Marketinq nədir? Marketinqin əsasları

Marketinq nədir və markerinq haqqinda daha ətraflı fikirləri onun ustalarının deyimləri ilə yadda saxlayın.

Marketinq Kommunikasiyaları

Bu yaxında getdiyim ezamiyyətlərin birində Türkiyədə brendləşmə ilə məşğul olan bir şirkətin rəhbəri konkret desək Güvən Borça ilə çox maraqlı bir hadisə başımıza gəldi. Birlikdə bir neçə reklam şirkəti ilə görüşdükdən sonra mənə belə bir fikir söylədi: “İlkin, bu reklamçılarla görüşdükdən sonra mən bir daha əmin oldum ki, bu insanların bir məqsədi var, müştəriləri qəliz kreativliyin, çətin anlaşılan terminlərin içərisində yaxşıca bişirmək sonra isə büdcəni əlindən alıb Kreativ bir iş görmək. Vəssalam! Sənə lazımdır kreativ iş?!” (Buradan Güvən bəyə salamlar!) Sizcə bizə kreativ reklam lazımdır? Bizə öz fikirlərimizi müştərilərə düzgün çatdırmaq üçün reklam lazımdır, razısınızmı? Əslində bizə heç reklam da lazım deyil, sadəcə olaraq hələ ki, biz müştərilərlə düzgün ünsiyyət qurmağı öyrənməmişik buna görə də reklamdan istifadə etməyə məcburuq. İnanın mənə, vah o şirkətin halına ki, onun marketoloqu sadəcə kreativlik dalına düşüb.

Mən yazımla marketinq kommunikasiyalarını müzakirə etməyə çalişacam və bu istiqamətdə öz fikirlərimi Sizlərlə bölüşəcəm.

Məqələ 3 hissədən ibarətdir: muasir dövrdə reklam və media bazarında vəziyyət, Marketinq kommunikasiyalarının effektivliyinin ölçülmə metodları, reklam kampaniyasına fərqli baxış.

Muasir dövrdə marketinq kommunikasiyaları düzgün təşkil etmək ildən-ilə çətinlişir. Bu proses post-sovet ölkələrində özünü daha da aqressiv göstərir çünki, bu ölkələrdə insanların reklamlara qarşı bir neqativ hissləri var ki, bu da özlüyündə marketoloqların istehlakçılar üçün verdiyi infromasiyalarının əhəmiyyətini azaldır. Klassik media planlama prinsipləri ilə ən münasib qiymətli (Reach, CPP-ə görə) reklam daşıyıcısı olan televiziyanın rolu getdikcə azalmaqdadır. Qlobal trend olaraq fərdiləşmənin cəmiyyətdə yayılması alternativ informasiya mənbələrinin artmasına (New media) bu da artıq reklam əhatəsinin azalmasına gətirib çıxarır. Bütün bunlar azmış kimi, TNS Gallup apardığı ən son araşdırmada aşağıdakı nəticələri açıqlayır:

Bəs bu prizmada marketoloqlar nə etməlidirlər? Onlar müştəriləri ilə necə danışmalıdırlar. Bu istiqamətdə çoxsaylı məqalələr, kitablar, treninqlər var. Lakin bügün Sizlərə mənim ən xoşüma gələn və düzgün hesab etdiyim metod barədə məlumat verərək marketinq kommunikasiyalarının effektini necə ölçmək olar haqda söhbət aparacam.

Lars Valentinin (Nestle, 30 illik Brand&Marketing meneceri) fikrincə uğurlu kommunikasiya üçün mütləq 3 prinsipə riayyət olunmalıdır. Daha konkret desək reklam:

– Surprise – teəcubləndirməli;
– Simplify – Sadə olmalı;
– Synergise – Birliklə informasiyanı gücləndirməlidir.

Təəcübləndirmək üçün biz konkret kateqoriyada olan reklamların kənarına çıxmalıyıq. Əslində çox zaman kateqoriyadan kənarlaşma çox riskli və bəzən son dərəcə innovasiyon görünə bilər. Lakin bir şeyi unutmaq lazım deyil, müştəriyə hansısa informasiyanı çatdlrdığımız zaman onun bizi dinləməsi üçün biz diqqəti öz üzərimizə çekməliyik. Bu baxımdan məhsul qablaşdırılmasından başlayaraq ta TV reklama qədər olan yolda kateqoriyadan fərqlənmə bəzən bizi uğura apara bilər.

Sadələşdirmək bizim bügünki şəraitdə ən problemli yerlərdəndir. Hərdən mən televizorda reklama baxıram, TV-də reklamı diqqətlə izləyirəm və sonda nəyin reklam edildiyini bilmirəm. Təsəvvür edirsiz?! Öz aramızdı əgər reklama baxdıqdan sonra könlündən o məhsulu (və ya xidməti) almaq keçmirsə da o nə reklamdı?! Oqilvinin sözü olmasın: “reklam nə qədər sadə olsa müştəri bizim məhsulu bir o qədər çox alar”. Burada haqlı olaraq biz deyə bilərik ki, hər bir reklamın (oxu brendin) konkret müştəri kütləsi var və bu kütləyə aid olmayan adam reklamı başa düşməyə bilər və s. və ilaxir. Ola bilər ki, həqiqətəndə bu belədir sadəcə reklamın sadəliyi reklamın effektivliyinə düz mütənasib olduğuna inanıram.

Sinergiya komunikasiya stilində son dərəcə vacibdir və açığını deyim mənim təcrübəmdə ən çox çətinlik çəkdiyim bir şeydir. Kommunikasiya elementlərinin hazırlanması vahid ideyanın konseptin hazırlanmasından başlanmalıdır. Bu mövzu üzərində daha ətraflı dayanmağı növbəti yazılara saxlayaraq kommunikasiya vasitələrində brendin istifadə qaydalarını göstərən qrafiki Sizlərin nəzərininə çatdıraraq yaddaşınızı təzələmək istəyirəm. Etdiyim prezentasiya üçün hazırladığım sxemi tərcümə etmədən Sizlərə göstərirəm.

Bəs bütün bu reklamların, kommunikasiya xərclərinin effektinə necə ölçmək olar. Biz hardan sübüt edək ki, bizim Marketinq xərclərimiz şirkətə xeyr verir. Satış rəqəmləri ilə? Onda imic kampaniyaları etməyək? Brendi gücləndirməyə çalışmayaq?

Marketinq və ya reklam bir sənət kimi meydana gəldiyi gündən menecerləri bir sual maraqlandırırdı “Bizim xərclədiyimiz pulllar effekt verirmi?”. P&G İvory-ni meydana ilk dəfə çıxaranda təbii bu büdcənin effektini ölçmək nisbətən daha asan idi, lakin kütləvi marketinq inkişaf etdikcə marketoloqlara bu xərcləri əsaslandırmaq daha da çətinləşməyə başladı.

1961-ci ildə Levij və Steyner adlı iki praktik-alim “effektlər ierarxiyası” deyilən bir model yaratdı. Bu modelin arxasında dayanan məntiq əslində çox sadə idi: istehlakçı konkret məhsul və ya brendi aldiğı zaman standart hesab edilən mərhələlərdən keçir. Bu mərhələ brendin tanınmasından, brendi əldə etməyə qədər olan bir məsafədən ibarətdir. Elə həmin il Milli Reklamçılar Assosasiyası DAGMAR (Defining Advertising Goals for Measured Advertising Results) adlı bir kitab dərc etdi və başlandı. marketoloqlar bu terminlərdən istifadə edərək bügünün özündə də çox sadəliklə şirkət pullarını müxtəlif “bəhanələrlə” (brendin spontan tanınması, pozitiv fikrin formalaşdırılması, çoxsaylı rebrendinglər və s.) marketinq büdcəsi kimi xərcləyirlər.

Sİzcə bu doğrudur? Əgər biz Marketinq kommunikasiyalarına pul qoyuruqsa onun əvəzində bizim əldə etdiyimiz nə ola bilər? Əlbətdə pul! İstənilən brend kampaniyanın əsasında istehlakçı dayanır və istənilən kampaniya istehlakçı tərəfindən qiymətləndirilməlidir. Bəs istehlakçı bizim kampaniyalarımızı necə qiymətləndirir? Əlbətdəki cibdanı ilə. Beləliklə biz qəbul edirik ki, istənilən kampaniyanın effektinin ölçülməsinin ən etibarlı indikatoru istehlakçıdır.

Marketinq kommunikasiyaların uğuru bir-başa olaraq istehlakçı davranışlarının öyrənilməsindən keçir. Yalnız istehlakçıları düzgün başa düşərək, biz uğurlu kampaniyalar edə bilərik. Bu yazıda təklif edilən metod hər bir kampaniyanın başlanğıc və son nöqtəsinin mütləq olmasını ifadə edir. Digər yazılarımdada yazdığım kimi, Marketinq proses (cari, ardıcıl) fəaliyyəti deyil, Marketinq layihə elmidir. Bu baxımdan istənilən Marketinq kampaniyasının büdcəsi illik Reklam və ya Marketinq büdcəsindən deyil, sırf konkret kampaniyanın hədəfindən asılı olmalıdır. Buradan belə çıxır Marketinq büdcəsi Satışdan % və s. göstrəricilərdən deyil, sırf Marketinq hədəflərindən asılıdır. “İngilislər” buna Zero Based Budget deyirlər. Əgər bu nöqtəyə qədər Sizə dediklərimi düzgün çatdıra bildimsə icazə verin növbəti mərhələyə iqtisadi cəhətdən əsaslandırılmış Marketinq kommunikasiyaları necə hazırlamaq olar sualına cavab tapmağa çalışaq.

Bu yazıda təklif edilən kommunikasiyanın hazırlanması metodu özlüyündə 7 addımdan ibarətdir:

Birinci addım. Hədəf kütlənin təyin edilməsi. Hansı istehlakçı diliminə biz xitab etmək istəyirik? (sadiq müştərilərimizə, rəqib müştərilərinə, yeni istehlakçılara və s.) Hal-hazırda bu kütlə nə alır? Bu hədəf kütlənin xarakteri (təsviri). Birinci addımda əsas məqsəd konkret kampaniyanın hansı hədəf kütlə üçün hazırlandığını təyin etməkdir. Məsələ burasındadır ki, bir kateqoriyada olan iki fərqli brendin hədəf kütləsinin davranışları tam fərqli ola bilər və biz kampaniya zamanı bunu təyin etməsək qoyulan pul əsl mənada havaya uça bilər. Bu baxımdan təklif edilən metodda hər bir kampaniya mütləq konkret hədəf kütləyə yönəlməlidir.

İkinci addım. İstehlakçı davranışlarının öyrənilməsi. Koknret məhsul kateqoriyasında bu hədəf kütlənin potensialı nə qədərdir? Bizim məhsuldan istifadə payı nəqədərdir? Bu hədəf kütlənin məhsulda axtardıqları fayda nədir? Bu məhsul kateqoriyasını necə qəbul edir? Biz hədəf kütləni təyin etdikdən sonra bu kütlənin kateqoriya daxilində seçim zamanı davranışlarını öyrənməliyik. Bunun əsasında biz kampaniya stratreqiyasını ortaya qoya bilərik.

Üçüncü addım. Hədəflərin qoyulması. Biz kampaniyadan nə istəyirik? Yeni müştəri, mövcud müştərilərə daha çox satış etmək, təkrar alışlar, ilk alışlar və s. və ilaxir. Burada biz kampaniyanın rəqəmsəl hədəfini qoyuruq.

Dördüncü addım. Biz bu hədəfi həyata keçirmək üçün hansı investisiyaları qoymağı hazırıq? Burada həm maddi, həmdə vaxt itkisindən söhbət qedir. Əslində bu bölüm Zero Based Budget məntiqinə çox oxşayır. Hər bir hədəf təyin edildikdən sonra bu hədəfə çatmaq üçün hansı investisiyalar tələb edildiyi çox vacibdir, çünki bəzən şirkət hədəfə çatmaq üçün lazımı investisiyanın olmadığını görür.

Beşinci addım. Hədəfə çatmaq üçün biz müştəriyə nə deməliyik? Kommunikasiya stili və arqumenti nə olacaq? Burada biz kommunikasiya mövzusunu bir növ Brifi hazırlayırıq. Müştəriyə nə demək istəirik.

Altıncı addım. Konkret informasiyanı müştıriyə hansı kanallarla çatdırmalıyıq? Altıncı addımda biz təyin etdiyimiz kommunikasiya mövzusunu müştəriyə necə çatdıracağımız barədə düşünürük. Hansı media kanallardan istifadə etməliyik və s.

Yeddinci addım. Kampaniyanın uğurluluq meyarı nədir? Nə nə qədər artdığı təqdirdə biz kampaniyanı uğurlu hesab edirik. Nu artım nədir?

Əziz və dəyərli marketoloq dostlar, bu yazımla mən Sİzə marketinq kommunikasiyalarına olan nəzər nöqtəmi, öz baxışımı açıqladım və Sizin fikirlərinizi bu mövzuda dinləmək mənim üçün maraqlı oalrdı,

Ətraflı məlumat və (və ya) geniş cavab tələb edən suallara görə mənim e-malimə yaza bilərsiz: Manafov-ilkin@mail.ru

Marketinq nədir? Marketinqin əsasları

Marketin Nədir? Yəqinki hər birinizin bu haqda azda olsa məlumatı var. Sadəcə dəqiq və geniş məlumat əldə etmək istəyirsiniz. Bunun üçündə çalışdıq ki, sizə geniş həcmli bir məlumat təqdim edək. Marketiniqin özü geniş bir sahə olduğu üçün sizə də daha çox məlumatlar topladığımıza və qazadıracağıza əminim!

Marketinq bazar araşdırması, reklamçılıq daxil olmaqla məhsul və ya xidmət satışlarını həyata keçirmək üçün edilən proseslər toplusudur. Bu zaman məqsəd satış prosesində istehlakçının istək və ehtiyaclarını onlara uyğun olaraq təmin etmək, bu prosesdə şirkət və ya qurumlara ən yüksək karı qazandırmaqdır.

Amerika Marketinq Assosiasiyası (AMA) tərəfindən bu termin “müştərilər, ortaqlar, tərəfdaşlar və ümümi olaraq cəmiyyət üçün dəyərli olan təkliflərin yaradılması, ünsiyyət, çatdırılma və mübadilə üçün fəaliyyət, qurum və proselərin yaradılması” kimi təsvir edilir.
Ümumilikdə bu termin günlük həyatımızın bir parçasıdır. Hər bir kəs bunun nəqədər vacib olduğunun ciddiyyətindədir və hər yerdə bu haqda danışırıq. Beləki bu sahə bərbərdən tutmuş, akademik platformalara qədər hər yerdə müzakirə mövzusudur.

Marketinq araşdırması nədir?

Marketinq araşdırması fürsətləri və problemləri tanımaq, təsvir etmək üçün əldə edilən məlumatları toplamaqdır. Hansı ki, bu məlumatlar yoluyla müştərini tanımaq ona uyğun strategiyaların yaradılmasını və gələcək marketinq planlarının təməlini qurmaq mümkündür.

Marketinq növləri

AMA-nın öz saytında qeyd edilən marketinqin əsas növlərini sizinlə paylaşırıq. Əslində bu siyahıya əlavələrdə edilə bilər. (saytın özündən oxumaq istəsəniz klikləyin. )

• İnfluencer marketinq (Influencer Marketing) – Potensial müştərilər üzərində təsir yarda bilən şəxslərdən faydalanmağa və bu şəxslərdən markanın marketinq planlarını üçün bazara mesaj ötürmək üçün yararlanmaqdır.
• Münasibət marketinq (Relationship Marketing) – Müştərilərə markanıza sədaqət yaratmaq üçün görünən işlərdir. Bunun üçün müştərini tanımaq üçün hər məlumatı toplamalı və ondan düzgün stragiyalar yaratmalısnız.
• Viral marketinq (Viral Marketing) – Bu marketinq virus kimi yayılan reklam kampaniyaları, videolar, şəkillər və maillərə aiddir.
• Yaşıl marketinq (Green Marketing) – bu termin məhsulu yaratmaq, tanıtmaq, paketləmək və geri alma proseslərində ətraf mühitə faydalı olmaq üçün yaradılır. Əsas məqsəd təbiətə olan ziyanı ən aza düşürməkdir.
• Açar söz marketinq (Keyword Marketing) – rəqəmsal marketinq strategiyaları(ətraflı məlumat) bildiyiniz kimi günümüzdə ən çox istifadə olunan bir sahədir. Burada əsas məqsəd reklam və ya optimizasiya ilə insanların onlayn axtarışları zamanı onların qarşısına çıxa bilməkdir. Bunun üçün sizə SEO xidməti (ətraflı) və SEM xidmətləri çox lazımdır. Bu işləri isə peşəkarlarla reallaşdıraraq daha yaxşı nəticələr əldə edə bilərsiniz.
• Guerilla Marketinq (Guerilla Marketing) – minimum qaynaqlardan maksimum nəticələr əldə etmək üçün istifadə olunan qaynaqlardır. Bu zaman siz yaradıcılıqdan daha çox istifadə etməlisiniz.

Marketiniqdə 4P nədir?

Marketinqdə 4P kimi bilinən bu fikir 1960-cı ildə E. Jerome McCarthy tərəfindən irəli sürülüb. 4P isə baş hərifləri “P” ilə başlayan və marketinqdə əsas olan şeyləri təsvir etməkdədir.

1. Product (məhsul) – xammalların müxtəlif prosesdən keçərək, insanların ehtiyacını qarsılayacaq, dizayn, marka kimi xüsusiyyətləri özündə birləşdirərək istehsal onun vasitədir.
2. Price (qiymət) – Müştərilərin hazır olan məhsul üçün ödədikləri puldur. Bu isə marketinqdə ən önəmli faktordur. Məhsul özünə və keyfiyyətinə uyğun qiymətlə dəyərləndirilməlidir. Rəqabətin çox olduğu sahələrdə bu ən vacib faktordur.
3. Place (yer) – Məhsulun düzgün zamanda düzgün yerdə olmasıdır. İstehsal olunan məhsul ona tələb olunan yerdə olmalıdır. Bu isə satışlar üçün əsl göstəricidir.
4. Promotion (təqdimat) – Təqdimat isə istehsalcının məhsulu bazara tanıtması, hədəf kütlə və alıcılarla əlaqələrin yaradılmasıdır. Buna isə əsas daxildir: Reklam, İctimaiyyətlə əlaqələr, Satışının stimullaşdırılması, Sponsorluq, Mətbuat, Şifahi marketinq

Marketinqin 4 dövr mərhələsi

• Marketinq 1.0 – Məhsul yönümlü marketinq

Burada əsas fikir nə yaratsam onu da sata bilərəm düşüncəsi idi. Şirkətlərin əsas məqsədi məhsul yaratmaqdır və onu təkmilləşdirmək üzrə qurulmuşdu. Burada məhsulun nə işə yaradığı və texniki özəllikləri əsas faktor idi. Güc istehsalçıdadır fikiri həmişə aktual idi.

• Marketinq 2.0 – Müştəri yönümlü marketinq

İstehsalçı sayının artması və istehsalın daha rahat olmasından sonra bu dönəmə keçid olundu. Bu zaman nə yaratsam onu sataram düşüncəsi öz aktuallığını itiməyə başladı. Müştərilər ön plana çıxmağa başladı və artıq müştərini necə cəlb edə bilərik kimi fikirlər ortaya çıxmağa başladı.

• Marketinq 3.0 – Dəyər yönümlü marketinq

Müştərinin təsirinin daha çox hiss edildiyi dönəmdir. Onları məmnun etmək daha çətin hala gəlməyə başladı. Bu zaman şirkətlər daha çox müştərini başa düşməyə onun istədiyini yaratmağa çalışırdı. Müştərilər üçün önəmli dəyərlər ön plana çıxmağa başladı.

• Marketinq 4.0 – Texnologiya və təcrübə yönümlü marketinq

Bu isə hamımızın içində qarışılaşdığımız dövrdür. Əslində marketinq təməllərinin sarsıldığı, hərşeyin sorğulanmaöa başlandığı bir mərhələdir. Burada texnologiyanın təsiri ən üst səviyyədədir. Bu dövrdə əsas təcrübə ön plana çıxır. Müştəri hərgün məhsulunu test edə bilir, sosial media ilə öz təcrübələrini bölüşür və dünya açıq bir bazar halına gəlir. 7/24 xidmət göstərən elektron ticarət markaları fəalliyət göstərir və müştərilərini anlamağa çalışırlar.

Günümüzün marketinqi çox dəyişir indi isə əsas sual Marketinq nədir? yox Marketinq necə olmalıdır? kimi suallarla əvəzlənir. Marketinqi daha yaxşı anlamaq üçün daima araşdırmalar etməli, oxumalı və nəticələr çıxarmalısnız. Marketinq kitabları, marketinq filmleri və dahi marketoloqların sözlərini oxumaqla bərabət daima dünya statistikasını izləməli və xəbərlərini oxumalısınız.

Marketinq haqqinda sözlər:

Marketinq nədir və markerinq haqqinda daha ətraflı fikirləri onun ustalarının deyimləri ilə yadda saxlayın.

“Ən yaxşı marketinq, marketinq kimi görünməyəndir”

– Tom Fishburne

Elə bir marketinq planı hazırla ki, insanlar ona pul ödəmək üçün maraq göstərsin.

– Jay Baer

İnsanlar pulu onları daha yaxşı hiss etdirəcək şeylərə xərcləyirlər.

–Walt Disney

Hazırladığın məhsulu deyil, problemi həll edən məhsulu sat.

Məlumat əldə etmədən marketinq planlamaq, gözü bağlı maşın sürmək kimidir.

– Dan Zarrella

Marketinq haqqında daha çox yerli mütəxəssislərin bloq yazılarını oxumaq üçün:

markzone.az
ilkinmanafov.com
anarbayramov.com
mktg.az
facemark.az və bizim marketinq haqqında olan bütün paylaşımlarımızı izləyib oxuya bilərsiniz.

Marketinq haqqında ən çox verilən suallar:

Marketinq nedir?

Sadə bir deyişlə marketinq işləri və strategiyası şirkətlərə gəlir verməklə bərabər, müştəriləri razı salacaq məhsul istehsalı ilə nəticələnən bir prosesdir.

Marketinq ne demekdir?

Marketinq – ingiliscə “market” sözündən götürülüb və bazar mənasını verir. Azərbaycan dilinə isə hərfi tərcüməsi “bazarda fəaliyyət” deməkdir.

Marketinq komunikasiya elementlri

Vəzifə öhdəlikləri
Aşağıdakılardan ibarətdir, lakin yalnız onlarla məhdudlaşmır:
– Marketinq fəaliyətlərinin icrası, onlara nəzarət və nəticələr barədə hesabat vermək;
– Bazar trendlərini araşdırmaq, mövcud və yeni məhsullar üçün bazar tələblərinin müəyyən etmək və onların təkmilləşdirilməsinə dair müvafiq təkliflər vermək;
– Üçüncü tərəflərlə olan işləri koordinasiya etmək;
– Marka standartlarının qorunmasına cavabdehlik;
– Marka mesajlarının davamlı olmasını təmin etmək;
– Şirkətin müxtəlif bölmələrinin cari marketinq fəaliyyəti haqqında məlumatlılığının təmin edilməsi üçün effektiv daxili kommunikasiyanı təşkil etmək;
– Marka imicinin, mövqelənmənin gücləndirilməsini təmin etmək;
– Marka mesajlarının effektiv çatdırılması üçün komunikasiya kanallarını idarə etmək.

Tələblər:
– Marketinq, biznes və ya digər əlaqədar sahələr üzrə bakalavr təhsili;
– Araşdırma və ya kommunikasiya sahəsi üzrə ən azı 1 il iş təcrübəsi;
– Sosial media və digər komunikasiya alətlərininə dair nəzəri və praktiki biliklər.
– Mükəmməl yazılı və şifahi ünsiyyət bacarığı;
– Yüksək səviyyədə Azərbaycan, İngilis dili bilikləri. Azərbaycan dilində yazı orfoqrafiyasının yüksək səviyyədə olması mütləqdir.
– Orta MS Office proqramları biliyi;
– Təzyiq altında işləməyə hazır;
– Tapşırıq üçün təyin edilən vaxt məsələsində qəti və punktual;
– Təşəbbüskar, həlledici, yaradıcı, məqsədyönlü komanda üzvü olmaq;
– Özünə əmin və dinamik xarakter;
– Sürücülük vəsiqəsi arzu olunandır.

Əmək şəraiti:
– İş yeri: Bakı şəhəri, Ziya Bünyadov pr. 118
– 6 günlük iş rejimi;
– Əmək haqqı – müsahibə əsasında namizədin bilik və bacarıqlarına uyğun olaraq.
– Auto Azərbaycan bərabər iş imkanları vəd edir və bütün işçilərə istənilən növ ayrıseçkilikdən uzaq iş şəraiti yaradır. İşə götürülmə ilə bağlı bütün qərarlar namizədin vəzifə öhdəliklərinə uyğunluğu, şəxsi bilik və bacarıqlarına əsaslanır və müraciət edən şəxsin dini, irqi, milli mənsubiyyəti, cinsi və yaşından asılı olmayaraq qəbul edilir.

Bu iş üçün müraciət etmək istəyirsinizsə CV-nizi “Marketinq Mütəxəssisi” başlığı ilə hr@autoaz.az ünvanına göndərə bilərsiniz.
Son müraciət tarixi: 2021-10-06