Test səsini çalmaq mümkün deyil – həllər

Öskürək siropu

Hamiləlik testi nə vaxt edilməlidir?

Əgər menstruasiya müntəzəmdirsə, gecikmə baş vermədən test etmək mənasızdır. Gecikmə varsa bir neçə həftə və ya ay gözləmək də lazım deyil. Çünki hamiləliyin erkən həftələrində ehtiyac yarandıqda həkim-ginekoloq baş verə biləcək təhlükələrin qarşısını öncədən ala, dölü və ananı qorumaq üçün lazımi tədbirlər görə bilər.

Aybaşı tsiklları qeyri-müntəzəmdir – hamiləlik testi nə vaxt edilməlidir?

Əgər menstrual tsikl qeyri-stabildirsə, il ərzində təxmini olaraq ən uzun tsikl qədər gözləmək tövsiyə edilir. Məsələn, 1 il müddətində ən uzun tsikl 34 gün olubsa, sonuncu aybaşının 1-ci günündən 34 gün sonra hamiləlik testi etmək olar.

Ovulyasiya tarixi məlumdursa hamiləlik testi nə zaman aparılmalıdır?

Əgər ovulyasiyanın baş verdiyi gün dəqiq məlumdursa, həmin tarixdən 2 həftə sonra test edilməlidir.

Hamiləlik testi nə zaman yoxlanılmalıdır – xorionik qonadotropin

Xorionik qonadotropin (XQ) hamiləlikdən xəbər verən hormondur. XQ səviyyəsi qanda sidiyə nisbətən tez yüksəlir. Buna görə də hamiləlik testi ilə müqayisədə laborator analiz daha erkən müddətdə nəticə göstərir.

Hamiləlik testi günün hansı saatlarında edilməlidir?

Səhər saatlarında götürülən sidik hamiləliyin təsdiqlənməsi üçün ən optimal variantdır. Hormonların konsentrasiyası səhər oyanan kimi xaric edilən sidikdə daha çox olur. Əgər qadında aşağıdakı əlamətlər varsa, günün istənilən saatında test edə bilər:

süd vəziləri və döş giləsində ağrı;
qarnın aşağı hissəsində spazmşəkilli və ya dartılan ağrılar;
ürəkbulanma, zəiflik, başgicəllənmə;
iştahın qəflətən artması;

Bu simptomlar hormonal fonda aktiv dəyişikliklərin olduğunu göstərir. Belə vəziyyətlərdə test hər bir halda düzgün nəticə verəcəkdir.

Cinsi əlaqədən neçə gün sonra hamiləlik testi edilməlidir?

Mayalanma cinsi əlaqədən 12 saat sonra baş verir. Ancaq bu anın test vasitəsilə təyini mümkün deyil. Həmçinin embrionun uşaqlığa keçərək, onun divarına yapışması üçün minimum 1 həftə lazım gəlir. Embrion uşaqlığa birləşən kimi xorionik qonadortropin sintez olunmağa başlanır. Və yalnız bu zaman hamiləlik testi pozitiv göstərə bilər.

Beləliklə, XQ orqanizmdə mayalanmadan 7-10 gün sonra aktiv şəkildə sintez edilir. Hər 2-3 gündən bir onun qandakı miqdarı 2 dəfə yüksəlir. I trimestrin ortaları və sonunda XQ-nin titri maksimal səviyyəyə çatır. Test cinsi əlaqədən 1 həftə sonra edilə bilər.

Aybaşı gecikməsi varsa hamiləlik testi nə vaxt edilməlidir?

Əgər tsikl stabildirsə, gecikmənin 1-3-cü günü, aybaşı müntəzəm baş vermədikdə isə 1 həftə sonra hamiləlik analizi və ya test edilə bilər. Gecikmənin 7-ci günündə qadın testdən düzgün istifadə edərsə dəqiq nəticə ala bilər.

Yuxarıda sadalanan tövsiyələrə əsasən hamiləlik testi etdikdən və 2 xətt, yəni pozitiv nəticə əldə etdikdən sonra növbəti addım qanda Xorionik Qonadotropin analizi və ginekoloqa müraciət olmalıdır.

Tez hamilə qalmaq üçün 8 maraqlı ÜSUL

Publika.az xarici mətbuata istinadən daha tez hamilə qalmağa kömək edən qəribə üsulları təqdim edir.

Şokolad kremi

Şokoladın xoşbəxtlik hormonlarını artırdığını bilməyən yoxdur. Araşdırmalar göstərir ki, şokolad kremi stressi azaldır. Dolayısı ilə qadınlar özünü daha yaxşı hiss edir və onun səmərli olmasına inanır.

İynəbatırma

İynəbatırma nazik uclu və kiçik iynələrin bədənin müəyyən yerlərinə batırılaraq aparılan müalicə növüdür. Ağrını azaltmaq, əhvalı yüksəltmək kimi bir çox faydası var. Bəzi analar daha asan və sürətli hamilə qalmasını iynəbatırma müalicəsi ilə əlaqələndirir.

Yataqda corab geymək

Qəribə sələnsə də, araşdırmalar göstərir ki, ata və ana olmaq istəyənlər cinsi əlaqə zamanı corab geyinərsə, qadının hamilə qalmaq şansı artır. Bunun səbəbi də bədəni isti saxlaması və hormonların daha hərəkətli olmasını dəstəkləməsidir.

Tam yağlı süd

Alimlər tam yağlı südün, yoxsa yağsız südün daha faydalı olduğuna hələ qərar verməyib. Amma araşdırmalar yağlı südün yumurtanın inkişafına təsir etdiyini və yumurtalıqları canlandırdığı göstərib. Əlbəttə ki, bunun üçün bir gün ərzində çoxlu süd içmək lazım deyil. Mütəmadi olaraq içməyiniz kifayətdir.

Öskürək siropu

Bəzi qadınların öskürək dərmanını hamilə qalmaq üçün istifadə etdiyini bilirdiniz? Öskürək siropu boğaz və boşluqlarda selikli qişaları azaltdığı üçün nəfəs almağı asanlaşdırır. Ən maraqlı tərəfi odur ki, təcrübələr bu dərmanın uşaqlıq yolundakı selikli qişalara da təsir etdiyini göstərib. Bu da hamilə qalmaq prosesini sürətləndirməyə kömık edir.

Ananas

Ananasın ləziz dadı qədər tərkibindəki fermentlər də olduqca faydalıdır. Onlar yumurtalıqların yaranmasına və inkişafına kömək edir.

Yer cazibəsinin gücü

Cinsi əlaqədən sonra başınızın altına yastıq qoyub ayaqları yuxarıya qaldırın. Bir çox qadınlara hamilə qalmaq prosesini sürətləndirmək üçün bu üsul təklif edilir. Bu metod yastıqsız da həyata keçirilə bilər. Amma rahatlığınız üçün yastıq lazımdır.

Kakao və südlü qəhvə

Kakao tozu, qəhvə və qızılağac siropu ilə hazırlanan içki hormonları tarazlaşdıracaq. Təbii ki, hamilə qalmaq şansını artıracaq.

Aytən

Əvvəlki xəbər

Azərbaycanlı hakim UEFA-dan təyinat aldı