Press "Enter" to skip to content

SMM Xidmətləri

İstifadəçilərin etiketlərlə axtarış etdiklərini və yazılarına etiket əlavə etməyi sevdiklərini araşdırmaların nəticələrində görə bilərik. Bu məlumatı markanızın sosial media marketinqi üçün təsirli bir aktivliyə çevirə bilərsiniz. Ən çox qarşılıqlı əlaqəni alan etiketlər üçün məzmun hazırlayaraq və ya istehsal etdiyiniz məzmun üçün etiket göstərərək insanların diqqətini çəkə və markanız haqqında məlumat verə bilərsiniz.

Sistem Etibarlılığı Monitoru heç kimin istifadə etmədiyi ən yaxşı Windows alətlərindən biridir

Azərbaycanda developerlər arasında ən çox istifadə olunan proqramlaşdırma dillərini müəyyən etmək üçün bir müddət əvvəl qapalı qruplarda sorğular keçirdik. Hazırlanmış sorğuda iştirak edən 370 developerdən yalnız 303-ü sorğu sonunda yerləşdirilmiş tapşırığı doğru yerinə yetirdiyi üçün həmin şəxslərin iştirakı əsasında formalaşdırılmış nəticələrii sizlərlə bölüşürük. Beləliklə, 303 yerli developer arasında keçirilmiş sorğu nəticələri aşağıdakı kimidir.

Ən çox istifadə olunan proqramlaşdırma dili

303 developer arasında aparılan sorğuya əsasən, iştirakçıların 56%-i Javascripdən istifadə edir. (170 nəfər) Eyni statistikaya əsasən developerlərin 51.8%-i (157 nəfər) PHP proqramlaşdırma dilindən yararlanır. SQL isə demək olar ki, bu dilləri bilən istifadəçilərin bildiyi verilənlər bazasında işləmək üçün lazım olan köməkçi dilidir. Sorğu iştirakçılarının 53%-i bu dildən istifadə edirlər. Üçüncü əsas proqramlaşdırma dili olaraq isə Azərabycanda Java-dan daha çox istifadə olunur.

Bənzər xəbər

Duolingo-da çat botlarla söhbət edərək xarici dilləri öyrənmək imkanı

  1. Javascript
  2. SQL
  3. PHP
  4. Java

Ən çox tələb olunan proqramlaşdırma dilləri

Sorğu nəticələrə əsasən proqramçılardan daha çox məhz bu proqramlaşdırma dillərində web layihə yaratmaq istənilir. Müştəri istəyinə əsasən Azərbaycanda tələb olunan proqramlaşdırma dilində 1-ci yerdə 57.1% -lə PHP gəlir. Bu mövzuda Java proqramlaşdırma dili heç də PHP-dən geri qalmır. 147 nəfər developer düşünür ki, Azərbaycanda ən çox tələb olunan dillərdən biri də Java-dır. Azərbaycanda olan IT kursların da daha çox bu dillərdə tədris verdiyini nəzərə alsaq, statistikanın doğru olduğunu söyləyə bilərik.

Proqramçılar hansı dili öyrənmək istəyirlər?

Sorğunun üçüncü hissəsi məhz sorğuda iştirak edən proqramçıların hansı proqramlaşdırma dilinə maraq göstərməsi və öyrənməsi ilə bağlıdır. Azərbaycanlı developerlərin əsasən PHPJava-ya köklənməsi öz nəticəsini bu sorğuda da göstərir. Alınmış cavablara əsasən 303 nəfərin əsasən PHP və Java bildiyini nəzərə alsaq, bu developerlərin əsas maraq göstərdiyi digər dil məhz Pyhton-dur. Sorğu iştirakçılarının 38.9%-i məhz bu dili öyrənmək istəyir. Eyni sorğuda ən çox öyrənilməsi lazım olan dil kimi Java görünür. PHP göstəriciləri isə bu sorğuda aşağıdır. Çünki sorğu iştirakçısı olan developerlərin əksəriyyəti bu dili bilir və onlar növbəti mərhələdə öyrənmək istədikləri dili qeyd ediblər ki, burada ən çox maraq Pyhton-a olub.

Proqramçılar əsasən hansı sektorda çalışır?

46.9% göstərici ilə özəl sektor proqramçıların əsas çalışdığı sahədir. 41.2% developer isə ya şəxsi biznesdə ya da frilanser olaraq fəaliyyət gəstərir. Son sırada isə dövlət sektoru qərarlaşıb. 11.9%, yəni cəmi 36 nəfər dövlət sektorunda çalışır.

Developerlərin əsas müştəriləri kimlərdir?

Sorğu nəticəsinə əsasən 73.9% çoxluq sifarişlərin əsasən daxili bazardan olduğunu qeyd edib. 15.5% göstərici isə sifarişlərin xarici bazardan olduğunu qeyd edib. Fərdi sorğu nəticələrinin analizlərinə nəzər yetirsək, xaricdən sifariş alan developerlərin əsasən frilanser olaraq çalışdıqlarını görə bilirik. Bu da sifarişlərin, əsasən frilanserlər üçün “marketplace” saytlardan olduğunun göstəricisidir.

Proqramlaşdırma sahəsində Azərbaycanda developerlərin təcrübə göstəriciləri

Sorğu nəticələrinə əsasən 36%-lik göstərici ilə Azərbaycanda proqramçıların 1-3 il aralığında kodlama təcrübələri vardır. 25% – lik göstərici ilə isə 77 nəfər 1 ilə qədər proqramlaşdırma təcrübəsinə sahibdir. Sorğu iştirakçılarının 19.5%-i isə 3-5 il aralığında, 19.2% -i isə 5 ildən çox təcrübəyə sahibidir.

Sorğunun ikinci hissəsi bazarda fəaliyyət göstərən və “outsource” işlər həyata keçirən agentliklərlə bağlıdır. Adlarının konfidensiallığını qorumaq şərtilə keçirdiyimiz sorğuda Azərbycanın aparıcı 15 web agentliyi iştirak edib. Beləliklə, sorunun ikinci hissəsi ilə sizləri tanış edirik.

Azərbaycan bazarında proqramlaşdırma dilləri üzrə apardığımız sorğunun ikinci istiqaməti bu sahədə “outsource” işlər görən agentliklərlə bağlıdır. Azərbaycanın 15 seçilmiş agentliyi arasında apardığımız sorğu nəticələri yuxarıdakı sorğunun nəticələri ilə demək olar ki, eynidir. Beləliklə sorğu nəticələrinə əsasən agentliklərin ən çox sifariş aldıqları proqramlaşdırma dillərinin cədvədili aşağıdakı şəkildədir.

Nəticələrə əsasən Azərbaycanda müştərilərin agentliklərdən istədikləri əsas tələblərdə PHP, JavascriptJava üstünlük təşkil edir. Bazarı nəzərə alsaq və agentliklərin təkliflərini dəyərləndirsək, bu dillərdə kodlama edən proqramçıların çoxluğu əsas verir ki, məhz PHP, Javascript və Java Azərbaycan bazarında ən çox istifadə olunan proqramlaşdırma dilləridir.

Sorğunun ikinci hissəsində agentliklərdə çalışan proqramçıların hansı dillərdə kodlama etməyi ilə bağlıdır və nəticələrdə gözlənildiyi kimi PHP, Javascript və Java üstünlük təşkil edir. Pyhton-a maraq isə burada daha ön planlandadır. Belə nəticəyə gəlmək olar ki, Bazarda Pyhton-da yazan proqramçılar olsa da müştərilər tərəfindən bu dilə tələb azdır. Açığı, PHP, Java-dan sonra Azərbaycanda maraq daha çox Pyhton-adır.

Sorğuda iştirak edən agentliklərinin cavabına görə ölkədə əsasən sifarişlər özəldövlət sektorundan alınır. Xüsusən Banklar və dövlət müəssisələri əsas sifarişçi tərəflərdir.

Agentliklərin hansı dilləri bilən proqramçıya ehtiyacı olduqlarını isə bu statistikadan bilmək olar. Yenə ənənəvi olaraq liderlik PHP-dədir. SwiftPyhton bu siyahıda əvvəlki cədvəllərə nisbətən daha ön plana çıxır. Nəzərə alsaq ki, Azərbaycanda Swift ilə işləyən proqramçılar azdır və əksi olaraq isə bazarda iOS tətbiqlərinə tələb kifayət qədərdir. Belə olan halda həm agentliklər həm sifarişçi tərəf iOS tətbiqlərinin hazırlanması üçün daha çox xarici – Ukrayna, Türkiyə, Hindistan bazarlarına üz tuturlar. Ümumi olaraq dəyərləndirsək, əsas üstünlüyün yenə də PHP, JavaJavascrtiptdə olduğunu aydın görmək olar.

Bazarda həm tələb həm də təklif sırf bu proqramlaşdırma dilləri üzərindən formalaşır. Potensial olaraq isə Phyton-a böyük maraq var. Həm agentliklərdə həm developerlərdə bu proqramlaşdırma dilinə növbəti illərdə daha çox tələb yaranacağını düşünürük. Developerlər arasında sorğu nəticələrinə əsasən də, daha PHP və Java bilən proqramçılar növbəti mərhələdə Phyton öyrənmək niyyətindədirlər. C,C++C#, PHP və Java-dan sonra ən çox istifadə olunan dillər sırasındadır.

Mövzu və sorğu ilə bağlı olaraq proqramlaşdırma sahəsində geniş təcrübəsi olan bir neçə ekspertdən rəy aldıq. Azərbaycanda kifayət qədər bazar təcrübəsinə sahib proqramçıların bir neçəsinin ekskuliziv müsahibələrini təqdim edirik.


Amid Quliyev

Söhbət Web-dən gedirsə Azərbaycanda ən çox istifadə olunan proqramlaşdırma dili PHP-dir. “Desktop” tətbiqlər üçün isə əksər hallarda C#.NET – dən istifadə olunur. PHP web proqramlaşdırmaya başlayanlar üçün çox tez öyrənə biləcəkləri bir dildir. Yəni, kodu yazdın, səhifəni yeniləndin və kod işləyəcək. Heç bir “compile” ehtiyac yoxdur. Hazır sistemlərlə sayt düzəltmək istətənlər üçünsə imkanlar çoxdur. Məsələn, Drupal, Joomla, WordPress kimi sistemlər PHP ilə yazılıb. Bu səbəbdən müəyyən qədər PHP bilən bu sistemlərdə xüsusi saytlar düzəldə bilər. Eyni zamandan PHP-nin, Laravel, Phalcon, Sympohy kimi çox gözəl “framework”ləri mövcuddur. PHP-ni biraz öyrənən və MVC anlayışı olan hər kəs bu “framework”lərlə işlərini qat-qat rahatlaşdırırlar.

Azərbaycan səviyyəsinə baxsaq, şirkətlərin tələbləri elə də böyük deyil. Əsasən özəl qrumlarda tələblər biraz fərqli olur. Nəzərə alsaq ki, bəzi dövlət qrumları hələ də Delphi-də yazır. Web üçün Azərbaycanda PHP, Pyhton çox nadir halda isə “ruby on rails” developerlərə ehtiyac olur. “Desktop” tətbiqlər, servislər yazanlara əsasən C#.NET, Java bilən, iOS və Android proqramları, avadanlıqla işləyən və spesifik inteqrasiya tələb edən şirkətlərə isə C, C++ bilən developerlər lazım olur və bu developerləri ölkəmizdə tapmaq mümkündür. Təbii ki, “senior” səviyyədə azlıq təşkil etsələr də “Junior” və orta səviyyədə developer tapmaq asandır.

Biz işçi axtaran zaman PHP, Phyton bilən, mobildə isə Android və iOS üçün tətbiq yaza bilənlərə üstünlük veririk.

Rufət Babakişiyev

Mənim fikrimcə əslində Web Proqramlaşdırma anlayışı özü bir sahəni göstərmək üçün artıq köhnə anlayışdı, müəyyən bir sahəni bildirməkdən çıxıb, ümumi bir məlumat daşıyır. Çünki bu gün nə Web də deyil ki?. Bəzi xüsusi Desktop tətbiqləri çıxsaq bütün həllər web dədir. Hətta bu gün o dərəcədədir ki, demək olar ki Office proqramları xaric kompyuterə başqa proqramlar qurulmur. Azərbaycanda Web Proqramlaşdırma dedikdə mənim müşahidələrim onu göstərir ki, çox zaman hansısa bir məlumat xarakterli saytın hazırlanması ağıla gəlir və ona görə hər kəsin dilidə iki söz : PHP və MySQL var. Bəziləri isə iddia edirlər ki PHP istifadə etmək qeyri profesionallıqdı (mənə görə yanlışdı), mütləq ki Java texnologiyaları və ya .NET (Dot NET) texnologiyaları istifadə olunmalıdır. Ümumilikdə isə yuxarıda adlarını sadaladığım texnologiyalar (Dillər yazmıram, çünki düşünürəm ki dil development üçün ən sonuncu işdir, əsas verilənlər strukturu- Data Structure və texnologiyalardır) və onların hazır Framework lər (Türk dilində Çatı, mənası belə verə bilərəm ki, development üçün müəyyən bir qaydauyğunluğun artıq təyin olunmuş formasıdır, sadəcə sən hazır istifadə edirsən. Bir növ Azərbaycanın Azsamand avtomobilinin hissələrini alıb birşləşdirməsi kimidir) istifadə olunur.

İstənilən texnologiyanı populyar edən müəyyən meyarlar var. Məsələn, əməliyyat sisteminin resurslarından düzgün istifadə etməsi, mühəndisə verdiyi rahatlığı, development mühitinin (development enviroment) qurulması rahatlığı, rahat test edilməsi və ən əsası BÖYÜK MƏLUMAT RESURSLARI. Mənim gördüyüm qədərilə PHP daha geniş istifadə olunur. Yuxarıdakı səbəblər rol oyanyır. Java və .NET ən geniş istifadə olunur, buna da öyrənmək üçün resursların Türk və rus dillərində çox olması təsir edir. Məsələn diqqət etsəz görərsiz ki türk dilində texnoloji kitabları oxumağı xoşlayanlar daha .NET və ya MSSQL meyilli olurlar və ya tərsinə onları işlədənlər çox vaxt ingilis dil bilikləri zəifdirsə Türk dilində materiallara üstünlük verirlər. Mən düşünürəm ki texnologiyanı ingilis dilində bir başa onun sahibi (məsələn .NET də microsoft) materiallarından oxunmalıdır.

Bu təəssüf ki şirkətin, şirkətin CTO sunun və hətta deyərdim ki Software Managerin seçimlərindən asılı olaraq davam edir. Məsələn baxırsan ki bir şirkət bütün produktlarını ancaq Javada yazır, və ya ancaq .NET də. Ətraflı axtarsaq baxarıq ki manager özü bu dillərdən birini yaxşı bildiyini üçün belə seçilir. Mənim fikrimə görə təmamilə səhv yanaşmadır. Söhbət developmentlə məşğul olan şirkətlərdən gedir, Bank və Operatorlar təbii ki aldıqları texnologiya hansı dillər və texnologiyalarla hazırlanıbsa onla da davam etmək məcburiyyətindədilər. Və əsasən də .NET və Java texnologiyaları biliyi olanlara üstünlük verirlər. Amma ümumiyyətlə development komandası gələn requirement əsasında, müştərinin mövcud İT infrastruktunun əsasında, Proqram təminatının genişlənə biləcəyi imkanlarını nəzərə alaraq qərar verməlidir.

Mən demək olar ki hansısa dilə üstünlük vermirəm Mobil Development xaric. Mənə görə ilk növbədə developer teoriyanı güclü bilməli və müəyyən alqoritmik bilikləri olmalıdır. OOP (Object Oriented Programmin) dilinin əsaslarını bilməyən, İnterface və Abstract Class arasındakı fərqi bilməyən, 2 – 3 pattern bilməyən, ən sadə quick sort, buble sort u bilməyən developerin nə fərqi var ki hansı dillərdə yazırlar. O qədər olub ki bizm komandaya uşaqlar Java bilirləri ilə gəliblər, elə 10 gün sonra .NET də yazmağa başlayılar. Düzdü texnologiyanın özünə məxsus əlavələri və sairə var ki, bunu da öyrənmək uzun çəkmir, əgər mühəndis əzbərçi yox, məntiqlidirsə. Mobildə bir qədər fərqlidir, sistemlər özü sizi məcbur edir ki o müəyyən dildə development etməyə məcbur edir. Məsələn əgət iOS əməliyyat sistemində developmentdən söhbət gedirsə təbii ki Objective C və ya Swift bilgisi çox vacibdir, Android əməliyyat sistemində isə Java və ya Kotlin. Cross platform texnologiyalar istifadə etmək olar. Mənim fikrimcə sadə nəsə hazırlansa bəlkə hə, amma ki Native in yerini verməyəcək. Unity xaric, bunun da səbəbləri var, demirəm uzundur )

Son olaraq tələbələrə demək istəyirəm ki, riyazi biliklərinizi , alqoritmik biliklərinizi artırın, olimpiadalara qatılın. Mən özüm təəssüf edirəm ki o qədər də dərin riyazi alqorimik biliklərim yoxdu. Amma bəzən o biliyə sahib olanlar da düşünürlər ki bu kifayətdir, ümumiyyətlə mühəndis kimi yetişmək üçün çoxlu teorik oxumaq (dərk edərək, əlinə nə keçdi oxumadan) və onları tətbiq etmək, xüsusilə real proyektlərdə. Sertifikat bilik göstəricisi və işə qəbul üçün bir vacib göstərici deyildir. Şəxsən mən ancaq biliyə və təcrübəyə baxıram. Amma biliyin və təcrübənin yanında sertifikatda varsa bu artıq möhtəşəm. Bu dil onu döyər, yox o yaxşıdır, bu secure dır, bunlar hamısı gülməlidir. Ən zəif texnologiya ilə də secure sistem qurmaq olar, ən secure texnologiya ilə də unsecurable sistem qurmaq olar. Unutmuşam kimin sözüdür bu sahədə, amma yadımda təqribi belə qalıb : Yaxşı developer Verilənlər strukturunun (Data Structure) qeydinə qalır, qalan development üçün bir alətdir.

Bu gün Banklar və başqa qurumlar baxırsan 10 – 15 developer saxlayır qrupda və bazarda çox dar biliklər yaranır, əslində isə bu işin tək adı var OUTSOURCE. Belə olduqda development şirkətlərində də maaş qalxır, çoxlu produktlar artır və ekosistem yaranır.

Ramin Orucov

Korporativ sektor əsasən Java və C#, web studiyalar, web ilə bağlı startuplar isə daha çox PHP istifadə edirlər. Tələb və təklif məsələsidir. Bu texnologiyaları öyrənən, bilən mütəxəssislər daha çox olduğuna görə. Mövcud proyektləri davam və inkişaf etdirmək üçün Java/C# bilən proqramçılara tələbat var. C++, Python üzrə iş imkanları azdır, ona görə onları öyrənmək istəyən gənclər azdır. Java və ya C# bilən digərini rahat öyrənə bilir. Məsələn, Azercelldə vaxtı ilə Java üzrə biliyi və təcrübəsi az olan, amma .NET(C#, ASP.NET, WCF) üzrə 3-5 il real iş təcrübəsi olan bir neçə proqramçı işə qəbul olunub. Namizəddən çox şey asılıdır, real iş təcrübəsi olanlara üstünlük verilir. Mobil üçün Java(Android) və Objective C(iOS) təcrübəsi olanlara üstünlük verilir.

Vurğun Hacıyev – ATL – CTO

Şirkət olaraq əsasən Java və Phyton-dan daha çox istifadə edirik. Bu dilləri istifadə etməkdə əsas səbəb sırf bu dillərdə Azərbaycanda bacarıqlı developer tapa bilməyimizdir. Şirkətə yeni işçi qəbul edən zaman C++, C# və Java bilənlərə üstünlük veririk. Bizim üçün önəmli olan isə developerlərin təcrübəsidir. Seçim zamanı əsasən 3-5 il təcrübəsi olan proqramçıları şirkətə qəbul edirik. Burada hər zaman yerli mütəxəssisləri seçməyə çalışırıq. Pyhton proqramlaşdırma dili üzrə developer tapmaqda isə nisbətən çətinlik çəkirik. Bu dil üzrə Azərbaycanda təcrübəli proqramçılar digər dillərə nisbətən azlıq təşkil edir.

Azərbaycanda proqramlaşdırma bazarı haqqında keçirdiyimiz ilkin sorğu nəticələrini sizlərlə açıq şəkildə bölüşdük. İlkin bazar araşdırması xarakteri daşıyan bu hesabın ikinci hissəsi Azərbaycanda böyük şirkətlərinin IT separtamentləri arasında keçiriləcək və tələblər öyrəniləcək. Qısa zaman ərzində hesabatın ikinci hissəsi ilə sizləri tanış edəcəyik. Sorğuda iştirak edən developerlərlə, 15 böyük agentliyin rəhbərlərinə və müsahibədə iştirak edən şəxslərə təşəkkür edirik.

  • azərbaycanda ən çox istifadə olunan proqramlaşdırma dilləri
  • proqramlaşdırma dilləri
  • most used programming language in Azerbaijan
  • market research

SMM Xidmətləri

SMM xidmetleri nədir? Bunu belə izah edə bilərik. Hər gün minlərlə istifadəçi sosial media şəbəkələrində vaxt keçirir və şəbəkədə qaldıqları müddətdə yüzlərlə reklama məruz qalır. Markalar, istifadəçilərin diqqətini çəkmək üçün bəzi optimizasiya işləri görərək, satışlarını artırmaq üçün sosial media platformalarından istifadə edirlər. Markaların sosial media platformalarında gördüyü işlərə sosial marketinq deyilir və ənənəvi marketinq dedikdə artıq sosial media marketinqi yada düşür. Markanızın daha çox auditoriyaya çatmasını və daha çox diqqət çəkməsini istəyirsinizsə, SMM xidmetleri səhifəmizi nəzərdən keçirə və bizimlə əlaqə saxlaya bilərsiniz.

Sosial media marketinq üsulları, potensial müştəri bazasının qarşılıqlı əlaqəsi və istifadə nisbətlərinə əsaslanır. Markalar, hədəf auditoriyasına görə öz məzmununu planlaşdırır və daha çox diqqəti cəlb etmək üçün inkişaf etdirir. Bu işlər arasında bəzi başlıqlara rast gəlirik. Bunlar:

Sosial media mühitində SMM menecer olaraq marketinq bacarıqlarınızı inkişaf etdirmək istəyirsinizsə, əvvəlcə bu terminləri öyrənməlisiniz. Bu terminlərin detallarına və onların necə təkmilləşdirilə biləcəyinə baxaq:

Məzmun:

Bir sosial media menecerinin ən çox inkişaf etdirməli olduğu sahə məzmun marketinqidir. Markanız üçün edəcəyiniz paylaşımlar platformaya görə dəyişməli və məzmun hər platformanın hədəf auditoriyasına uyğun olaraq hazırlanmalıdır. İnstagram -da paylaşdığınız bir yazının və LinkedIn -də paylaşdığınız bir yazının quruluşu eyni olmamalıdır. SMM xidmetleri zamanı fərqli mediada tanınma dinamikanız və davranış tərziniz də dəyişə bilməlidir.

Qrafik:

Qrafik işlər izləyiciləriniz üçün çox vacibdir. Sosial media hesablarınızda yaradıcı və bənzərsiz olmaq üçün diqqətli olmalısınız. Önəmli olan nə təklif etdiyiniz deyil, onu necə təqdim etdiyinizdir. Məzmununuzu düzgün üslubda və doğru mətnlərlə təqdim etsəniz, möcüzənin baş verdiyini görə bilərsiniz. Dizayn dili, sosial mediada diqqəti cəlb etmək, marka sevgisi yaratmaq və güclü görünmək üçün vacib bir addımdır. Reklam şəkillərinizi və ya paylaşımlarınızı hazırlayarkən bu detalı unutmayın. Bunlar peşəkarlıq tələb edən mərhələlərdir.

Mənbələr:

Hansı mənbədən istifadə edəcəyinizə qərar verərkən, platformaların xüsusiyyətlərini və paylaşma üsulunu nəzərə aldığınızdan əmin olun. Mənbələrdən və platformalardan ən doğru və təsirli şəkildə istifadə etmiş olsanız, SMM xidmetleri vasitəsilə qısa müddət ərzində arzuladığınız istifadəçi kütləsinə sahib ola bilərsiniz. Yaxşı sosial media marketinqinin açarı trafik və tanınma yaratmaqdır. Misal olaraq bir blog yazısını bir keçid linki olaraq yerləşdirsəydiniz, ünsiyyət qura və yazınıza diqqət çəkə bilməzdiniz. Bu səbəbdən maksimal dərəcədə unikal və insanların diqqətini çəkə biləcək məzmunlara üstünlük verməyiniz məsləhət görülür.

Hashtag:

İstifadəçilərin etiketlərlə axtarış etdiklərini və yazılarına etiket əlavə etməyi sevdiklərini araşdırmaların nəticələrində görə bilərik. Bu məlumatı markanızın sosial media marketinqi üçün təsirli bir aktivliyə çevirə bilərsiniz. Ən çox qarşılıqlı əlaqəni alan etiketlər üçün məzmun hazırlayaraq və ya istehsal etdiyiniz məzmun üçün etiket göstərərək insanların diqqətini çəkə və markanız haqqında məlumat verə bilərsiniz.

Paylaşımlar:

Sosial mediada etdiyiniz paylaşımlar SMM xidmetleri alqoritmasına və hədəf auditoriyanıza uyğun olmalıdır. Xüsusi bir iş rejimi qurun və mütəmadi olaraq yeni kontentlər paylaşın. Bu kontentlər bəzən insanların maraqlanmadığı məzmun ola bilər və bu səbəbdən onları diqqətlə izləyin. Ən çox bəyəndiyiniz məzmunla heç bir reaksiya almamış məzmununuz arasındakı fərqləri kəşf etməyə çalışın. Beləliklə, paylaşımlarınızı yaxşılaşdıra və yeniləyə bilərsiniz.

Müəllif: Web Coder

Veb Dizayn

Web dizayn nədir sualının ən sadə cavabı, fikirləri müəyyən bir məqsəd üçün yönəltmək və təşkil etmək və onları praktikaya çevirmək prosesidir. Bu proseslər başa çatdıqdan sonra aktiv bir veb saytın dizaynı böyük həcmdə hazırlanmış olur. Veb dizaynı hazırlandıqdan sonra son istifadəçilər veb brauzerin köməyi ilə internet vasitəsilə veb saytlara daxil ola bilərlər. Bu veb dizaynın nə olduğu sualına verə biləcəyimiz ən qısa cavab ola bilər. İndi isə bu mövzuya daha ətraflı nəzər salaq.

Veb Dizayn Elementləri

Dizaynın hər sahəsində olduğu kimi, veb dizaynda da müəyyən əsas struktur parçaları yaradılaraq işlər aparılır. Aşağıdakı qısa başlıqlarda bunları sizə təqdim edirik və keyfiyyətli bir işin vacib detallarını sizinlə paylaşırıq.

1)Quruluş

İstifadə ediləcək qrafiklər və mətnlər müəyyən bir qaydada olmalıdır. Veb saytların əhəmiyyətli bir məqsədi, istifadəçilərə ilk baxışdan axtardıqları məlumatları tez bir zamanda tapmalarına kömək etməkdir. Web dizayn quruluşunun balanslı, ardıcıl olması və bütövlüyünü nizamlı olaraq qoruması son dərəcədə vacibdir

2)Rəng

Rəng seçimi müştəri tələblərinə və məqsədinə bağlıdır. Dizayn sadəcə ağ-qara rənglərlə edilə bilsə də, bir insanın və ya bir təşkilatın şəxsiyyəti və markası veb dostu rənglərdən istifadə edərək özünü ifadə edə bilər.

3)Qrafika

Web dizayn üçün qrafiklər loqotiplər, fotoşəkillər, clipart və ya nişanlar olaraq istifadə edilə bilər. İstifadə rahatlığı baxımından dizayn çox dar olmamalı, səhifənin açılma sürətinə təsir etməyəcək ölçüdə olmalı, veb səhifənin məzmunu ilə uyğun olmalı və uyğun şəkildə yerləşdirilməlidir.

4)Şriftlər

Müxtəlif şriftlərdən istifadə edərək veb saytın dizayn keyfiyyətini artıra bilərsiniz. Əksər veb brauzerlər yalnız “veb dünyasında məşhur” şriftləri aydın şəkildə göstərə bilir, buna görə də bir dizayner olaraq bu tip tanınmış şriftlərlə işləmək məsləhət görülür.

5)Məzmun

Məzmun və dizayn, şəkillər və mətn vasitəsilə saytın vermək istədiyi mesajın gücünü artırmaq üçün birlikdə işləyə bilər. Oxucularını təəccübləndirmək və həvəs oyatmaq üçün onlara istədiklərini vermək lazımdır, beləliklə istifadəçilər saytda daha çox vaxt keçirəcəklər. İstifadə etdiyiniz yazılı mətn həmişə mövzuya uyğun və faydalı olmalıdır. Web dizayn zamanı mətndə məzmuna uyğun açar sözlər olmalı, axtarış sistemləri üçün optimallaşdırılmış və uyğun uzunluqda olmalıdır.

6)İstifadəçi Dostu Veb Dizaynının Yaradılması

Bir veb saytı hazırlayarkən, bir saytın gözəl və vizual olaraq təsir edici olması üçün veb dizaynının əsas şərtləri ilə birlikdə istifadəçi davranışları haqqında da düşünmək lazımdır. Aşağıda sadalanan amillərə diqqət yetirməklə istifadəçi dostu interfeyslər asanlıqla əldə edilə bilər.

7)Naviqasiya

Veb dizaynı saytının arxitekturasını yaradarkən, istifadəçilərin veb sayta necə baxdıqlarını və axtardıqlarını nəzərə alaraq menyular və digər naviqasiya vasitələri yaradılmalıdır. İstifadəçilər üçün səmərəli, ehtiyac duyduqları məlumatı tapmağı və sayt daxilində asanlıqla hərəkət etməyə kömək edəcək bir şəkildə dizayn edilməlidir.

8)Multimedia

Dizayndakı əlaqəli video və audio bölmələri istifadəçilərə məlumatı qavramaqda asan və tez bir şəkildə kömək edə bilər. Bu, istifadəçiləri veb saytında daha çox vaxt keçirməyə təşviq edə bilər.

9)Uyğunluq

Səhifənin düzgün göstərilməsini artırmaq, hər dəfə eyni performansı əldə etmək son dərəcə vacibdir. Fərqli brauzerlərdə və əməliyyat sistemlərində problemsiz işləyə biləcək bir web dizayn hazırlamağa diqqət edin.

10)Texnologiya

Texnologiyadakı irəliləyişlərdən istifadə etmək, dizaynerlərə hər zaman təzə, dinamik və peşəkar bir veb dizaynında kömək edir və yenilik əlavə etmək azadlığı verir.

11)İnteraktiv

Web dizayn daxilində istifadəçi şərhləri əlavə edərək aktiv istifadəçi əlaqələrini artırın. E-poçt formaları və e-bülleten qeydləri təqdim edərək istifadəçinizi daimi istifadəçilərə çevirin.

Müəllif: Web Coder

AİDA modeli nədir? AİDA modeli və mərhələləri.

Əgər marketinq sahəsinə yeni addım atırsınızsa AİDA modeli terminini tez-tez eşidəcəksiniz. Doğru hədəf kütləsinə xitab edərək satışlarınızı artırmaq istəyirsinizsə AİDA modelinin nə olduğunu bilməlisiniz. Əgər bu haqqda məlumatlı deyilsinizsə o zaman doğru yerdəsiniz. Bugünkü yazımda siz, AIDA modelinin nə olduğu ilə tanış olacaqsınız.

AİDA modeli nədir?

AİDA ingilis dilində awareness, interest, desire, action sözlərinin qisaltmasından yaranmışdır. AİDA modeli marketinqdə alıcıların hər hansı bir məhsulu alarkən keçdiyi mərhələləri təsvir edir. Bir çox istifadəçi reklam və ya marketinq strategiyaları yolu ilə markaların fərqinə vardığı üçün AİDA modeli bir reklam və ya marketinq strategiyalarının marka seçimində müştərilərə necə təsir etdiyini açıqlayır. AİDA modeli 19-cu əsrdən bu yana reklam dünyası və marketinqdə ən çox istifadə edilən modellərdən biridir.

AIDA modelinin mərhələləri:

Awareness

Satış qıfının ilk mərhələsi tanınmadır. Burada siz mümkün olduqca öz markanızın adını tanıtmağa və daha çox insanın sizdən xəbərdar olmasına çalışmalısınız. Bunu tez və qısa bir zamanda etmək üçün reklamlara baş vura bilərsiniz. Tanınma bütün markalar üçün olduqca önəmli bir hissədir. Dünyada ən çox tanınan markalar belə hər zaman awarenes’i qoruyub saxlama ehtiyac duyur. Məhz bu səbəbdən bu bölməni önəmsəməli və yaddaşlarda qalmağa çalışmalısınız.

Interest

Awarenesin ilkin olaraq önəmini vurğuladıq amma unutmayın ki bu uğurlu bir marka yaratmaq üçün yetərli deyil. Sizin markanız həmçinin insanlarda maraqda oyatmalıdır. Əgər markanız insanlarda maraq yaratmırsa o zaman onlar sizdən məhsul almağa istəkli olmayacaqlar. İnsanlarda maraq yaratmaq üçün hədəf kütlənizi düzgün seçməli və bu kütlənin ehtiyaclarına uyğun məhsullar təklif etməlisiniz. Buna misal olaraq Adidas markasını göstərmək olar. Adidas reklam üzü olaraq Messini seçdiyində düzgün bir qərar vermişdi çünkü beləcə futbolsevərlərin və həmçinin digər insanların marağını markaya yönəldə bilmişdi. Adidasın istehsal etdiyi idman ayaqqabılarına maraq artdı və idmansevərlər bu ayaqqabıları sahib olduğu özəlliklərə görə almış oldu. Beləcə Adidasın istehlakçı sayı beləcə artmış oldu.

Desire

İnsanlar arasında maraq və istək yaratmaq eyni anda baş verə bilər. Bu səbəbdən insanlara niyə sizin markanızı seçməli olduğunu izah etməlisiniz. Burada siz, istifadəçilərə sizin məhsulunuzda olan lakin digərlərində olmayan xüsusiyyətləri vurğulaya bilərsiniz.

Action

Yaxşı reklam istifadəçiləri sizin məhsulunuzu almağa təşvik etməlidir. Əgər məhsulunuz insanlarda maraq, diqqət və istək yaratmağı bacardısa bu zaman onlar məhsulunuzu almaq üçün hərəkətə keçəcəklər. Burada həmçinin marka olaraq siz, alıcının xidmətdən məmnun qalmasını və məhsulu yenidən almağa istəkli olmasını təmin etməlisiniz.

Müəllif: Web Coder

SEO-dostu vebsayt

İstənilən şirkətin edə biləcəyi ən böyük rəqəmsal marketinq səhvlərindən biri yeni bir veb-saytı qurub onu optimallaşdıra bilməməkdir.

Bu cür SEO-dostu olmayan saytlar axtarış sisteminin optimallaşdırılmasını əngəlləyir, mobil istifadəçiləri məyus edir və beləliklə, satış potensialını azaldır. Bu da öz növbəsində veb-saytların yenidən dizayn olunmasına gətirib çıxarır.

Əksər vaxtlarda SEO problemlərinin yaranmasında səbəb açar sözlərin düzgün tapılmaması və açar söz strategiyasının yaradılmamasıdır. Saytın heç bir açar söz araşdırması/strategiyası olmadıqda, tərkibindəki səhifələr bütün açar söz hədəfləri üçün əl çatan olmayacaq.

Yüksək keyfiyyətli yazılmış və optimallaşdırılmış məzmun veb-saytınızı SEO dostu etmək üçün başlıca strategiyalardan biridir. Google, nüfuzlu, əlaqəli, faydalı və cəlbedici olan məzmunu müəyyənləşdirmək və sıralamaqda son dərəcə ustadır. Məzmun Google -da xüsusi açar sözlər ətrafında və xüsusi ölçüdə yazılmalıdır.

Səhifənin yüksək sürətli yükləmə sürəti həm veb-sayt istifadəçiləri, həm də axtarış sistemləri üçün yüksək böyük bir üstünlükdür. Düzgün dizayn və keyfiyyətli hostinq təminatçısı birləşərsə, bir şirkətin veb saytının ildırım kimi yüklənməsi təmin oluna bilər.

Müəllif: Web Coder

LOQO DİZAYN

Marka logosu bir şirkətin siması olaraq xarakterizə edilə bilən və çox vaxt potensial bir müştərinin işiniz və sizlə əlaqədar fərqinə varacağı ilk şeydir.

Loqo yalnız bir görüntüdən daha çox şeydir və müştərilər üçün tanınma nöqtəsidir və şirkətinizin brendə çevrilməsi və bütün marka memarlığı üçün vacib bir təməldir.

Müştərilərin bir neçə saniyə ərzində bir şirkət haqqında fikir formalaşdırdıqları və yaxşı dizayn edilmiş bir loqotip işinizi peşəkar, etibarlı və ən yaxşı səviyyədə təqdim etdiyinizi göstərərək potensial və hədəfli müştərilərə çatdırır.

Uğurlu bir loqo üçün 2 saniyə kifayətdir ki, şirkətin potensial müştərilərini məhsullarının bazarda rəqiblərlə müqayisədə hər hansı bir dəyərə sahib olduğuna inandırsın.

Marka loqosunun əhəmiyyəti mövzusunda ən kritik məqamlardan biri loqoların vizual və yaddaqalan olmasıdır. Məsələn, Gucci çantasında markanın loqotipi onun real dəyərindən qat -qat çox satmaq üçün kifayətdir. Loqotipiniz izləyicilərinizi şirkətinizə aparır. Loqotiplər markanızın tanınma nöqtəsidir və müştərilərin markanızı tanımaq üçün istifadə etdikləri simvoldur.

İdeal olaraq, insanların loqotipinizin görmə qabiliyyətini dərhal şirkətinizin etdikləri ilə əlaqələndirməsini və daha da əhəmiyyətlisi, markanız və bütövlükdə şirkət haqqında hiss etmələrini və görselleştirmelerini istəyərsiniz. Yaxşı bir logo vizual bir element və estetik baxımdan xoş bir element olduğu üçün markanız haqqında yalnız şirkətinizin adının çata bilməyəcəyi müsbət xatırlatmalara səbəb olur.

Hər hansı bir şirkət məhsul təklifləri ilə və ya bir bütün olaraq marka ilə emosional bir əlaqə qurmaq üçün logoların rəng sxemlərindən faydalana bilər. Məsələn, meyvə şirəsi satan bir şirkət tropik yerlərdəki tətillərlə bağlı xoş duyğular oyatmaq üçün narıncı, sarı, yaşıl rənglərindən istifadə edə bilər. Yaxud, yüksək keyfiyyətli saatlar, qara qalstuklar satan markalar rəsmiyyət yaratmaq qara rəngdən istifadə edə bilər.

Müəllif: Web Coder

Mobil tətbiqlərdə UI/UX dizaynının əhəmiyyəti

İnsanların əksəriyyəti rəqəmsal mediadan istər masaüstü, istərsə də mobil telefonlarda istifadə edir. Hər iki platformanın çox sayda istifadəçisi var. Mobil və onunla əlaqəli texnologiyalar dünya miqyasında populyarlıq qazandıqca insanların heç bir maneə olmadan daha rahatlıqla texnologiyalardan yararlanma gözləntiləri gündən-günə yüksəlir. Bu baxımdan mobil tətbiqiniz üçün UI/UX dizaynının rolu danılmazdır.

Mobil proqramın UI/UX dizaynı istifadəçi təcrübəsini artırır və buna görə də mobil tətbiqinizin uğurunda əsas rol oynayır. UI/UX dizaynının rolunu anlamaq üçün əvvəlcə hər iki terminin izahını bilmək gərəklidir.

“UI” abbreviaturası ingilis dilində “User Interface” olub istifadəçi interfeysi deməkdir. Bu dizayn, istifadəçilərin mobil proqramla qarşılıqlı əlaqəsidir. İstifadəçi interfeysinə tətbiqin bütün idarəetmələri, düymələri, blokları və elementləri daxildir.

İstifadəçi interfeysinin məqsədi istifadəçi ilə proqram arasında səmərəli və effektiv qarşılıqlı əlaqəni yaratmaqdır. UI-nin yaradılması dedikdə rəng və ən son dizayn prinsiplərinin seçilməsi nəzərdə tutulur.

“UX” abbreviaturası isə ingilis dilində “User Experience” olub, istifadəçi təcrübəsi deməkdir. UX-ın başlıca məqsədi isə istifadə rahatlığı və istifadəçinin sayta daxil olarkən saytda asan şəkildə axtarış etməkdir. Daha dəqiq desək, mobil tətbiqin işləmə üsulunu müəyyənləşdirməyi və istifadəçilərin tələblərinə cavab verməyi əhatə edir. UX aydın, rahat və istifadəçi dostu olmalıdır.

Proqramçı üçün mobil proqramda UI/UX-in rolunu bilmək vacibdir. Siz əla funksionallığı olan bir mobil tətbiq yarada bilərsiniz, lakin dizayn hissəsinə diqqət yetirilməzsə, bu, tətbiqi yararsız edəcək. Tətbiqin uğurlu olması üçün onun funksionallığı və UI/UX arasında düzgün balansın olması vacibdir.

UI və UX-i təkmilləşdirmək üçün nələr edə bilərsiniz ?

1. Saytın ahəngini qorumaq – tətbiqin dizaynı ikona və düymələrlə məhdudlaşmamalı, həm də rənglər və naxışlar onlarla vahidlik təşkil etməlidir.

2. Yükləmə sürəti – Sürət UX dizaynının ən vacib aspektlərindən biridir. Səhifənizin dizaynı elə olmalıdır ki, çox yükləmə vaxtı tələb etməsin, çünki istifadəçilər vaxtlarına qənaət etmək istəyirlər.

3. Ənənəvi elementlərdən istifadə – tətbiqdə hər bir istifadəçinin tanıya biləcəyi elementlərdən istifadə etmək məsləhət görülür, beləcə, o heç bir çaşqınlıq olmadan problemsiz tətbiqdən yararlanacaq.

4. İnteraktiv tətbiq – istifadəçi dostu tətbiqlər ən ideal hesab edilir. İnteraktiv proqram istifadəçilərə rahatlıqla bir pəncərədən digərinə keçmək imkanı verir.

Müəllif: Web Coder

Linkedin-də Uğur Qazanmağın 7 Asan Yolu

Son dövrlərin populyar sosial şəbəkə platforması olan Linkedinin əslində Facebook, Twitter, Snapchat və İnstagram-dan daha uzun müddət əvvəl istifadəyə verildiyini bilirdinizmi? Linkedin peşəkarların bir arada olduğu ən böyük biznes yönümlü şəbəkədir. Bu şəbəkə 200-dən çox ölkədə 500 milyondan çox istifadəçiyə malikdir. Linkedin-də istər iş sahibi, istər işsiz biri kimi yeni imkanlar əldə edə bilərsiniz. Linkedin sizə profilinizi, təcrübənizi, tövsiyələrinizi və əlaqələrinizi nümayiş etdirmək imkanı verir. İşə götürənlər namizədlər haqqında fikir formalaşdırmaq istəyərkən Linkedin profilinizə nəzər yetirə bilər. Yəni, hesabınız sizin haqqınızda ilkin peşəkar təəssürat yarada, eləcə də, iş dünyasında sizə, biznesinizə qarşı etibarlılıq yarada və nailiyyətlərinizi önə çıxara bilər. Bu günkü bloq yazımızda sizlərə Linkedin platformasında asanlıqla və zaman itirmədən inkişaf əldə etməyin 7 üsulundan bəhs edəcəyik.

1) Güclü təməl qurun – Linkedin profili sizin onlayn mövcudluğunuzu peşəkar şəkildə əks etdirir. Məsələn, potensial müştəri adınızı axtarışa verdikdə Linkedin hesabınızın həmin axtarış nəticələrində ilk sıralarda çıxması ehtimalı yüksəkdir. Dolayısıyla, yaradacığınız ilkin təəssürat çox vacibdir. İlkin təəssürat dedikdə profil məlumatlarındakı ən xırda detallar belə nəzərdə tutula bilər (öz paylaşımlarınız, başqalarının paylaşımlarına bildirdiyiniz “reaction” və şərhlər, iştirak etdiyiniz qrup müzakirələri və s.). Oxşar tələblər Linkedindəki “iş statusu”-nuza da aiddir. Peşəkar görünmək istəyirsiniz? Daim iş statusunuzu yeniləməlisiniz; öz üzərinizdə çalışıb yeni “activity”-lərinizlə hesabınızı zənginləşdirmək olar. Xülasə, profilinizi tamamlayaraq peşəkar imicə sahib olun, fikirlərinizi, peşəkarlığınızı nümayiş etdirən media faylları paylaşın və müştərilərinizin digər sosial şəbəkə hesablarınızı asanlıqla tapa bilsin deyə onların linklərini də daxil edin. Güclü təməli olan profil yaratmağa birdəfəlik iş kimi baxmayın – davamlı fəaliyyətdə olun.

2) “Networking” yaradarkən məntiq yürüdün. Əlaqələrinizi heç vaxt məhdudlaşdırmayın; fərdi dəvət göndərilərsə və şəxsin peşəkar profili (şəkil daxil olmaqla) varsa, əlaqə yaratmaqdan çəkinməyin. Şəxsi və ya peşəkar nöqteyi-nəzərdən insanlarla əlaqə saxlamağınız məntiqlidirsə, o zaman ağıllı şəbəkənizi qurun. Ola bilsin ki, bu gün bütün bu bağlantılara ehtiyacınız olmaya bilər, bəs 5 il sonra? Sonradan sağlam təməlin qoyulması üçün şəbəkənizə indidən investisiya qoyun. Müxtəlif sahədən olan insanlarla yaradılmış əlaqələr sizə nə vaxtsa hər cür qapıları aça və heç vaxt təsəvvür etmədiyiniz imkanları yarada bilər.

3) Davamlı olaraq hesabınıza zaman ayırın və dəyər verin – yeni müştəriləri biznesinizə yönləndirməyin ən dəqiq yoludur desək, yanılmarıq. Linkedin-də fərqlənmək və yaddaqalan olmaq istəyirsinizsə, davamlı olaraq aktiv olmalısınız. Dəyər vermək o deməkdir ki, siz bağlantılarınızla daim ən yaxşı və ən uyğun məzmunu paylaşırsınız. Bağlantılarınızı motivasiya edəcək, ruhlandıracaq, problemlərini həll etməyə, daha yaxşı hiss etməyə və ya həyatlarında daha çox şey əldə etməyə kömək edə biləcək məzmunlar paylaşın. Ümumi mövzularla yanaşı, zaman-zaman məhz öz sahənizlə də bağlı məzmunu paylaşmaq vacibdir. Beləliklə, özünüzü sahənizdə peşəkar kimi təqdim edə biləcəksiniz. Əgər həqiqətən bir mütəxəssis kimi görünmək istəyirsinizsə, öz fikirlərinizi dərc etməlisiniz. Çünki günün sonunda, Linkedin-də marketoloq yox, marketinq üzrə influencer kimi tanınmaq daha vacib rol oynayır. Siz daim aktiv olmaqla və keyfiyyətli məzmun paylaşmaqla bağlantılarınıza şəxsi və ya peşəkar həyatlarında növbəti səviyyəyə qalxmalarına kömək edəcəksiniz.

4) Yeri gəldikdə başqalarını önə çəkin, reklam edin. Bağlantılarınıza kömək etmək onları və bizneslərini inkişaf etdirməyin sürətli yoludur. Problem ondadır ki, insanların çoxu şəbəkələşmənin bu aspektinə diqqət yetirmirlər, çünki onlar öz məhsullarını satmağla məşğuldurlar. Kontaktlarınızı tanıtmaqla, yeni tanışlıqlar və tövsiyələr vasitəsilə müvafiq formada onları birləşdirin. Buna şəbəkənizi təhlil etməklə başlaya bilərsiniz – şəbəkənizdə qarşılıqlı fayda əldə edə biləcək insanları müəyyən edə bilərsiniz. Yaxud bağlantılarınızla görüşlər və ya kiçik qrup tədbirləri təşkil edin. İnsanları bir araya gətirmək çox əhəmiyyətli bacarıqdır və sizi “influencer” kimi mövqeləndirir. Həmçinin, əlaqələrinizi ictimaiyyət qarşısında tanıdın, yaxşı mənada qiymətləndirin və bağlantılarınızın nailiyyətlərini daim dəyərləndirin. Bu cür fəaliyyətlər başqaları üçün çox böyük önəm kəsb edir və nəticədə, siz bu prosesdə özünüz üçün də biznes uğurlarına nail olacaqsınız.

5) Linkedin üzvləriylə münasibətdən çəkinməyin. Bu, Linkedində uğurlu olmaq üçün ən vacib ipucudur. Əgər siz bu sosial şəbəkədə introvert birisi olaraq mövcud olacaqsınızsa, yuxarıda sadalanan məsləhətlərin heç biri yararlı olmayacaq. Şəbəkənizdə lazımi insanlarla daha dərin əlaqələr qursanız, təsir gücünüzün artacağına şahid olacaqsız. Uğur əldə etmək liderlik, güvən, bəyənilmə və təsir yaratmaq kimi bir çox meyarlar əsasında yaranır. Linkedində əlaqə yaratmağa çalışın. Şəbəkə üzvlərinizlə dialoqa başlaya biləcəyiniz sualları və paylaşa biləcəyiniz şərhləri düşünün. Söhbətlərə başlamaq başqalarını işə cəlb etməyə təşviq edir ki, bu da şəbəkənizi əvvəllər heç görmədiyiniz və ya görüşmədiyiniz insanlarla genişləndirmək üçün qapı açır.

6) Linkedin alqoritmindən bəhrələnin – Linkedinə daxil olduğunuz zaman bəzi yazıları dərhal görürsünüz, digərləri isə bəzən başqa məzmunların arasında gözdən qaçır. Məzmununuzun başqaları tərəfindən görülməsindən əmin olun. Bunun üçün Linkedin alqoritminin necə işlədiyini bilmək kifayətdir. Linkedin alqoritmi 3 fərqli filtrlə işləyir:

  • Keyfiyyət – paylaşılan məzmun spam olmamalıdır. Əks halda, Linkedin botları, dərhal məzmununuzu siləcək!
  • Qarşılıqlı təsir(interaction) – aktivliyiniz postunuzun əldə etdiyi bəyənmələr, şərhlər və paylaşımlara əsasən ölçülür. Siz hətta bir neçə sözdən ibarət mem (qısa mətn) paylaşa bilərsiniz! Vacib olan bağlantılarınızın üzündə gülüş yaratmaqdır.
  • Etimad – Linkedin yaxşı məzmun yazan insanları bəyənir. Əgər yeni başlayırsınızsa, davamlı olaraq yaxşı yazılar yazmaq zaman keçdikcə etimad qazandıracaq.

Bonus: Nə qədər çox postunuz olsa, Linkedin sizi bir o qədər önə çıxaracaq. İlk başlarda kifayət qədər yüksək “engagement” əldə etməyə bilərsiniz. Ancaq daha çox paylaşımınız olarsa, məzmun daha yaxşı sıralanar və istifadəçilərin qarşısına daha çox çıxar.

7) Keyfiyyətli postlar hazırlayın – Linkedin yazıları uzun bir kitab deyil kimi deyil, qısa bir xülasə formasında olmalıdır. Linkedin-də məzmun oyununundan qalib çıxmaq istəyirsənsə:

  • Qısa və pozitiv yazılar yazın.
  • Diqqət çəkmək istəyirsinizsə, şəkil əvəzinə video kontentdən yararlanın.
  • Video sevmirsinizsə, sırf mətn kontentlərinə üstünlük verin.
  • Sual-cavablar təşkil edin.

Məzmununuza daha çox trafik əldə etmək istəyirsinizsə, hamının yatdığı gecə yarısı saatlarında paylaşım etməyin. Gecələr məzmun yazmağı xoşlayırsansa, səhərə saxlayın! İdeal olaraq, insanların işlədiyi saatları – səhər 9-dan axşam 5-ə kimi olan vaxt aralığını seçin.

Nəticə olaraq bunu demək olar ki, Linkedin hesabı yaratmaq hələ yolun başlanğıcıdır, və bu yolda uğurlu olmaq üçün sadalanmış məsləhətləri gözdən keçirməkdə fayda var. Linkedini CV-nizi yaxud işinizi virtual şəkildə nümayiş etdirmək üçün bir yer olaraq düşünə bilərsiniz, lakin bu şəbəkə bundan daha çox məna kəsb edir. Profil məlumatlarını doldurmaq təkcə sizi axtaran insanlara kömək etmir, həm də Linkedin-in profilinizi axtarış nəticələrində göstərmə ehtimalını artırır. Unutmayın ki, Linkedin hər zaman “tam və təbii” profillərə üstünlük verir.

Müəllif: Web Coder

Black Friday və Cyber Monday günlərində satışlarınızı necə artıra bilərsiniz?

Endirimli alış-veriş günləri olan Black Friday və Cyber Monday hər zaman olduğu kimi bu il də dünyada maraqla qarşılanır. Hər ilin noyabr ayının son həftələrində texnoloji alətlərdən tutmuş geyimə qədər bir çox məhsulun endirimə düşdüyü bu ərəfədə bir çox şirkətlər endirim kampaniyaları, kuponları təşkil edir. Bəs bu günlərdə satışlarınızı necə artıra bilərsiniz? Bu suala cavab vermək üçün əvvəlcə sözügedən günlərin yaranma səbəblərini, satış statistikalarını, alıcı psixologiyasını, ümumiyyətlə, bu endirim festivallarının məğzini anlamaq lazımdır.

Əvvəla, belə günlər dünyanın bütün ölkələrində iqtisadiyyatı, müxtəlif sektorları dirçəltmək məqsədiylə keçirilir. Azərbaycanca “Qara Cümə” kimi tərcümə olunan Black Friday bütün dünyada keçirilən alış-veriş festivalına verilən addır. Bu gün Şükranlıq günündən (Thanksgiving Day), yəni noyabrın 4-cü cümə axşamından sonrakı cümə gününə təsadüf edir və Milad alış-veriş mövsümünün ilk günü hesab olunu. Black Friday bu il noyabrın 26-na, cümə gününə təsadüf edir. İlin ən böyük satış dövrü olan Black Friday endirimləri normalda 24 saat davam edir. Lakin artan tələbat səbəbindən endirimlər 3-4 gün davam edə, hətta 10 gün öncədən başladıla bilər. Nə üçün bir çox insanın alış-veriş etdiyi bu günə Qara Cümə deyilir? Bu sualın dəqiq bir cavabı yoxdur, amma bir sıra iddialar var. İlk ehtimal budur ki, 1869-cu il sentyabrın 24-də Wallstreet-də işləyən iki iş adamı, Cey Qould və Cim Fisk “birja krizi” yaratmışdı. İki dost birjada dəyəri artırmaq üçün ABŞ-dan bacardıqları qədər qızıl alaraq birjada çaxnaşma dalğası yaratdılar. Bu dəyişiklik bir anda bir çox ABŞ vətəndaşına ziyan vurdu. Media ölkədəki vəziyyəti ümumiləşdirmək üçün “Black Friday” ifadəsindən istifadə etdi.

Başqa bir iddia 1800-cü illərin sonlarına doğru mağazaların Şükran günündən bir gün sonra endirimlər təklif etməsiylə bağlıdır. Zamanla bu endirimlər hər il sistemli şəkildə həyata keçirilməyə başlayıb və beləliklə, 1920-ci illərdə bu ənənəvi hal almağa başlayıb. 1961-ci ildəki Şükran günü sonrası endirim vaxtı bir çox xoşagəlməz hadisə baş verib: alış-verişin çoxluğu, yol qəzaları və insanlar arasında yaşanan zorakılıq halları və s. Bundan sonra Şükran Günü sonrası satışlara Black Friday adı verilib və polis də bu addan şəhərin mərkəzində, alış-veriş məkanlarında piyadaların və avtomobillərin hərəkətini təsvir etmək üçün istifadə edib.

1950-ci illərdə insanlar xəstə olduqlarını bəhanə edərək Şükran Günündən sonrakı gün istirahətlərini uzatmaq üçün istirahət etməyə başladılar. Mağazaların açıq olduğunu bilən insanlar artıq təlaşla alış-verişə başlamışdılar. Şirkətlər kimin həqiqətən də xəstə olduğunu müəyyən etmək əvəzinə həmin günü ödənişli məzuniyyət elan etdilər. Beləliklə, Qara Cümə tarixi adını almadan çox əvvəl məşğul alış-veriş günü idi. Geyimə, texnoloji məhsullara, avtomobillərə, xidmətlərə də tətbiq olunan Black Friday günü mağazalar çox erkən açılır və gec bağlanır. ABŞ-da başlayan və sürətlə Avropaya yayılan Black Friday günü insanlar hətta gecə yarısından etibarən böyük endirimlər üçün mağazaların qapılarında uzun növbələr yaradırlar.

Black Friday alıcılarının ümumi sayı 2017-ci ildə 174,6 milyondan ikən, 2019-cu ildə 189,6 milyona qədər artmışdı. Bununla belə, hazırkı pandemiya səbəbindən onların sayı 186,4 milyona düşüb. Lakin ilk dəfə olaraq onlayn Black Friday alıcılarının sayı 100 milyona çatıb. Bu, ötən illə müqayisədə 8% artım deməkdir.

Black Friday ilə bağlı maraqlı statistika:

• İstehlakçıların 73%-i endirimlərdən və ya mövsüm üçün əldə edə biləcəkləri ən yaxşı təkliflərdən yararlanmaq üçün Black Friday alış-verişi etməyi planlaşdırır. 23%-i isə onlayn alış-verişə nifrət etdiklərinə görə ənənəvi alış-veriş etməyi üstün tutur.

• Black Friday alış-veriş qərarlarına təsir edən amillər arasında pulsuz çatdırılma (49%), promosyonlar/məhdud müddətli satışlar (36%), istifadəsi asan vebsayt/proqram (21%) daxildir.

• Black Friday xüsusi endirimlərində pulunua orta hesabla 37% qənaət edilir.

• Black Friday alıcılarının 50,4%-i qadınlardır.

Cyber Monday (Kiber Bazarertəsi) endirimləri isə Black Friday-in onlayn alternativi olaraq başladılmışdır. Bu gün ilk dəfə 2005-ci ildə təşkil edilib və onu başladan, adlandıran təşkilat Shop.org olmuşdur. Həmin dövrdə onlayn alış-veriş yayılmağa başlamışdı. Xüsusilə bazar ertəsi günlərində artım müşahidə olunurdu və böyük mağazalar yalnız onlayn endirimlər təklif etməyə başladı.Bunu etməkdə əsas məqsədlərdən biri də Black Friday ilə rəqabət aparmaq idi. Bəs sual olunur: əgər məqsəd rəqabət aparmaqdırsa, niyə Cyber Saturday yox, Cyber Monday ? Çünki araşdırmalar nəticəsində insanların daha çox bazar ertəsi günü internetdən alış-veriş etdikləri müəyyən olunmuşdu. Digər bir tərəfdən həmin vaxtlarda heç də hər kəsin evində sürətli internet əlaqəsi yox idi – bu da insanların alışverişi bazar ertəsi etməyinin ən əsas səbəbi idi. Çünki, onlar sürətli internetlə alış-verişlərini internetdə etməyə üstünlük verirdilər.Buna görə də bazar ertəsi onlayn mağazalar üçün ən ideal gün olmağa başladı. İnternet alış-veriş statistikasını izləyən Adobe Digital Insights-a görə, 2009-cu ildə Cyber Monday-də əldə olunan qazanc 2018-ci ildə artıq 8 qatına çıxmışdı. 2010-cu ildə ilk dəfə olaraq 1 milyard dolları keçərək 1 milyard 38 milyon dollar qazanc əldə edilmişdi. 2011-ci ildə rəqəmlər artmağa davam edərək 1,3 milyard dollara çatdı. 2012-ci ildə əldə edilən 1,5 milyard dolların 12,9 faizini mobil cihazlar vasitəsilə edilən alışlar təşkil edirdi.

2013-cü ildə Cyber Monday xərcləri 20 faiz artaraq 2,29 milyard dollara çatdı və Black Friday çərçivəsində edilən alışlarda azalma müşahidə edildi. 2015-ci ildə xərclərin ümumi həcmi 3,04 milyard dollara çatıb. 2016-cı ildə 5,6 milyard, 2017-ci ildə isə 6,59 milyard dollar xərclənib. 2018-ci il ən yüksək xərcləmə rekordu qırdı. 2020-ci ildə Cyber Monday onlayn alış-veriş üçün ən əlamətdar gün oldu, çünki o, rəqəmsal gəlir üzrə bütün zamanların rekordunu qıraraq 10,8 milyard dollara çatdı. Bu, bütün zamanların ən böyük e-ticarət satış günü olaraq tarixə keçdi. Əlbəttə ki, bunda dünyanı sarsan pandemiyanın və onun gətirdiyi bir sıra məcburiyyətlərin rolu böyük oldu.

Bəs bu iki fərqli endirim günlərinin arasındakı fərqlər nələrdir? Ən böyük fərq odur ki, Black Friday pərakəndə satış məntiqini və Cyber Monday isə onlayn satış məntiqi əsasında yaranmışdır. Başqa sözlə desək, Cyber Monday başladığı illərdə insanlar cümə günləri mağazalarda, bazar ertəsi isə kompüter başında alışveriş edirdilər. İndi onlayn satışlar ən az Cyber Monday qədər Black Friday günü də edilir. Minlərlə insan mağazaların qapısında gözləməyə davam etsə də, Black Friday onlayn ticarətin ən böyük paydaşlarından birinə çevrildiyini danmamalıyıq.

Hansı günün endirimləri daha yaxşıdır ? Black Friday endirimlərini nəzərdən keçirsək, Cyber Monday ilə müqayisədə daha yüksək tariflər təklif edir. Çünki mağazalar hətta insanları qapıdan keçirtmək bahasına bəzi məhsullara zərər vurma riskini də alırlar. Bütün bunlar bir satış strategiyasıdır. Digər tərəfdən, insanların Cyber Monday endirimlərindən yararlanmaq üçün növbə gözləmək və ya insanlarla dava etmək məcburiyyətində qalmaması qiymətlərin artmasına səbəb olur. Çünki satıcılar bir neçə düyməni basmaqla mağazaya getmək arasındakı fərqi bilirlər.

Maraqlı bir nüans isə bu endirim günlərinə sosial medianın təsiridir. Sosial şəbəkə istifadəçilərin sayı hər il artır və onların üçdə biri sevimli mağazalarının Facebook, Instagram səhifələrini və endirim kampaniyalarını izləyir. İki dəfə çox istifadəçi məhsul almadan əvvəl rəylərə baxdıqlarını bildirib. Mağazalar da istehlakçıların sosial mediadan istifadə vərdişlərinə əsaslanaraq sosial mediada məhsul və kampaniyaları tanıdır. Bu mağazaların yarıdan çoxu öz internet saytlarını mobil istifadə üçün optimallaşdırır, hətta satıcıların 20%-i də planşet istifadəsi üçün veb-saytlarını optimallaşdırır. Onların bir çoxu reklam lövhələrində və jurnallarda məhsulun sosial mediadakı satış səhifələrini də vurğulayır

İndi isə keçək əsas mövzuya: Black Friday və Cyber Monday günlərində satışları təbii şəkildə necə artıra bilərik ? Əgər satışlarınızı onlayn formada edirsinizsə, izləməli olduğunuz məsləhətlər:

  • Məhsullarınızı optimallaşdırın.
  • Lazımi məhsullara düzgün endirimləri tətbiq edin – saytda bütün məhsulların endirimdə olması heç də inandırıcı görsənməyəcək.
  • Ödəniş formanızı ən rahat formada təşkil edin – əgər ödəniş bölməsi qəliz olarsa, alıcı həvəsdən düşə, saytınızı tərk edə bilər.
  • Saytınıza trafik çəkmək üçün sosial medianın gücündən istifadə edin – əvvəlcədən endirim kampaniyaları barədə elan verin. Yaxud sosial şəbəkələrdən gələn izləyicilərə xüsusi endirim tətbiq edin.
  • Yüksək keyfiyyətli e-poçt marketinq kampaniyaları yaradın– vizual cəhətdən diqqət cəlb edən e-poçt məktubları daha uğurlu qəbul edilir.
  • Veb-saytınızdakı şəkilləri çeşidləyin.
  • Çatdırılma xərclərini düzgün planlayın.
  • Müştəri xidməti ən üst səviyyədə təmin edin – endirim günlərindən sonra belə bu sizin üçün avantaja çevriləcək.
  • Veb saytınızı müxtəlif brauzerlərdə sınayın – işlək vəziyyətdə olmasına, həmçinin istifadəçi rahatlığına diqqət yetirin.

İstər onlayn, istər ənənəvi satışlarınızı artırmaq üçün etməli olduğunuz ilk şey düzgün planlamadır. Məhsullarınızı və büdcənizi planlı şəkildə satış strategiyanıza uyğunlaşdırmalısınız. Edəcəyiniz kampaniyalar və endirimlər üçün nə cür büdcəniz olduğunu və bu büdcə ilə məhsullarınızı necə qiymətləndirə biləcəyinizi strateji olaraq planlaşdırmaq bu endirim günlərindən faydalanmağınızı təmin edəcək. Black Friday və Cyber Monday satışlarınıza hazırlaşarkən strateji addımlar atmalısınız; hansı mövsümdə olduğunuzu və hansı məhsulların hansı bölgədə daha çox sevildiyini müəyyən etməli və əlinizdə olan məhsul/xidməti buna uyğun təşkil etməlisiniz. Xüsusilə sosial media məzmunu vasitəsilə reklamlarınızı “engagement”-ə uyğun gün və saatlarda yerləşdirərək daha təsirli etməlisiniz. Əsasən onlayn alış-verişdə aktual olduğu bu dövrdə internet saytınızın təhlükəsiz olması sizin üçün böyük əhəmiyyət kəsb edir. Veb saytınızın trafikinin artacağı bu günlərdə hər hansı problemlə qarşılaşmamağınız və satışlarınızın kəsilməməsi üçün endirim günlərindən əvvəl texniki tədbirləri görməlisiniz. Satışlarınızda rol oynayan hər bir komanda üzvü bu gərgin prosesə hazır olmalıdır.

Black Friday və Cyber Monday çərçivəsində edəcəyiniz endirim və kampaniyalarla bağlı diqqət yetirilməli olan digər bir məsələ də endirimlərinizin etibarlılığıdır. Bir araşdırmaya görə, məhsulların 85%-i Black Friday günündən əvvəl eyni və ya daha ucuz, Black Friday-dən sonra məhsulların yalnız 1%-i ucuz qiymətə olur. Ona görə də təklif etdiyiniz endirimlər və kampaniyalar real və etibarlı olmalıdır. Bu gərgin dövrdə satışlarınızı artırmaq vacib olsa da, uzun müddətdə müştəri məmnuniyyətini qorumaq sizin üçün daha vacibdir. İnsanlar alış-veriş etməyə istəklidirlər, lakin əmin olun ki, onlar saxta vəd və təkliflərin də fərqindədirlər.

Marketinq və reklam prosesinizə başlamazdan əvvəl istehlakçı auditoriyanızı kateqoriyalara ayırmalısınız. Qeydiyyatdan keçmiş müştərilərinizə göndərdiyiniz elektron məktublarla özünüzə daha yaxın auditoriya yarada bilərsiniz. Keçmiş müştərilərinizə gəldikdə isə, onların əvvəlki seçimlərinə, yaş qruplarına və bölgələrinə uyğun plan qurmalı və kontentinizi buna uyğun formalaşdırmalısınız. Beləliklə, müştərilərinizi tam olaraq axtardıqları məhsullarla qarşılaya, fərdiləşdirilmiş kampaniyalar təklif edərək onların alış-veriş ehtimalını artıra bilərsiniz. E-poçt məktubu göndərərkən diqqət cəlb edən bir başlıq alıcıya endirim və ya kampaniyanın qısamüddətli olduğunu və bunun qaçırılmamalı bir fürsət olduğunu hiss etdirmək üçün təsirli bir üsul olacaq. Statistikaya görə, e-poçt marketinqinə xərclədiyiniz hər 1 dolları 42 dollar olaraq geri qaytara bilərsiniz. Bu o deməkdir ki, mövcud müştərilərinizi əldə saxlamaq yeni müştərilər əldə etmək qədər vacibdir.

Black Friday və Cyber Monday münasibətilə endirim edənlərdən biri də bizik:

Webcoder olaraq BÜTÜN xidmətlərimizə 20% endirim tətbiq edirik. Xidmətlərimizə daxildir:

• Saytların hazırlanması (Unikal dizayn, Front-end proqramlaşdırma, Back-End proqramlaşdırma, Kontentin yazılması)

• SEO Xidməti (SEO aylıq hesabatı, Açar sözlər, SEO kopiraytinq, Texniki optimallaşdırma, Mobil sayt optimallaşdırılması)

• Mobil Tətbiq (iOS, Android, Windows, Blackberry)

• Brendinq (Loqo dizaynı, Dizayn işləri, Korporativ stil)

• SMM Xidmətləri (Qurulması və optimallaşdırılması, Orijinal sosial şəbəkə postları

• Neyminq (Ad vermə, Sloqanın təyini)

Comments are closed, but trackbacks and pingbacks are open.