Press "Enter" to skip to content

Prezident elçibəy

Elçibəy ömrünün sonlarında.

Azərbaycan prezidentləri

Oktyabrın 9-da Azərbaycanda növbəti prezident seçkiləridir. Ölkənin müstəqillik qazandıqdan sonra prezidentlərini təqdim edirik.

Azərbaycan müstəqilliyini qazandıqdan sonra prezident və prezident səlahiyyətlərini icra edən 6 şəxs hakimiyyəti idarə edib.

İlk prezident Ayaz Mütəllibovdur. O 1990-cı il martın 6-da prezident vəzifəsinin icrasına başlayıb. Mütəllibov Sovet İttifaqı Kommunist Partiyasının namizədi kimi 1992-ci il martın 6-dək prezident olub. 1992-ci ilin fevralında Xocalı soyqırımından sonra kütləvi etiraz aksiyaları nəticəsində ölkədən qaçaraq Moskvaya gedib. Mütəllibov Sovet rejimi tərəfindən mayın 14-də yenidən Azərbaycan prezidenti (Kommunist Partiyası 1991-ci ilin sentyabrında özünü buraxdı və Mütəllibov bitərəf oldu) kreslosuna gətirilib və cəmi 4 gündən sonra mayın 18-də yenidən kütləvi etiraz aksiyalarına tab gətirməyərək ölkəni tərk edərək Moskvaya gedib. O 2012-ci ildə Bakıya qayıdıb və hazırda Azərbaycanda yaşayır.

Yaqub Məmmədov (bitərəf ) 1992-ci il martın 6-dan 1992-ci il mayın 14-dək Azərbaycan Ali Sovetin (parlament) sədri kimi Ayaz Mütəllibov Moskvaya getdikdən sonra Azərbaycan prezidentinin səlahiyyətlərinin icra edib. O hazırda Bakıda yaşayır. Tibb Universitetinin doktorudur.

İsa Qəmbər (Müsavat Partiyası) Azərbaycan Ali Sovetin sədri kimi 1992-ci il mayın 18-dən 1992-cil iyunun 17-dək Azərbaycan prezidentinin səlahiyyətlərini icra edib. O hazırda Bakıda yaşayır, Azərbaycanın aparıcı müxalifət partiyası Müsavat Partiyasının başqanıdır.

Əbülfəz Elçibəy (Azərbaycan Xalq Cəbhəsi) 1992-ci il iyunun 17-dən 1993-cü il sentyabrın 1-dək Azərbaycanın prezidenti olub. O 1993-cü il Gəncə şəhərində Surət Hüsenovun rəhbərliyi ilə baş verən qiyam nəticəsində iyunun 18-də Bakını tərk edərək Naxçıvana gedib. 1993-cü il avqustun 29-da Əbülfəz Elçibəyə etimadla bağlı referendum keçirilib.

Əbülfəz Elçibəy referendumun nəticələrini qəbul etməyib və prezidentlikdən istefa verməyib.

O 4 il 4 ay Naxçıvanda anadan olduğu Kələki kəndində qaldıqdan sonra 1997-ci ilin payızında Bakıya qayıdıb. Əbülfəz Elçibəy 2002-ci il avqustun 22-də vəfat edib.

Heydər Əliyev
(Yeni Azərbaycan Partiyası) 1993-cü il iyunun 24-dən 1993-cü il oktyabrın 31-dək Azərbaycan Ali Sovetinin sədri kimi prezident səlahiyyətlərini icra edib. O iki müddət, – 31 oktyabr 1993 – 11 oktyabr 1998 və 11 oktyabr 1998 – 31 oktyabr 2003-cü illərdə Azərbaycanın prezidenti olub. 2003-cü il dekabrın 12-də vəfat edib.

İlham Əliyev (Yeni Azərbaycan Partiyası) iki müddət Azərbaycanın prezidentidir. O 31 oktyabr 2003 -31 oktyabr 2008 və 31 oktyabr 2008-ci ildən indiyədək prezidentdir. Növbəti 2013-cü il 9 oktyabr prezident seçkilərində prezidentliyə namizəddir.

Prezident elçibəy

Əbülfəz Qədirqulu oğlu Əliyev (Elçibəy) 24 iyun 1938 -ci ildə Naxıvan MR-in Ordubad rayonunun Kələki kəndində anadan olub. 7 illik Unuskənd məktəbini bitirdikdən sonra Ordubad şəhər 1 saylı orta məktəbində təhsilini davam etdirib. 1957 -ci ildə Bakı Düvlət Universitetinin Şərqşünaslıq fakültəsinin ərəb filologiyası şöbəsinə daxil olub. Buranı bitirdikdən sonra (1962) təyinatla SSRİ Hidrolayihə İnstitutunun Bakı şöbəsində tərcüməçi işləyib. Misir Ərəb Respublikasına göndərilən Əbülfəz bəy Əsvan bəndinin tikintisində tərcüməçi kimi çalışıb (yanvar 1963 – oktyabr 1964). Xarici ezamiyyətdən dönərək 1965 –ci ildə BDU-nun aspiranturasına daxil olub və aspirantura təhsilini 1968-ci ildə uğurla tamamlayıb. 1975-ci ilin yanvarında Azərbaycan Dövlət Təhlükəsizlik Komitəsi onu tələbələr arasında millətçi və antisovet təbliğatı aparmaq adıyla həbs edib və 17 iyul 1976-cı ilədək siyasi dustaq olaraq azadlıqdan məhrum olunub. Əsasən Qaradağ daş karxanasında ağır fiziki işlərə məhkum edilib. Həbsdən buraxıldıqdan sonra Əbülfəz bəy bir müddət işsiz qalıb. 1976-cı ilin dekabrında Azərbaycan Milli Elmlər Akademiyası Əlyazmalar İnstitutunda kiçik elmi işçi kimi elmi fəaliyyətə başlayıb. Sonralar böyük elmi işçi, şöbə müdiri, aparıcı elmi işçi elmi rütbə və vəzifələrə qədər yüksəlib. Elçibəy 1988-ci ildən sonra alovlanan milli-azadlıq hərəkatının önündə gedib. 1992-93-cü illərdə Azərbaycan Respublikasının prezidenti olub. Elçibəy 22 avqust 2000 -ci ildə Türkiyədə vəfat edib. Bakıdakı Fəxri Xiyabanda dəfn olunub.

Əbülfəz Elçibəy tələbə yoldaşları ilə. 1962-ci il.

Misir. 1963-cü il. Sağdan birinci Elçibəydir.

Elçibəyin qardaşı Almuradın evindəki otağı. 16 noyabr 1989-cu il.

Elçibəy Azadlıq meydanındakı insan seli qarşısında çıxış edir.

Elçibəy nümayişdə. 28 may 1991-ci il.

Hərəkat dövrünün iştirakçıları yeyib-içməkdə.

Elçibəy və Heydər Əliyev. 1992-ci il.

Nəsibə Zeynalovanı qəbul edərkən. 1992-ci il.

Elçibəy Barış Manco ilə görüşərkən. TRT-nin ç

əkiliş qrupu ilə anidən AXC Ali Məclisinin sessiyasına qatılan Baris Manco Elçibəylə görüşdən sonra “Səhər” qəzetinin müxbiri İlhamə Qasımlıya müsahibə verir.

Elçibəy Eduard Şevardnadze ilə mətbuat konfransında.

Cəbhə bölgəsində. 7 aprel 1993-cü il.

Elçibəy Kələki kəndində doğma Xəlil yurdunda. 1 iyul 1997-ci il.

Elçibəy Kələkidən Bakıya dönərkən ilk müəllimi Yadulla Həsənovla (sağda) sağollaşır. 30 oktyabr 1997-ci il.

30 oktyabr 1997-ci il. Əbülfəz Elçibəy Kələkidən Bakıya dönür.

SİDSUH-un yaradılma mərasimində. 26 oktyabr 1998-ci il. Bakı.

Elçibəy köməkçisi Oqtay Qasımovun toyunda. 2 aprel 1999-cu il.

Elçibəy Flora Kərimova ilə.

Elçibəy kitablarının təqdimat mərasimi.

Əbülfəz Elçibəy və dünya şöhrətli bəstəkar Arif Məlikov. 15 iyul 1999-cu il.

Əbülfəz bəy qızı Çilənay xanımla.

Elçibəy oğlu Ərturqutla (soldakı) öz evində. 1999-cu il.

Elçibəy Türkiyədə toy məclisində. Soldan 1-ci o vaxt siyasətdə o qədər də tanınmayan Rəcəb Tayyip Ərdoğan, daha sonra kinoaktyor Kadır İnanır, Əbülfəz bəy, müğənni Orhan Gencebay və Xanım Xəlilova.

Elçibəy ABŞ-ın Nyu-York şəhərində Türk yürüşündə. 20 may 2000-ci il.

Elçibəy ömrünün sonlarında.

Prezident Heydər Əliyev Elçibəyin dəfnində. Avqust 2000-ci il.

Əbülfəz Elçibəyin dəfn olunduğu gündür.

Mərhum Əbülfəz Elçibəyin Fəxri Xiyabandakı məzarı.

Modern.az

Comments are closed, but trackbacks and pingbacks are open.