Məyin mühafizəsi və əməyin texniki təhlükəsizliyi

Hansı məsuliyyət tədbirləri nəzərdə tutulur?
Qeyd olunmalıdır ki, əməyin mühafizəsi qaydalarını pozma Azərbaycan Respublikası CM-nin 162-ci maddəsində nəzərdə tutulan cinayət məsuliyyətinə, eləcə də Azərbaycan Respublikası İXM-nin 198-200-cü maddələrində nəzərdə tutulan inzibati məsuliyyətə səbəb olur.

Əməyin mühafizəsi və texniki təhlükəsizlik üzrə ilk tədris kurslarını bitirənlərə sertifikatlar təqdim olunub (FOTO)

Bu gün Azərbaycan Respublikası Əmək və Əhalinin Sosial Müdafiəsi Nazirliyinin (ƏƏSMN) Əmək və Sosial Problemlər üzrə Elmi-Tədqiqat və Tədris Mərkəzində (ETTM) əməyin mühafizəsi və texniki təhlükəsizlik üzrə ilk tədris kurslarını bitirən şəxslərə sertifikatlar təqdim olundu.

Trend-i buradan izləyin

Azərbaycan, Bakı, 12 dekabr /Trend/

Nazirlikdən Trend-ə verilən məlumata görə, tədbirdə çıxış edən ƏƏSMN yanında Dövlət Əmək Müfəttişliyi Xidməti (DƏMX) rəisi Fuad Əlizadə bildirdi ki, kurslara iqtisadiyyatın müxtəlif sahələri üzrə fəaliyyət göstərən müəssisələrdən 21 nəfər mütəxəssis cəlb edilib. Bu ayın sonunadək ümumilikdə 50 nəfərin bu kurslara cəlb edilməsi nəzərdə tutulur.

DƏMX və nazirliyin Əmək və Sosial Problemlər üzrə ETTM tərəfindən təşkil olunan kurslarda məqsəd əməyin mühafizəsi sahəsində fəaliyyət göstərən mütəxəssislərin maarifləndirilməsi və onların peşəkar hazırlığının müasir tələblərə uyğunlaşdırılmasıdır.
F.Əlizadə vurğuladı ki, idarə, müəssisə və təşkilatlarda əmək qanunvericiliyinə əməl olunmasına dövlət nəzarəti zamanı bir sıra təşkilatlarda əməyin mühafizəsi üzrə standartların, norma və qaydaların yerinə yetirilməməsi halları aşkar olunur. Aparılan təhlillər zamanı aydın olub ki, belə halların baş verməsinin əsas səbəblərindən biri də həmin təşkilatlarda əməyin mühafizəsi və texniki təhlükəsizlik məsələləri üzrə mütəxəssislərin bilik səviyyəsinın aşağı olmasıdır. Bununla əlaqədar, əməyin mühafizəsi sahəsində vahid dövlət siyasətinin daha uğurlu icrası, iş yerlərində sağlam və təhlükəsiz əmək şəraitinin lazımi səviyyədə təmin edilməsi üçün əməyin mühafizəsi üzrə mütəxəssislərin maarifləndirilməsi və onların yenidən hazırlığının təmin edilməsi üçün tədris kurslarının təşkili qərara alınıb.

Əməyin mühafizəsi və əməyin texniki təhlükəsizliyi

Hansı məsuliyyət tədbirləri nəzərdə tutulur?
Qeyd olunmalıdır ki, əməyin mühafizəsi qaydalarını pozma Azərbaycan Respublikası CM-nin 162-ci maddəsində nəzərdə tutulan cinayət məsuliyyətinə, eləcə də Azərbaycan Respublikası İXM-nin 198-200-cü maddələrində nəzərdə tutulan inzibati məsuliyyətə səbəb olur.

Məlum olduğu kimi, bu sahə üzrə nəzarətedici və yoxlayıcı orqan funksiyasını Azərbaycan Respublikası Əmək və Əhalinin Sosial Müdafiəsi Nazirliyinin Dövlət Əmək Müfəttişliyi Xidməti (DƏMX) həyata keçirir.

Müəssisələrdə kadrlarla bağlı işi aparanların və mühasiblərin bilməli və əməl etməli olduqları məsələlərdən biri də Dövlət Əmək Müfəttişliyi Xidmətinin apardığı yoxlamalar və nəzarət tədbirləri ilə bağlıdır.

DƏMX aşağıdakılar üzrə yoxlamalar və nəzarət tədbirləri aparır:

Əmək qanunvericiliyi və ona aid normativ aktlardan, standartlardan və digər direktiv sənədlərdən irəli gələn tələblərə işəgötürən tərəfindən əməl edilməsinə.
Əmək haqqı, pensiya, zərərə görə ödənişlər və sair müavinətlərin vaxtında və müvafiq qaydalara uyğun ödənilməsinə.
Əmək müqavilələrindən irəli gələn vəzifələrin yerinə yetirilməsinə.
İş rejiminə əməl edilməsinə.
Əməyin mühafizəsi və əməyin texniki təhlükəsizlik qaydaları üzrə təlimatların aparılmasına.
Dövrü tibbi müayinələrin keçirilməsinə.
Zərərli və ağır əmək şəraitində işləyən işçilərə qanunvericiliklə nəzərdə tutulmuş ödəmələrin və qida məhsullarının verilməsinə.
Işçilərin fərdi mühafizə vasitələrindən istifadə etmədən işləməsi, iş yerlərinin attestasiyasının keçirilməsinə.
Işçi qüvvəsinin qeyri-qanuni (əmək müqaviləsi hüquqi qüvvəyə minmədən) istifadə edilməsinə.
Işləyən əlillərin qanunvericiliklə müəyyən olunmuş imtiyazlarına əməl edilməsinə.
Sosial müdafiə və məşğulluq fondlarına sosial ayırmaların aparılmasına.
Hüquq pozuntularının aradan qaldırılması üzrə verilən “məcburi göstəriş”lərin icra olunmasına və s.

Bu sahədə tərtib edəcəyimiz lokal normativ sənədlər aşağıdakılardır:

Əməyin mühafizəsi normaları, qaydaları və standartlarına dair Təlimat.
Əməyin mühafizəsi və texniki təhlükəsizlik haqqında təlimat.
Əməyin mühafizəsi üzrə qanunvericiliklə müəyyən edilən qaydada işçilərin biliklərinin yoxlanılması üçün.

Komissiyanın yaradılması və onun fəaliyyət istiqamətlərini əks etdirən əmr.
Komissiyanın protokollarının hazırlanması.
Işçilərə əməyin mühafizəsi üzrə biliklərinin yoxlanılması barədə vəsiqələrin verilməsi.
Əməyin mühafizəsi xidmətinin rəhbərinin vəzifə təlimatı.
Müəssisədə işləyən bütün işçilərin vəzifə təlimatları.
İş yerlərinin attestasiyadan keçirilməsi barədə təkliflər.
“Əməyin mühafizəsi üzrə biliklərin yoxlanılması”nın qeydiyyatı jurnalı.
Daxili intizam Qaydaları.
Məzuniyyətlərlə bağlı qrafikin təsdiqi barədə əmrin layihəsi, məzuniyyət vaxtının dəyişdirilməsi barədə nümunəvi protokolun layihəsi.
Məzuniyyətlərin aparılmasının qeydiyyatı kitabı.
Əmək müqavilələrinin qeydiyyatı kitabı.
Karguzarlıqla bağlı müvafiq kitablar, jurnallar (daxil olma, çıxma, əmr, qərar və sərəncamların qeydiyyatı jurnalı və s.).
Əmək kitabçalarının hərəkətinin uçotu jurnalı.
Zəruri olan digər əmrlərin layihəsi.

Bütün bu sənədlərin toplu şəklində təqdim edilməsi ilə yanaşı praktiki tətbiqi də tərəfimizdən hüquqi müşayət olunacaqdır.

Bu sahədə xidmətlərimizin nəticəsində yoxlayıcı orqan olan DƏMX-in müəssisənizdə aparılacaq yoxlama və nəzarət tədbirləri zamanı müəssisədaxili lokal normativ sənədlərin tələblərinə tam əməl etdiyiniz müəyyən ediləcək ki, bu da nəzarətedici və istintaq orqanları tərəfindən müəssisənizin (vəzifəli şəxslərin) inzibati və ya cinayət xarakterli hadisələrdə təqsirsizliyinin müəyyən olunmasına hüquqi əsas yaradacaq.

Bizimlə əlaqə

Sizə kömək etmək üçün Bizə yazın.

Azerbaijan International Consulting Company (AICC) 2002-ci ildən davamlı olaraq xarici və yerli şəxslərə (hüquqi və fiziki) hüquq və maliyyə konsaltinqi sahəsində xidmət göstərir. Azərbaycan Respublikasında bir çox şirkətlərlə uzunmüddətli əməkdaşlıq təcrübəmiz vardır. Xidmət göstərdiyimiz şirkətlər sırasında istehsalat, otel xidməti, bank-sığorta, tikinti sektoruna aid hüquqi şəxslər üstünlük təşkil edir.

ƏLAQƏ

Memmed Rahim 4a
(012) 5394722
office@iccazerbaijan.az

ƏMƏYİN MÜHAFİZƏSİ VƏ TEXNİKİ TƏHLÜKƏSİZLİK QAYDALARI DİQQƏT MƏRKƏZİNDƏDİR

Bakı, 27 aprel (AZƏRTAC). Əməyin mühafizəsi və texniki təhlükəsizlik üzrə keçirilən ənənəvi müsabiqə-baxışda fərqlənən müəssisələr arasında “Mingəçevir Yüksəkgərginlikli Elektrik Şəbəkəsi” MMC və “Mingəçevir SES Silsiləsi” MMC də vardır. Hər iki müəssisə öz nominasiyasında ikinci mükafata layiq görülmüşdür.

“Azərenerji” ASC-nin mətbuat xidmətindən bildirmişlər ki, ötən il “Mingəçevir Yüksəkgərginlikli Elektrik Şəbəkəsi” MMC-də heç bir bədbəxt hadisə və ya peşə xəstəliyinə yoluxma halı qeydə alınmamışdır. Müəssisənin mühəndis-texniki işçilərindən 12, elektrik montyorlarından isə 5 nəfəri kurslarda öz biliklərini artırmış və müvafiq sertifikat almışdır. Müəssisədə hər ayın ikinci həftəsinin ikinci günü təhlükəsizlik günü elan olunmuşdur.

“Mingəçevir SES silsiləsi” MMC-də də texniki təhlükəsizlik və əməyin mühafizəsi üzrə tədbirlər planına əməl edilmişdir. İş yerlərinin attestasiyası aparılmış, sexlərdə yanğına qarşı məşqlər keçirilmişdir.

Hər iki müəssisədə müsabiqə-baxışın mükafatının təqdimetmə mərasimləri olmuşdur. Mərasimlərdə Elektroenergetika və Elektrotexnika Sənayesi İşçiləri Həmkarlar İttifaqı Respublika Komitəsinin sədri Rafiq İldarov işçiləri təbrik etmiş, komitənin ayırdığı hədiyyələri – sutəmizləyici qurğuları və soyuducuları kollektivlərə təqdim etmişdir.