerdə işləməyi öyrənmək lazımdır. Bunun üçün aşağıdakıları bilmək vacibdir.

  1. Kompüterə yeni avadanlıqlar və proqram modulları əlavə etmək və onları WINDOWS sistemi ilə əlaqələndirmək
  2. Sistemin səmərəliyini artırmaq məqsədilə sistemi istifadəçinin zövq və tələbatına uyğun, yəni interfeys nöqteyi nəzərdən sazlamaq
  3. Fayl və qovluqlarla işləmək

  İdarəetmə panelini Пуск(Настройка) Панел управления əmrləri ilə ekrana çıxarmaq olar. İdarəetmə panelinin proqram modullarından bəzilərini nəzərdən keçirək:

  1. MOUSE(мышь-siçan). Kompüterə onun idarəolunmasının səmərəliyini artır­maq məqsədilə MOUSE adlı aparat əlavə olunmuşdur. MOUSE iki yanaşı idarəedici düyməciklə təmin olunmuşdur.Sol düymə qeyd olunmuş idarəedici əmrləri daxil etmək, sağ düymə kontekst menyusu adlanan idarəedici menyunu ekrana çıxarmaq üçün istifadə olunur.İdarəetmə panelindən bu düyməciklərin funksiyasını dəyişmək olar.
  2. Sistema-Sistem və kompüter, kompüteri təşkil edən proqram və qurğular, onların xarakteristikaları haqqında məlumat verir və istifadəçi Sistema utiliti (xidmətedici proqram) vasitəsilə bu xarakteristikaları dəyişə bilər.
  3. Устоновка обородования и Устоновка и удаление программы utilitləri sistemə yeni aparatlar, avadanlıqlar və sistem proqram modullarə əlavə etmək və həmçinin kənarlaşdırmaq və silmək üçün nəzərdə tutulmuşdur.

  Принтеры və Шрифты utilitləri kompüterə qoşulmuş printerləri xüsusi drayverlər yükləməklə sistemə uyöunlaşdırmaq və yeni şriftlər yükləmək və silmək üçündür.

  Дата/Время-Kopmüterdə tarixi və vaxtı sayan sayğaclar vardır. Cərəyan şəbəkədən ayrıldıqda belə, bu sayğaclar xüsusi mənbədən qidalandığından sayma davam etdirilir. Korrektirovka idraetmə panelindən Data (время utiliti vasitəsilə yerinə yetirilir)

  Звук – Kompüterdə sistem hadisələri adlanan hadisələr ( məs., Windows- un yüklənməsi, proqramda səhv və s. ) və səs faylları siyahısı vardır. Bu səs faylları siyahısına istifadəçi yeni səs faylı əlavə edə bilər.

  Экран – bu utilitlə monitorla əlaqədar bir sıra əməliyyatlar yerinə yetirilir.

  Yaddaşın adlandırılmış hissəsinə fayl deyilir. Faylın adı əvvəllər cəmi 6 hərfdən ibarət idi. indi isə 256-yadək simvıldan (hərfdən ) ibarət ola bilər. faylın adı rəqəmlərdən və bəzi işarələrdən də ibarət ola bilər. Faylın adını dəyişmək, redaktə etmək mümkündür. Faylların müxtəlif tipləri var. Kompüter dünyasında saysız hesabsız fayl tipi vardır. ancaq əsas tiplər şox deyildir. Məs., exe- icra olunan fayldır;

  com- icra olunan fayllrın digər növləridir. Adətən, bu xırda həcmli proqramlardır. Müasir kompüterlərdə demək olar ki, bunlardan istifadə olunmur. ( məs., Command.com)

  bat-“paket faylıdır” bu faylın köməyilə bir neçə proqram işə salına bilər. adi text formasındadır. Məs., Autoexes.bat;

  Txt, doc –yazı faylları və s.

  Faylın tipi faylın adından nöqtə ilə ayrılır və faylın adının sağ tərəfində yerləşir. ona faylın genişlənməsi deyilir. genişlənməni dəyişmək olmaz.

  Faylın həm də məxsusi xüsusiyyətləri vardər. Buna faylın artibutları (əlamətləri) deyilir. Əlaməti görmək, dəyişmək üçün kursoru faylın üzərinə gətirib MOUSE –un sağ düyməsini sıxmaq lazımdır. Açılan menyunun aşağısında yerləşmiş (Свойства)-xüsusiyyət əmrini vermək lazımdır.

  Əlamətin aşağıdakı parametrləri vardır:

  Read only –ancaq oxumaq üçün Bu əlamət imkan verir ki, sistem faylı redaktə edəndə və yaxud yerini dəyişəndə bizə məlumat versin ki, gördüyümüz işə əminik ya yox.

  Hidden –gözli. Bu əlamətə gizlilik əlaməti deyilir. Yəni bu zaman fayl ekranda görünmür və yaxud yarı görünən formada olur ki, biz onu dəyişəndə ehtiyyatlı olaq.

  Fayllar üzərində müxtəlif işlər görmək olar. Bunlar aşağıdakılardır:

  Faylların işə salınması, onlara baxmaq, redaktə olunması, adlarının dəyişdirilməsi, yerinin dəyişdirilməsi, faylların silinməsi.

  Papka (qovluq) –da yaddaşın adlandırılmış bir hissəsidir. Onu yaratmaq üçün MOUSE-un sol deyməsini ekranın ixtiyari koordinatında sıxıb, açılmış kontekst menyusunda New → Folder əmrini vermək lazımdır. Bu zaman yeni qovluq yaranır və onu adlandırırıq. Qovluğun fayldan fərqi ondadır ki, onun genişlənməsi yoxdur. Windows əməliyyatlar sistemində fayllar və qovluqlar üzərində işləmək üçün bələdçi proqramından istifadə olunur. Bələdçi proqramına ( utilitinə) Пуск menyusundan, Office panellərindən və ya obyektlərin kontekst menyusundan müraciət etmək olar. bələdçi yükləndikdə ekranda əks olunan pəncərə iki bölmədən ibarətdir. Sol tərəfdə ağac budaqlarına bənzər bir görünüş vardır. Qovluqların çoxunun qabağında + işarəsi vardır. Bu o deməkdir ki, həmin qovluq daxilində fayllardan başqa digər qovluqlar yerləşmişdir. + işarəsinin üstündə Mouse-nin sol düyməsini iki dəfə sıxmaqla qovluğun tərkibindəki qovluqlar əks olunacaq, görünən qovluqlar bir başa sağ tərəfdə yerləşəcəkdir və + işarəsi –işarəsilə əvəz olunacaqdır.

  • WordPad: kiçik qeydlər və sənədlər yazmaq üçün nəzərdə tutulmuş proqramdır. Sənəsin uzunluğuna məhdudiyyət yoxdur, ancaq təkmilləşdirilmiş yazı proqramlarında olan bəzi xüsusiyyətlərə malik deyil. Sənədləri redaktə etmək, yazı tiplərini dəyişmək, səhifə formatını təyin etmək, paraqraf xüsusiyyətlərini qurmaq kimi xüsusiyyətlərə malikdir;
  • Calculyator: Təkmilləşdirilmiş bir model olan hesab maşınıdır. hesab, statistik və rəqəm çevirmə funksiyaları da vardır.;
  • Paint: Windows XP paint proqramı ilə rəngli illüstrasiya və qrafiklər hazırlamaq, hazırlanmış bir rəsmi başqa sənədin içərisinə əlavə etmək olar;
  • CD-Player: CD-Playerdən istifadə etməklə CD- lərinizdəki musiqiləri ardıcıllıqla dinləyə bilər, hətta istədiyiniz musiqilərisiyahıdan çıxara bilərsiniz;
  • Sound Recorder (səs yazan): səs yazmaq və səsləri dinləmək üçün bir proqramdır. Bu proqram vasitəsiə səs məlumatlarını yaza bilər və bunları sənədlərinizə yerləşdirə bilərsiniz, e-mail ( elektron poçt) ilə istifadəçilərə də göndərə bilərsiniz;
  • System Tools ( sistem alətləri): sabit diskinizi optimallaşdırmaq ( defraq), disk xətalarına nəzarət etmək(Scandisk), disklərinizi sıxlaşdırmaq( arxivləşdirmə) kimi proqranları saxlayır.

  1 İnterfeys –qurğular arasında mübadilə üsulunun qayda və qərarlar toplusunu təşkil edir. Bu geniş bir məna daşıyır, buraya həm avadanlıq elementəri, həm də proqram təminatının fraqmentləri ( drayverlər) daxildir. Xüsusi halda “kontroller” özü interfeysin bir hissəsi sayıla bilər

  Related posts:

  1. Fizika 7-ci sinif drsliyi pdf
  2. Həyat bilgisi 7 sinif metodik vesait pdf
  3. Ingilis dili 10-cu sinif pdf
  4. Kimya 10 cu sinif metodik vesait pdf