Qadın cinsiyyət orqanlarının ifrazatları

Nütfənin tərkibindəki bu mayelərdə tələb olunan enerjini təmin etmək üçün şəkər var. Bundan əlavə, ana bətninin girişindəki turşuları zərərsizləşdirmək, spermanın hərəkət etməsi üçün lazımi sürüşkən mühiti əmələ gətirmək vəzifələri də var. Burada da iki ayrı, bir-birindən asılı olmayan maddənin bir-biri ilə qüsursuz uyğunluq içində yaradıldığını görürük.

Kişi cinsiyyət orqanları və spermalar

İnsanın yaradılışının ilk mərhələsi olan spermalar kişi orqanizmindən “kənarda” hazırlanır. Çünki bədən temperaturundan 2 dərəcə aşağı temperaturda bu baş verə bilər. Bu temperaturun tənzimlənməsi üçün cinsiyyət orqanının üzərindəki dəri də fəaliyyət göstərir. Bu dəri soyuqda büzüşərək, istidə isə genişlənib tərləyərək lazımi temperaturu sabit saxlayır. Görəsən, bu həssas müvazinəti insan özü tənzimləyir? Əlbəttə, xeyr. İnsanın bundan heç xəbəri də olmur. Yaradılışı israrla inkar edənlər bunu “insan orqanizminin kəşf edilməmiş funksiyası” adlandırırlar. Bu “kəşf edilməmiş funksiya” sözü isə “quru ad”dan başqa bir şey deyil.

Cinsiyyət orqanlarında dəqiqədə 1000 ədəd əmələ gələn spermalar kişidən qadının yumurtalığına doğru edəcəkləri səyahəti sanki oradakı mühiti bilirmiş kimi xüsusi dizayna malikdirlər. Sperma baş, boyun və quyruqdan ibarətdir. Quyruğu spermin balıq kimi ana bətnində hərəkət etməsinə kömək edir.

Körpənin genetik şifrinin bir qismini ehtiva edən baş hissə isə xüsusi qoruyucu zirehlə örtülüdür. Bu zirehin faydasını ana bətninin girişində görmək olur: burada turşulu mühit mövcuddur. Spermanın bu turşunun varlığını bilən biri tərəfindən qoruyucu zirehlə örtüldüyü isə çox açıqdır (bu turşulu mühit isə ananın mikroblardan qorunması üçündür).

Kişidən bətnə təkcə milyonlarla sperma tökülmür. Nütfə bir-birindən fərqli mayelərin qarışığından ibarətdir. Allah Quranda bu həqiqəti belə vurğulayır:

İnsanın elə bir dövrü olub keçmişdir ki, o, xatırlanmağa layiq bir şey olmamışdır! Həqiqətən, Biz insanı qarışıq bir nütfədən yaratdıq… (İnsan surəsi, 1-2)

Nütfənin tərkibindəki bu mayelərdə tələb olunan enerjini təmin etmək üçün şəkər var. Bundan əlavə, ana bətninin girişindəki turşuları zərərsizləşdirmək, spermanın hərəkət etməsi üçün lazımi sürüşkən mühiti əmələ gətirmək vəzifələri də var. Burada da iki ayrı, bir-birindən asılı olmayan maddənin bir-biri ilə qüsursuz uyğunluq içində yaradıldığını görürük.

Spermalar yumurtaya çatana qədər ananın bətnində çətin yol keçirlər. Özlərini nə qədər qorusalar da, 200-300 milyon spermadan yumurtalığa çatanların sayı 1000-dən artıq olmur.

Digər mövzular

• Kişi cinsiyyət orqanları və spermalar
• Yumurta hüceyrə
• Sperma ilə yumurtanın görüşməsi
• Ana bətninə yapışan ələq
• Ana südü
• Orqanizmimizdəki cihazlar
• Həzm sistemi
• Tənəffüs
• Skelet
• Orqanizmdəki uyğunluq
• Qaraciyər
• Dəri
• Ürək
• Əllərimizdəki təqlid edilməz yaradılış
• Nəticə

Qadın cinsiyyət orqanlarının ifrazatları

Bir çox hallarda qadınlar həkim-ginekoloqa müraciət edərək cinsiyyət yollarından ifrazatların olmasından şikayət edirlər. Əksər qadınlar səhv olaraq, bunu ancaq hər hansı bir infeksiya və ya xəstəliyin əlaməti hesab edirlər.

Həqiqətdə isə bu heç də belə deyil. Qadın cinsiyyət yollarından ifrazatların xaric olması istənilən yaş qrupundan olan qadınlar üçün xarakterik olub yumurtalıqların fəaliyyətinin göstəricisidir. Yalnız 8-9 yaşınadək olan müddət ərzində qız uşaqlarında belə ifrazat olmur. Buna səbəb isə yumurtalıqlarda yumurta hüceyrələrinin yetişməməsidir. Bu yaşadək olan qız uşaqlarında qadın cinsi hormonları az miqdarda hasil olur və onların orqanizmə olan təsiri də minimal olur. 9 yaşından sonra qız uşaqlarında cinsi yollardan ifrazat xaric olmağa başlasa da, bu, daimi xarakter daşımır. Bu, selik olub, xarici görünüşünə görə, çiy yumurta zülalı və ya düyü həlimi ilə müqayisə oluna bilər. Cinsi yetkinlik başladıqdan sonra ifrazat, menstrual tsiklin fazasından asılı olaraq, dövrü xarakter almağa başlayır.

Aybaşı başa çatan kimi, ifrazat da, demək olar ki, yox olur. Aybaşı tsiklinin ortasında şəffaf selikli ifrazat xaric olur ki, bu da görünüşcə çiy toyuq yumurtası ağına bənzəyir. Bu, baş vermiş ovulyasiyanın və estrogenlərin maksimal səviyyədə olmasının əlamətidir. Menstruasiyanın başlamasından bir qədər əvvəl isə düyü həliminə oxşar açıq rəngli həmcins maye xaric olur.

Qadın cinsi orqanlarında normal təbii ifrazatlardan savayı, patoloji ifrazatlar da olur. Bir çox hallarda onların miqdarı normal həddən artıq, yaşıl rəngə çalan, xoşagəlməz qoxulu, müəyyən miqdarda qan və irin qarışığı ilə, daxili qişaya yeyici təsir edən və s. xüsusiyyətlərə malik olur. Əksər hallarda belə ifrazatların səbəbi qadın cinsi yollarının iltihabi xəstəlikləri (vaginit – uşaqlıq yolunun iltihabı, servisit – uşaqlıq boynunun iltihabı və s.) səbəb olur.

Bu xəstəliklər müalicə olunmadığı təqdirdə daha ağır patoloji xəstəliklərin (endometrioz, uşaqlığın mioması, uşaqlıq boynunun ağır patologiyaları, sonsuzluq və s.) yaranmasına səbəb ola bilərlər. Buna görə də qeyd edilən patoloji ifrazatlar müşahidə edildiyi bütün hallarda mümkün qədər tez olmaqla həkim-ginekoloqa müraciət etmək vacib hesab edilir.

Saglamolun.Az

Qadın cinsiyyət orqanı xəstəlikləri

Qadın orqanizmi çox mürəkkəb və eyni zamanda həssasdır. Əksər ginekoloji xəstəliklər ilkin mərhələlərdə simptomsuz getdiyindən qadınlar yalnız ciddi problemlər ortaya çıxdıqda ginekoloqa müraciət edirlər. Lakin bu yanaşma tərzi düzgün deyil.

Qadın cinsiyyət orqanı xəstəlikləri arasında uşaqlıq və onun artımlarının iltihabı, endometrioz və aybaşı pozğunluğu daha geniş yayılmışdır. Ginekoloji xəstələr sırasında cinsi yolla keçən infeksiyalarla yoluxan qadınlar da az deyil.

Qadın cinsiyyət orqanı xəstəlikləri – 3 əsas qrup

İnfeksion

Cinsiyyət orqanlarının funksional pozğunluğunun və patoloji əlamətlərin səbəblərindən biri cinsi infeksiyalardır. Onlara xlamidioz, trixomoniaz, qonoreya, göbələk xəstəliyi və s. aiddir. Cinsiyyət orqanı xəstəlikləri bir qayda olaraq gizli gedişə malikdir. Buna əsaslanaraq, ildə 2 dəfə ginekoloji müayinədən keçmək və uşaqlıq yolundan yaxma analizi məsləhətdir.

Endokrin

Daxili sekresiya vəzilərinin (hipofiz, yumurtalıqlar, böyrəküstü vəz) fəaliyyətinin pozulması qadınlarda ovulyasiyaya, cinsi həyata, hətta xarici görünüşə təsir edir. Bu xəstəliklər anadangəlmə (irsi androgenital sindrom) və qazanılmış (yumurtalıqların polikistozu, hiperprolaktinemiya) olmaqla 2 formada təzahür edir. Son vaxtlarda həmin qrupa piylənmə nəticəsində menstrual tsiklin pozulması və sonsuzluq da daxil edilir.

Törəmələr

Xoşxassəli və bədxassəli şişlər həm cavan, həm də yaşlı qadınlarda inkişaf edir. Belə törəmələr qadın cinsiyyət orqanı xəstəlikləri arasında ən təhlükəli forma sayılır. Şiş erkən mərhələlərdə aşkar edildikdə onun yayılmasının qarşısını almaq mümkündür.

Cinsiyyət orqanı xəstəlikləri – əlamətləri

• aybaşı pozğunluğu. Menstruasiya gecikməsi, axıntıların xarakter və davamiyyətinin dəyişməsi, aybaşı qanının normadan az və ya çox gəlməsi, qanaxma şəklində təzahür edir. Bu əlamətlər endokrin və şiş mənşəli patologiyalara xasdır.
• ağrı. Kəskin və şiddətli ağrı – həyat üçün təhlükə törədən vəziyyətlərin (məsələn, yumurtalığın partlaması) göstəricisidir. Aybaşı və cinsi əlaqə zamanı göynəmə xarakterli ağrılar uşaqlıq yolu, uşaqlıq və onun artımlarının (yumurtalıq və uşaqlıq boruları) iltihabi xəstəlikləri üçün səciyyəvidir.
• axıntı. Uşaqlıq yolundan çox miqdarda, süd kimi ağ, sarımtıl, irinli, xoşagəlməz və qeyri-adi qoxulu ifrazat patoloji əlamət sayılır.
• uşaqlıq yolunun qaşınması. Qaşınma bir çox qadın cinsiyyət orqanı xəstəlikləri fonunda müşahidə olunur. Qaşınma ilə yanaşı ağımtıl, kəsmiyəbənzər, gur axıntı yaranarsa, bu kandidozun (göbələk xəstəliyi) təzahürlərindəndir.

Qadın cinsiyyət orqanı xəstəlikləri – müalicəsi

Müasir ginekologiya sidik-cinsiyyət sisteminin patologiyalarını müalicə etmək üçün geniş imkanlara malikdir. Hər bir terapiyanın əsas elementi dərman preparatlarıdır. Ancaq xəstəyə konservativ (dərman) müalicə ilə yanaşı fizioterapiya kimi digər köməkçi üsullar da təklif edilir. Konservativ müalicə effekt vermədikdə, ağırlaşmalar meydana çıxdıqda cərrahi yolla müalicə aparılır.

Qadın cinsiyyət orqanı xəstəlikləri – dərman preparatları ilə müalicə

Cinsiyyət orqanı xəstəlikləri zamanı farmokoloji preparatlar həb, kapsul, şam, vaginal tablet, inyeksiya, maz və ya krem şəklində təyin olunur. Problemin xarakterindən asılı olaraq aşağıdakı qrup dərmanlar məsləhət görülür:

• qeyri-steroid iltihab əleyhinə dərmanlar. İbuprofen, diklofenak,indometasin və s. sidik-cinsiyyət sisteminin iltihabi proseslərində və ağrılı aybaşı zamanı təyin olunur.
• antibiotiklər, antiseptiklər, göbələk və virusəleyhinə preparatlar cinsiyyət orqanlarının infeksion xəstəlikləri və onların fəsadlarının müalicəsində istifadə edilir.
• hormonal preparatlar endokrin pozğunluqların müalicəsində tətbiq olunur.
• vitaminlər köməkçi vasitə kimi qəbul edilir.

Son olaraq nəzərinizə çatdırırıq ki, konservativ müalicə hər zaman müsbət nəticə verməyə bilər. Belə hallarda cərrahi müdaxilə qaçılmazdır. Xəstəliyi ağırlaşma dərəcəsinə çatdırmamaq üçün ildə 2 dəfə profilaktik müayinələrdən keçmək tövsiyə olunur.