31 Dekabr Hemreylik Günü Tebrikleri

Yaşa, var ol Azərbaycan!
Dost sanmışdın sən düşməni,
Parçaladı tam vətəni,
Şimal, cənub, qərbə səni
Bir, həmrəy ol, Azərbaycan!
Yaşa, var ol Azərbaycan!

Həmrəylik Gününə Aid Şeirlər

Müəllif: Əlizamin Həsənəli
Milyonların ürəyisən,
Hər arzusu diləyisən,
Qürur yeri gərəyisən,
Bir, həmrəy ol, Azərbaycan!

Yaşa,var ol Azərbaycan!
Bir tarixdir yurdun, daşın
Vardır sənin qan yaddaşın,
Çox istəyir vətəndaşın,
Bir, həmrəy ol, Azərbaycan!

Yaşa, var ol Azərbaycan!
Dost sanmışdın sən düşməni,
Parçaladı tam vətəni,
Şimal, cənub, qərbə səni
Bir, həmrəy ol, Azərbaycan!
Yaşa, var ol Azərbaycan!

Təbrizdən sən aralısan,
İrəvandan yaralısan,
Qarabağdan paralısan,
Bir, həmrəy ol, Azərbaycan!
Yaşa, var ol Azərbaycan!

Sponsor1

Düşmən bilir, olubdur xar,
Keçmişin var, tarixin var,
Yolun buzlu olsada qar
Bir, həmrəy ol, Azərbaycan!
Yaşa, var ol Azərbaycan!

Bir yumruq ol birləş daha,
Batma qəmə, batma aha,
Dua edib o Allaha
Bir, həmrəy ol, Azərbaycan!
Yaşa, var ol Azərbaycan!

2️⃣ HƏMRƏYLİK BAYRAMIN MÜBARƏK OLSUN! ŞEİRİ

Müəllif: Mirəli Vəkiloğlu
Salam, azərbaycan oğlu, salam, a qardaş,
Həmrəylik bayramın mübarək olsun.
Yetər təklənmişik, gəl olaq sirdaş,
Həmrəylik bayramın mübarək olsun.

Birləş yumruq kimi, dünyaya səs sal,
Gir meydana, qılınc oynat, zəfər çal,
İrəli dur, düşmənindən qisas al,
Həmrəylik bayramın mübarək olsun.

Qalx ayağa, sil gözünün yaşını,
Daha bəsdir, artıq dik tut başını,
Ulu öndər qoydu təməl daşını,
Həmrəylik bayramın mübarək olsun.

Sən coşğun dənizsən, ləpələnmisən,
Bir uca dağ idin, təpələnmisən,
Bütün yer üzünə səpələnmisən,
Həmrəylik bayramın mübarək olsun.

Zəngəzur, Naxçıvan, Təbriz, Qarabağ,
Bu birlikdən gətir bizə bir soraq,
Başın üstündəki üçrəngli bayraq,
Həmrəylik bayramın mübarək olsun!

3️⃣ BİRLİK ŞEİRİ

Müəllif:Söhrab Tahir.

Birləşək! Dünyada güclər birləşib,
Qalalar birləşib, bürclər birləşib.
Birləşib dünyada dili ayrılar,
Torpağı ayrılar, eli ayrılar.
Alıblar dünyadan öz haqlarını
Behişt eləyiblər torpaqlarını.

Birləşsin bizim də məskənlərimiz!
Qalaya çevrilsin ürəklərimiz!
Birləşsin ən güclü qollar, qələmlər!
İrəli atılan dəmir qədəmlər!
Birləşsin birləşib qala bilənlər,
Birləşsin birlikdə ola bilənlər!

Sponsor

Çaylar birləşəndə dənizə dönür!
Dənizlər düşmənə qorxunc görünür!
Dənizi içməklə qurtarmaq olmaz,
Dənizi ölümlə qorxutmaq olmaz!
Birləşmək hər yerdə iti silahdır,
Bütün haqlılara böyük pənahdır.
Birlik günəş dolu dirilik yolu,
Xalqın haqq yoludur bu birlik yolu!

AZƏRBAYCAN DEYƏNDƏ ŞEİRİ

Müəllif: Tofiq Bayram

Vətən mənim bu günüm,
Sabahkı toy-düyünüm.
Haqqım var ki, öyünüm
Azərbaycan deyəndə.
Ürəklərdə döyünüm,
Azərbaycan deyəndə.

“Hər ölkəyə, hər elə,
Olsun hörmət”, deyirəm.
“Vətənindir, vətənin,
İlk məhəbbət”, deyirəm.
“Onun şöhrət tacıdır,
Şe’r-sənət” deyirəm.
Mən vətənə, “Füzuli,
Abbas Səhhət” deyirəm!
Mən vətənə, “Sabiri
Doğan qeyrət”, deyirəm!
Mən vətənə, “Üzeyir,
Müşfiq, Səməd”, deyirəm!
“Günəş kimi müqəddəs
Bir həqiqət”, deyirəm,
Azərbaycan deyəndə.
“Dünya məni dinləsin,
– Diqqət, diqqət!”,
deyirəm.
Azərbaycan deyəndə!

Azərbaycan deyəndə,
Ləpələr şairləşir.
Anaların bətnində,
Qara gözlü körpələr
Pələngləşir şirləşir.
Azərbaycan deyəndə,
Müdrik qocalar kimi
Dağlar da fikirləşir.
Azərbaycan deyəndə
“Haralısan?” sualı,
Verənlərə ar olur.
Qeyrətlilər birləşir,
Qeyrətsizlər xar olur
Azərbaycan deyəndə!

Dostdan sovqat, muştuluq,
Düşməndən bac alaram,
Azərbaycan deyəndə!
İşıq sütunu kimi
Sabaha ucalaram,
Azərbaycan deyəndə!
Körpüləri, səddləri
Sinəmlə parçalaram.
Sərhəd məftillərində,
Bu kobud əllərimlə
Bir muğamat çalaram,
Azərbaycan deyəndə!

Azərbaycan! – Bu nida
Qayaları silkələr.
Sal daşların köksündə
Çiçək bitər, gül bitər.
Azərbaycan deyəndə,
Təbim coşar, sel gələr,
Sanma şöhrət pərdəsi,
Ürəyimi kölgələr,
Azərbaycan deyəndə.
Gözümdə doğmalaşar
Bütün xalqlar, ölkələr,
Azərbaycan deyəndə!

31 dekabr hemreylik gunu haqqinda seirler,həmrəyliyə aid şeirlər,31 dekabra aid şeirlər,həmrəylik gününə aid şeir,həmrəylik günü haqqında şeir,həmrəylik günü şeir,hemreylik gunu haqqinda seirler,həmrəylik gününə aid şeirlər,31 dekabr həmrəylik gününə aid şeirlər,hemreylik gunune aid seirler

31 Dekabr Hemreylik Günü Tebrikleri

Azeri Forum sitemiz Azerbaycan, Türkiye, İran, Rusiya ve diğer tüm dünya devletlerinde yaşayan tüm Azerbaycan Türklerini biraraya getirmek amacı ile kurulmuştur. Azerbaycan hakkında – Azerbaycan coğrafi isimdir. Anlamı Odlar Yurdu yani Ateşler Yurdu demektir. Bu isim bir yandan bu bölgede milattan çok önce yaşayan nüfusun çoğunluğunun ateşperest olması ile ilgilidir. Yani bu bölgede yaşayan nüfus ateşi Tanrı sayıyorlardı, oda tapıyorlardı. “Azer” – ateş, ateş demektir. Öbür taraftan, Azerbaycan’da eski zamanlarda Türk soylu “Azer” sözündendir. “Azer” – “az” ve “er” terkibinden ibarettir. Türk dillerinde “az” ın iyi niyet, başarılı kader gibi anlamları var. “Azer” – yani “er kişi”, “er oğlu”, “ateş koruyan” demektir. Demek ki “Azerbaycan” bu bölgede yaşayan eski Türk dilli kabilenin adına oluşmuştur. Azerbaycan dünyanın en eski insan yaşam alanlarından biridir. İnsanlık tüm gelişme dönemlerinde bu topraklarda kendi tarihini yaşamıştır. İnsanlığın ilk çağlarında Azerbaycan’da insan meskenleri olmuştur. Bugünkü insanlık kültürünün oluşması, kalkınması ve dialektikasında Azerbaycan’ın kendi yeri, kendi payı vardır. Zaman uzun geçmişlerin bir çok arkeolojik ve mimari eserleri bizim için korumuştur. Eski taş kitabeler, yazılar, asırların derinliklerinden yadigar kalmış halı desenleri, onları okumayı bilenlere, başlıcası ise okumak isteyenlere çok şey konuşabilir. Azerbaycan’ı tanımak, onun hakkında gerçeği bilmek için bu toprağa, onun adamlarına dost gözüyle bakmak gerekir. Azerbaycan eski kültür ülkesidir. Buraya göç gelmiş oğuz boyları o bölgede yüzyıllardır kuruldu stabilize, derin köklere sahip kültürle karşılaşarak, kendi növbelerinde bu kültürü ümumtürk kültürel gelenekleri ile zenginleştiren. Halkımızın yetenek ve yaratıcılık kudreti “Kitab-ı Dede Korkut”, “Oğuzname”, “Köroğlu” ve birçok başka epik eserlerde tecessüm etmiştir.

Tüm Zamanlar GMT +4 Olarak Ayarlanmış. Şuanki Zaman: 12:26 PM .

Bu sistem vBulletin® alt yapısına sahiptir, Version 4.2.0 kullanılmaktadır.
Telif hakları, Jelsoft Enterprises Ltd’e aittir. Copyright © 2023

31 Dekabr Həmrəylik Günü

Günaydın, əzizlərim! İlin son günündə xoş gördük hamınızı. Bilmirəm təsadüfənmi seçilib, ya elə bilərəkdən düşünülüb – təqvimin son günü həm də Həmrəylik günü kimi qeyd olunur. Hər hansı səbəbdən olmasına baxmayaraq, gözəl tarixdi. Həm də gözəl gündür. Dünya azərbaycanlılarının həmrəylik günü…
Həmrəy olmaq alqışa layiqdir, amma gərək nə uğruna, nəyin naminə həmrəy olduğumuzu yaxşı-yaxşı düşünək. Kortəbii olaraq ortaya atılan fikrin arxasınca getmək bizə xoşbəxtlik gətirməyəcək, əksinə bizi uçuruma sürükləyəcək. Bütün bayramlar kimi ilin 365 günündən bir gününü həmrəyliyə səsləyirik. Amma bizə lazım olan o bir gün deyil, hər gün bu yolu getməkdir. Bir millət olaraq var olan gücümüzü ortaya birlikdə qoymağı bacarsaq, çox şeylərə nail olacayıq. Yoxsa təmsillərin birində olduğu kimi, hərə bir tərəf çəkişdirsə, vay halımıza o zaman…

Gəlin həmrəy olmaq üçün ilk növbədə düşüncələrimizdə bir “təmizləmə” işi aparaq. Lap kiçik məsələlərdən tutmuş, ta qlobal olanınadək, hər bir işdə məqsədyönlü olaq. Atalar məsəliində necə deyir: “Bir dəli bir quyuya daş atdı, min ağıllı yığılıb çıxara bilmədi”. Ortaya gələn fikrin əvvəlcə dəyərini verib sonra ardınca getməyi düşünək. İlin bəlkə də ən məşhur sitatına çevrilən bir “mahnı”nın sözlərinə və musiqisinə aldanıb hər kəs bir aspektdən müdafiəyə qalxan kimi, həm də özlərini haqlı göstərmək üçün pafoslu çıxışlarla gənclərin düşüncəsini qarmaqarışıq etməkdən çəkinmədikləri kimi etməyək. Bu cür fikir etrafında, bu cür amal üçün həmrəy olmağı təbliğ etməkdənsə, susub oturmaq daha yaxşıdır. Bilmirəm, bəlkə mənə qəribə gəlir, bəlkə sizin hansı biriniz üçünsə “ayə, haraya gedirsənnn, anan bilirmi, ayə” qulağı oxşayan səslənir… Mən nə indiki gəncliyin, nə də gələcək nəslin düşüncəsinin məhvinə göz yuma bilmərəm.
Təbliğat gözəl əməldi. Amma gərək düşünülmüş və ardınca kütləni aparmaq gücündə və iqtidarında ola.
Hər kəs ağlına gələn ideyanı ortaya atıb: “Haydı, arxamca!” deməklə bu millət üçün xaos yaratmasın. Həmrəy olmağı yekdil olaraq qəbul etmək istəyiriksə, gəlin xoş əməllər uğruna edək bunu.
Dünya azərbaycanlıları! Bəlkə də səsim çox az bir qismə yetəcək, amma həqiqi duyan bir nəfər belə olsa, bu da mənə kifayət edəcək. Əzizlərim, gəlin elə ilin bu son günündə, bu təqvimə düşən bu gün xatirinə həmrəy olaq: Ədalət uğruna, Haqq uğruna, Birlik, Bütövlük uğruna, Azadlıq, Əminamanlıq uğruna, Sevgi, Mehribanlıq uğruna, Zəhmət, Halal nemət uğruna, Torpaqlarımızın geri qaytarılması uğruna və nəhayət, İNSANLIQ uğruna…
Həmrəylik günümüz mübarək, əzizlərim!